Mughal ho hi ka pawlte hi ka ti mai thin a. Ka subject thiam loh ber mai History hi ka tui phah ve tlat mai a. A bik takin an lal hmasa Babur, Humayun, Akbar, Jehangir, Shah Jahan te phei chu an chanchin hi ka chhiar ve nasa em em a.
An zingah pawh hian Akbar ‘the great’ leh Shah Jahan “hmangaihna ropui-a” te hi ka ngaisang fal a. Akbar hi hruaitu ropui a ni a, a court ah pawh mi ropui tak tak, Todarmal, Birbal tih vel an awm nuk mai. A mite a ngaihsakna leh a mize ropui tak tak hi entawntlak a va ni tak em
Amaherawhchu, kei ka lunglai kuaitu ber mai chu a “Ziak leh chhiar thiam lohna” lai tak hi zu ni tlat pek a. India ram roreltu kum sang tel tehmeuhah khan a ropui ber tia chhal hial ngam, mipuite pawhin an ngainat ber Akbar kha “Ziak leh chhiar thiam lo” zuk ni mauh a.
Tunlai kan Zoram nun i han thlir teh ang aw!!! Zirna hi a leiin kan lei a, kan fate private school tha thaah kan dah a, an tette atangin zirna tha kan duh luatah hostelah kan dah a; nu leh pa hmangaihna tak tak pawh hrethiam hman lek lovin hostel-ah midang kan enkawl tir a, kan tifuh chiah em aw????
Ka lo chik ve thin hian, naupan tet ata hostel a awm mihring reng reng hian an lo puitlin hian nu leh pa ngainatna, hmangaihna leh zahna hi nu leh pa thlazar hnuaia lehkha zir ai hian an nei tlem daih zawk hi hi ka ngaihdan nghet tak a ni. Ngun takin han ngaihtuah mah teh, Hmangaihna leh chhungkua aia a zirna i dah pawimawh avang khan nakinah i rilru a la na dawn ania aw.!!!
Akbar ropuia pawhin hmangaihna leh a bul vela mite hnen atang chauha “Education” a dawn atangin India ram ropui a kephah hnuaiah a dah thei anih chuan, i fa hian “ziak leh chhiar’ avang chauha a dam khawchhuah hi beisei hauh suh ang che.
Ziak leh chhiar chauh i ngaih pawimawh avangin, private school ah man to tak takin hostel-ah i dah a. Hmangaihna tak tak tel hauh lovin i fa an lo enkawl a, an lehkhabu chhunga thuziak tlemte an thluak bura an lo vawmluh tir avang khan i fa kha puitling takah i chhuah turah i ngai anih chuan i harhchhuah meuh chuan i fa avanga i rilru natnain a ni beng harh dawn che ni..!!
Thisen zawmpui inhmangaihna karah hriatthiamna nena i seilentir phawt chuan “Zirna” hi classroom bang pali ngawt anih lohzia a hria anga, a lehkhabu chhung ringawt hian thiamna zawng zawng a pe dawn lo tih hrethiam tur leh, midangte tana thiltha thlen tumin hmangaihna neih nachang a hria ang.
Sawi tur a va tam em.!! Hei chauh hi kan belh teh ang, i fa tan khan hmawmsawm nge i leisak tam lehkhabu chhiar tur, i sum hmuhna turin nge i thawh hma tam zawk i fa lehkha zir vil turin?? Khawtlang leh kohhran rawngbawlna nge i ngaih pawimawh Lalpa laka i rochan fanau?? I sum hmuhna tlachhia nge i zan mu ti tui lo i fa nun tlachhia???
Similar Posts:
- In ek mawi siak thu
- Lehkhabu tlangzarh sawmna
- Jesus – The Strategic Leader
- Lehkhabu te hi kan ziak ve leh ngawt thin a
- Chengrang chawi lai ni-te
Lairil a fan ngawih ngawih e. Ni e...
Mite...
September 11th, 2012 at 4:11 pm
First a va khat ve aw, tuntum chu ka first chiang kher mai.
