Khawvèl tukverhah dàk chhuak leh ang aw! Tunlai thil awmzia hi a hmuhnawm miah miah hle mai! Keini ang thil hre zau lo tak tân pawh kan hriat ve phàk chin tlêmte pawh hian min tiphâwklêk nge, min tizauthau nge…kan Bible hrilhlâwkna thu hi a hringahrànin a lo thleng mêk zêl ni berin a lang!
US President Inthlan: America ram ropuia an President Inthlan pui November thlaa lo awm tùr, tunah thla khat awrh chauhin a dan tawh hian khawvêl titî a luah lo thei lo. Tunge tling zâwk ang tia inrinsiak hun a ni a, hei ang ram ropuia President nih tuma chuh phàk chinte hi chu an tling emaw, tling lo emaw mi namai lo tak an ni tih hi a chiang pha hrim hrim. Tunlai tak hian an khingpuite chèt chhiatna lai châng rànin, remchâng melh ràn chungin an han inveh vêl a, Obama hi tlêmin a bùk a la rit deuh zêl rih em ni chu aw a tih theih. Obama hian President a nih tirh khan America hi a hmel hmang thlàk danglam dawrh kha a tum rêng a, (“fundamentally change America”) tunah hian a hlawhtling thui tawh khawpin a lang. Term hnihna han lal leh chiah se a hmuhnawm ngawt ang. Pa namai lo leh mi mak tling a ni tlat!
Jerusalem, hnam tinte ruihna no chu! (Zechariah 12:2) Khawvel hun a hmâwr tawlh tawlh a, khawvel chanchin thar (News) zawng zawng deuh thaw hi Middle East leh Israel chungchâng a ni ta mai! Mak ve tak chu a ni e. Jerusalem khawpui, Lal Davida khawpui, Israelte Pathianin Ama hming a lo chhàlna khawpui chu a vêla hnam hrang hrangte tan “ruihna no” a ni ta tak meuh mai! Jerusalem vawi te khat mah Koran buah a chuang lo chung pawhin Muslim hote chuan anmahni ta nia chhâlin an chuh reng a, Palestinian ho khawpui nih tir tumin an bei reng bawk a, Obama hial pawhin Palestinian ho pek a lo tiam tawh nghe nghe a ni awm e. Khawvel sawrkar tam ber leh UNO thlengin Jerusalem hi Israelte khawpuiah an pawmpui duh lo va, London Olympic-ah te khan an buai deuh laih phah nghe nghe kha. Mahse, Bible-ah hian chiang takin Jerusalem hi Israelte khawpui a nihzia vawi tam tak a lo tarlang a. Chu mai ni lovin, nakinah Kum Sang Rorel huna Lal Isua ngeiin a pa Davida lal ṭhutphaha ṭhua ro a la rèlna tur Headquarter a la ni dawn tih hi Bible sawi dan a ni.
Iran Vs Israel boruak: Iranin Nuclear bomb neih ngei tumin a ur vut vut a, “peaceful purpose” a tan chauh a ti thung. Israel hian Iran-in Nuclear bomb a neih chuan an lakah a hmang tak tak duh mai dawnin an hria a, chu chu an tihhlawhtlin hma ngeia an Nuclear siamna hmun te tihchhiatsak a duh si, America tel lo chuan amah mai chuan chhut chhiat sak zawh loh a hlau deuh bakah a sawhkhawk a na dawn tih a hre ve kar bawk si! Chutih laiin Obama hian Israel himna chu kan duh ber a ni e ti reng chungin han inchaltauh tak tak râlah chuan Israel hi puih a tum hmel chiah si loh, “diplomatic means”in bei phawt ang a tih chhungin khua a tlai zel si! Iran lah chuan, “Israelin min beih phawt chuan USA tel lo mah se telah kan ngai tho dawn a, a remchang apiangah USA kan do nghal ang” tiin a lo vau ve bawk! Chumai a ni lo, khawvela Oil zawng zawng zaa 40 dawn lai hi Iran ram kiang tuifinriat, “Strait of Hormuz” kaltlanga thawn chhuah an ni a, indo han chhuak chiah se Iran hian heng tuialhthei kal vel hi a dang chat vek dawn tiin a vau bawk a, chu chu khawvelin a huphurh khawp bawk niin a lang. Chu bakah khawvel sawrkar engemaw zat(India tiamin) hi Iran tuialhthei ringa khawsa an ni bawk si. Russia leh a unaupa China lah chuan Iran an lo ṭan ve mek a, North Korea te thleng thlengin an rawn inrawlh ve ta!
