Luray puk (caverns):
Kan chenna piah lawk mah nise, kalna hun kan nei thei lo. Kum 2001 a ka kal bak kha chak viau mah ila ka kal leh ta reng reng lo. Mizo Day, 2012 mikhualte zarah hun kan insiam thei hlauh mai a, a lawmawm hle.
United States ah hian puk lian leh zau leh thuk tak tak a tam hle. August 13, 1878 ah chuan Luray khua, Virginia chhehvel ami te 5 chuan puk an hmuchhuak a, an tihpalh thil a ni mah awm e. Andrew J. Campbell leh midang 4 te chuan, an kiang mai a chinai lung lo so chhuak leh lei tlahniam (sink hole) a ṭanga thlifim lo thaw heuh heuh mai chuan, mihring luh theihna tiat a laih zau a ti phur hle mai a, an lai ta ngat ngat mai a ni.
Darkar 4 zet an cho hnu chuan an zing a te ber pahnih, Andrew leh Quint te lengin an lai pawp ta a, an khai lut ta a. Puk zau (cavern) tak maiah chuan an inkhai lut ta nul nul mai a, chumi chhung a lungding (column) luah an hmuh hmasak ber chu US president hmasa ber hming chawiin, Washington column tih an phuah nghal a ni.
A chhungah chuan Native American hmeichhe naupang ruh te an hmu a, an rindanin an phumna chim emaw, a lut a, a chhuak leh thei lo emaw a nih an ring. Chulai piah maiah chuan lungzum kar velah ruh them an hmuh nual a vangin Skeleton’s Gorge an phuah bawk a. Puk chhung hi stalactite leh stalagmite-in a khat tiar tuar mai a ni.
Stalactite hi puk chunglam a ṭanga zum ver vur awm hi a ni a, stalagmite chu puk chhuat a ṭanga chho zawng a ṭo fer fur te hi an ni a, pawn lam ruahsur-in kum rei tak chinai lung a ṭanga calcium carbonate a lo farthlak tirin a siam an ni. Hetiang stalactite leh stalagmite inchi chanve lek ṭhang tur hian kum 100 zel a ngaih vangin hetiang puk hi an humhalh nasa em em bawk. Puk chhungah chuan a khat tawkin, “khawih suh” tih hi a lemin an tar phiuh pheuh a, a ram neitu ten an zir bawk a nia’ng, tun thlengin an la ṭhang thei zel a ni. Mihring kutin a khawih chuan an ṭhan a tawp nghal ani awm e. Kan kal ni pawh hian Vai leh Asian tourist te khak zeuh zeuh an ngai, tumah kan inkhak hreh lo va, tuman huat enah pawh an en lem hek lo.
He puk, Luray Cavern’s larna ber pakhat chu a chhungah stalactite hmang a organ an siam Great stalicpipe organ chu a ni maithei. Puk chhung a uai fer fur te chu an kawrawngin ri a siamthei tih hriain Springfield, Virginia a rimawi thiam, Leland W. Sprinkle chuan electric hrui thlung diah duahin pipe organ ri mawi dangdai zet mai a siam ta a, tuak tam tak ten inneih na hmun a tan an hmang tawh nghe nghe a ni. https://en.wikipedia.org/wiki/The_Great_Stalacpipe_Organ
A chhungah hian thlifim dai nuam tak a thaw hiuh heuh reng a, a thawven thlak khawp mai. Nilo sela chuan, naupang leh hrisel lo tan a thawipik thlak ve thei khawp ang le!