He thil hi ka vei zawng tak a ni, uluk takin chhiar ila, sawi tur pawh ka neih ve ngei ka ring.
tren tren
Report this comment
September 11th, 2012 at 4:16 pm
Awm awl ni a ni bawk a, khawnge comment miah miah ila a ni mai alawm. a thu lairil khi a tha mahse a thupui leh a posttupain a ngaihsan lai khi a logical lo lutuka hetiang tur a ni lo.
“Albert Einstein khan pawl sawm a failed” tih avanga scientist ropui ni tura pawl sawm fail tura inzirtir ang chi hi. Akbara khan ziak leh chhiar a thiam lo va, mahse mi ropui leh rorel thiam…hringnun awmzia man tak a ni a, a ziak leh chhiar thiam lohna lai kha ngaihsan tur a ni lo va, ziak leh chhiar thiam lo chung pawh a “ability” kha ngaihsan tur a ni zawk.
a nih loh chuan tihian ti ta ila, Chemtatrawta ngaihsan ni tur chuan no.1 ziak leh chhiar thiam lo. No.2. bul vel atanga education dawn no.3 adt.
zirna kan ngaih pawimawh rual hian mihring nuna inlaichinna leh nundan mawi hrang hrangte hi kan hlamchhiah tur a ni lo..tih hi a ni ber mai a…Education chuan a tum a ni sa a, a nih loh chuan kan thiamna kha a ropui thei lo.
Report this comment
September 11th, 2012 at 4:16 pm
Hei chu comment an awfi lo tlat.
Report this comment
September 11th, 2012 at 4:23 pm
Chemte comment number 2na khi ka hnial duh dawn em?
hahahaha
Akbarate ropui lai kha awm ve a chakawm mai mai thin. Sakhaw zalenna pawh a ziaawm bawk si. Rajputs ho kha an kawlhsen em em a do lem lovin an prince khan an nei keuh keuh mai a. Tactic tha thin khawp mai.
Report this comment
September 11th, 2012 at 4:25 pm
Chutia Lal, ziak leh chhiar thiam lo ngaihsan tur an nih chuan hman lai a Lalte kha ngaihsan tur an tam awm eee..
PS : Ka inhnial hman lo
Report this comment
September 11th, 2012 at 4:27 pm
Ignatia, post pakhatah tawng thei zit zet tih ka hlawh sia, thu inchuh leh inhnial awmze hre lo te rilru a lo na leh palh ange..;-)
Report this comment
September 11th, 2012 at 4:28 pm
A va tha em, he post hi ka thlawp kher mai.
Kan ramah hian nu leh pa, u leh nau, chhungkhat laina te tangkaina leh kan hnam nunzia hre hauh lo mithiam an pung vak mai ang tih hi thil hlauhawm tak a ni. Tunah pawh hian kan zonun zemawi leh nunphung hre hauh lo, officer tenau deuh hoah hian ka hmu ta zeuh zeuh mai.
Ka hriat zawng zawng hi ka sawi nghek mai dawn em maw ni le!!!
tren tren
Report this comment
September 11th, 2012 at 4:35 pm
A pawmawm fu mai. Finna hi talent ani deuh reuh a. Zir sang pui pui te hi an fing ber kher chuang miah lo! Sawrkar hnathawk top official te pawh eng an ni chuang lo! he finna nei tur chuan experience hi angai ve tlat ani. Dik ni ber a kan ngaihte hi a lo dik em em chuang lo a, a tha ber hi kan hmu fuh chat thiam a awl bawk hek lo…
Mahse..mi ropui Akbara ang hi an awm zen zen lo ani mai thei e!
Facebook hi engatingemawni hawn a hra em em zel chu le?
Report this comment
September 11th, 2012 at 4:36 pm
Ka thlawp zawng tak a ni e…
Chhungkaw dinhmun, zirna leh hnathawhna avangin high sikul ka kal a chin, chhungte bulah ka khawsa tlem a. Pawi ka ti thin. Ina awm tam loh na na na chuan, haw ve changa, chhungkaw programme-a kan tel lo hi, a hrehawm…
Report this comment
September 11th, 2012 at 4:37 pm
sorry, mi pakhat nen ka lo hriat pawlh a…mathematics a a failed kha a ni zawk e..kum 16 a nihin. a bak chu ignatia i hnial thei ang.