Chuti pawh ni mahse tunah hian Israel hian Iran hi a bei thut duh tho mai awm mang e an ti a. Prime Minister Bejamin Netanyahu pawhin, “Iran laka red line pe thei lo chuan tumahin Iran kan beihna turah hian red light min pe thei lo” a ti ta chheu chheu mai. Chuvangin, tun hnaiah hian British leh US indo lawng rualte chu Persian Gulf lamah an tawlh hnai ta dèl dèl mai le! Engemaw zeuhah Indopui 3-na thleng thei mai niin an ngai ta.
Syria a tlâwm hnai em? Bashar Assad-a hi a tlâwm ang em tih ni lovin engtikahnge a tlâwm ang? tih hi khawvelin a thlir mek. Mahse chuti mai chuan a tlâwm bik dâwn lo a ang khawp mai. Tunlai hian ‘Chemical weapon’ hmang mai thei turin an inpeih mek a ni awm e. Syria politics hi a buarchuar lutuk a, mi naran chuan tuteng ṭang ho tih pawh kan hre hlei thei lo a nih hi. US leh Europe ram ten hel ho an ṭanpui mêk laiin Iran, Russia te chuan Assad-a hi an ṭan thung a. Chutih laiin Al-Qaida ho an rawn inrawlh bawk! Bible chuan Damaska khawpui chu zan khat thilthuah vaivuta a chan tur thu a lo sawi lawk diam tawh! (Isaia 17:1)
A turû chho telh telh dâwn! I lo thlir zêl teh phawt mai ang hmiang!
Similar Posts:
- Obama hi AntiChrist?
- Obama A Tlin Ka Ring Chiang Ta!
- Vawiin pawh nidang ang thoin, hmeh theih hmet lo vin ni ahmang ral leh ta!
- Obama in Nobel Peace Prize a dawng
- Israel in Iran a run hnai em ni le ?
September 19th, 2012 at 5:11 pm
Post BVT
Report this comment
September 19th, 2012 at 5:13 pm
Rev. Vanlalnghaka pawhin Israel hi, ‘Pathian Sana’, a ti.
Report this comment
September 19th, 2012 at 5:19 pm
I ziak ngaihnawm thiam hle mai
Romney hi, a ṭawng ve duh birh berh lutuk a, inthlan hnaih lamah a ṭawngsual an phawrh mualpho leh tak hi. “…47% of Americans te hi tax pe lo, min vote lo tu tur an ni a…blah blah blah” a tia, offensive lo vin, defensive zawkah a ṭan a ngai leh tawh. Obama hi ka hne hle lawi si a! huiham
“Hmeichhe inrel hrat aiin mipa si mirel hrat chu an nasa zawk,” an tih fo ang deuh hian an ri sep sep mai a, an inkheuh kual a, an thusawi lo zawmtu tur an dap a, an ninawm hlawm ṭhe ṭhaw ngawt mai.
Theih nise Free Mason hi Mizo te hian zawm awm hlawm sela, khawvel kalphung chu kan chiang zual sauh ngeiin ka ring ve tlat
hriat a awm, sawi theih loh lah a tam!!
Report this comment
September 19th, 2012 at 5:19 pm
Han insuala han in nuai deuh loh hi chuan chaw ei hi a tui duh mang lo ania. A tui te chu ri hum humin, phul bulh bulh mahse, tlang te leh lir te pawh lo nghing dur dur mah se, “A Mah” ringtu te hi chu kan zam ve dawn lo.
Report this comment
September 19th, 2012 at 5:40 pm
A bengvar thlak hle mai
Report this comment
September 19th, 2012 at 5:57 pm
Pu HV, Romney-a hi chuan thluak finna ngau ngauah chuan Obama hi a khan lo deuh em ni chu aw ka ti! Tuna a video leak a “47% Americans ho ‘victims’ an ni …etc” a han ti vel pawh hi a tawng a fimkhur lo deuh chu a nih hi a! Tunlai chhanah chuan lang lo tura thuhruk reng a awm tawh si lo. Obama lehkhalh ai mahin a hnungah chaurau ek a thai ruk ruk mai ang tih a hlauhthawnawm ta riau mai. Kei pawh Obama hi chu lal tawh lo hram se America hian an thatpui ka ring zawk.
In pawl khi i han advertise deuh em ni?
Tak takin, Mason ho leh Illuminati ho te hi in inzawm fu lo maw? Khawvel thununtute chu nangni ho hi in lo nih ber mai hi a!!