A lem chhete te a ka lak ve hmangin puk chhung i fang ang aw:
Dream lake, a hnuailam a lemte hi a chunglam hlimthla vek an ni:
Hemi lai bawr ringawt pawh hi dar zau heih heih tak a ni:
Pipe organ ri siamna:
Stalactite leh stalagmite inzawm tawh Double column an tih, feet 47 lai a sang a ni:
Oyster a ang viau a ni:
Wishing well. Kum 1 danah an la chhuak ṭhin a, $20,000 te a tling thei a, chungte chu mi harsa te tan pek chhuah a ni ṭhin:
Kan kal hma a kan lut vat mai. Kan chhuah leh meuh chuan km 1 vel chu an lo intlar hman tawh a ni:
Haw a hun e:
The Caverns are situated in the Shenandoah Valley just to the east of the Allegheny Range of the Appalachian Mountains in Luray, Virginia. The Valley extends from the Blue Ridge in the north to the south end of Massanutten Mountain. Cave Hill, 927 feet (283 m) above sea level, had long been an object of local interest on account of its pits and oval hollows or sinkholes (known as karst) through one of which the discoverers of Luray Caverns entered.
Luray Caverns does not date beyond the Tertiary period, though carved from the Silurian limestone. At some period, niches and already formed chambers were completely filled with water, highly charged with acid, which then slowly began to eat away at much of the softer material composing much of the walls, ceilings and floors. One particular area that shows this high level of water is Elfin Ramble where water marks of oscillation are highly visible on the ceiling.
The temperature inside the caverns is uniformly 54 °F (12 °C),[2] comparable to that of Mammoth Cave in Kentucky.
https://en.wikipedia.org/wiki/Luray_Caverns
Thubelh: Khawih suh tih chu an khawih lo va, midang pawh an khak hreh hek lo. Tichuan kum 100 hnu feah pawh tihian mite tlawh tlakin ala awm thei reng a ni.
Similar Posts:
- Thluak chhaih !!
- Some more funny answer papers
- Technology column
- Arrest for Counterfeits Bags, Jewelry
- Misual dot com emaw ka tia!
September 5th, 2012 at 1:36 pm
A van nalh hlawm ve… I la thiam mang e
Report this comment
September 5th, 2012 at 1:45 pm
Fangfar chu fangfar chuh…! Kan pi leh puten an va hlau dawn êm…!
Report this comment
September 5th, 2012 at 2:30 pm
Report this comment
September 5th, 2012 at 2:31 pm
banner thar fak pahin fone atangin ka lo OT leh zuai..haha..
Report this comment
September 5th, 2012 at 2:50 pm
Hmuh a va nuam em. A hmuna kalve ang mai kan ni e.
Report this comment
September 5th, 2012 at 3:01 pm
Ka kal peih lohna chi tak ani! Hmuhnawm viau mahse hetiang awm run ve ringawt, che thei si lo..entirnan taj mahal te pawh..ka en peih lo ve hrim hrim! zoo te, tui luang dem dem te..hetiang hi ka hmuh duh zawng ni ve tlat! Nghakuai chiah ani ka chak..
Report this comment
September 5th, 2012 at 3:20 pm
Ka kal ve chak hle mai. Mit a tlai e..
Report this comment
September 5th, 2012 at 3:20 pm
lrp, Taj Mahal nen tehkhin chi a ni lo. A hmun kal la chuan (tui lo bui bui tak pawhin) “WOW” i tih rilruk tal ka ring.
Hei hi han click hawng ringawt chhin teh:
https://www.luraycaverns.com/
Report this comment
September 5th, 2012 at 3:22 pm
Thlalakte khi click len theih vek an ni e
hairehai
Report this comment
September 5th, 2012 at 3:26 pm
Pu Hv..nia..wow chu ka ti hrim hrim ang! :)..hitiang lo uaithla fur khi engemaw ni le..eng salt emaw chu ani mai thei..sodium carbonate?..ka hre lo tawp..a hnuai a kal laiin a bung thut anga..haha..
Report this comment
September 5th, 2012 at 3:39 pm
Khitiang uai fer fur khi (a hnawm/huh chip chep chuan) an la ṭhang mek zel a. Mihring kut al (salty) in a khawih chuan a ṭhan a tawp hmak thei. Vai ho an tam si, computer thiam hmel pui pui kha…khawih an tum du du fo mai a, khak an tawk fak fak reng mai, kei pawhin ka khak, ka fanu Janis pawhin Korean pa pakhat a khap… “please do not touch,” a tih ve hram kha
Report this comment
September 5th, 2012 at 3:49 pm
lrp #10, chinai lung!(lime stone) kha pawn lam a ruah sur khan tlem tlemin a luan luh pui a ( a ti ral) zel a. Chutiang muang chang a hnawm chip chep emaw, far kiuh keuh te chuan kum rei tak a nih hnuah tikhian a chhuah a nih hmel e.
