(Facebook lamah pawh ka post nasa tawh a, a inthlahrunawm hle mai. Nimahsela he lei chinah tawn tur a awm tawh dawn miau loh avangin a pamhmai em a, amah CFL Hmingthanga uitu hian tlawm leh zah pawh dawn zo lovin ka rawn mualpho leh lawk a ni e. Amah ka uina hla siam zinga hla pakhat hmang hian thlalak nen atan hun ilo hmang teh ang u. )
MIZO LELTE NUNNEM
Duhthu ai ang sama ka awmhar chang ni hian,
Nunhlui kha chen vui liam ta te zawng kha;
Nang tawn loh nan zawng a pam lua e,
Koh kir theih lah changin a mawi tawh si lo.
I tel lova damchhung chhiar zawng ka zuam lo,
I hringchan thu mai paw’n lunglai a hnem;
I anka mawi leh zai mawi ten lungril a thawi,
A pam lua e aw a pam vawng vawng asin;
Tih mai maw kan biahthu thlun tawp lo ni.
Siamtu duan dan hringmi zaleng hmangaihna,
Lei nun piah ram thleng tura khuanu duan;
A zual zel dawn a hlutna par zu thlum hi,
Chhawm a chawi nungtu Lelte i hlu zual asin.
Zaleng tam thinlung na leh lunglen i thawi dam,
Lawm leh fakna anka biahthu erawh i vai lua e;
Sakhmel hlimten thawidamtu Lelte nunnem kha,
Heti maia zo daia i luangral tur hi tuar har ka ti.
Zo awi tura khuanu duan CFL Hmingthang chuan,
Lal nunnema tang bel turin min lawisan ta maw;
Lo lawm ang che Lal nunnem kan Lelte nunnem kha,
Zai vawr thiamte nen a sulhnu kan rawn chhui e.
1.Mizo Lelte Nunnem CFL HMINGTHANGA.
Zai ri mawi hmanga a awih tlei zofa te hian engtin nge chawimawi a kan hriatreng ang tih chu kan kutah nghahin a awm ta.
2. Mizo Lelte Nunnem CFL Hmingthanga pian leh tuanna vangkhua, a sakruang thamral tura zalha a awmna lo ni ta bawk SAMTHANG khua chu.
Pic. via Lalchhuanmawia Tochhawng
3. MIZO LELTE NUNNEM “CFL Hmingthanga” chuan thlafam vangkhua min lawisan ta. 
10.9.12
Pic. via Ding Liana
4. Zaituah thiam leh zai vawr thiam hmingthang CFL, heti maia dai rial mi chansan hi hriatthiam har kan va ti em. kan chan tur hi i dawn lawmni? Thlah liama i awmdan hi tlawm mahse e, kan thinlungah erawh i lian ber tawh ang a, khumtu che an awm tawh lovang.
Pic. via Ding Liana
5. I laichin unaute chan tur hi i dawn lovem ni, CFL. duh tak ?
6. Mizo Lelte CFL Hmingthanga chu piallei daia zalh turin fam rolung mual panpui a ni ta. A sakruang zalhna tur panpui a nih lai hian YMA Information Centre atangin Loudspeaker-hmanga a zai play a ni bawk. 10.9.12.
Pic. via Ding Liana
“Hei leh chen kan awmkhawharna leh lunglenna min lo thawidam thintu CFL Hmingthanga chuan koh eih theih tawh ngai loh turin thlafam vangkhua min lo lawisan ta. Amah kan hlutzia leh uizia tihlan a, chawimawi chu kan kutah nghahin a awm ta. Ani chuan phut let hauh lovin a hun lo hmang liam tawh mahse kan chawimawi ve dawn lawmni? nge a lei taksa a ral rualin mizo te thinlungah hian nuaibo a a awm ve dawn? Tun hun atan hian a ni dawn lawmni amah kan awih let vena tur chu…………..
Similar Posts:
- CFL Hmingthanga Tribute Concert
- Dai rial min chansan ta maw Pu C.F. ??? ( C.F.L Hmingthanga)
- Breaking News: Zaithiam CFL Hmingthanga kan chan ta!
- Lelte Mizo music video project unearthed!!
- CFL Hmingthanga Thihcham Vawikhatna Pualin
September 12th, 2012 at 1:23 pm
YES 1st em aw…
Report this comment
September 12th, 2012 at 1:25 pm
Ka lunghlui a tileng khawp mai. A hla te hi nghaithla nawn leh tlut tlut ila…
Report this comment
September 12th, 2012 at 1:36 pm
Mizote hi maktaduai tam tak ni ve tawh ila, kan celeb te tan hlei hlei hian a van hlawk dawn em!
