By R.L.Thianghlima, Darlawn.
Thangkhat lian zet a lo ni ta reng mai. Kum 1969 November ni 1 chawhnu her lamah chuan Tlangau a lo au va, Hrangkhawl ram leirihkawn tlangah Sanghal hual tur a ni a, a thei tawh phawt chu kal vek tur a rawn ti a. A pui a nawiin kan liam zut zut mai a.
Leirihkawn tlang vah loh tin khat hmun vel turah chuan Nghalrual an lo awm khawm a. Zankhua in kan hual a, in lam atangin ei tur inpe kan in dawt zut mai bawk a, kan au va, mau kan vaw ri a, hmuntinah meipui kan chhep hluah hluah mai bawk a.
Naupang deuhte chu an lo muthlu leh ang bawk bawk thin a. Val upa te’n muthlu an awm leh awm loh an fang kual leh reng mai a. Enge maw chang chuan Sanghal tlanchhuak an awm leh zauh bawk thin.
Zing khua a lo var a, a thenin Sanghal hual luhna tur nikang lam, mualte zing zum chu thlawhbaw hnim chu sepui tiat tiatin an tel tup tup a, chu chuan an hung a, chhak lam chu hual luhna turin an zuah awl a.
Chhun dar 12 velah hung zawh a ni a ni ta a. Chutah le, tlangvalte chuan an han um chhuak ta a. Hual luhna tur kawngka leh lam leh lam kawngpheiah chuan mipui kan ding tawn hmur mai a.
Sanghal chuan kawng an rawn kan thla zut zut mai a, an lut zo ta maw tih ah chuan an luhna hnawh tur chuan thlawhbaw hnim chu sepui tiat tiatin an zial thla leh tup tup mai a.
An hnawh phui hnu chuan an hungna tlangah chuan an chang kual vek a. Silai hman phal a ni lova, fei leh chem chauh hman phal a ni a. Fei pawh khawh awih a ni lova, a chuna chhun tur a ni. (N.B: In hliam palh a hlauhawm vang ani mahna)
Tichuan Sanghal awmna thlawhbua chu tlangval te chuan an zuk vat ta a le, mipui chuan kan thlir thup mai a. A lan theihna thingkungte chu pangang hnah tlan ang mai hian mihring hlirin a khah hian a khat tlat mai a. Sanghal hlau mangang tlan kual vel chuan vahchap chu an phur kang zut zut mai bawk a. A hmuhnawm the a sin aw….!
Darlawn tlangval chak Tlangthankhuma, Mizoram chak lo ni tawh Lianhluma nau te chuan vahchapa sanghal tlan lai mawngtam an han sat var hluai mai thinte chu a hmuhnawmin mit a tlai hle mai. Ratu tlangval Zoramthangate thian dun an tel ve a, khukri an keng a. Sanghal dai rawn hrutte chu an lo sat var leh hluai mai thin a, nuam an ti ve hle mai.
Tlai dar 3 velah chuan an ti hlum zo ta a, tlanchhuak tawk awm leh zauh thin mahse, sum 3-6 in kar sanghal 36 lai mai tumah inti hliam awm lova kan ti hlum thei kha a vanneihthlak hle a ni.
In lamah kan in zawn haw ta a, kawtchhuahah hming an lo ziak zel a, Lal-mual lamah dahkhawm a ni phawt a, zanriah eikhamin chhim veng helipad lamah zawn chho lehin, a zan a zanin chan nghal a ni a, tumah in ti vui vai awm miah lova kan insem tlang thei kha tun hnu a ka ngaihtuah let hian mak ka ti viau mai.
Hemi tuk hian khawtlangin sanghal sa kan hmeh vek a, a nuam danglam khawp mai. Hetiang zat lai mai tum khata sanghal ti hlum khua awm ve tak maw ?
[Source : MUP Tlangau August 2012, Pics : Google ]
Similar Posts:
- Rih Dil -Thlafam leng kaina…
- The Butt Sniff!
- Hnim leh misual
- THANG PART-II
- Aizawl Venglai tlangval duat rawn Ramhlun South ah a tualthi
September 6th, 2012 at 12:08 pm
Pui rem rem h1e mai a!.
Report this comment
September 6th, 2012 at 12:10 pm
Sanghal rual khiti zat an tihlum chunga inhliam an awm miah lo chu an vannei hle tak mai.