A hnuai a link 2 hi lo chhiar ta che ( a sei lo)
https://www.luraycaverns.com/Ed.....fault.aspx
https://www.luraycaverns.com/Di.....fault.aspx
Report this comment
September 5th, 2012 at 4:01 pm
wow!!!lolz
Report this comment
September 5th, 2012 at 4:09 pm
Thlalak te khi han click lian keuh ula en a hahdam zawk ka ring.
Report this comment
September 5th, 2012 at 4:58 pm
van mak em em, 3-na khi octopus te pawh a ang deuh roh
Report this comment
September 5th, 2012 at 5:35 pm
Pui rem rem ve le,mit a tlai e.
tren tren
Report this comment
September 5th, 2012 at 5:45 pm
Chhuakling #16 pui tak a ni. Misual Bawmranga te pafa lo zin zarah kalna hun kan insiam thei hram a ni ber e.
Report this comment
September 5th, 2012 at 6:09 pm
Fangfar hre lo te pawh kan lo la awm a ni maw…?
Report this comment
September 5th, 2012 at 6:21 pm
ɪ̣uɪ̣pnoɥ #18 ka hre miah lo. Stalactite sawina em ni, nge stalagmite zawk?
Report this comment
September 5th, 2012 at 6:23 pm
Wow!! Va pui rem rem em! Siam chawp ang mai hian a nalh in a mak.
Report this comment
September 5th, 2012 at 6:28 pm
Ha ha ha #19 H. Vangnchhia, stalactite hi fángfar chu a ni e. Mahsé chinai lam chi (Ca(OH)₂ leh CaCO₃) ve ve an ni a, an awm dun tlangpui bawk. Chuvangin stalactite leh stalagmite hi fangfar ti vekin an sawi ṭhin.
Kan pi leh pute khan lei ruang tuam an hlau ang bawk khan fángfar hi an hlau hlë.
Tin, lei ruang tuam hi Uranium zungzám chhuah (radioactive) awmna a nih duh hmèl viau bawk. (hei chu rinthu deuh)
Report this comment
September 5th, 2012 at 6:30 pm
ɪ̣uɪ̣pnoɥ #21 a bengvar thlak e, ka vawikhat hriatna a ni. Ka lawm bawn theng hairehai
Stalagmite hi a far ve si lo va, fangtung kan ti mai dawn em ni?
Report this comment
September 5th, 2012 at 6:33 pm
sheldon#20 i click lian em milem te khi?
Misual ho han awm ula kan kal tlang thei tur ania le. Aw, remchang awmse theih ang a tam Mizo te hian chinchang/mi ram cc hriat nan leh hawizau nan hrim hrim pawh lo kal ṭeuh thei sela ka va’n ti ṭhin tak em!
Report this comment
September 5th, 2012 at 6:35 pm
Tom Sawyer thawnthute min tihrechhuak daih mai. A bengvarthlakin mit a tlai e
Report this comment
September 5th, 2012 at 6:58 pm
thir phek in ken a, a zum tha tha saw han vai chhum hmawk hmawkss va chak awm ve
Report this comment
September 5th, 2012 at 8:04 pm
drake, lei chawi nghek bakah lungin tan chhung a rei dawn em mai, tih chi hauh lo vang hairehai
Report this comment
September 5th, 2012 at 8:07 pm
Eheu…Hollywood awmloh na lampang East Coast mah hetiang anih chuan West Coast chu a turu rem rem ang chu awww….Luray pawh a hawrawp dawt chiah hmangin Muray an ti bawk anga
Report this comment
September 5th, 2012 at 8:11 pm
ulawng, Theng khiu
A lung inrem dan, puk chhung awm dan khi an la sawisel thei tho lo vang maw?
