Corruption lam a ni lo a nia.
(AIR Aizawl – Chanchinthar, September 13, 2012, 7.30 AM):
“Serkhan-Bagha kawng siam chungchang ACB-in a chhuina kal zelah PWD Engineer -in-Charge hlui, Engineer-in-Charge ni lai leh PWD Assistant pakhat te bail dilna chu vawiin hian court-in a ngaihtuah ang.”
“….Chief Minister chuan tun hnaia a thusawiah corruption chuan a zung nen an phawi a, a phoro chu court lam hna…”
“Nimin tlai khan Libya rama US aiawh palai han thawk mek Christopher Evans leh midang pathum chu Benghazi-ah an chuanna car rocket hmanga beih an nih avangin an thi.”
DD Aizawl te en ve phak lo ta chu AIR Aizawl leh DIPR Press Release te hi Mizoram official news hriatna hnar berah ka hmang a. AIR Aizawl chanchinthar, zing dar 7.30 leh zan dar 6.30-a an puan hi internet (https://www.newsonair.com/Regional-Audio-Bulletins-News-schedule.asp) aṭangin ka ngaithla deuh ziah ṭhin. Chanchinthar ngaithla e ti lo chuan hahthlak tih chang a tam ta riau nia maw le – a chhiartute aw a mawia ngaihno a bei ṭhin tehlul nen!
A chunga hawrawp awn (italics) ho khi en chiang leh la, tihsual vek a ni mai. A text kan hmuh ve theih loh avangin “Engineer-in-Charge” tih leh “corruption chuan a zung nen” tih khi chu news reader-in a chhiarsual ‘palh’-ah pawh lo ngai ta ila Libya-a US Ambassador thih dan khi chu Americanho ngei pawhin an sawi chiang thei/duh rih lo a, CNN State Department correspondent chuan US Consulate building chhunga safe room chhungah a thi niin a sawi a. Chutih laiin AIR Aizawl chuan car-a a chuang lai an that a ti hmiah mai. September 13 zing-a chanchinthar puanah hian ‘nimin tlai’ an ti pawh khi a dik lo chiang bal bawk…September 11 zana thil thleng a ni si. Ambassador hming lah hi Stevens a ni a, “Evans” an ti ngawt bawk. Hah hi a dam mawlh lo a ni!
Kan sawi ta sa sa, sawi zel ang. Chanchinthar chhiartute hian chhiar sual an nei ziah ti ila dawt kan sawi miah lo ang. Sapṭawng leh vaiṭawng an lam dan chu, ṭawng dang ngang a nia, thukhatah i ngai ang. Mahse Mizoṭawng ngei an chhiar sual nasa em em ziah mai leh awmze hriat theih miah loha an chhuah fo mai te tal hi chu siamṭhat a va hun em. Khaw hming leh hmun hming te hlei hlei hi – an duh ang angin an lam kawi vel mai mai emaw tih tur a ni. Mihring hming te pawh hi an han chhiar tak tak chuan anmahni kan hriat reng pawh midang daih emaw kan ti dawn rum rum ṭhin alo’m le.
Mizoṭawng hi chhiar dik a har khawp mai; tlang hriat a ni. Mahse hetianga hnaa neihho te tal hi chu mi naran aia chhiar thiam tur a ni asin. Midang ziak an chhiar ṭhin a ni chek ang a, chuvang tak te chuan fimkhur a ngai hlei hlei. An record emaw, live-a an chhiar hma emaw hian an rehearse ngai hlek lo ni maw. An hotute hian Mizoṭawng lama kan mithiam te ruaiin chanchinthar chhiartute leh announcer dang te pawh hi ko khawmin zirtir se, ni hnih ni thum chhung lek pawhin hma an sawn ngeiin a rinawm.
