“In tawngka chhuak chu, chia al, khawngaihna tel ni fo rawh se” Kolossa 4:6b
‘Tawngkam thain Sial a man‘ tiin kan pi leh pute’n thufing min hnutchhiah a. A bawplawka la duh tan, ‘tawngkam tha hlawr ringawt, rilru chhungrila sual tak pawh an awm thei tho alawm‘ a tih theih tho. Mahse, tawngkamtha pawh hmang thei hlawl lo te ai chuan, tawngkamtha hmang thei te nun erawh a awhawmin a hahdam zawk ngei ang. Tanchhan leh behchhan nei miah lovin, ka ngaihdan mawl te te, ka’n sawi ve mai mai ang e. 
Min bawl…
He tawngkam hi pawl sawm zir tura hostel ka luh hnuin ka hre ve a. Mak ka ti thei hle. Thiante nena titi changin; an thatna leh fel kan tihna han sawi ila; min bawl an ti nghal ngawt zel a. Duh ang pawh min sawi tir ngam lo fo. Hun a kal zel a, bawl tih tawngkam chu a hluar tial tial lehnghal em maw ni?! Bawl tak tak nge, bawl lem lem tih pawh thliarhran a har lek lek ta mai.
Fak-ar-ek
An la ti ta deuh deuh a. Thian thenkhat te’n an mawhphurhna hlen thain emaw, fel leh entawntlak takin khawtlang leh kohhran, chhungkaw tan theihtawp an chhuah a. An thian leh rual hnai te’n fakna awka an chhak chhuah changin, khai khai, min fak-ar-ek ziah, a tak tak emaw ka ti palh ang e kan ti duh chauh thin.
Mizo tlawmngaihnain a ken tel zinga tullo ka tih ve mai mai chu, min duhsaktu te’n thil engemaw min hlan emaw pek dawn a, intihtlawmgngaih avanga lak duh loh emaw hnial fithla-thak mai te hi. Chin reng tlak a ni em? ka hre law. Enge in ngaihdan?
Kum a vei ve ta nual. Aizawl city bus ka chuan zin lai khan, upa leh hmeichhe chaklo thenkhat te, tlawmngai takin thutna kan han kian a. Kan kian ve e ti lovin, mi thenkhat inlatlawmngaia thu duh miah lo an awm. Thutna kiantu tan awmdan hriatthiam a har lek lek thin. Mi’n tlawmngaiin, duhsak taka thutna min ken chuan, ka lawm lutuk e, tia thut mai tur a ni dawn lo’m ni. Midang tana thutna kan ken tawh sa, chuhhelh reng renga khawsa vai tlangvalin an thut khalh tharh chang pawh a awm fo kha maw le.
Khawte pastor
Tlangval thenkhat, smart taka incheiin, inkhawm emaw thiltihhonaah a rawn kal a. Incheina hun leh a hmun hriat hi a pawimawh teh meuh mai. Mahse, a lo-a-luata, an inthuamna tiel emaw zawng a; e nang chu khawte pastor ang zaih I ni mai an han ti hram te hi, a tul lo ka va ti mai mai tak. Fiamthu ka hua tihna a ni law. Thuamhnaw inbeltu tan a awm tinuam lo vawng vawng khawpa lo fiam erh ai chuan, vawiin chu I nalh hle mai te han ti mai se, a dawngtu tan a nuam zawk daih awm si a.
Mitin hian kan phak tawk theuha tha ber leh mawi ber turin kan nihna leh kan inthuamna te lantir hram hram kan tum vek ti ila, ka daw kher lovang. Mize uchuak leh inthuamna leplerh leh over zawng a awm ngei e. Mahse, vantlangin kan pawmtlana tha leh fel, awmdan mawi leh khawsak tha te hi chu, fakin chawimawi dan I thiam ang u. Eng a nih bik loh nen, ve leh ringawt chuan ti tea kan tawng chhuak fo mai te hi, inenchian a tul lo maw?
Piangthar…
Misual tak nia kan hriat leh, vantlang paw’n kan ei loh em em thin nula/tlangva chu, Pathianah lawmna changin a hlim em em a. A va’n lawmpuiawm tak em! ti lova, ani leh ngawt thin hi, a zak thei lo ngawt mai. A duh hun hunah hian a rawn piangthar a, te kan ti zek thin a. Kan sawi loh tur hi kan sawi fo a ni.
