Chhiar Zauna-I
‘Life saver’ bike helmet: Bike khalhtute tana chanchin tha chu hei le… Life saving smart phone-ah hian chetsual palh hriat theihna leh emergency-a alert tiri thei tur dah a ni a. Helmet-ah hian bluetooth leh motion detector an bilh tel a, chetsual palh a hre zung zung thei dawn a ni.
He detector hi ICEdot Crash Sensor an ti a. Bike khalhtu tluk nat dan a zirin a hlauhawm dan a rawn chhut chhuak zung zung ang. He app hian phone hi alarm tiri turin thu a pe ang a, a rik rei zawng hi 15-60 second vela set a tawk viau ang. Alarm hi tihtawp a nih mai loh chuan he app hian SOS message a thawn chhuak nghal vat bawk ang. Thih hlauhawmah kan awm a ni tih SOS message receiver-te hnenah a hriattir vat dawn a nih chu.
GPS (Global Positioning System) hmangin kan awmna hmun a tarlang ang a, midangten kan awmna dik tak an rawn chhut chhuak zung zung thei ang. He thil thar hi Oklahoma-based software company ICEdot, US-a mite siam chhuah a ni a. Motion sensor device, smartphone app leh kum khat membership ICEdot-a nihna hi 120 pound (INR 10399.70) vel a ni ang. April, 2013-ah zawrh chhuah an tum.
Chhiar Zauna-II
PIN number: PIN emaw PASSWORD emaw hriat awlsam deuh, mahse midangte hriat ve mai mai theih loh tur si hriat reng harsatzia chu kan hre vek awm e. Zirchianna atanga a lan danin digital security kan neih hnu hian kan thatchhe zual a, mi 9 zela pakhat chuan security number atan ‘1234’ an hmang tih hmuh chhuah a ni.
Mi thenkhat chuan ATM no. hi computer password atan an hmang mai thin. ‘1234’ baka no. hman lar zual deuh chu ‘1111’ leh ‘0000’ hi a ni a. Thenkhat ve thung chuan an pian kum an hmang a. Pop culture (Popular culture) thenkhatah chuan no. ‘2001,’ ‘1984’ leh ‘0007’ te hi an hmang nasa zual bik.
Data Genetics atanga an hmuh danin no. ‘9629’ leh ‘6835’ hian a hmangtute zingah pawimawhna a nei tlem hle a. PIN no. vang ber chu ‘8068’ a ni a, 3.4 million codes an zirchianna atangin 25 chiah hmangtu an awm a. Chu chu 0.000744 % a ni.
Data Genetics chuan number hman ngai loh deuh deuh te mipui hmuh theih turin a phawrh chhuak ta a. Security PIN atana lo hman kha a him leh tawh lo maithei. A chhan chu hacker-ho hian PIN no. common lo deuh deuh atang hian an risk nasa zual bik thin.
Chhiar Zauna-III
Bonus- Sam dye sen vangin class kal phal lo: Fern Burke (14) chu summer holiday a hmang zo Middleton Technology School, Rochdale, England a rawn zawm leh chu a sam a die sen thur avangin zirtirtute’n ‘unnatural colour’ lutuk tiin class kal an phalsak lo! A sam hi a tihdum leh hma chu class zawm an phalsak dawn lo a nih hmel.
Similar Posts:
- Mizoram ah high security motor number plate kan hmang ve dawn em?
- Zu khuahkhirh lam a ni lo
- Class room-ah inawkhlum
- Combined Post trek trek
- Bike Bo Tur Venna Awlsam Te te
September 25th, 2012 at 8:11 am
Bengvar thlak e, good post.
Report this comment
September 25th, 2012 at 8:37 am
PIN lar ho te khi ka hmang ve miahlo.
Report this comment
September 25th, 2012 at 8:53 am
Tukchhuah nuam vek u le
Report this comment
September 25th, 2012 at 8:56 am
Very bengtivar post.
Report this comment
September 25th, 2012 at 9:14 am
I helmet chu Jelebi hrual mum te pawh a an khi le.
That hmel tiap tiap khawp mai. 
Report this comment
September 25th, 2012 at 9:25 am
Tukchhuah nuam ule
Ka’n ngaihtuah thin a, a that hmel riau hi ka tia
Report this comment
September 25th, 2012 at 9:49 am
Report this comment
September 25th, 2012 at 10:19 am
lirtheia chetsuala,’eh’ han tih hi chuan kan lo na hman viau tawh zel
Report this comment
September 25th, 2012 at 11:07 am
awmtea chu vawi thum lai ilo in chhiar zau hman bik animaw.
