Vanglaini 17 September, 2012 (Monday)-a Lalnuntawma Fanai thu ziah hi a tha ka ti em a, a tlangpui khaikhawmin ka rawn copy/paste ve tawp mai. Amah hian min hau em lo vang chu maw…
Kum 10 chhung MLA ni tawh mah se, tute emaw angin dik lo takin a hausa ve thiam lova, a duh hek lo. An in pawh a chung rangva a ni a, a bang pawh lei hmanga zut leh thum bawh kaih sawih hmanga sak a ni. An in chhungah chuan bungraw tha tia sawi tham a awm lova, Fridge chhia leh TV tha pakhat a awm. In tha tak sa tur chuan MLA a nih lai khan eiruk a ngai niin a sawi a, mahse, a tan a rem ve lo, “Kum 1988 a MLA term a zawh khan ka pension hlawhin kan in chung, rangva hi ka lei a, in hi kan sa ve ta a ni,” a ti a, chu thu ropui tak sawitu chu Tripura State a Mizo khua, Darchawia cheng Mizo pa DC Hrangkhawl a ni a, a nupui pawh Darlong nu a ni.
“Ruling MLA ka nih lai khan, State Level Corporation Chairman ka ni a, hna beiseite chuan min tham tumin Maruti Van te, fridge te, TV te min pekte an tum thin. Mahse, Mizo kristian ka nih avangin heng zawng zawng hi ka hnawl vek a ni,” a ti a. “Thirsakawr pawh ka nei lo, lirthei phei chu hla tak a ni,” a ti. Sorkar hna leh eizawnna kawngah hnam thliar lovin a thawk nasa hle a, a hnena lawmthu sawi nan thil pek let tumte an awm fo a, mahse, a la duh ngai lova, a chang chuan a lo hau let fo.
Kristian a nihna angin dik lohna avanga milian nih a ngam ve lova, sum dik lo a hnawl chhan chu kristian anih vang tih thu pawh a sawi uar hle. Tunah chuan MLA pension hlawh Rs 6,000 a la a, “Ka pension hlawh hi kan chhungkaw innghahna a ni,” a ti a, “Hausakna dik lo hi ram leh hnam tan a tha lo, mahni thawh chhuah a nih chuan in leh lo tha neihte chu a chakawm alawm,” a ti a, an in chu a chhuang hle. Fa pahnih nei DC Hrangkhawl hi Tripura Pradesh Congress Committee-ah Gen. Secy. a ni mek a, meeting pawimawh an neih dawn pawhin rail-ah passenger pangngai angin a kal ve mai thin!
Tripura state Chief Minister Manik Sarkar pawh hi mi chhuanawm tak a ni. Kum 2008 a MLA inthlanah khan a pawisa neih zat chu Rs 13,920 chiah a ni. India rama Chief Minister thenkhat chuan term khat a ral hmain an motor hman tur pathum an lei hman te an ti a! Tripura CM Pu Manik Sarkar erawh chuan motor pawh a nei lova, a fate tan khawvelah hian rochun tur pawh a nei miah lo. A thla khat hlawhah pawh Rs 9,200 chauh a la a, subsidiary allowances Rs 1,200 a dawn chu an party CPI (M) fund-ah a chhung lut thung.
Lal kawr hak aia mipuite ngai pawimawhtu Pu Manika nupui Pi Panchali Bhattacharjee hi a pasal avangin tute emaw angin a lo inti lal ve ringawt lova, minister a ni ve lo tih a inpawm ngam. Central Social Welfare Board-ah officer a ni a, an nupaa sorkar programme-a an zin dun a ngaih châng pawhin a pasal chu sorkar motor-ah a chuang a, amah chu Auto rickshow-ah a chuang mai thin! Pu Manik Sarkar chuan MLA hlawh tihsan chiam chiam hi a duh lo hle a, “Hlawh nei turin politics kan khel lo, mipui tana rawngbawl tura politics-a zuang lut kan ni zawk,” a ti hmiah mai.