Ka sawi duh ber chu; kan zilha kan fuih thei a nih ngawt loh chuan, ralkhat atang mi nun tha lo leh fellohna ringawt kan sawi fo hian, a tuartu leh rilru hah chu keini bak kan ni lo mai thei. Tin, kan relna tawngkam chhuakin, kan relte beng a thlen ngat phei chuan, boruak tha lo tak a chawkchhuak thei leh nghal.
Ti zawk hian aw…
Khawizu thlum tak siamchhuak turin, khuai hian pangpar zu dawt kualin, hmun hla tak tak thlawkin, pangpar sang tam tak a tlawh thin. Pangparzu a hip hnuah, eng dang tikawi lovin, an bu lamah a thlawk haw vang vang a. Hun a lo ral chuan, khawizu thlum tak an siamchhuak thin.
Kan tawngka chhuak hi, midangte tana hriat nuam leh lawmtlak ni fo se la, hringnun khualzin kawng kan zawh mek hi a nuamin a va hahdam dawn em!
a tha khawp mai
September 14th, 2012 at 3:14 pm
Tawngkam chi a al nge khawizu anga thlum chu ka duh tak ang aw..!
In fak hi a tha ka ti,faktute kutah nilovin a faka te’n kan dawnsawn thiam a ngai ani mai. Uchuak taka infak paw’n a dawn dan thiam mai a tha berin ka hria.
Report this comment
September 14th, 2012 at 3:22 pm
BAWL tih tawngkam a lo chhuah tak achinah hi chuan kan infak hlei thei tawh lo a nih ber hi maw..
good post
fiamthu!
nula lang lo tlats
Report this comment
September 14th, 2012 at 3:29 pm
hetiang post hi nula duh chi.. ehhhh
Report this comment
September 14th, 2012 at 3:39 pm
Khai aw, post dang ka comment mual mual laiin, a lo chhuak ka ti..
Nula comment ka beisei deuh a niaa(h)..
Report this comment
September 14th, 2012 at 3:55 pm
TuaiSiala khan a nula nick khan lo comment se
Report this comment
September 14th, 2012 at 3:55 pm
Report this comment
September 14th, 2012 at 4:06 pm
Bei tha ve…..chawimawina hi kan dawng thei chiah lo nge ni a, inferiority/superiority complex awm nasat lutuk vang pawh hriatthiam a har ang reng thin ngawt mai. Min thiam kan tih te, tha kan tihte ang chi pawh in hrilh theih ta miahlo mai hi chu thil tha lo tak chu ni in ka hre ve ngawt. In pawih fak te kan ti ta mai zel bawk si nen hahthlak lam deuh hi chu ni…..
BAWL a ni ta zel mai bawk si nen, mi tu in emaw inti fing tak mai a midang han bawl an han tum vel thin a hi kei ka ti thei mang lo khawp ah, a nihna ang hi ka hrilh ta fawk mai thin a, mi an haw ang reng thin khawp, in ti fel nih pawh hlawh a awl ang reng
. Kei,A tha ka tih chuan ka hrilh hreh lem lo, in pawih fak an lo ti ta a nih pawn a pawi ka ti lem chuang lo. Tha tih zawng a nih loh pawn thalo tih kha ka hrilh hreh lem chuang lova a rude pawh an ti fo thin mai amaherawhchu,………….duhzawng a in an loh ang bawk hian tha tih zawng te duhloh zawng te a in ang lo thluah awm e a…..a nulat lam leh lam loh phei chu ka ngaihtuah ve vak lem lova, nula lawm chi a nih pawh ka hre chuang law mahse i thil sawi hi tha ka ti viau mai………….. 
Report this comment
September 14th, 2012 at 4:22 pm
# 5…
drake-i te hi alawm, an reh diak a.. 
@ Dr John… A dik khawp mai.
# 7…
@ malsta 27… drake, evergren, adt., hi alawm, nulain min lawm tih hre lo hian, nula ka lawm emaw hi an ti daih a.. 
Report this comment
September 14th, 2012 at 5:17 pm
A ni khawp mai, mahse mi tawngkam ho te te vanga rilru lo tih nat chu a rilru tet thlak mai mai a, ignore tur chin i hria ang u, kan sensitive lutuk chuan tumahin min mil thei nang! mi(sual) leh fb vela mi comment vang mai mai hian kan rilru tih nat i phal lo ang u.