Report this comment
September 25th, 2012 at 11:08 am
Pin hman lar loh ho khi ka hman thin zinga mi an ni tlat hlawm nia….
Report this comment
September 25th, 2012 at 11:29 am
@Chakma_mizo chu leh… Vawi 3 chu lo inchhiar zau hman hram e
Report this comment
September 25th, 2012 at 12:03 pm
Helmet chu a va awhawm ve
Keichu ka password ah ‘spacebar vawi 4′ ka hmang thin a, awlsam ve tak chu ani 
Hmang ve thin awm tak ang maw¿
Report this comment
September 25th, 2012 at 12:19 pm
Chet sual tawh hnua, a hlauhawmchin hriat te chu a, a va’n tangkai chuang awmlo. Tun lai smart phone ah te chuan, GPS te chu a awm deuh vek tawh a lawm. Ni kum october thla khan, mizoram khawthlang chhiptawp
Tlabung khua a kan zin tum pawhin, ka phone a mi GPS kan on a,
Kan awmna location chu, a rawnlang mai. Kan duh chuan kan awmna lai hmun kha e mail hmangin, mi dang kan la hrilh thei cheu ni’a.
Post tu pa hian nula tawih deuh thla lak tel lova, rawn post har sa
a ti hle a ni ang maw? A EVI tur, ka lo zawn sak teh ang.
Report this comment
September 25th, 2012 at 12:39 pm
@Sihtea GPS awm khi a awm satliah ngawt lo va. Accident kan tawh khan chechang thei lovin kan awm palh thei a. Chutih hunah chuan alert a tiri ang a, kan OFF mai loh chuan SOS a thawn chhuak nghal ang a. GPS hmangin kan awmna a tilang nghal ang a. Reciever ten kan awmna chu GPS hmangin an rawn zawng chhuak nghal dawn a ni.
Report this comment
September 25th, 2012 at 1:14 pm
Chu ti chu SOS message lo dawng sawng thei tur phone, kan chhung ten an neih ve kher a ngai a ngem le? phone pa ngai hian a dawng thei tho em? kum khat a tan a member nih man khi
mi hausa te tan chuan, a to viau lo mai thei. Mah se kei ni ang tan chuan, to telh telh tak a ni.
Report this comment
September 25th, 2012 at 1:26 pm
Khilaiah khian jelebi sawi an awm a, ka ei chak ringawt…PIN hi ka hman ang hmang chu an tlem ve ngawt ang
Report this comment
September 25th, 2012 at 1:27 pm
@Sihtea SOS message te chu tunlai phone-ah hi chuan a awm vek tawh a. An no. kha SOS contact list-ah kan save a, sms angin a inthawn mai. Sms pangngai an dawn theih chuan an dawng thei tihna a ni mai. Chuan, SOS message tur pawh hi duh chuan kan ziak lawk thei. Eg. “I’m in trouble, please help” tih emaw Mizo tawng pawhin “Harsatna ka tawk e, min tanpui rawh” ti te pawhin a dah theih. Chuan an rawn call ang a, pick-up kher ngai lovin automatic-in phone khan a lo pick-up nghal mai ang. Emergency thil hi chu IT lam hian an ngai pawimawh khawp mai. Kan hriat bak bak thil tul hi an dah teuh mai ni.
Membership nih man ngawt a ni lova, helmet leh phone te nen veka a man a nih khi. A to lutuk lo asin.
Report this comment
September 25th, 2012 at 4:13 pm
Chu ti chu, a tha viau tak ang a. Mah se, a en chhin hma sa ber nih chu
ka chak chuanglo, a na dawn tho si a.
Report this comment
September 25th, 2012 at 4:50 pm
hehe… na ve viau maithei ni
Report this comment
September 25th, 2012 at 4:52 pm
Bonus…. midum blonde te, Korean blonde te pawh hi hairehai
Report this comment
September 25th, 2012 at 4:58 pm
#20
Report this comment
September 26th, 2012 at 5:33 am
A bengvarthlak e.
Bonus chu le(h), post-tupa kan va sawipui dawn em ni? Va khawngaihthlak ve le.
Report this comment