Chanchinthar an chhiar ṭan dawna music an tih rik tel ṭhin pawh hi a chang chuan a ring lutuk a, a chhiartu aw luahlan vek leh a thu chhiar hriat theih miah loh khawpa ringa an tih chang a tam mai. Hemi chungchang hi hman deuh khan Station Director hnenah email-in ka ziak tawh a, rei lo deuh chu an han herh zawi ve a, tunah chuan a ring lutuk leh fo tawh bawk.
Late 70’s lama ‘a chhiartu’ ṭhin C. Lalrosanga te, ‘a puangtu’ Lalhmerliani Fanai te, tun hnai lawk thlenga chhiar ṭhin Lalramliani Hnamte te kha an va ngaihawm ta em!
Similar Posts:
- Ngaihtuahna ṭawng (Mind language)
- Evening Post website tlawh thin la
- AIR Aizawl News Internet lamah ngaihthlak theih
- Ka ngaihtuah mai mai a..
- Dragon killer!
September 14th, 2012 at 12:06 pm
Chhiar i1a.
tren tren
Report this comment
September 14th, 2012 at 12:07 pm
Hmanah casual announcer turin ka interview ve a, ka tla chiang
,Kei aia thiam an la a, ka sawisel phak loh 
Report this comment
September 14th, 2012 at 12:09 pm
A nih tak chu maw le ! A va zia lo ve
Report this comment
September 14th, 2012 at 12:13 pm
A dik khawp mai,
hnaa nei ve meuh siin an chhiar/ziak sual nasa lutuk thin hi chu a ngai mawh awm khawp mai. AIR mai nilovin local channel hrang hrang te leh DDK thleng pawhin, a korean film lettute thleng mai pawh hian. 
tren tren
Report this comment
September 14th, 2012 at 12:15 pm
” …Late 70’s lama ‘a chhiartu’ ṭhin C. Lalrosanga te, ‘a puangtu’ Lalhmerliani Fanai te, tun hnai lawk thlenga chhiar ṭhin Lalramliani Hnamte te kha an va ngaihawm ta em!”
Ni ngawt mai…..
Report this comment
September 14th, 2012 at 12:23 pm
Report this comment
September 14th, 2012 at 12:33 pm
A hahthlak tak a nih hi a!!. Chuan belh lawk post chhuak har nghahleh em em a awm hi nuam in hrehawm ve reng.
Report this comment
September 14th, 2012 at 12:35 pm
Larinpuii puan kha chu a zia viau asin le. Khimi ni-a puangtu khian a tisual nasa em a nih khi a.
Pu C Lalrosanga hi mizo sorkar hnathawk zinga ka duh ber a ni. Guwahti lamah a awmsan avang hian an nawi phah deuhte pawh a ni mahna le…
Report this comment
September 14th, 2012 at 12:36 pm
Ka like e
Chanchinthar buatsaihtute leh chhiartute tanlak a ngai khawp tak mai.
Report this comment
September 14th, 2012 at 12:43 pm
……..A chhiartu Lalramliani Hnamte” tih hi chuan a news hliah hliah bikin ka hria.
Report this comment
September 14th, 2012 at 12:45 pm
“Kan Zotlang Ram Nuam” music a rawn ri a, “Heihi All India Radio, Aizawl ani. Chanchinthar, a chhiartu Lalramliani hnamte…” lung tepawh a ti leng e a kan la naupang ve angreng khatih lai khan.
Report this comment
September 14th, 2012 at 12:49 pm
AIR, DDK, LPS, Zonet news reader-te hian Mizo Tawng hi an chhiar dik zeuh zeuh thin emaw ka lo tia…..
Report this comment
September 14th, 2012 at 12:50 pm
Lolzz Thachiang…
Report this comment
September 14th, 2012 at 1:00 pm
LPS leh Zonet newsreader ho ve thung: vawiinah PresidenT in entertainmenT atan agenT sawmhnih, a ruat.
Report this comment
September 14th, 2012 at 1:02 pm
Thenkhat hi chuan Mizo tawng hi kan lo thiam tak tak lo. Crammer te pawh hi kan zir leh deuh a ngai a ni
Report this comment
September 14th, 2012 at 1:02 pm
Kei Radio hi ka ngaithla ngai meuh lova, DDK News erawh chu ka en thin a, News Reader te hi an tha hlawm thawkhat viau chuan ka hria, DDK hi chu.