Ramin a hlawkpui dawn a nih chuan tia mahni inhlan ral ngam Mizo pa DC Hrangkhawl leh Tripura Chief Minister ni mek Manik Sarkar te rilru ang pu hi Mizoram hian MLA engzat chiah nge a neih ve ang le?
Similar Posts:
- State government surrenders again
- “Baffacos” zawhna tam takin Boss den a ni
- CM hlawh thar tur – Rs.1,20,000
- Sorkar hnathawkte hlawh a pung dawn
- Pu Vanhela Pachuau GPF dah hi a dik em?
September 18th, 2012 at 5:38 pm
Report this comment
September 18th, 2012 at 5:39 pm
White House min hriat chhuah tir daih pek chu! US Presidentte hi an president nihna hausak chhuah phah tumah an awm lo vang. Tin, White House hrim hrim pawh hi a chhung cheina ropui/man to tur ka hmuh ho chu ramdangin ‘gift’ ang a an pekte leh an hlui tawh vang a man to tawh turte an ni hlawm.
Khitiang mihring khi politics khawvelah ka ngaihsan berte an ni.
Mipuite hian kan ram tan a kan HIRE turte hi kan thlan uluk viau a ngai reng a ni. Kan aiawh tur a kan HIRE te hi kan hlauhtlawn a, anni lah chuan ka thei ber emaw an ti bawk a, a hahthlak thin teh zawng a nih hi! Mahni party member lo pawh, mitha kan thlan ngam a hun tawh hle.
Report this comment
September 18th, 2012 at 5:42 pm
E khai, Mizoram Mizo-Kristian ai chuan, Tripura Mizo-Kristian chu a entawntlak zawk hle mai a…
Tripura CM leh a nupui hi a ngaihsanawm ngawt tak mai. Kan CM ve lah, a nupui hi Dy. CM ni awm hialin a inrawlh thung si… 
Keini ang pawh hi, CM lai pawh ni ila, milian ka ni dawn lo hrim hrim, ka dul a kiar ve deuh ang tih mai loh chu…
Report this comment
September 18th, 2012 at 5:49 pm
Kei ka dul a kiar deuh tlat tawh a, CM te hi ni ve ta ila, a thep thawn zawkin asin ka rin. Mahse tih theih lah hi kan nei tlem nasa mai si a le…
Report this comment
September 18th, 2012 at 5:51 pm
Kan inchangkan hleih hlawm teh e…a ṭhenin kan thenawm hnaia MLA hlui te in kan hriatchhuah laiin H.Vangchhia te chuan White House an lo hrechhuak bik ta ṭhin a nia le!
Tripura MP pahnih hi vawikhat ka buaipui/enkawl tawh a, an bula awm a hahdamthlak ngawt mai. An inti lal ve lo a, an nun dan a mawl/awlsam a, an che hautak hek lo. Pakhat zawk phei kha chu Lok Sabha-a a term 5-na a ni. He pa hi tunah pawh a la tling zel a, a term 7-na a hmang mek.
Report this comment
September 18th, 2012 at 5:54 pm
hlatekhua # 5 hairehai
min ti zak ang e hahaha. Ka hriatchhuahna chhan ka ziah tel khi aw 
Nilo lam a ngaih awih lovah kan ti ang chu
Report this comment
September 18th, 2012 at 5:56 pm
Tripura hi communist lalna ram a ni a. Kristian state tan entawn tlak tak zuk ni daih a. Kristianna kan tih ve chhen hi kawrah tam tak chuan kan hmang mai mai a ni. Kristian dik tak chu khi, a chhung thu-a Mizopa khi a ni ngei ang.
Report this comment
September 18th, 2012 at 5:57 pm
An va ngaihsanawm ve! kan state MLA te hian lo chhiar ve se ka ti mang e, Pu Hawla nupui tak hi chu ka lo fak khawp asin, Pu Zorama nupui ai thlawt chuan an pa a thlawp thain a chawimawi thiam ka ti.