Report this comment
September 11th, 2012 at 4:42 pm
Chemteate kha “in tawngthei zit zet” an tih mai loh che u-in… zawhte meia pawh ang maiin in tang a, “a ni khawp mai” “a dikna chin a awm” “i sawi chu ka hrethiam” “ni ngawt mai mahse heti zawng hian” ti ta lo hian, mahni tanna mualah kan mi thiam intellect-te kha hmeichhe inhau(huat awih loh) ang mai khan mahni thiamna lam in sawi mawlh mawlh mai kha a ni a…
in moderate lo ve bawk a lawm.
Hei pawh muslim lal fakna..hehe
Report this comment
September 11th, 2012 at 4:43 pm
Post tha viau zel mai. ‘Thinker’ hi chu ini ve a ni. Tin, controversial issue, inhnial theih tak tur hi i chhawpchhuak thiam riau zel.
Report this comment
September 11th, 2012 at 5:04 pm
Lehkha zir chung changa fanau enkawl dan tha sawi takah chuan movie Gifted hands kha ka hrechhuak zawk mai, hostel chung changah chuan kei pawh loh theih loh ah lo chuan hostel a dah hi ka duh lo khawp mai…
Report this comment
September 11th, 2012 at 5:05 pm
Good Post tih atangin bul tan ang aw… kan serious deuh tawh ang e.
Hostelah hian ka pawl khat ka zir tirh atangin tunthlengin ka awm a. A thatna aiin a thatlohna a tam ka ti khawp mai a bik takin pawl hniam lamah. secondary kan kal laite khan aw naute nugchang tha lo tur kha ka veng tluanchhuak parah a ni ber e. Nu leh pa leh hmangaihtu – anmahni hrechiangtu bulah awm se a tha ber mai, post ziak tum ang hian.
Kabil Sibala hian engvangin nge pawl sawm exam-te hi tihtawp a tum? Eng dang a ni lo… ‘Ni tina amah zirtirtu leh vil reng tu- naupang hrechiang em em tu vek hian mi thiam leh hmantlak a nih leh nih loh chu TEH (evaluate)rawh se’ tih hi a ni mauh mai. Naupang nungchang hre niah lova an chhanna paper en chunga pass leh pass lo inkar teh hi a lo fuh lo khawp mai. ‘Nungchang tha leh thiam ngah chu a fail dawn a nih pawhin belh pass mai tur’ tih hi ka thu laimu a ruka ka vawn a nih tlat mai..
Ka enkawlna hostel a nih loh chuan ka fate hi hostelah dah ka tum lem lo khawp mai.
Report this comment
September 11th, 2012 at 5:07 pm
Sartorius, Ben Carson chanchin kha em ni? A nu pawh kha a ropui ania.
Report this comment
September 11th, 2012 at 5:21 pm
Tha thei hle mai. Ka ziah ni awm tak a ni
Report this comment
September 11th, 2012 at 5:31 pm
Vakula ngaihdankhi, a dikthawkhat khawpmai.
Amaherawhchu mi sikul a kalloh a vanga, ziak leh chhiar
a thiamloh a vangngawtkhan, mimawl ah kanngai a nihchuan,
kantidik hauhlovang. Isarel lal te zinga, lalropuiber a ansawi
DAVIDA pawhkha, beramvengtu misatliah vemai kha a ni’a,
lehkhachu a zirsang hauh lovangle. Mahse Pathianin,
ngaihruat thiamna finna a pekkha, a hmantangkai thiamem
a vangin, a lalram a zauhduaiduai a, a lalram a sawhnghet hle
a nihkha. Mahse inngaihna suala, a tlukpalh a vangin a damlaikhan, harsatna neuhneuh a neihphah maipawha.
