Khaw vawt zualpui a reh a, Thal kan hmang chho leh dawn ta. Sawrkar lamin ram kang leh in kang a vei em em laiin two wheeler, a bikin Pulsar bike neituten vei tur dang an nei lian leh ta- BIKE RUK SEASON A THLENG E! Khawchhak lam atangin bike ru tur liau liauvin an rawn ‘rammu’ leh tan tawh dawn. Engtinnge kan lo inven ve theih ang le?
Electronic alarm vuah hian ruk a har viau maithei. Mahse a man a to deuhvin a vuah a harsa a, mi zawng zawngin kan ti thei lo. Garage tha tak neih emaw, inchhunga nawr luh ziah emaw a him ber. Mahse hetiang remchang lo tam tak kan awm. Chu’ng mi te tana ka rawtnate ka han tarlang ve ang e.
1) Wheel Lock: Rs. 150/- man vel lek a ni a. Mi tam takin bike a tihmawi loh hlauh vangin an vuah duh lo. Mawi tak chungin an bike a bo fo. Wheel lock hi tihchhiat har deuh mai a nia. Wheel lock vuah chunga bo tawh kan hriat chuan sawi ila. Kei chu ka hriat ve chu metre 200 vel an zawn hnuah wheel lock an tichhe thei ngang lova, an kalsan tawp.
2) A seat thlawn: Zan mut dawnah a seat han thlawn daih mai ila, tuin nge Tiau kam thingtlang kawng chhiaah a seat tel lova han khalh chho peih ang le? Ruah nan theiha kan bike a awm thin a nih erawh chuan air filter vela tui a luh lohnan sarangin nghet takin khuh tha mai ila. Bike ru tur a seat nei sa thlap chu an vang ve viau maithei a ni.
3) Steering lock siam danglam: A bikin Bajaj bike ho steering lock hi kar chhiat mai a awl hle a. A kar chhiat theihna lai kar awngah tak mai hian thir han dah ila, welding phui hmak mai ila, an kar chhe lo tawp ang le.
4) Plug thlawn: A plug hi zanah han thlawn hmak lai ila, a nung har chu an ti ve tho vang. Tui a luh theih lohnana khuh that erawh a ngai. Mahse he tactic hi a common deuh hnuah chuan ‘khawchhak rammu’ ho hi plug nen an inring sa thlap ve thei.
5) Tlaivara ven: Hei phei hi chu tha tak a ni. Lo ti chhin ve mah teh u. A bo miah lovang.
Similar Posts:
- Electric Wiring – III
- Ducati ah pawh sideglass?
- Trophy 4 nen RS-a Bike Intlansiak ah
- Bike-a Nula Phurh Kekawrte lang hi
- Bike accident ah mi pakhat boral
February 3rd, 2010 at 1:44 am
keini tan chuan a rutu aiin a neitu hi ania ngeiawm thin zawk. Kan bike chan dan hi chu a hranpa in ka la rawn post ange. Nuihzatthlak pawh tam mai.
Report this comment
February 3rd, 2010 at 1:48 am
@Samuel : I va ziak tha tak em! Tun hma atangin ka lo ngaichang thin a, lawmthu sawi let lehna hrim hrim pawh hi motorcycle bo hmu kirte hian an ziak lang lo hle, a bo thu erawh chu tarlangin —anmahni tanpuitu tur chu an mamawh viau thin tih a lang.
Phar sawm tihdam chanchin ang nen khan kan la danglam lo, sawm zinga pakhat lawmthu thlen let nachang hre ber lah kha Samari-mi (an mi en tleu) a la ni ta daih a.
Motorcycle neitu leh hloh fote hi nu leh pa chawmhlawm leh an thlazarna hnuaia lei ve theite an ni nual hlawm a. Phungthlu vak tur chu an ni lo khawp ang.