Report this comment
September 6th, 2012 at 12:12 pm
Va ngaihnawm reuh e
Tel ve ka chakna chi!..Kan kohhran upa in a sawi ka hre tawh, an khua kha ka theihnghilh daih a, sanghal 60 vel an that tih a sawi, hetiang sitail tho hian..
Report this comment
September 6th, 2012 at 12:12 pm
Sanghal in buh hmun an han suasam hi chu a thinrim thlak khawp in ka hre ve. An in thlahpung chak bawk a, Sakhi nen hian, tunlaia kan ramsa la kawl chinah chuan an la thahnem ber chu annih hi a…
Report this comment
September 6th, 2012 at 12:18 pm
sathlum nghal ni si lo a lo sah var hluai ringawt ni ta se, an va han khawngaihthlak zawk si ve aw…
Report this comment
September 6th, 2012 at 12:39 pm
Ngaihnawm hle mai. Sanghal hi an ngeiawm ve reng reng, buh hi an ei mai bakah buchheh nan an hmang kher hi an chimawm.
Report this comment
September 6th, 2012 at 12:47 pm
Kum 1995 khan, Sanghal rual, Liankila thlah an tih ngei maiin, phur 20-30 dawn buh seng theihna tur, zankhat thil thua kan buhhmun an han suasam mai chu(h), rilru a na duh teh e. Khami kum khan phur 100 ngei kan neih kan inring a. Sanghal rual zankhat chimawm avangin phur 75 chiah kan thar…
Sanghal, Liankila thlah, an tih te hian, buhhmuna bu/buk an siam hian, zopa ina liang nei ang tak hian, bu/buk an khuar ve tlat nia. Sawi zua thei kan awm em aw? Kan buhhmuna an bu chheh hi chu ka hmu ve ngei mai.
Sanghal tuang chhah han peh lawr lawrh mai kha chu, a tui thin teh e. Chil a puuuut..
Report this comment
September 6th, 2012 at 1:02 pm
Ka lo va hre ngai lo ve!
Report this comment
September 6th, 2012 at 1:03 pm
A ngaihnawm rem rem hle mai.
Sa hualnaah hian ka la tel ve miah lo, mahse, an hual lai chu ka hmu tawh.
tren tren
Report this comment
September 6th, 2012 at 1:06 pm
Liankila thlah hi an ti fova a mak ve tlat, an fin bik danah hian tak tak te pawh a ang ve riau.
Report this comment
September 6th, 2012 at 1:14 pm
@ Ruata Pachuau.. Chu chu alawm. An hmel leh pianphung a dang nge chu ka hre law, mahse buk/bu an chheh dan erawh a dang ve tlat si…
Lo sawi takah chuan, kum 1995 kuma lo vah kan zawh niin, mualte awm hrang pakhat chu tuk-lukhuh-in an vat teh reng alawm le. Lovah pangngai pawh a thawm a nat nak alaiin, tuk-lukhuh zet zawng a thawm a na teh e. Thing leh mau in bawh, mau tliak leh auh ri te. Chumi karah chuan talngval chak leh huaisen deuhin mau la tlu lo an han fik hmawk hmawk a. A ri rum rum mai a ni. Naupang mai kan la ni bawk a. Ralkhat atangin ka thlir ringawt.
Report this comment
September 6th, 2012 at 1:19 pm
Chil in ti put mange.
Report this comment
September 6th, 2012 at 1:43 pm
Ka la tawn hriat loh lam a ni nain a ngaihnawm e.
Report this comment
September 6th, 2012 at 1:58 pm
Tun hun atan chuan heng chanchinte hian thawnthu mai an chang zo ta chu a ni a. A hun lai chuan nuam thei hep hep ngawt ang. Sangha tlang vuakte pawh hi…
Report this comment
September 6th, 2012 at 1:58 pm
tel ve i la chuan a lo thlir pawl ka nih ka in ring..
ka sah ve ngam ka ring mang lo ka tii..
ngaihnawm e..
Report this comment
September 6th, 2012 at 1:59 pm
Tun hun atan chuan heng chanchinte hian thawnthu mai an chang zo ta chu a ni a. A hun lai chuan nuam thei hep hep ngawt ang. Sangha tlang vuakte pawh hi…
Report this comment
September 6th, 2012 at 2:11 pm
Pui miah miah ve
Report this comment
September 6th, 2012 at 2:11 pm
Ngawidawh te kha chu ka hre ve hman. Inrin ni tlaiah De lui sangha lian pui pui an rawn hawn a. Ngawipuin in tin tan a inzat thlapin a sem thin. Thaichhawninu sa kha a tui teh e.