(pil daih)
Report this comment
September 5th, 2012 at 8:18 pm
Chhangte_ll #27 Murray* tih i sawi tumna nge ka hre law.. hairehai (sawi mai mai). Ti daih ila ‘Murray’ tih hi kan naupan lai khan Murei angin kan lam mai thin a ie:Anne Murray, a lo ni awkhawzawng lo mai a, ngaihtuah kirin nuih ruk vur vur a awl phian. Mizoram a Murray-a thlah kalzelte pawh hian ‘Murei’ tiin an mahni pawhin an lamin ka hria hairehai
Murray is pronounced Mari or mahree (rang deuh fatin).
Report this comment
September 5th, 2012 at 8:24 pm
Pu Hv, click lian chiang e. He puk thlalak hi US a Mizo rawn kal te’n an tlawh thlalak ka hmu tawh a, mahse tiang hian a chiang ve lem lova. A bawn khawp mai, mi ram hi zawng.
Report this comment
September 5th, 2012 at 8:26 pm
Scottish ah chuan Pawnfen feng lo awmchhun anni lovang maw kan Murray…Moo-rei…ehh..Mari ho hi
Report this comment
September 5th, 2012 at 8:31 pm
Dan (law) an neih angin puk chhung a mi hrim hrim tih chhiat chu kum 1 lungin tan theihna a nih bakah, $25,000 thleng lei chawi theihna a ni. Dan hi khawi hmunah pawh an kengkawh ṭha hle ṭhin, dan chung leh hnuai a leng an awm lo.
Chuvangin, ‘fangfar’ (stalactite leh stalagmite) te khawih chuan an ṭhan a tawp a vangin hmabak chu a ko khawp ang le! Dan a khauh a, dan an kenkawh ṭhat bawk hi an natural wonders te humhalhna ṭha tak niin ka hria. Mizoramah pawh chin ve tlak tak anih ka ring.
Report this comment
September 5th, 2012 at 9:29 pm
A chhung chu a van den hmel rem rem ve
Report this comment
September 5th, 2012 at 10:04 pm
chhangteval, hlauhawm lo ve, ka fanu pawhin nuam a ti khawp asin:
https://i47.tinypic.com/20gxq8n.jpg
Ka hreawm tih ber zawk chu (hemi puk cc ah chuan), a hmuchhuaktu ten an chhar, hmeichhe naupang ruhro kha a ni. Native American naupang ruh ngei niin an hria a, a awm chhan rinthu chi 2 emaw a awm. Pakhat zawk chu, an phumna lei a chim lut a nih an ring a, a dang leh chu kua a hmuhah a lut ang a, thimtham kar ah a bo ang a chhuahlehna hre lo vin a thi ta anih an ring bawk. A pahnihna zawk hi kan ngaihtuah let a, a lainatawm tawp.
Report this comment
September 6th, 2012 at 12:04 am
Kan ram chu nise a chhuat ah granite an phah anga,a bal teuh tawh anga hming chi hrang hrang a chuang teuh tawh maithei ani. (ngaihtuah zui ah)
Report this comment
September 6th, 2012 at 12:11 am
Ekhai…! thianpa, ka rawn zin hunah min tlawhpui ngei tur no 1-ah ka thlang e. Thlalak i paws reng² a chanchin i sawi chipchiar thlap thei zel hi a hlu ka ti. Chuan, Thu belh khi ka duh hle bawk!
Report this comment
September 6th, 2012 at 12:16 am
kawlhawk #36 Ilo kal hunah, ka dam phawt chuan (ka dam lo der lo vang ka thih loh chuan
) kan kal ngei dawn nia… hmun dangah pawh 
Report this comment
September 6th, 2012 at 12:26 am
Lolzzz #37, I lo haw khan dam lo der i tawng elo maw…?
hahaaaa
Report this comment
September 6th, 2012 at 2:45 am
kawlhawk #38 tawng em em lem lo ve hairehai
Report this comment