Report this comment
September 18th, 2012 at 5:58 pm
Awmtea #7 a nih dawn khi. #2 na a ka sawi ang khian ka mi ngaihsan ber (politics lamah) chi a ni e. KZP
Report this comment
September 18th, 2012 at 6:02 pm
haha..kan pawisa neih zat chu a va inang tlang ve aw
Report this comment
September 18th, 2012 at 6:04 pm
Report this comment
September 18th, 2012 at 6:17 pm
an va ngaihsanawm tak ve aw
Report this comment
September 18th, 2012 at 6:20 pm
chhiar a va nuam ve..
Report this comment
September 18th, 2012 at 6:36 pm
Awmtea hi minlo chetkhalh chu le. Hemi hi remchangah la-in zanin chu ka han phone teh ang ka tia misual.com lama chhuah chhawn dil ka lo tum ru mek a. Patling nih hi chuan kan buai thei lutuk a kan che muang zo ta!
A ngaihnawm khawp mai. Tripura hi a mak khawp mai an danglam tlat. Aizawlah khian Tripura lama kan mizo unaute nen kohhran khatah kan lawi thei khawp mai a. Mizoram lam aii rinawmna lamah chuan an sang fe zawk. An kristian dan a dik bik zarhin ka hria. Manipur lama kan mizo unaute chu kan tluk thung, ka hmuh dan chuan.
Mani Sankar miin an sawi apianga ka rilru-a lo lang tel ve ziah chu ama HERO ngei mai – Pu Joyti Basu India rama Chief Minister ni rei ber kha a ni. A va han fakawm tak e aw! Kum 2010 khan a niin ka hria a boral ta a. Thangthar tamtakin kha mi ngilnei leh mi dik zet chanchin kha na hre lovang tih ka hlau thin a ni.
India ramah hian Bihar leh Gujarat hi an awhawm hle a. Hei pawh hi eng dang vang ni lovin hruaitu tha Nitish Kumar leh Narendra Modi an neih vang a ni. An ni pahnih chanchin pawh hi a ngaihnawm. Pu Nitish Kumara’n Slumdog millionare a en ve dawn tuma rackshow tawng taka a chuang ngatte kha ka la mitthla thei reng a ni.
Kan MLA hian an ropuina hi an hre lo tlat a ni. Sum leh pai ngah leh thunei taka chet hi an ropuina emaw an ti tlat a. An che sual ta thin a ni.
Report this comment
September 18th, 2012 at 6:40 pm
Ignatia (33-115 AD)@14, tunge Mani Sankar chu?
Report this comment
September 18th, 2012 at 6:51 pm
@Ignatia lo han phone tho ta che aw.. kan post tih tal lo han hrilh la, hrilh ngaihna ka hre si lo
Report this comment
September 18th, 2012 at 6:53 pm
Ka duh chi.
tren tren
Report this comment
September 18th, 2012 at 6:53 pm
Pakhat mah!
Report this comment
September 18th, 2012 at 6:59 pm
He tiang thu tha leh inspiring deuh hi kan sawiho peih lo…comment a tlem leh ngawt ang
Report this comment
September 18th, 2012 at 7:03 pm
Pu Hlatekhua: Ha ha ha… Ka lo chhut hmaih palh a nih khi mawle DONeR minister hlui nen khan a in ang em bawk a ‘K’ khi lam tel miah lova sawi chang ka ngah mai. Diklo I hmu fuh thei bawk sia…hahaha AIR chungchang i ziak pawh Vanglainiah a chhuak keuh mai.
Insiamthat nan an hman phah ngei ngei ang.
Pu Awmte: I tihte chuan kan hnial ngam nang. Ziak ve rawh mi chanchin… Ziah tur i hre teuh ang. Hetiang hian kan MLAte hi kan pui dawn alawm. Rilru tha tak tak leh ngaihtuahna thar a siam hrim hrim ang he article pawh hian.