Khawbung khua hi in fakawm ka ti a. Tax la tawh ula, misual leh motorcycle hlohtuten pe tla ve tawh che u sela, in khirh ve deuh chu a ngai ka ti, ka thlawp khawp mai che.
A rutute aiin hmuh kir lehtute an chimawm thei zawk mah tak ang le. In tlawmngaihna ka chhuang e, Central YMA Chanchinbu-ah te pawh tihrik ve chi a nih hial chu maw le.
He lamah —BIKE chu THIRSAKAWR.
Report this comment
February 3rd, 2010 at 1:52 am
Samuel, lo haw lo la, tihian kan sawi ve mai mai teh ang.
Tlawmngaihna dik chuan mi chawimawi leh hriat kher a tum lo asin, mi tlawmngai bik te chawimawi thin fo mah ila! Hmanlai kan Mizo tlawmngai te khan ramhnuai a “Lungtat” atan a tha tur an sawi te kha tlawmngaiin a rukin an lo hawn sak thin a nih kha. In tlawmngaihna hi Mizoram in an hai ka ring chuang lova mahse, i beisei anga chawimawina leh lawmthu an sawi loh avangin i thinrim/lung nilo a ang ka ti hle mai.
Ruang zawn, mibo zawn, accident lak chhuah, kang thelh, rukru man hian kalo khawsa ve zeuh2 tawh thin. Kan tum kan hlawhtlin kha kan lawmna a ni. Mi lawmthu sawi tawngkam hi chuan lawm a ti belhchhah lek fang a ni maiin ka hria (keimah ah chuan). Tin, mihring zia hi tumah inang kan awm lo, in adopt/adjust thei apiang hi nunhlim an ni mai.
Lawmthu sawi thin erawh mi pangai nihna a ni, lawmthu sawi na chang hrelo chu mi a an ni.
Report this comment
February 3rd, 2010 at 1:53 am
An bike uluk lo takin an dah a.Bo thei anih an hre reng sia. A bo ta cheng a an thinrim leh vak zel hi a awmlo thin em alawm…Keini kan lo hah phah bawk sia.
Report this comment
February 3rd, 2010 at 1:56 am
@HV : I thuziak hi a dik tho va, mahse, thu tha pawh hi tlema hun thawl deuhva sawi zui chi a awm ve tho asin!
Report this comment
February 3rd, 2010 at 1:56 am
H.Vangchhia, a dik khawp mai. Mahse khang hunlai kha chuan tuman mi puih nih kha an duh lo a.Tan pawh an tang reng a. Mahse tuna kan case ah hi chuan a tam ber hi chu chutiang a ni ve lo a. A then rui lutuk a an awm vang tein motor an dah tawp a……
Report this comment
February 3rd, 2010 at 1:58 am
@Chawnghilh, i rilru ka man pha vein ka inhria…
Report this comment
February 3rd, 2010 at 2:00 am
Motorcycle bo chang reng renga zanlai thleng thlenga lo buaipuitu Khawbung khawho an fakawm laiin an mawhphurhna a ni chuang bik lo. An lo tlawmngai a, an lo mansak a. A neituten an hmu let leh thei a; MAHSE, lawmthu sawi nachang an hre lo.
Hei hi a thawnthu chu a ni mai!
Report this comment
February 3rd, 2010 at 2:05 am
Chu thawnthu-ah chuan, Lunglei ho phei chu misual pa aia sual hmel zawk mahin kan lo han che vel ! Zahthlak hai hai thin e. Pawisa an nei remchang lo nge… ? Rs 500/- chauh hah man an lo han pe zui. Ngaihdam kan ngai a ni.
A nih hian a ni lo lutuk alawm.