Report this comment
September 19th, 2012 at 6:21 pm
keimah #6 Ṭawngkam fimkhur ngai lo tur a a hriatna hmun, ama campaign na’n a pawisa thawhkhawmna hmun a a ṭawng kha a ni mauh mai a. A kah fek fek ṭhin, President Carter-a tupa khan a thedarh sak ta a nih kha mawle
Obama pawh khan a campaign naah khan, “And it’s not surprising then that they get bitter, they cling to guns or religion or antipathy to people who aren’t like them or anti-immigrant sentiment or anti-trade sentiment as a way to explain their frustrations,” tiin, Pennsylvania mipuite, inthlan hnaih lam tawh, Arpil ni 22, 2008 khan alo sawi sual zauh tawh bawk kha. Nizan Letterman’s Show ah pawh, politicians te hian ṭawngsual zeuh chang an neihve ṭhin thu nui huiin a sawi kha
Obama phei chu, US ah pawh crime tamna hmun a ukil nitawh kha ania, a midum nihna nen ṭawngkam a thiam erh ania. A ṭawng tur reng reng hi a tlangpuiin a thu (word) hman tur pawh a thlan uluk theih chirh cherh khawp mai hi maw. Romney ve chu, dang awk lek lek-in rang tak takin a ke pen ang deuh zat zat hian a ri ik ek mai a, ṭawngsual a awl dawn bik em a sin hairehai
Report this comment
September 19th, 2012 at 6:29 pm
Report this comment
September 19th, 2012 at 6:36 pm
US election: cakewalk for Obama
Jerusalem: Ka in ropui, tih tur ka nei ve lo. Real estate an inchuh nasa em mai
Iran vs. Isreal: Isreal a chak zawk ka ring
Syria ram sorkar a thla dup tep
Report this comment
September 19th, 2012 at 6:43 pm
James Bond #9 keimah ang maiin khawl-ha i rem sual ve ani maw (Isreal) hairehai
Keipawh hi admin’ lam ka inbox chul zel mai ania post chhuah hnuah 
Report this comment
September 19th, 2012 at 6:57 pm
A bvt hle mai, Pathian hian hun bi a chhiar sual dawn der si lo a le!
Report this comment
September 19th, 2012 at 7:17 pm
Is Real, sorry. Israel zawk ani dawn tak.
Report this comment
September 19th, 2012 at 7:28 pm
Ka mi ngaihsan Eisenhower avang hian Republican hi ka lo tan ve em em a
Youtube vela an thusawi theih ang anga ka en hnu hian Romney hi Pu Hawla te pawh a ang lam lam in zu han hria a 
Report this comment
September 19th, 2012 at 7:48 pm
Report this comment
September 19th, 2012 at 7:49 pm
Kei zawng George Bush khan ka lung a la len!
Report this comment
September 19th, 2012 at 7:53 pm
keimah, hemi Thuthlung Thar hi a rei ve tawh angreng khawp mai, keima kawlah chuan a upa ber. (German)
https://i49.tinypic.com/2zswthc.jpg
Report this comment
September 19th, 2012 at 9:48 pm
Khai aw, Pu HV #16, a va hlui hmel rem rem tak ve! Martin Luthera te hming pawh a chuang vang mai a…a ngaihlu tan chuan a hlu vet vet dawn hle a nih kha!
sheldon #15, George Bush Sr nge Jr? Jr. zawka kha chu a tawp lamah kha chuan nep ka lo ti ve em em ringawt a sin!
Engpawhnise, a Sr. zawka pawh kha New World Order vel sawi vung tantu kha niin ka hria! Heng ho hi Illuminati hnuaia kun vek an ni an ti nghe nghe nia! Tak tak ni maw??
Report this comment
September 19th, 2012 at 10:02 pm
keimah #17 hlui vei fu asin
Bush Jr. kha chu mi pakhatin, “he’s got guts not balls,”
Report this comment
September 19th, 2012 at 10:51 pm
test chhin
@awmte khiangte post hmeichhe nep ah sawn ka comment lut thei lo miah miah, mak ve!!
Report this comment
September 19th, 2012 at 11:43 pm
Hetiang lam pang ngaihtuah hi chuan nupui neih min ti chak lo zo vek zel
Report this comment
September 20th, 2012 at 6:26 am
@drake van mak ve, i comment lut thei tawh em em .. .
Report this comment
September 20th, 2012 at 6:56 am
@awmtea khiangte thei chuang lau
lo va paste mai rawh hei : ka hmeichhe hriat ve chu city bus tawt deuh ah, tlangval a hmel hriat lohin a m@@@g a d@p sak a, a sawisel lo miah akekeke
Report this comment
September 20th, 2012 at 12:22 pm
AMAH ringtu mai ni lo, khawvel tukverh a dak ve lo ho chuan hlauh tur pawh kan hre ve hlei nem
Report this comment