Keima mimal duhzawng ka lo sawi ve mai mai. Tun hnaia boral ta Pu Chawngtinthanga kha kei chuan a ruktein ka duh khawp mai. COngress hruaitu atan ka lo hual ru ve hle a. Ti thut thut si lo mahse dam deuha thusawite kha a thiam riau a. Amah hrechiangtute pawhin an fak khawp thin. In leh lo a nei lova MLA term a zawh hian in lian tak a sa ang em tihte lo enchhin ka tum vel mek a. Mahse min peih lo san ta si a, midang ka melh leh mek…hehehe. Mahse an vang ta khawp mai.
Report this comment
September 18th, 2012 at 7:20 pm
Hetiang lam chhiar hi chuan rilru a na a.A sawi a sawi ringawt hi chuan, kan ram hi kan siamtha thei tawh dawn lo. Ram hruaitu lawk zual, mitha lo pali panga vel nunna kan lak ngam (kan thah ngam) a ngai tawh.
Report this comment
September 18th, 2012 at 7:37 pm
^^__ Pa drem drem.
tren tren
Report this comment
September 18th, 2012 at 7:54 pm
Report this comment
September 18th, 2012 at 8:10 pm
Report this comment
September 18th, 2012 at 9:43 pm
ava ngaihsanawm ve le..
Report this comment
September 18th, 2012 at 10:27 pm
@Ignatia ram veina lampang hi chu vanglainiah pawh ka ziak ve nual tawh a, mi chanchin lam erawh ka la ziak lo. Tunlai ka rilrua awm veng veng chu, keimah hi eng tin nge ka chet ang tih hi a ni. A sawia sawi ai chuan luhchilh hi a that zawk ka ring thin.
@La lawma chu leh, den rem rem
Report this comment
September 18th, 2012 at 11:41 pm
Tripura hian kawngdung chu an nei mam tha ngang mai e, NE ah Agartala ah chiah CNG hmang Autorickshaw ka la hmu bawk. “Long live Comradeship, down with Capitalism, Fascism etc etc”
Report this comment
September 19th, 2012 at 12:19 am
Kan hotute hian entawn rawh se
Report this comment
September 19th, 2012 at 3:46 am
Ka va ngaisang duh teh lul em! Hetiang mi ram hruaitu Mizoramin kan neih hunah khua a var ang! Ka va nghaskhlel em!
Report this comment
September 19th, 2012 at 6:37 am
an khawpui te khu a ropui teh mai a nia. Vai chhia kan ti nachungin an ram hruaitute erawh hmathlir thui tak nei an ni.
Report this comment
September 19th, 2012 at 9:37 am
Hmanlai Reng Lalram kha ania.
Report this comment
September 19th, 2012 at 10:49 am
Rengram kha Lusei ramin kan tluk tawh lo a nih hi…Hui ham……. Kan Assistant CM hi cu auto rickshaw ah cuan a cuang ve chatuan awm c lova..
Report this comment
September 19th, 2012 at 10:54 am
@Gossy Ramtei Chhangte ‘Assistant CM’ tha lutuk
Report this comment
September 19th, 2012 at 11:14 am
@Gossy Ramtei chhangte: khawi lai hi nge Lusei ram chu ni ngai a? Mizoram a ni emaw ka lo tia kei…..
.
Report this comment
September 19th, 2012 at 11:18 am
Lammual inkhel enna hmunah pawh meizuk a khap hmak tawh kha..
Report this comment
September 19th, 2012 at 11:35 am
@35: A zuk theihna lai ah zu mai i la him :-))))………..
Pawisa khi kei ai in a la ngah zawk mule………….
