Prison Secretary-in Central Jail-a Tangte Mamawh Pek A Tiam

September 13th, 2012 1:00 pm by Ricky Vanlalnghaka

Source: Mizoaw

Secretary, Prisons Dr.Dilraj Kaur, IAS chuan Central Jail a tlawh hmasakna berah ni 12.9.2012 (vawiin) khan jail tangte harsatna leh an mamawhte a enfiah a, Jali tangte chu an mamawh leh harsatna tawhte sawitirin tihpuitlin a tiam.

Dr. Dilraj-i hi Pu K.Rohmingthanga IG Prisons, Pu Lalbiakzama, Joint Secretary, Prisons, Pu Lalngheta Under Secretary Home Department-ten an tawiawm.

Pi Dilraj Kaur chuan jail tangte chu an sualte sima nun thara an nun theih nana jail-a awm an nih thu a sawi a, Jail hotute leh hnathawkte pawhin jail tangte harsatna hriatsak thin se uluk takin jail tangte enkawl rawh se a ti a, a biktakin hmeichhe jail tangte chu uluk taka enkawl an ngai a ni a ti.

Jail tangte hian hriselna tha an mamawh a, an khawsakna atana pawimawh leh mamawh (facilities) a awm that a ngai a ni a ti.

Prison Secretary hian Central Jail-a tangte chu an harsatna leh an mamawhte sawina tur hun a pe a, Jail tang mi engemawzatin Jail tangte harsatna leh mamawh an sawi a, Pi Dilraj-i chuan a theih anga tihpuipuitlin a tiam a ni.

Jail tangten an mamawh an thlen zingah tui hnianghnar taka an hmuh loh avanga thla khata vawikhat chauh an inbual thin thu an sawi chu Pi Dilraj Kaur-i chuan mak a tih thu sawiin Central jail-ten tui an hnianghnar theih nan PHE department secretary hnenah lo thlen a tiam.

Jail tang zinga pakhatin Jail tang dam lote damdawi ina phurhna tur ambulance tha tawk a awm lo tih a sawi chu Pi Dilraj-i chuan Ambulance tha zawk an neih theih nan theih tawpa tan lak a tiam a. Jail tangte hriselna chungchang chu doctor-te nen inbiaa theihtawp a lo chhuah tur thu a sawi.

Central Jail atanga DC Court kal nana motor Van tawt taka Jail tang tamtak an inhnawh thin chungchang an sawi chu Pi Dilraj-i chuan Van lian zawk a awm theih nan a lo en tur thu a sawi.

Jail tang thenkhatten tan hun chhung tur tihtawisak tura an ngenna chu a case a zirin en a ni ang a, Chief Minister hnena pawh thlen a ni ang a ti.
Pi Dilraji-i hian jail chhunga mipa room leh hmeichhe room-te a tlawh kual a, hmeichhe jail tangte chu kumina ruai siamsak a tiam.

Central Jail-ah hian nimin thleng khan tang 539 an awm a, chung zinga 478 chu mipa an ni a, 61 chu hmeichhia an ni.Tang zinga mi 19 chu damchhung tang tur an ni. Jail hotute sawi danin Jail tang an neih tlem lai tak a ni. Central Jail-a tang awm thei zat (capacity) chu mi 545 a ni.

[Read more @ Mizoaw]

19 Responses to “Prison Secretary-in Central Jail-a Tangte Mamawh Pek A Tiam”

1
Sandman Says:
September 13th, 2012 at 1:08 pm
Tunah ulawng in First raw pip a rawn ti ang…
Report this comment
2
ulawng Says:
September 13th, 2012 at 1:09 pm
First raw pip
Report this comment
3
Amah Charice_mizo Says:
September 13th, 2012 at 1:17 pm
Ka chunga mite chu leh…haha

A va ti tha ve Pi Dilraj-i chu, enge ruai siamsak a tiam khi a awmzia niang le
Report this comment
4
lrpa Says:
September 13th, 2012 at 1:20 pm
@ 1
Report this comment
5
chhangteval Says:
September 13th, 2012 at 1:32 pm
Tunah jail tang 539 an awm a, jail capacity 545 ani bawk a, tang an tlem lai tak i ti bawk sia, tang thei zat tur aia tam an tang thin emoni miau

Thla khata vawi khat inbual chu a va han grapthlak em em ve, an vui theihna tur a rawn kal anga an lo sawi uar ve deuh a niang a! A tak tak anih chuan ka tang ve peih teuh lo
Report this comment
6
Levi Says:
September 13th, 2012 at 1:33 pm
sawi ve re re ah reilo te chu Jail han tan ve chhin hi ka chak
Report this comment
7
drake Says:
September 13th, 2012 at 1:38 pm
#3 charice_mizo Amah.. Bari khana ni ang
Report this comment
8
ulawng Says:
September 13th, 2012 at 1:45 pm
a va mak thei
Report this comment
9
Phivawk Says:
September 13th, 2012 at 1:50 pm
Sandman!!!!!

‘A tiam ang ngeiin tihlawhtling ngei bawk sela….’ tih te mai hi
Report this comment
10
Chhuaklinga Says:
September 13th, 2012 at 1:54 pm
ulawng@8 chu ka va lainat bil bel tak em.

Kan hotupa Vaivut-man chu a va fu sang liah liah ve le.

tren tren
Report this comment
11
lrpa Says:
September 13th, 2012 at 1:54 pm
an neih chhun chhun lak sak zawk se! te han ti vel ila an sual dan a zirin!!
Report this comment
12
saint sammoo Says:
September 13th, 2012 at 2:17 pm
14 ward leh 4b-ah tang ve ngat tawh.. insawitheihna chi loh e,,,,haha..
Report this comment
13
evergreen Says:
September 13th, 2012 at 2:27 pm
#12,
Report this comment
14
century child Says:
September 13th, 2012 at 2:28 pm
Hrehawm thei patawpin siam zawk se Jail tan kan huphurh tlang hliah2 anga a tha phian zawk lo’ng maw
Report this comment
15
ccpur_man Says:
September 13th, 2012 at 4:38 pm
Dr Kaur hian prisoner-te mamawh a hria ang em aw ? Aizawl Central Jail-a tangte mamawh engemaw zat ka hriatte zinga pahnih chauh ka han sawi ange aw. (1) Inbualna tur tui (water supply) an hmu tha lo. (2) Khumfa an huangtau -Burma Jail a va ang ve !!

Jail thuneihtute hian khumfa tihrem aiin an zuah lui/ tihrem an phal lo a ni mai lo maw ? Misual tamna Manipur Jail pawh a tluk lo a nih kha !!.
Report this comment
16
lushai_er Says:
September 13th, 2012 at 5:24 pm
A hming bula Dr. a dah hi ka helh deuh ! Medical practitioner ni se chuan emaw Academician ni se thu dang…..

@Raldawna hi i tlin hunah Dr. i lo in ti ve mai mai ange
Report this comment
17
H.Vangchhia Says:
September 13th, 2012 at 10:23 pm
Mizoram chanchinthar han thawh fo teh u khai.

#16 ni reuh ngawt mai hairehai
Report this comment
18
Awmtea Khiangte Says:
September 14th, 2012 at 12:13 pm
Tha viau mai a
Report this comment
19
xela Says:
September 14th, 2012 at 2:02 pm
mipa jail tangte chuan hmeichhia an mamawh hle, chutiang bawkin hmeichhe tangte pawhin mipa…te lo ti ve ngawt ila, dil se a pe duh angem le
Report this comment