RIP CFL
Report this comment
September 12th, 2012 at 1:43 pm
CFL-a (fam) hi, a post tupa hi emaw tia min zawt an awm nawlh nawlh mai. “Misual.com ah a la comment chhunzawm reng saw” tiin ka chhang mai thin.
Report this comment
September 12th, 2012 at 1:54 pm
RIP! Rawlthar kan nih lai min ti ngai hle mai.
Ka tuar nem thei dawn lo sam ang kan inthen chuan,
Sakhmel mawi leh ka di lalnunnem te aw;
Kumpui sul vei hma hian intawng ngei ang aw,
Thlafam chan hma loh chuan ka tang ah bei hle hle.
Mangtha PU CFL.
Report this comment
September 12th, 2012 at 2:48 pm
‘Khuavangchhinchhiah’ tih kha ka ngaithla ve nasa thin khawp mai. Ka 0mother-in khuavangchhinchhia fiah tha deuh a neih thin vang pawh ni chuang lovin.
Mangtha CFL, thlamuang takin chawl ang che.
Report this comment
September 12th, 2012 at 3:01 pm
‘Intawng leh ngei ang aw’ an han ti kha chu a nalh ve riau. A uihawm, tingemaw tunlai ang ahTB te a a thih mai le! Kan Misual CFL a tak pawh hi ka khawngaih, a tuar tak tak tih a chiang.
Report this comment
September 12th, 2012 at 3:01 pm
Bialnu ngaih tur kan neih hma hauhva, awmkhawhar lunglen min hnemtu; rawlthar kan hriat chhoh hnua lungruka kan vei em em te zun phurh min chhawktu; hlaphuahthiam leh zaithiam CFL-a hi a uiawm tak zet…
Samthang khua chu, a nawm hmel mang e…
Report this comment
September 12th, 2012 at 3:32 pm
E,,, CFL, inthlahrung reng reng suh aw.. (Y)(USA ninna leh lalhnam mizona tih post pawh kan chhiar peih ania..)
Ani ang te chu Mizo mipui mimir hriat lar anih hi.. Amah ang hi Zofaah an piang leh lawk lawk tawh lo ang….
Vuina pic te hi hmuh ka lo chak a,he thread hi a hlu ka ti..
Hla te chu i lo phuah thiam ve lehzel a?
a lungrun tawp….
Thread dangah te ka duh angin ka comment hman lo zawk a… a thla khatnaa te, a kum khatnaah te lo post zel rawh aw..
Report this comment
September 12th, 2012 at 3:39 pm
ka ui e khawp mai tah hemi link ah hian a zai ngaihthlak tur a awm nual mai https://v3.zaideih.com/?sol=zola&mp3=mizo
Report this comment
September 12th, 2012 at 4:29 pm
sheldon @7, ka lawm em em e. i comment avang hian ka thâwl huai thei asin.
Dr Mahminga Sailo @ 8, CFL-a khua leh kan khaw thlêng hi a inang khawp mai.Kan khua min tingai vawng vawng mai nia.
Puii @ 9, ka va’n lawm tak em aw. Nangmah vang liau liau pawh hian ka rilru rip tak chu chhawkzangkhaiin a awm asin. I va hlu em. Rilru tawt deuha awm te hian thuziak emaw tala han tarlan hian a hahdamthlak ve thina, chumi beisei chuan misual.com lamah ka rawn luangliam a; chumai bakah i comment hlutawm tak ka hmu bawk a, ka hahdam huai asin. ka lawm e.
Report this comment
September 12th, 2012 at 4:44 pm
Nizan chu LAL jo-a Blog ka lo chhiar a. CFL-a nikum vela an zuk zawnna Phunchawng vengah. Youtube velah a hla hlui ka ngaithla a. “Ka hmangaih ber i ni” tih kha nalh ka ti thar khawp mai. A uihawm kher mai, ” Intawng leh ngei ang” tih hla hi chu zoram khawvelah Kar hla Di nei tawh phawt tanah chuan engtikah mah a hlui thei tawh dawn silo.
Report this comment
September 12th, 2012 at 4:51 pm
Hermitz # 12, I blog chhiar link te chu rawn tarlang la. Kan lo chhiar ve kauh kauh ang chu.
Report this comment
September 12th, 2012 at 4:51 pm
Good! I rawn post ka lo châng reng a. Kei paw’n vawi khat chu ka rawn post leh dawn!
Report this comment
September 12th, 2012 at 5:06 pm
Thianpa TuaiSialA # 14, rawn post mawlh teh. Ka lo châng ve reng e. Tutu te paw’n doctrine an rawn post teuh teuh chung pawha an tuang an tichhah ang deuh khan tichhah ve mai teh ang.