Report this comment
September 19th, 2012 at 11:44 am
Rengram ram leh lusei ram te chu a dang ve ang chu…
Report this comment
September 19th, 2012 at 11:48 am
@Awmtea: A awm tawh meuh emaw ni le? Heng te2 hi lawm communal harmony ti chhe thei a chu, tha lo tak a ni, hman lai chuan a awm ngei ang…..mahse tun hnuah chu Mizoram tih a lo ni ta a hemi hi pawm mai a tha……..
Report this comment
September 19th, 2012 at 12:33 pm
Gossy sawi khi tunhma a ni turah ka lo ngai a…
Report this comment
September 19th, 2012 at 3:31 pm
Ignatia (33-115 AD)@20, ka’n chhang tlaikhawhnu ang che. Midang ngaihsanawm tak Mani Sankar chanchin i rawn sawi dawn emaw ka ti a ni e. Tripura CM hming hi chu Manik SARKAR a ni sia.
Report this comment
September 19th, 2012 at 3:48 pm
#14 & #40 Mani Sankar nge Manik Sarkar in sawi tum zawk ni ang le???
Report this comment
September 19th, 2012 at 4:22 pm
Awmte: Manik Sarkar mawle, Mani Sankar chu sawi tum ila AYAR ka tel khrim khrim ang…hehe Sarkar lai pawh khi ka lo ziak dik lo tho a nih khi a, Pu Hlatekhua…
Report this comment
September 19th, 2012 at 5:07 pm
Ignatia (33-115 AD), tak takah, chuvang chuan a nia ka’n chhan leh hram che ni. ‘I ziak sual e’ han intih dawt te hi a nuam si law.
Report this comment
September 19th, 2012 at 5:46 pm
I ziak sual hran lo, i type sual mai a ni
Report this comment
September 19th, 2012 at 9:27 pm
Vanglaini ah ka lo chhiar tawh a,a tha kahwp mai!ka ngaihsan rual2 in-’mahse’ tih ka nei ve deuh!MLA kum 10 ni tawh chuan in(house)pang ngai tak a nei thei lawm ni,hlepru lo pawhin,facilities tam tak an nei ve tur ah ka ngai a.In chhungkhur ngaihsak miah lo mihring hi a awm ve theih a,ka hre ve nual!kan sawi lawk teh ang..kan thenawm lawkah hian officer lian ve tak,zu duh em2 mai, chhungkua ngaihsak miah lo,in(house) chhe te a la cheng reng mai an awm a ni..in chhia a cheng hrim2 chhungkua kan ngai sang dawn a nih chuan a ni hi ngaihsan ber chi a ni ang! E nge ram/state tan a an a chievement tih hi ngaihtuah tel a ngai khawp mai.
Report this comment
September 19th, 2012 at 9:57 pm
Eiruk ngailo khawp hian an hlawh hi tam se ran tan hian an tangkai zawk maithei a ni te ka ti ve nuah nuah
Report this comment
September 19th, 2012 at 10:06 pm
“Ruling MLA ka nih lai khan, State Level Corporation Chairman ka ni a, hna beiseite chuan min tham tumin Maruti Van te, fridge te, TV te min pekte an tum thin. Mahse, Mizo kristian ka nih avangin heng zawng zawng hi ka hnawl vek a ni,” a ti a. Hetianga mahni chanchin insawi vak vak ho hi ka ngaisang chuang miah lo ve tlat. Midangin a chanchin an sawi chu nise thuhran.
Manik Sarkar
Report this comment
September 19th, 2012 at 10:29 pm
@thachianga, ama insawi chhan chu a ziaktupa hian chik deuhin a zawt pawh a ni mah na. A full article-ah khan eng emaw a sawi laiin “nui zui hak hak pahin” tih te kha a awm a… an inkawm fe a nih hmel
Report this comment
September 20th, 2012 at 8:25 pm
Pu Post tupa a ziaku pa chu ka han be ta hram e. A lawm khawp mai!
Report this comment
September 21st, 2012 at 7:44 am
@Ignatia thank u
Report this comment