Mizote hi hnam lungleng mahni khaw lam leh zik chhuahna lam ngai em em chi, hmun dang chu mikhualna ram ang deuh a ngai chi kan ni awm e. Indopui 2 na lai a mizo tlangval sap ram a labor corp a kal ho kha Lalnu hmuhna hun an siam sak a. Mizo tlangval ho chuan “lalnu ai chuan kan ar bawm chhia pawh ka hmu chak zawk” an ti niin an sawi. A dik mai thei a ni. Mi tam tak chu state dang leh ram pawnah lehkha zir leh khawsa kan awm ve ta a. A lawmawm e. Mahse a nawlpui hi chuan kan veng, kan khua, kan ram chhuahsan hi kan la hreh ngawih ngawih mai.
Ram pawna chhuah chu sawi loh, mahni ram chhungah tak ngial pawh mahni khua kher a hna thawh tum kan tam hle mai. Vai hote hi an lo kalna a hla hlawm teh a nia. Chhungte awmna tih lam an ngaihtuah ve vak lo. Hna a awm dawn a an hriat avangin an lo chhuak tawp mai a ni. Burma mite pawh hi an rawn risk huai khop mai. ‘ka thi palh ang a, chhungte an awm si lova’ tih lam an ngaihtuah hmel vak lo.
Keini chu thil kan dawn thui lutuk a, hnuk tiulh zawngin kan thluk bawk a. Kan che hlei thei lo niin a lang. Tichuan, keini mizote hi hnam lungleng leh rilru no, mahni khua leh veng thlahlel em em mai kan nih chhung chuan raltiang ram hi kan kai har duh awm hle mai. Kai a hnekin rih artui phurh ang mai kan ni dawn a ang khawp mai.
Tin mizote hi mahni inthununna tla chham tak leh invawng lo tak kan ni. Mi thenkhat inthunun thei deuhte chu an awm ve bawk e.Mahse a nawlpui a chhut chuan discipline hi kan tlachham a. Thuawih theihna pawh kan tlachham tlangpui a ni. 2nd battalion Assam Regiment an thiahna chhan poh kha a hria te sawi dan chuan mizo an tam hle a. Mi tlemte fuih porh na avanga hotute laka hel niin an sawi a ni. Hotute thu awih lova hel duhna rilru an nei kha discipline tlakchham vang chi khat chu a ni hrim hrim tawh a ni. Tin infiamna lama kalte zingah poh talent nei tha em em si, mahse discipline chhiat avanga nih tur ang ni phak ta lo hi kan awm nual tawh a ni.
Tin chhungkua kan inawp danah poh hian inthununna hi kan vawng tawk lo tlangpui a ni lawm ni a tih theih. Nu leh pa zahna poh nei lo, khawtlang poh zah lo kan tam hle a ni. Heng zawng zawng awm chhan chu chhhungkua invawng lo leh inkaihhruaina nei that tawk loh vang hi a ni tlat a ni. Chhungkua ah ber kan tan that tawh loh chuan pawn lamah chuan that vak ngaihna a awm lo a ni.
Tin thil harsa tak mahse pawimawh tak chu hmangaihna leh khawngaihna kan thliar thiam lo lutuk hi a ni. Nu leh pa, pi leh pu tam tak hian kan fate kan hmangaih em em a, mahse ngaihtuah chiang ila kan khawngaih vang hi a ni fo thin. Khawngaihna mit chuan a enhlel lo thei lova, tu leh fate an tuar chhel thei lo. Hmangaihna mitah chuan an thatna atan a an tuar phalte, hrehawm ti chung chung poh a tih tir hram te, nuam lo an ti chung pawh a tihtir hram te chu a pawimawh a ni tih zuk hmuh a theih thin a.
Khawngaih tak chunga tih tir hram te khan mihring hi min lo chher zawk a lo ni. Vai pakhat chuan an awmna lum hle mahse air conditioner a lei duh tlat lo, a faten khaw lum hrehawm tak kha eng ang a hrehawm nge a nih hre ve phawt sela. Chutianga an hriat a AC ngenna chang an hriat hunah chauh chuan ngaihtuah sak a duh a ni. Hrehawm tuar miah lova inenkawlna chuan chhelna a siam lova harsatna hma chhawn turin huaisenna a pe hek lo Hringnun kawng hrang hrangah hian hlawhtlinna leh dinhmun tha luah tur chuan tawrh hmasak a ngai thin. Pathian hla phuahtu pakhat chuan “tuarna leh channa lo chuan ringtu nun a thrang thei lo” a ti. A dik hle a ni.
