Belhtlak Pathian

September 9th, 2012 6:30 am by Pakak

Kar thum liamta chhung vel khan harsatna chi hrang hrang, taksa lamah, chhungkuaah, eizawna lamah ka tawk mawlh mawlh a. Ka theihna leh huaisenna a sut tlang mai tumin ka bei a, ka felna thatna leh thiamna hmanga vai kian ka tum zawh poh leh a zual-za-pui an sawi ang lek, ka mangan zawh poh leh ka beina sa-in ka tum lah chu a ruh thlawn mai a ni tih reng ka hre si lo. Harsat mangan, buaina tawh laia min puih chak a ka koh hun nghaka inring renga lo awm ka LALPA auh na chang reng reng lah chu zuk hre der lo a, (ka hre lo tak tak pawh ni lovin ka luhlul kan chhuah ve leh a )

Zankhat chu mahni a ka chinfel theih ngang tak loh ah chuan tlawma la duh ta bik lovin Pathian chu ka pun leh ta nge nge a. Belh tlak Pathian chuan nihnih khat lek chhungin ka harsatna tawh zawng zawng chu min chinfel sak nghal vek a. Nimin (7/9/2012) phei kha chu ka hlim ber ni te zing a mi a ni hial ta ve ang. Chuvang chuan ka misual pui te hnen a ka sawi duh chu hun rawn inher chhuak zelah hian mahni hlawkna leh hlimna chauh ngaihtuah lova Pathian min hruai tumna enin kal i tum ang ila.

Khawvel lamah kan tlan in, kan hlim si lo. Tisa chakna kan um a, kan tlai si lo. Nunna hmangaihtu tan chuan a petu duhdan leh hruaina dan a kal hi a him ber a ni. Pathian min hruaina hi hlawhtlinna te, hlimna leh lawmna leh malsawmna chauha ngaitu chuan a dai thelh thin, mahse tawrhna chi hrang hrang lo thleng thina pawh hi Pathian malsawmna hnar a ni tih hmu thiamtu nunah chuan rah duhawm tak a lo chhuak thin a ni. Belh tlak Pathian a nih ang ngeiin bel ila ani chuan chuan min thlahthlam ngai si lova. Sam 32:8. “Fing taka awmtir che in, i kalna tur kawng chu ka entir ang chia, Ka mita en reng chung che in rem ka ruat sak zel ang che”.

17 Responses to “Belhtlak Pathian”

1
khawpuia Says:
September 9th, 2012 at 6:34 am
first a khat…a post tupa lawilo teh lul nen.. Post tha leh si ve ooo..
Report this comment
2
Rinzova Khawlhring Lalhnam Says:
September 9th, 2012 at 6:50 am
2nd phawt teh ang
Report this comment
3
saint sammoo Says:
September 9th, 2012 at 7:26 am
Belhtlak Pathian a lo ni……
Good Post
Report this comment
4
lrpa Says:
September 9th, 2012 at 8:20 am
Post tha e. Pathian (Isua Krista) hi belhtlak mai niloin belh tur ani. Engkim siamtu, engkim chung a awm ani si a. A ropui zia leh A thiltih theihzia hi mihring ngaihtuahna leh finna hian a chhut pha ngai lo ang.
Sunday hman nuam ule.
Report this comment
5
sisen Says:
September 9th, 2012 at 8:39 am
Halleluiah!
Report this comment
6
Chhuaklinga Says:
September 9th, 2012 at 8:50 am
Good post.

A remruat a innghat ringtute nun zawngah chuan, buaina tur reng hi a lo awm lo ve.

tren tren
Report this comment
7
Pakak Says:
September 9th, 2012 at 8:56 am
ni hman nuam vek u..
Report this comment
8
chhangteval Says:
September 9th, 2012 at 9:04 am
Hetianga mahni tawn ngei atanga sawi hi chu a awihawm bik riau Inkhawm tui vek ule
Report this comment
9
Pakak Says:
September 9th, 2012 at 9:29 am
@5 min puih na avangin ka lawm tak zet..

vawiin chu naupang khawmpui remchangah la in mu der der teh ang a.. :
Report this comment
10
sheldon Says:
September 9th, 2012 at 9:40 am
Vawiin chu inlamah Misualah inkhawm mai teh ang. Post tha hle mai. I luhlul in chhuah ngiang pawhin a tawpah chuan Pathian hnen tho ani kan pan leh thin ni tiraw. Mihring mizia, kan hlim leh lawm lai, harsatna kan tawh loh lai hi chuan Pathian hi kan hre ta thin lova, kan mangan meuh chuan A ni bak min pui thei an awm leh thin si lo a.
Report this comment
11
Ignatia (33-115 AD) Says:
September 9th, 2012 at 10:22 am
Hnehna nun hi Pathian thil thlawn pek a ni. Keimahni-a kan neih theih hauh loh a ni. Hnehna nun nei tur chuan Krista hnena INTUKLUHNA hi a pawimawh khawp ang : A thihna leh thawhlehnaa ril lutukah hian intukluh a tul thin. ‘Kei ni pawh nunna tharin kan awm ve theihna turin…’ Rom 6:4 leh ‘Tun a chinah sual bawihna ka awm tawhlohna turin…’ Rom 6:6 tiin a inziak a ni.

Hemi bung vek chang 13naah phei chuan ‘In taksa peng, engmah hi sual hmantir tawh suh u; mitthi zing ata nung leh angin Pathian hnenah inhlan ula, in taksa pengte pawh chu ama felna hriamhrei atan pe zawk rawh u’ tiin. A pawimawh khawp mai.

Good testimony.
Report this comment
12
CFL Says:
September 9th, 2012 at 10:45 am
Kei aiin ilo zawh hmasa a ni e. Ka rawn zawh tan ve dawn chiah e.
Report this comment
13
Charice_mizo Says:
September 9th, 2012 at 1:35 pm
Tunlai chu ka bel khat khawp mai keipawh, tawngtai erawh ka la ti ve hram hram, rinna chak tak neih hi a har thin hetiang thu han chhiar leh zauh hian min pui khawp mai
Report this comment
14
Awmtea Khiangte Says:
September 9th, 2012 at 4:06 pm
A van tha tehlul em! Lalpa hi chu belh tlak Pathian a ni tak zet a ni. Lungngaih leh harsat lai chauh ni lo pawhin kan hlim leh lawm lai nite pawh hian kan hre reng thin tur a ni
Report this comment
15
vakul Says:
September 10th, 2012 at 1:00 am
a va tha ve…sawi teuh tur i nei ang a, i zep a ni ang…han ziak fo teh
Report this comment
16
PKfanai Says:
September 10th, 2012 at 12:25 pm
Mi tam tak hi chu, kan huaisen leh lutuk a, kan nuamsain kan tluang pur pur lutuk thin a, Belhtlak Pathian bel lo thei tura dinhmun harsa leh khirh khana min dah te hi a ngai fo thin. Good post.
Report this comment
17
evergreen Says:
September 10th, 2012 at 1:35 pm
“Lalpa, nangmah bel lo thei lo dinhmuna min dintir avangin ka lawm e, i hausakna tem ve tura retheia min siam avangin lawmthu ka hrilh a che” tih hi ka tawngtaina a ni.

Belhtlak Pathian a nihzia atakin min hmuhtir thin.

Good post
Report this comment