A thihcham leh awmkhawhar lunglen zual apiangin a pual liau liau hian post kan siam fo dawn nia. (Pathian zara dam chuan. )
Report this comment
September 12th, 2012 at 5:28 pm
Awmhar min hnem ▶hintu,.,., nghilni reng i awm lo’ng e.
Report this comment
September 12th, 2012 at 5:32 pm
Rinzova Khawlhring Lalhnam # 16,
Report this comment
September 12th, 2012 at 5:37 pm
Keipawh CFL pualin post ve ka la tum.
Report this comment
September 12th, 2012 at 5:50 pm
Lungleng mi tih takah (lunglen chhan zero-mother nei hawt si lovin..
) CFL-a hming a rik tawh hi chuan..,
‘Chhunni herliam la, kumpuisul vei rawh
Hun leh ni chhiar a, ka D tawn hun tur
Her chhuak thuai thuai se, ka suihlungdumtu
Ka tawng leh mahna
tia duthawh tak maia Ukulele nen ka sak vawng vawng lai ka ngai thin.
Report this comment
September 12th, 2012 at 6:04 pm
ka ui hle mai.A hla hi ka ngaithla ve nual. RIP CFL Hmingthanga. zofate rimawi khawvelah chuani hming hi a dai tawh ngai lo ang.
Report this comment
September 12th, 2012 at 7:55 pm
@CFL,,,kan father sphinx-a blog mawle. Mahse midang hrelo an awm takin hei hi auh
https://eng-kim.blogspot.in/201.....amond.html
Report this comment
September 12th, 2012 at 10:51 pm
Ka va han ui tak em..thlafam vangkhua a lawi ta mai si…Nuntawi … khawpuiah awm se a dam chhuak leh ang a..
Posttupa CFL, i in inthlahrung mah mah …
Elvis te, John Lennon te pawh an chanchin an sawi ban theih loh hi…tuaisial, evergreen, lo post zel rawh u…comment thin lo mah ila ka chhiar chhuak zel ania..
Report this comment
September 13th, 2012 at 11:12 am
“ka tawng leh mahna” tih hla hi tun thleng in ka la duh top theilo…CFL a hi Agartala ka zin hlan in a lo boral a, ka ui hle mai….
“Fur khawthiang, Chhawrthlaeng i iang e” tih lai tak mawizia leh, “Kan Chhuahtlang hmunhlui” nalh zia te hi, thangthar hian kan hre toh meuhlo chu a ni…
RIP, CFL Hmingthanga
Report this comment
September 22nd, 2012 at 9:47 pm
Report this comment
September 22nd, 2012 at 10:03 pm
Dr John #24, Kei chuan CFL-a aw ang a special nei hi midang an awm tawh chuangin ka hre hleinem le.
Tunlai zaithiam (inti ? ) ho hian CFL-a hla an rawn sa dawn a nih chuan a thluk leh thu tidanglam lovin a phuahtu sak dan ang thlapin rawn sa rawh se. Hetianga a dik taka an sa dawn lo a nih chuan sa lo law law se a hlutna a tlahniam lo zawk. Remchang ka neih hmasak berah CFL-a Collection mai pawh ni lo, a hla sak zawng zawng hi chu album khatin ka la siam dawn khawp e. Hei hi ka hringchan chhunga a tum pakhat a ni e.
Report this comment
September 22nd, 2012 at 10:10 pm
CFL #25,
“CFL-a Collection” chu siam ngei ngei teh aw. Ka book-lawk nghal e. Zawh dawn lamah min rawn thawnna tur address ka lo hrilh ang che 
Report this comment
September 22nd, 2012 at 10:18 pm
Dr John # 26, Tehreng mai. Ka siam ang ka tih hi keiman ka sa ang tihna a ni lova. Zaithiam hrang hrang, a hla mal theuh aw mil tur thlan chhuahte saktir ka tihna a ni e. Zawh dawn hunah ka rawn hre reng dawn che nia. Tunah hian CFL-a hla 50 chu ka kutah a awm mek a, a dang pawh ka collect mek a, mp3 a convert tur pawh ka nei mek. Pathian zarah kan la khawrpum thei em ang chu.
Zoram mai pawh ni lo, he khawvel ram zauva ka lunglai kuai zawnga zaithiam ka tih ber mai hi ngawi renga liam ral tir mai hi ka phal thei dawn ngai hleinem le.
Report this comment
September 22nd, 2012 at 10:50 pm
E.. CFL, i thil tum chu ti ngei ngei rawh…
A hlu viau ang…I siamzawh hun kan lo chang reng ang..
Report this comment
September 22nd, 2012 at 11:34 pm
Puii #28, I mi fuih phurna avang pawhin ka lawm lutuk e.
Report this comment