Lehkhabu thar: Chengrang Chawi Lai Ni-te by V. L. Ringa Sailo, Zonun Photo Studio, Vaivakawn.
Mizoram Zalenna tura bei tute zing a mi niin, ngawpui hnuai, ramhnuai camp, Mizoram khaw hrang hrang leh daitama an nunchan bakah ram pawn, Pakistan ram a an chet dan thlengin chip chiar tak leh ngaihnawm takin a ziaktu hian a ziak a, ka chhiar tan achangin ka dahphal lo a, ka chhiar ta char char a, nileng deuh thaw a ka chhiar chuan ka zo ve ta hlawl mai.
Phek 306 a chhah a ni. Ramhnuai mi chet tlat dan, Mizopa tlawmngaihna dik tak nen a an inhmangaih hlawm zia te, thil thleng thenkhat nuihzat thlak tak tak lah a tam bawk a, a chhiar a manhla hle mai.
A ziaktu hi tumkhat chu ramhnuai atangin a lo haw hnuin Aizawl khawlaia hmun pakhatah tlangvalho chemte invawm siakna kiangah a kal a. Ko panga chemte vawm bur tuma an beih laih laih lai chuan vawm ve turin an lo ti a. Ani chuan hmawlhte a va tar a, a lai takah a ek ta phak a. ‘A tifuh mai mai a ni’ an tih takah chuan , ‘E, chute maw,’ tiin an vawm nawn leh a. A eh phelsa chu kawng hran rek hauh lovin a eh phel chhunzawm leh ta a. Chutiang tluk chuan hreite vawm a thiam bawk.
Underground ho kawrbal, hrikhrah ngah, vangvat treisial karah Vai sipai sual Mizo ten an huat em em Captain Suala ho an lo ambush dan te, India Sipai leh MNF-te inkahna hmun hrang hrang a an dinhmun, helih nei hauh lova ziah hi chhiar ve the.
India sawrkar ropui kan la ngam teuh lohzia leh kan Mizo tlangvalte duai loh si zia, Mizo thuthiam ka thrianpa P.L. Liandinga leh Vanneihtluanga ten an tawiawm a an lo chhut sak “Chengrang Chawi Lai Ni-te” tih bu hi, hranghlui tan rilru tithar tu, thangtharte tan Zoram hun lo tawng tawh hriatzauna bakah tlawmngaihna hlu zirna ni bawk, he lehkhabu hi hi mi tin chhiar ah ka it ve em a, ka han tarlang mai a ni e.
.
Similar Posts:
- ‘ZOLUANKAWR’ Pu P.L.Liandinga’n a tlangzarh
- Wasp!
- Tlawmngaihna
- Weather forecast
- Mizo thawnthu leh novel internet hmanga chhiar theih tura dah
January 5th, 2009 at 12:39 pm
A bu hi ka lei a, ka inchhir lo leh pek. Ngaihnawm tak a ni.
January 5th, 2009 at 12:55 pm
chhiar ve ngei tur a nih chu
January 5th, 2009 at 12:58 pm
He lehkhabu hi hman deuh khan ka chhiar tawh a,ngaihnawm khawp mai.Chhiar tawh vek vek chuan a lailaklawha tawpsan phal chi a ni lo,chutiang chi chu a ni e.
January 5th, 2009 at 1:17 pm
Chu ti chu ngaih ven ve ngei chi a nih chu.
pu v-a chu adv thiam kher mai (fiamthu)
January 5th, 2009 at 2:56 pm
“vangvat treisial” …. a va mak ve..!! mizo tawng hi hman sual a awr anih hi maw…lolz… [8)]
January 5th, 2009 at 3:02 pm
Vangvat Treisial hi chu a zuk pawh a na bik a sin
Vangvat seitrial pachal sawina a nia .. he he
January 5th, 2009 at 3:23 pm
Awi Pu Ringa hi ka hria. Lehkhab te a lo ziak a ni maw? Lei sak ve tur Mizoram zin hunah. Hmanah urgently in passport photo ka mamawh a, ka chhungten min phone sak a, sunday ah min click sak chung² tawh ( 7th day a ni bawk a). Min ti lang dawhfuh & young phian leh nghal!!
January 5th, 2009 at 6:10 pm
Apology: tihsual, spelling or whateva. . . a tam ang. Vangvat Saitial tih zawk tur ni awm tak a ni.
January 5th, 2009 at 6:15 pm
or Vangvat seitial? which one is it Cour?
January 5th, 2009 at 6:27 pm
He lehkhabu hi ka chhiar tawh alawm! Politics tel hauh lova khatiang chanchin ropui a ziak thiam kha mak ka ti. Rambuai lai hre lo tan pawh a ngaihnawm thovang, a hre pha chin tan phei chuan a hmunah min hruai ve a ni ringawt. An sual chhuah tum ber sawi lang lo mahse ramhnuaiah chuan che ve tak chu a ni.