Report this comment
September 6th, 2012 at 2:42 pm
Sanghal nge Nghalrual?
Report this comment
September 6th, 2012 at 2:43 pm
@Ku_Shai : Vawikhat sahna a han sah hlum mai chu a har ngawt ang……! Sanghal hi an ngho an hmang thiam nasa si a, a chal ni lo pawn an hliam thinrim chuan mihring an hlau bik lo!!! Fei a khawh pawh hi khawh sual a hlauhawm avangin an khap aniang.
Vawk sum 5 chuang zet mai tuboh-in an hlap sual a, a kawlh tawh si a. Vawkin chung a hniam si nen kan inhnawn kan inhnawn mai maw le….!!
Hual huaina nen chuan a nuam ngawt ang, mahse ka favourite sport chu a ni miah lo…
@mahming : Ngawidawh chu hei ka rawn post dawn…
Report this comment
September 6th, 2012 at 3:05 pm
Nghalrual hniak hi chu ka hmu ve tawh! Chalhfilh tlangah..ramhnuai tak tak a ramvah chu a dawih theih ngei mai. Sanghal sa hi a tui vak pawh ka ring lo, vawksa pangngai a tluk lo tawp ang..a tuangchhah chiah ka la ei..hostel sa ei khat lai ania, tui chu a tui khawp mai!..
Report this comment
September 6th, 2012 at 3:08 pm
Nghalrual ramtla hi ka hmu ve tawh a, an tha a za zak zak khawp mai. Ka nu nau leh kan makpa te hi ft 6 thuaka sang ve ve ramvachal leh sa kap thei deuh mai ve ve an nia, an zarah ramsa chi hrang hrang ka ei tam ve khawp mai a. Sanghal sa tluka tui tih ka nei lo. Mahse Nghalchang a paw rim nam erawh chu ei a har deuh.
Report this comment
September 6th, 2012 at 3:24 pm
A posttu pa pawh hi tui chi! a mam tha zuar a..:) kawlhawk sa hi a tui khawp in ka hria..vawksa emaw te ka ti vel a..
youtube ah hian wild pig/boar vel hunting a awm nual a..ka en peih khawp mai!
bonus comment: banner a lo lang khi a ha-hmai a thlawk chhuak lek lek anih khi!!
Report this comment
September 6th, 2012 at 3:29 pm
@ lushai.. E, ngawidawh chungchang chu ka nghahhlelh zawng tak a ni e. Kan vengah khan veng pali(4) a awm a. Kartin, veng inchhawkin ngawi an en thin a. In tin tan inzat vekin an sem thin..
Sem sem dam dam, ei bil thi thi a tak nunpui lai kha a va ngaihawm mang e !
Nghalchang suahsual laklawh phei hi chu, chimawm ve tak an nia. 1993 ni tain ka hria, kan veng pasaltha rualin nghalchang an kah ngho kha inches 4 a chuang ngei mai.
Report this comment
September 6th, 2012 at 3:30 pm
Report this comment
September 6th, 2012 at 3:53 pm
A ngaihnawm hle mai, thlalak erawh US wild pigs ani thung (sanghal ni lo vin)!
Report this comment
September 6th, 2012 at 4:21 pm
A va ngaihnawm em ve le. Kan misual historian Pu lushai_er a rawn come back leh ta e.
Report this comment
September 6th, 2012 at 4:42 pm
Sanghal ngho hi a hriam em em a, an thah veleh hian chemin an met thin an tih chu….! A nih loh chuan an la in pal hliam thin tih a ni.
A pa an thah te hi a til an hlep nghal a, a paw rim nam nasa tur a veng an tih bawk chu… “Old Jungle Saying” ho hi kan awih emaw chu ??
Report this comment
September 6th, 2012 at 4:48 pm
# 28 ka hriat ve ve tawh a ni. a dik thei ang ka ring. Nghal mal kan chang ve zeuh zeuh tawh a, a rim a na rem rem khawp mai, a ngho lah a tha. Kan thiannu pakhat pa pawh a sanghal kah hliamin a tai hlum.