A hnuah a fapa, kan Bible in mifingbera a sawi,
lal Solomona e rawh a finlutuka leiah, sualah a tlukphah ta a,
a lalramin a kehdarhphahta a ni.
Mizoram hi i hanthlir ve thungang aw, kanpi leh pute khan,
ziaklehchhiar an thiamrengrenglo, mahse ramerawh anzauhhman viaubawk a nihkha. Anram zauhsa kha, lehkhathiam mifing intirualin, an hanenkawl ve chinahchuan,
a kumtelin kanran erawh a zim tualtualthung si a ni lawmni?
” Aw ” kapu Chemtatrawt. I thilrawn post hi keichuan tha kati khawpmai, kanfate zirna kanbuaipui fuhtawklohdan chungchanga, i ngaihdan i rawnsawi pheikhichu, a dik lutuktlat.
Report this comment
September 11th, 2012 at 5:44 pm
A va tha kher em ve leh!
Report this comment
September 11th, 2012 at 6:22 pm
Nu leh pa thenkhat tan chuan Hostel-a dah hi a tha zawk fe thung thei tho. Chhungkua kan inang lova, naupang enkawl thiam miah lo, tum bawk lo, mahni mum muma lo seilian ve ringawt tur, family environment tha teh lua bawk si lo hi an tam ve thei a. He’ng ho tan chuan Hostel-ah sei lian tawp se, anmahni rau rauvah chuan a fuh zawk ngei ang.
Report this comment
September 11th, 2012 at 6:29 pm
Pu Pka sawi ang khian a thu ken hi a controversial khawp mai. Ka thlawp thawkhat e. Lehkha zir tur, thiam bawk tur. A theih chhung fate thawnbo loh tur. Zirna tha mahni in atanga ban phakah a awm ta love kan tih hunah thawn bo chauh ila.
Report this comment
September 11th, 2012 at 6:53 pm
Comment teuh ka chak,mahse ka type hman rih lo(Y)
Report this comment
September 11th, 2012 at 7:15 pm
Karei muslim pa chanchin ni maw a lo post hehehe
Akbara kha USA in a zirna tur skul sakna an donate sak thei lova lawm maw le
hehehe fiamthu vek
Report this comment
September 11th, 2012 at 7:27 pm
drake mawsawlman bawk
Report this comment
September 11th, 2012 at 7:41 pm
CTr, Akbar the great lehkha thiamlohna chhan kha sawi tel law law la….
Kei Akbar hi ka va ngaisang thin tak… King Arthur ka ngaihsan dan tluk zetin…
Report this comment
September 11th, 2012 at 8:24 pm
paws tha e
mahse in ti teh ang, thil reng reng chu a tehna a zir a ni mai..hostel emaw in ah a ni emaw fuh lo tur mi hi chu an awm ve chawk
Report this comment
September 11th, 2012 at 8:24 pm
Puii, ral a do vang a ni em kha? Illiterate chunga achievement ropui tak tak a neih kha ropui ka tihna ber a ni e. King Arthur tih vel kha chuan a hunlai chuan a ne pawh an ek dawn emawnile??
Report this comment
September 11th, 2012 at 8:26 pm
Report this comment
September 11th, 2012 at 8:26 pm
Report this comment
September 11th, 2012 at 9:28 pm
Vei ngai te te.
IP ho pawh khan sazu tan tih vel ai chuan,’Pasal fanau te kilkawi tam’ tih te han pass rup mai se kan ram chu a nuam veng veng mai dawn asin! Ka fate hi chu kei aia enkawl tha thei tur leh he khawvel hrehawmna huaisen taka hmachhawn thei tura enkawl thei tur kan nupa lo ka hre lo! Sual zir hma tak tak a hostel a dah hi an tough in an kawlhrawng duh riau in ka hria,ka hriat chinah mai mai. Dah chu ka tum chuang hauh lova. 
Report this comment
September 11th, 2012 at 9:33 pm
Akbar hming pum hrelo kan awm em aw?