Report this comment
September 14th, 2012 at 5:53 pm
Nula rim dawna, an nute’n ‘lo lut rawh eng nge in duh?’ an tih tawngkam hi dawn sawn a nuam miah lo.
Report this comment
September 14th, 2012 at 7:49 pm
hetah hian nula tan comment kan sale Mahminga tan
Report this comment
September 14th, 2012 at 9:01 pm
Report this comment
September 15th, 2012 at 1:08 am
Einch hei chu!! ka mawl fal bik nge mi in min fak ve chuan nui chungin “Thank you” ka ti mai thin! “Min bawl” tih ang vel hi ka lo la hmang ve ngai miah lo haha!!
Report this comment
September 15th, 2012 at 1:12 am
Sports Council a truck enkawltu Dingtea pawh, a ni (aunty) te khuaah a zin dawn a. Apa chuan, ” I ni te kha an michhe ve angreng a, va pangchang miah suh ang che. Mi tawngkam tha te kha hrethiam la…” ti zawngin thu a chah ve ngei a ni. Ani chuan, “Ka hria alawm, puitling ka nih tawh hi,” ati ve mai a, a kal ta a.
Ani chuan, “Mama, kan ar a pul vek mai a, ar talhsak tur che pawh kan nei der lo mai…” a ti dek dek a, Dingtea chuan, “Tawngkam tha, tawngkam tha..” a lo ti vel
Report this comment
September 15th, 2012 at 8:03 am
# 13…
#14…
Ka sawi tawh angin, tawngkam tlemte ka tarlan khi hman maih loh tur ka ti lova, mahse kan uar lutuk mah mah em aw? ka tih vang a ni.
Primary sikula kan zirtirtupa thusawi kha ka hre chhuak thin. Thudik a nih leh nih loh erawh ka hre lo. Ti hian a ti: Mizo-pa pakhat pawh, saprama a thlenna inah, breakfast an han pe kha, intitlawmngai takin, ka chak lem love tiin a hnial ngawt a. Lunch an ei dawn paw’n, chaw a ei chak lovah ngaiin an siam kep lova. Riltam takin a awm phah tiin a sawi thin. Ka sawilan tum chu kan hrethiam thei ang chu maw…
Report this comment
September 15th, 2012 at 8:37 am
He post hi ka lo hmu reng renglo mai, a that tehreng nen. Ka chhiarchhuak hman tawh lo. Keipawh inbawl tih vel hi ka ngaisang lo, bawl rual kan ni tawhlo bawk a. Eng kawng emaw bera fakna ka dawn paw’n ka lawm e let ve hmiah zel. Good post
Report this comment
September 15th, 2012 at 11:44 am
@15:
Raltiang ram tih USA zin chungchang ziahna a mi ni tlat a ka hriat chu………..Pu LN tluanga a ni ta em kha le khami ziak tu kha ka chiang ta lo…..An hriat thiam loh hmel ang reng khawp mai tlawmngaihna lan chhuahtir dan a kha 
. Tlawmgngaihna pawh hi in ang lo thei deuh tur a nia a hnam a zirin.
Report this comment
September 15th, 2012 at 6:01 pm
1. khi…kan hriat nawn theuh atana tha chu, sorkar hnathawk suspend hi hremna a ni miah lo tih hi. An puhna sorkarin a ngai serious ta viau tihna te chu a ni mahna. Retire tawh phei chu suspend theih pawh an ni tawh lo lehnghal. Tun case-a thawm ring tak tak nei zinga thenkhat hi chuan suspend an ni hi an lungawipui tawk viau maithei.
A pawimawh ber zawk chu: an puh anga thil dik lo ti an lo nih ngai chuan an phu tawk hremna an pe ang em? tih hi a ni.
Report this comment
September 15th, 2012 at 6:12 pm
Ka chunga Pu Hlatekhua comment hi ka va hrethiam lo
Report this comment
September 15th, 2012 at 6:25 pm
hlatekhua hian a comment na hmun (#18) a dik lo a nih hmel hairehai
Report this comment
September 15th, 2012 at 6:26 pm
Hahaha..Pu Hv, hlatekhua comment #18 khi Awmtea post ah sawn kan va hnuk phei ang e
Report this comment