Report this comment
September 6th, 2012 at 5:10 pm
chem leh fei nena han hel nuai ngawt chu a rapthlakin in tih hliam palh hlauhawm duh viau ang.
Report this comment
September 6th, 2012 at 5:31 pm
Darlawn sawi rik chuan ka lung a leng thei khawp mai, Vavala, Ngurhluna, Pu Darkunga te chhungkua, BThanmawia, Biaktei, Partei, Zamsanga, Rev.Sanglura, U Siama, ka pi (ka pa nu nau) te chhungkua…the list goes on… an ngaihawm ṭhin mang e
Ruang zawn a kan phet buai lai te kha aw…Savawm-in Rev.Sanglura te nen min um ṭum te, Darlawn HS ram a sakhi kan um vak lai te etc etc. Nula vang a tuikhur a min hlap thluk te, ka nula rim haw, kan in kalkawng a kawng tan zawng ngat a tlangval min tihbuai tum an lo mut ngat ṭhinte thleng mai khan a ngaihawm ta vek mai e. hairehai
Tuikhur hlu ah Bawmpek huai hmuh kan tum lai te kha hairehai
Report this comment
September 6th, 2012 at 6:05 pm
khaw duham tak annih chu, a chithlah leh tur te zuah ve deuh tur lawm
Report this comment
September 6th, 2012 at 6:17 pm
drake, Darlawn ho ka ngainat zualna chhan em em chu (Thiante ka ngah chu thuhran nise) ka pa Chawngte a an sawn hnu khan, Chakma kutah Mizo an thi zeuh zeuh va…missionary etc. Khatih lai khan thuthang alo tam khawp mai chu niin. Darlawn lamah pawh ka pa chu Chakma ho vin an kidnap angin alo thang deuh hat ningei tur a ni. Darlawn pa ho chuan ka pa chhanchhuah tumin an inpuahchah hman a ni.
#32 Mihring duham lo kan vang khawp ang.
Report this comment
September 6th, 2012 at 6:32 pm
@HV khaw tin deuh thaw ah hian an lo vawthlu thin che a, kungfut thiam tih an hre lo ni ang a
Report this comment
September 6th, 2012 at 7:10 pm
Han google ve mah te u…..Sap ho pawh hian an lo hual ve nasa thin mai.
Sawi leh sawi hnu sanghal hi an nghalin an chimawm em em a. Zan khatah hian lo mual khat hi rual khat hian an khawih chhe vek thei ! Han taka thosi kara an thawhrimna zankhat thil thu a an zuva vek mai chu khawngaihthlak tak an ni.
Silai hi hawh ka ui viau chungin sanghal chan hunah hi chuan ka hawh tir ui miah lo !!!
Report this comment
September 6th, 2012 at 7:53 pm
Kumin chu dam tea awm chuan pakhat tal kan hawl thlu ve tawh teh ang
Report this comment
September 6th, 2012 at 7:54 pm
US vel ami hi chu Wild hog/wild pig an ni a, tun hma Spanish ho lo ken luh, ram tla ta te an nih hmel. An pung chak lutuk a, wanted dead or alive te pawh an chhuah fo awm e. Southern US lamah phei chuan thlai an tichhe nasa lutuk a, an mangang takzet. Mihring an hlau si lova, an kawlh si, an lian thei si, an buaithlak hle awm e. Tunah hian chak takin east leh northern US lamah an rawn darh zel a, an buaipui hle.
US ami hi chu Mizo ten Sanghal kan tih WILD BOAR tak tak an ni lo.
Report this comment
September 6th, 2012 at 8:35 pm
A hunlai ngaihtuah chuan hlawhtlinna ropui tak anih khi, a nawm hmel hle mai sanghal han sah var hluai vel chu
Report this comment
September 6th, 2012 at 10:47 pm
ka van tel ve chak e.. Khawtlanga han thawh chhuah riap mai chuh..nuam thin ngawt ang. ‘Sem sem dam dam,ei bil thi thi’ tih lai tak hian rilru a khawih khawp mai.
Report this comment
September 7th, 2012 at 11:00 am
A hunlai ngaihtuah chuan a ropui khawp mai
Mahse tunhnu atanga ngaihtuah chuan tha ka ti lo
Report this comment
September 7th, 2012 at 1:07 pm
A ngaihnawm e.
Report this comment