Daily Newspaper leh magazine ho ah hi chuan chhut sual hi a awm ngei ngei ti ila kan sawisual lovang. Good post
A concern ho te’n chhiar se, insiamthat nan hmang thei se a that hi le.
Report this comment
September 14th, 2012 at 1:04 pm
#14, ‘vawiin khan’ an ti zawk lo maw? Mahse, ‘nimin hian’ an ti duh bik miah lo. lolzz
Report this comment
September 14th, 2012 at 1:11 pm
MS word-ah te hi chuan english spelling leh grammer check-na a awm nghal vek a. Mizo tawng erawh a hmu dik thei hauh lo
Chuvang te pawh chu a ni mah na, a ziah lamah chuan english ho hian an tihsual khat viau a, mizo hoin kan tihsual hrat bik em em te ka tia
Report this comment
September 14th, 2012 at 1:33 pm
Report this comment
September 14th, 2012 at 1:54 pm
AIR te chu an la zia eeee….aduhi@14,hehehe ‘T’ hi chu ‘T’ anga a rik chuan a la zia, ‘T’ a tawp si, mizo tawng suffix a zawm ngai ang chi ho hi lawm nuihzathlak duh chu; ‘ah’ in a zui phei chuan ‘D’ ang hian a ri deuh vek
Report this comment
September 14th, 2012 at 2:05 pm
An puan hma hian vawi engemawzat chhiar chhuah tlauh2 phawt awm ania, (an chhiar lawk tlauh2 maithei bawk a)
Report this comment
September 14th, 2012 at 2:06 pm
Pu Hlatekhua, hetiang hi ka lo zawng thin a, ngaihthlak hlauh tur anih hi. Ka hmuzo ngai lova, BBC news leh AIR English news hi a link min pe thei em aw?? hei hi chu ka bookmark hmak tawh.
Report this comment
September 14th, 2012 at 2:16 pm
Report this comment
September 14th, 2012 at 2:17 pm
Lalramliani hnamte ka va ngai e
Report this comment
September 14th, 2012 at 2:17 pm
hmeltha…saptawng lam pial thiam leh aw mawi ringawt thlan hi a fuh lo tulh tulh ang.
mizotawng chu tonal dialect a nih avang hian awmze bo thaka puang hi an tam ngang mai.
news reader hlawhtling ber berte hi india ramah …an hmel a tha em em lo…an aw lah a mawi bik lo.
information dik lo an pek fo phei chuan a pawi tawlh tawlh dawn a ni.
Report this comment
September 14th, 2012 at 2:23 pm
Engineer-in-charge tih tak khi ka tan tawp…
Report this comment
September 14th, 2012 at 2:43 pm
@Sihtea`n alo type sak hlawm te hi ni lo maw
Report this comment
September 14th, 2012 at 2:51 pm
Engineer-in-Thief te tital se, a dik hmel zawk daih si a.(source: Mizotiamfthu.com)..
#27…
Report this comment
September 14th, 2012 at 2:59 pm
Drake@27
Report this comment
September 14th, 2012 at 3:02 pm
drake#27…………..haha..
Report this comment
September 14th, 2012 at 3:26 pm
Baby Lalremsiami kha em ni kha aw,a puang ve hman em khah? Vawikhat LPS studio a ka kalin ama news chhiar kha Coolpro ah alo edit mial mial mai a,khatiang law law khan software te thiam hlawm se a tha fu ang a,an chhiar sual lai an siam tha a,news ah anmahni lang tam lovin video coverage phenah an aw a tam zawk a an hmuiphun rem pawh siamthat ngai tawh kher lovin. Radio te hi Live a tih kher a ngai em? A ngaih loh chuan pre record a edit ve leh mai chu ava awlsam awm ve.