Report this comment
February 3rd, 2010 at 2:05 am
Nia,thil dang kan sermon hluah a.Ka sawi tum tak zawk chu bike bo neitu te hian polite takin min rawn dawr thin se ka tihna a nih chu.An tan kan lo hah ve tho sia
Report this comment
February 3rd, 2010 at 2:19 am
WordPress 2.9.1 is available! Please notify the site administrator
Report this comment
February 3rd, 2010 at 2:24 am
BIKE BO, PULSAR – A DUM LEHNGHAL
HUI HAA…
Kawnga leh Saitawk chu ka Bike bo thu hi puanzar in va châk ve mawle. In bike chhete kha bo ve se ka va ti eeee. (real OI) A chung a san tehreng nen
(OI here) :lol:
Nia, ka Pulsar Bike dum, 180cc dtsi, Aizawl khawlaiah, chhun pachangah a bo, ka u min hawhsak lai, a chahbi nen thlap, petrol tam tak nen, document fel thlapin, fai takin, duli bo bo takin, chiang takin, – A BO
hrilh hi a hai mai mai asin.
Chassis No. MD2DHDJZZMCA21783 Engine No. DJGBNA19960
A rei ta, kum a vei… Na kaih kaih tak chu a ni. Saitawka, Kawnga leh Diktea Pa-te’n “lawm ang u” te an la ti…. An thirsakawr hi a bo loh vek pawhin tekin deng hraaaam se.
Report this comment
February 3rd, 2010 at 2:33 am
@Ku Muang,
Duli bo pawh a nih chiah loh kha. Beram bo a ni zawk lo maw? A la be a la bein a nia ka rin. :lol:
@Samuel, Lunglei lam Bike bo pawh ni se, Ku Muanga Bike awm ang hi in lo hmu ve mial a nih chuan, lo man sak ve hram teh u aw. Keimah ngeiin ka rawn lakpui ang. Awmdan kan thiam viau tawh ang.
Report this comment
February 3rd, 2010 at 2:43 am
@samuel, nia, Lunglei lama bike bo in lo mansakte kha e, an thiltih kha an man ngang lo, in hnathawh hlutzia hre tur khan an calibre khan a pha hek lo, anmahni kha ka hre ve nial nual hlawm alawm. Min tizak hle mai, khatiang vek kha chu kan ni bik lo a nia. In ngaihdam ka dilsak takmeuh.
Mamawh vanga mahni thawhchhuaha neihthinglungkhawnga phak ang tawk lirthei leia neitute leh zing thawh bak thawh sawi tur nei miah lova chhungte hnena lirthei ngen chhuak ve ngawtte hi kan speed pawh a in-ang lo a nia…
Report this comment
February 3rd, 2010 at 2:50 am
Ku muang: Kut tling lova thil neih hi chu… (very NOI)
Lunglei lam kan lo che mawilo fal bik chu Kawnga iangin Leitlangpui hmingin THUPHA ka chawi ve e. Mizoram khawi hmun a mi te pawh kan eng pawh hi BO thei vek a ni a, Khawngaih takin MISUAL ho hi chu la in tanpui tlang hram hram teh ang u.
A che mawilo tawk awm mahse mawi tak ala che duh, Baal hma a thringthri ngailo kan la awm e.
Report this comment
February 3rd, 2010 at 2:57 am
Saitawk, e he he… kut tling lovin Kohhranin… (NOI or OI, that’s the question)
ka va han sawi zawm chak em ve le aw… Bike kick starter keng chunga Rickshaw-a nula thlah nen khan… :lol:
Report this comment
February 3rd, 2010 at 3:18 am
Bike bo pawh hi chi hnih in a thren theih in ka hria,zurui hawklak in an lo ruk mai,khawi ah emaw an lo hnuchhiah ve leh bawk mai leh Triau lui kan bo a bo!Ka bike pawh a hmasa bo khian a bo tawh a,kan hmu ve leh mai bawk a!
Report this comment
February 3rd, 2010 at 3:44 am
Samuela te thil tih hi a Mizo-a, a kristian bawk. Lawmna chang hriat loh hi a mizo lova, a kristian lo bawk niin ka hria.