Jalaluddin Mohamnmed akbar… 
Nupui te hi a lo ngah mai mai…
Aljaazeera.coma ka luh hi chuan Akbara nupui hming hian ka lut ve ngei thin..akekekek…
Report this comment
September 11th, 2012 at 9:36 pm
Puii chu hre ngei mai. .han sawi zel rawh, ngaihnawm dawn tlat..:-) :clap clap:
Report this comment
September 11th, 2012 at 10:19 pm
Hman zanah Hindi Movie Taare Zameen Par tih kha ka en tlaikhawhnu ve a, ngaihtuahna thar min pek chu fa hi lo nei ve ta pawh ni ila a theih chhung chu hostel/boarding ah ka hmuh phak lovah ka dah lo hrim hrim ang tih hi, post ka lo tum rauh rauh laiin i rawn ziak ta hlauha, kan ngaihdan a inang chiah
BUT…i post thupui leh a thu ken hi a inrem hlawl lo thung! Akbar-a te hunlai Mughal India leh tunlai India inthlauh tawh dan hi sawi ngai lova hriatsa a ni. Lal chhungkuaa lo seilian, lal fapa anih vang (leh hunlo taka a pa thih vanga) lalthutthleng lo luah thei a ni a, a phu reng vang emaw a thiamna leh finna san vang etc a ni hauh lo, in this sense, han ngaihsan phahna tur ka hrelo keichuan. Daikila cheng hmeithai fapa ni se ziak leh chhiar pawh thiamlo lehnghal chu engtik khawtikah lal a ni lovanga, a damchhungin chance a nei lovang tih chiangsa.
Tunlaiah chuan inelna leh rualawhna a san tawh em avangin leh (kan tunlai khawvel dinhmunin min demand tawh avangin) ziak leh chhiar thiam tur chauh ni lo zirna ‘quality’ duh vangin nu leh pa ten an fate hmun hla tak takah hostel thaah an dah fo (a merits leh demerits chu thuhran), hemi chungchang leh Akbar-a chanchin hian inzawmna pakhatmah a neih ka hrelo, lal leh mi naran case hi sawipawlh chi-ah pawh ka ngailo, post hranga sawi chi a ni ka thian. Ziak leh chhiar (literacy) leh education (zirna) pawh hi ngaihpawlh lo ila a tha ang, a inang lo em mai, thank you
Report this comment
September 12th, 2012 at 12:41 am
lut khat bawka inthlahrung takin lo belh ve hlek ang.. Akbar a khan medical problem DYSLEXIA a nei a,reading and writing disorder a nia, buaithlak ve deuh tur a ni.
Report this comment
September 12th, 2012 at 9:11 am
Akbara’n ziak leh chhiar a thiam lova, keinin kan thiam em em a, mahse kan va inropui hleih ve aw……
Report this comment
September 12th, 2012 at 10:51 am
Mi chu, engangpawhin zirsangmahsela, a mah a awmsa ngaihtuahna a hman
tangkai chuan silohchuan, a zirsan na ringawt chuan, miropuitak a nihtirphah
chuanglovang. Arona kha, Aikupta thiamna zawngzawng zirchhuak nilo mahse,
Pathianin ahnamthlan puithiam a tan a ruattho. Lal Davida pawhkha, mirethei daikilkar ami, zirna lamah pheichuan a sang fahranlo a nimaithei.
A rilru ngaihtuahna kha, Pathian lawmzawng a nih a vangin, Lal a tan Pathianin a zawlnei hmangin hriak a thihzawk a nihkha. Kanram hruaitu mithiam taktak, dikri nei sangpuipui te pawhhian, an ngaihtuahna, Pathian lawm zawng a
hman nachang an hriat a huntawh takzet, in ti ve lo maw?
Report this comment
September 12th, 2012 at 5:12 pm
Hman ni a ka sms dawn chuan ‘kum tam tak education ka dawn hnu in Ba ba black sheep leh ABCD tih hla hi a thluk a lo in ang reng tih ka hre chhuak a’ tih a nia. Twinkle Twinkle Litle Star tih pawh hia tel ve hial lo maw. Solfa thiam deuh khan lo zir chiang teh u…..
Report this comment