Report this comment
September 14th, 2012 at 3:27 pm
AIR studio-a thu han sawi dap dap chu, ngai thlatu hmu miah lo mahila zam awl ve khawp mai(in sawi thei)
Casual announcer Mabiaki kha la awm tak maw!
Announcer tur hian Mizo tawng thiam aiin english thiam an dah pawimawh zawkin ka hria
Report this comment
September 14th, 2012 at 3:36 pm
@evergreen… I va’n changsang bik ve… I thu sawi tur awm ka hre mai…
Lunglei AIR announcer-ho saw an thiam thin khawpin ka hria.., kan naupan lai chuan…
Report this comment
September 14th, 2012 at 4:53 pm
Hmm..
..Hlatekhua a awm ho hi in bengvar zawk ziah..kei aiin… 
Report this comment
September 14th, 2012 at 5:21 pm
News reader te thiam loh nge editor te thiam loh niang aw..
Report this comment
September 14th, 2012 at 5:40 pm
Pathian thu sawi a, han vai pap pap a har ka ring thin khawp mai Radio studio-ah hian…
English chhiar hi chu an thiam ka ti, ka thiam loh em avang hian..Mahse an mizo tawng chhiar hi chuh..DD, LPS,zonet, AIR
a hahthlak lam deuh chu a ni.
Editor mawh a nih rualin, Pu Vakul sawi ang khian, mizo tawng hi tonal dielect a nih avangin, a chhiartu mawh thui tak a ni bawk.
Report this comment
September 14th, 2012 at 6:18 pm
Market survey* neia ka kal hlanin in lo chhiar a, in lo comment a, ka lawm hle mai.
Tun laia news chhiartu tam zawkin an chin, ‘Biakthansanga influence’ ka tih mai chu sentence tawpa ‘a ni’ tih an chhiar hi, a hma chiahah an han tawp det a, chiang leh uar deuh takin A NI an ti deuh kher ṭhin hi a ni. Ngaihmawhawm tham tak tak phei chu a ni lo naa a flow a ti khaw lo zo vek ṭhin. Biakthansanga’n LPS-a chanchinthar a chhiar ṭhin laia a tih dan kha an copy hlawm a niang chu ka ti mai.
Ka post hi mimal sawiselna leh demna atan ni lo-in hmasawnna a nih theih beiseia ka tih a ni tih min hriatsak dawn nia.
*market survey = bazar kal!
Report this comment
September 14th, 2012 at 6:28 pm
A ni ngawt a sin, khaw hming te deuh deuh hi an lam dik lova, zah a hnekin in tih theih nan an hmang emaw tih mai tur zawk a ni. Screening uluk leh zualin nei se, a tling lo chu chhiar tir tawh lo se a tha ang.
Report this comment
September 14th, 2012 at 6:31 pm
Ka hriatan mai mai chuan hetiang hi chu a chhiartute thiam loh aimahin editor te thiamloh a ni zawk lo’m ni? Mi ziaksa kha an duh a an chhiar theih a ni tlat lo. Tin news reng reng hi kan hriattur chu mi bengverh zawng a tih a ngai thin, a diklo hlawm tawp erawh hi chu a awm ve a mahse a dik ve tho ang chi hi chu sawi a rem mai in ka lo hria a. Lalramliani Hnamte hi chu a ngaihawm takzet a ni e.
Report this comment
September 14th, 2012 at 8:37 pm
Chemtatrawta@22, i ti-fiam nge i ti-der ka hre lo a, mahse BBC leh AIR English news chu ka zawn chawp loh chuan ka hre bik mai lo tawp.
VL Hminga@39, AIR Aizawl news hi i ngaihthlak chuan editor te thiam loh vek a nih theih lohzia i hre chiang ve ngawtin ka ring.
