Amen! Haleluia! (Sunday pualin)

September 9th, 2012 9:09 am by Awmtea Leo Khiangte

He hla hi 18^th June, 2008-a ka phuah a ni a. He hla ka phuah laia ka rilrua awm ber chu Pathian ropuina nasatzia te, chawimawi leh fak a phuzia te a ni. Amaherawhchu, Pathian hi kan fak avanga ropui ta a ni lova, kan chawimawi avanga thiltithei ta a ni chuang bawk hek lo. Keini mi tling lote hi Krista thisen tlanna a zârah kan fakna leh kan chawimawina hi lâwm takin a lo pawm mai zâwk a ni. Khawngaihna avang liau liaua fak leh chawimawi thei kan ni tih kan inhriat chian zawh poh leh kan fak nasa ting mai dâwn a ni. He hla hi The Salvation Army Central North Division Songster-ten min dîl a, ‘A hmangaih a ngai reng fo’ tih Music Video Album an siamah an telh ve a, nimin (8^th September, 2012) khân an released. Pathianin ropuina chang rawh se!

Allegrezza con Brioso (phùr leh tha tho, rang deuh hleka sak tùr)

Verse 1
Aw, ropuina zawng ka hlân che kumkhuain,
I hming ropui zêl se aw, he khawvêlah;
Aw, chawimawina zawng ka hlân che chatuanin,
Khawvêl ram zauvah hian aw, lo mawi zêl la.

Chorus
Amen! Haleluia!
I hming ropui hi kan fak;
Ropuina, chawimawina zawng,
Chatuanin i ta a ni.
Aw, Lal ropui ber, chatuanin Amen!

Verse 2
Vân zai mawi ri leh seraf thianghlim aw nên,
I thianghlim zia puang se aw, van chung sângah;
Hringmi ânka leh nungcha lêng zawng zawngten,
I hming fak zâi vâwr se aw, he pialleiah.

Verse 3
Van mipui zawngten fak zai rêng châwl lo u,
Leia hringmi zawngten aw, kan châwl bîk lo’ng;
Perhkhuang tingtang leh rimawi tinrêng remin,
Lalpa chawimawi ula aw, Haleluia!

12 Responses to “Amen! Haleluia! (Sunday pualin)”

1
Pakak Says:
September 9th, 2012 at 9:15 am
2
sheldon Says:
September 9th, 2012 at 9:45 am
Awmtea chu thu mai bakah hla pawh ilo thiam anih hi
3
mate ainawn Says:
September 9th, 2012 at 9:55 am
Good Post
4
Chhimphei val Says:
September 9th, 2012 at 9:59 am
Ngai thlak a chakawm hle mai.
5
Awmtea Khiangte Says:
September 9th, 2012 at 12:00 pm
E, in va reh ve!
6
drake Says:
September 9th, 2012 at 12:10 pm
Aw hla ilo phuah tha hle mai a aw, thluk nalh ang em Aw!
7
ɪ̣uɪ̣pnoɥ Says:
September 9th, 2012 at 1:16 pm
Va ṭha mai mai e…
8
Charice_mizo Says:
September 9th, 2012 at 1:20 pm
Ka van ngaithla chak ve aw! keipawh 2003 ka tleirawl tantirh khan ‘Shout to the Lord’ hlain min inspire em vangin Fak leh Chawimawina tih hla ka phuah ve tawha, kan phuah chhan a inang hle mai, nang phei chu music i thiam si a, i dek nalh ngawtin ania ka rin! God Bless You
9
Lamji Says:
September 9th, 2012 at 8:07 pm
Awmtea hi piano thiam tak ani,a play ka hmu tawh. A nalh khawp mai.
10
chhangteval Says:
September 9th, 2012 at 9:08 pm
Bon rem rem
11
Awmtea Khiangte Says:
September 9th, 2012 at 9:26 pm
@Lamji chu khawiah tak min hmu ni maw…..????
12
vakul Says:
September 10th, 2012 at 12:59 am
i va phuah thiam ve…ti zel rawh aw.