January 5th, 2009 at 10:57 pm
@ v-a_usa… Vangvat seitial tih tur ani e..
January 6th, 2009 at 12:32 am
Chhiar mai nilovin a leia lei ve ngei tur a nih chu.
January 6th, 2009 at 4:17 am
Chhiar ve duh dawn ta ila engtin nge ka neih theih ang, min thawn thei an awm chuan ka lei duh ve hle mai
January 6th, 2009 at 4:34 am
Keipawh ka chhiar ve chak khawp mai. Mizorama chhungte chah mai tur a nih hmel.
January 6th, 2009 at 8:43 am
Lei ve ngei tur a ni. U ringa hi VVK a thlalatu hi ani em aw?? Lehkhabu meuh a chhuha tura vanglai hun kum 20 chuang liam hnu-a an han chhuilet thei hi an fakawm thrin. kan rual u te sawi ka hriat ve pakhat chu “Ral leh lam silai kah phak loh deuh ah an thriante an chettlat tira chulama attention an pek lai chuan an silai neih ve tlemte in an suat mang ve vek mai Tualbung inkahna ah”
January 6th, 2009 at 10:34 am
Heti ang lehkhabu rotling hi kan mamawh hle in ka hria, Pasalthate ni hnuhnung tih kha la chhiar lo in awm em..?kha pawh kha lehkhabu tha tak,dahthat tlak ani..
January 6th, 2009 at 11:10 am
An tia lawm!! Ram buai lai khan MNF-ah khan Army kha an in thliar hrang ve a, Air Force leh Navy tiin.
Air Force ho hnathawh ber chu Zawngtah lawh char char a ni a, Navy ho chuan Chakai an khawrh ngat ngat e an ti.
January 6th, 2009 at 5:50 pm
Sillyboy, i thil post hian ka nuih a tiza lutuk, khawi atranga i hriat nge
January 6th, 2009 at 6:01 pm
V-a, i nei em, ka chhiar chak khawp mai, he lehkha bu kher hi chu
January 6th, 2009 at 6:07 pm
triplestar: vangvat seitial i sawi takah chuan, Pu F.Lawmkima (ex-Minsiter) fapa Mapuia (fam) leh Atanga Kulikawn kha, an phur thutin , zanlai ah ke in Lungleng min hruai rawh kan kal chak an ti tlat pek a…kan kal alawm mawle. Mapuia khan vangvat seitial buk, timai ang, an tawmkhawm na thing bul ro kawrawng kha a lo thut fuh pek alawm (kan hahchawlh laiin)…. Phawngpui tlang vangvat tam zia sawinan an chik nghur nghur thei an tih ka hre thin…an chik erawh ka la hre ve lo mahse, khami tum khan, an ri seng seng thei tih ka hria. Mapuia chu Lungleng kan zawn luh angai tawp… a vung, huaisual!! nasa lutuk kha.
January 6th, 2009 at 6:35 pm
Vangvat sawi takah chuan nula leh tlangval pahnih pawh hian ramhnuaiah thing an phur an nula chuan a kapkarah vangvat a kai ta hlauh maia, a mahin a la ngam si lo, tlangval chu a lak tir a, tlangval lah chuan ‘ka en lohvin ka hmu thei nang’ a ti bawk si, nula chuan en lovin zen la, i sik lawr den den anga, a na lo ber kha i rawn pawt thla mai dawn nia’ a ti e an tia lawm…fok fok
January 6th, 2009 at 7:31 pm
Vangvat sawi takah chuan kei pawh vawikhat chu kan thiannu kap a bet ka laksak tawh chiang a lawm.
January 6th, 2009 at 8:15 pm
@winning: Romantic e
January 6th, 2009 at 8:53 pm
@*** Vangvat chu a nu chu a ni lo chiang ang
January 6th, 2009 at 9:46 pm
Eng emaw chu hriat a nei ve a ni!! An thil hriat zawng chu wonderboy nen thuhmun fuuu ang a
January 7th, 2009 at 11:46 am
Rohlua #14 & Vangchhia #19, Ka han zawt a, Vanneihtluanga dawrah lei theihin a awm an tih chu. A man RS 150/-
January 23rd, 2009 at 11:24 pm
www advfns poker net…
bawls endowment Cabot confronter …
July 25th, 2010 at 3:07 am
In va sual hlawm e aw..keipawn vangvat treisial ka hre ngai lo. A thlalak a awm lo maw..akekekeke
July 25th, 2010 at 4:59 am
Ni e, Vangvat seitrial – Vangvat Saitrial whateva, a thlalak nei in awm chuan han thawh teh u. Tlawng lui velah fur laiin ka hmu fo thin tawh. Camera nei hek lo i khatih lai kha chuan.
July 25th, 2010 at 5:03 am
V-a, shailendra in min rawn thawn tawh e, min rawn hrilh a ka lawm tho2 e.