Report this comment
February 3rd, 2010 at 4:10 am
inkhel en na chang in hre ve lo ni maw.. in thu khel ngai ah in tang rei emai
Report this comment
February 3rd, 2010 at 4:16 am
Inkhel en tho ve, Hull City Vs Chelsea (1-1). Chelsea (55) ManUtd (53) Arsenal(49)
Report this comment
February 3rd, 2010 at 5:08 am
samuel, lo veng/chang duh tawh miah suh u.
Hlawh neia ruaitu in nei a nih si loh chuan in duty a ni hlei nem.. Tlawmngaih chhuahna tur pawh hi thliar thiam a hun hle mai. Hnamdang ho pawh hi an lo tlawmngai ve thei viau tho zuk nia..
I thil ron report chu aww!Lunglei mi nih ava inchhuanawm loh duh ve. An hming minlo hrilh teh ka lo liah sak ang che
Report this comment
February 3rd, 2010 at 5:10 am
@grady, tun weekend chu sandman-a te pawl ka tan viau ang.. hrethiamz
Report this comment
February 3rd, 2010 at 8:11 am
He2,tlaivar a ven hi ka support e
Report this comment
February 3rd, 2010 at 10:06 am
Tunlai bike Bazar chu hmanlai naupan deuh lai a motor lem mahni Pa te hnungzui a kan lei hunlai ang deuh kha ka chan thin.Patling bag dum khai lang lang hi tleirawl samphir deuh hian an rawn zui hnak hnak a,an han enkual vel dan dan a !!!.hairehai.
Kan kawmthlang tlangval pawh a bike lei ngen kha a tactic hriat zawng zawng a hmang zo tawh a,an la leisak duh si lo. tlaikhat chu a nu hnenah”Bike ka neih loh chuan nupui ka rawn ru ang a,fa chhangzing deuhin ka nei teuh dawn,in chawm peih a mi??” an ti mai chuh!!.A tuk tlaiah a vroom cher cher.
Report this comment
February 3rd, 2010 at 10:45 am
Garrage-ah khung u la, a him mai ang. Pawna awm hi a nia an ruk chawk ni!
Report this comment
February 3rd, 2010 at 7:27 pm
Garage nei lovin , khum kiangah
Report this comment
February 4th, 2010 at 12:52 pm
Bike GEAR LEVER thlawn daih mai poh hi a tha phian…
Report this comment
February 8th, 2010 at 12:06 pm
kum 2004 vel atang khan Cycle 3 tawp ka ti bo tawh..lock chung pawn an lo karchhe zel. Cycle vemhim dan tur min lo hrilh ve teh a… Tuna ka cycle pawh hi mi min pek a ni.:)
Report this comment
February 8th, 2010 at 12:19 pm
Epis, a ke thlawn zel a, kalna a a ke ken kual zel mai chi a ni lo maw :lol:
Report this comment
September 8th, 2010 at 7:30 pm
Hehe Tha Thei Khawp Mai.
Report this comment
September 8th, 2010 at 7:36 pm
Ka BIKE hi ka la tibo ve lo a….. :lol:
Report this comment
September 8th, 2010 at 7:41 pm
Ka bike ka tibo tawh, hrilhhaithlak, thinrim thlak, buaithlak uihawm si hi a ni ringawt, insurance a lo thi hman tawh bawk si. SI SI hlir a ni tawp mai.
I Cycle chu inchungah dah thin mai rawh. A hnawk chuan Ceiling atang khai mai tur.
I vahchhuah nikhuaa i ken chuan, Chain chhah tha tak leh tala lian lenglawng in i kalh khaps thin dawn nia.
…khrum
Report this comment
September 8th, 2010 at 7:44 pm
Khumchikthei #81 ah link ka dah khi chu ka ti bo phal lo reng2 :lol:
Report this comment
September 12th, 2014 at 12:31 pm
bicycle locks amazon uk
Bike Bo Tur Venna Awlsam Te te | mi(sual).com
Report this comment