Report this comment
September 17th, 2012 at 1:49 pm
Hahthlak dan chi dang deuh: Hei hi misual.com-a ka post hma hian Vanglaini-ah thawn ka tum a, ka email kha a kal thei lo emaw ka tia, ka’n tih nawn leh pawhin delivery failure notice a awm zel a. Mahse an lo hmu ngei chu a nih awm hi. Vawiin Sept 17 hian an chhuah ta tlat mai.
Italics-a ka dah te kha an email-in a hrut ngil vek ni maw, a ngil ta vek mai. Ka sawi tum pawh hriat a harsat phah zo vek.
Report this comment
September 17th, 2012 at 11:12 pm
Nia, vanglaini hian Italic lai hi an ti reh vek anih hi….
https://www.vanglaini.org/index.....Itemid=466
Source : misual.com an ti dawn emaw ka ti a
Report this comment
September 18th, 2012 at 4:27 am
Ka hmu ve chiah e. Anih tak hi mawle..a hlut tur angin a hlu lo dawn anih hi!
Report this comment
September 18th, 2012 at 7:33 am
Sawi lai mek mekin tukin chu Hawnble (hon’ble) minister tih kan ngaihthlak fuh khiah chu le!!
Report this comment
September 18th, 2012 at 8:19 am
Vanglaini ah khan Pu Hlatekhua post chu ka chhiar a, a hming diktak kha a hmang sia, ngaihtuahzawm nachang ka lo hre miahlo nia. Kan chhiar khan hei chu ka chhiar hnu ani ka ti rilru a..kan upa tawh aniang, ngaihtuahna a tawi tuk ta mai!!
Report this comment
September 18th, 2012 at 10:21 am
lushai_er@42, lrpa@43, ka ‘correspondent’ te hnen atanga ka lo hriat danin a print-ah chuan italics hi a lang a ni awm e. Ka thaw huai mai.
Jacka Pi, kha kha ni mai!
sheldon, kha i hre reng a, i rawn comment alo’m. I ngaihtuahna tawi lohzia chu i post leh comment te atang hian a chiang thin em mai!
Report this comment
September 19th, 2012 at 1:12 pm
Chanchinbu thlalak hi ka’n hmu tlaikhawhnu a, italics chu a ṭhenlaiah chauh an lo hmang a, a tikhawlo zo vek. Mak thei ngei mai!
Report this comment
September 21st, 2012 at 5:00 pm
Zonet Tualchhung Chanchinthar, September 20, 2012:
Vawiin khan All India Radio Aizawl Station Director Room-ah All India Radio leh Doordarshan Officer-ten an programme leh Chanchin thar puanna lam tihhmasawn dan turte an sawi ho a. Hmar chhak bialtu, AIR leh Doordarshan Additional Director General, Pu C.Lalrosanga’n a ho a ni. AIR leh Doordarshan hotute chuan programme hlui leh hlute vawn thatna atana digitalization scheme hman mek chungchang pawh an sawi ho a. AIR leh Doordarshan Regional News Unit-te, Chanchin thar theh darhna kawnga tha zawka an thawhho dan turte an sawi bawk. Pu C.Lalrosanga chuan AIR Aizawl programme puan hun chhung chu darkar 3-a pawh sei tum a ni a ti a. AIR Aizawl FM Zoawi programme pawh zing atanga zan thlenga pawh sei tum a ni a ti bawk.”
AIR Aizawl Chanchintharah pawh an puang bawk. A lawmawm ngawt mai.
Report this comment
October 17th, 2012 at 3:38 pm
AIR News bawk chu: Tukin News-ah chuan Lengpui YMA Branch-in an kum 60 tlin lawmna’na thisen an pek chu ‘Lunglei YMA’ zu ti leh ngawt pek a. An pekna hmun Lengpui a ti bawk si. Lengpui YMA tan chuan a lawmawm lo ve ngawt ang.
Chu mai a ni lo, Dr. JV Hluna pawh PC Party ‘Senior Adviser President’ a’n tih leh bawk kha.
Tun hnai hian an insiamṭhaa hma an sawn deuh emaw tih laiin chuti teh vak an lo la ni lo a ni awm e.
Report this comment