Tuarna chuan mihring a chher hriam a, harsatna a lo thlen pawhin hmachhawn dan an thiam thin. Thu ziak pakhat ah chuan “the more you sweat in peace time, the less you bleed in war time” tih a ni. Cuban ho chu khawvel amateur boxing a mi hlawhtling an ni. Mahse an training laia an beng a thu ri ring tak chu ‘training laia in thlan tla hi hnehna avanga in lawmna mittui tur a ni’ tih hi a ni. Chuvang chuan spoon feeding ngawr ngawr leh a no zawnga in enkawlna hian mihring mi puitlingah a chher lo tih hria a kan fate kan enkawl a ngai a ni.
Similar Posts:
- Kan Zo Sapte khan min lo hmangaih a ni
- Kan mawhphurhna a ni em?
- Enge in ngaih ve dan le?
- MIZO TE HI HNAM DAWIHZEP TAK KAN NI.
- Hnam Sakhua: Ka chhiar ve e!
September 29th, 2012 at 8:20 am
chhiar ang le
Report this comment
September 29th, 2012 at 9:38 am
Lem anuam lem lo nain, a dik ang reng viauin ka hria. Kan hnam lam leh Chawngchen dante han en hian, hnam Romantic tak kan ni bawkin ka hria. Chempui, silai leh fei nena mipa hlanga ‘Pa’ taka lam kan nei lo em mai. Kan naupan laia kan khuaa zing khawvar ar khuang thiai thiai thin te, sunday a dar ri chuah chuah thinte kha, ka ngai thei thin teh mai ania aw.
Report this comment
September 29th, 2012 at 9:48 am
Tukchhuah nuam vek u le
Report this comment
September 29th, 2012 at 10:30 am
I post thuken chu ka thlawp em em vek e.
Mi puitling tak tura ka ngaihlai chein, pawh tih tura poh i rawn tivek mai erawhinmit a tikhamin ka hmu hniam vek mai che. Hetiangah hi chuan Aw hman thin tur a ni e tih i lo hre tawh dawn nia. I thu a puitling tha khep khawp bawk si a.
Report this comment
September 29th, 2012 at 11:11 am
tlang mi hi kan lungleng deuh bikin ka hria…zin vei vah a lo har a…mahni khawtualah kan inkharkhip lo thei lo va…khawdangah kan zumzuk tlat thin…
phai lam chu veivah a awl a…km40, 50 lek lek hi len nan an hmang a…tlang ramah chuan zin ta riauin kan inhre thung. zin vei vah rem ta lo chu tingtang hmangtein kan inawi lungleng a…phai mi zingah perh thiam an tlem…len nan cycle chuan an thiam fur thung.
a dang pawh hi a dik hlawm hle.
Report this comment
September 29th, 2012 at 12:17 pm
A ziaktu ka ena, ekhai, i ziak tha lutuk, i mentally shake hands with you
. Kan vei zawng a inang hle mai, hnam lungleng leh kiu riai riai thin hi kan ni a, khawtlang leh ram inrelbawl dan nasa taka a than hnuah leh kan changkan ve fu tawh hnuah pawh hian kan thil tih kawngah kan professional tawk lova, kan hriam hrak thei lova, kan hnip tlat thin…hnamdang tluk tur leh el phak tur chuan emotions leh sentiments dah bova tan kan lak a ngai takzet.
2008 khan phaia lehkha zir turin ka classmate pakhat nen kan inthuruala, rel leh thlawhna ticket te pawh kan book fel vek tawh, Aizawlah kan pheia kan cham chhung khan tuk khat kan thlen inah ka thiannu leh a pa chu an rawn kala, “Anu a tap bang thei si lova, lung lam tha chiahlo a ni nen, a hlauthawng lutuka kal a remti ngang si lova kan thulh leh mai ang e” an rawn ti anih chu, keimahin ka kal ta ringawt mai a ni!
Report this comment
September 29th, 2012 at 12:30 pm
post tha tak ani..tin phaia lehkha jir tehi chuan phaiah te hian hna zawng nghal se…
Report this comment
September 29th, 2012 at 2:38 pm
a dik khawp mai…
Ka lo ngaih ve dan chuan -mizoramah hian competition a hniam vang ani theiin ka hria.. Competition a hniam avangin kan inthlahdah ani(talent chu nei tha tak kan ni).
Report this comment
September 29th, 2012 at 2:50 pm
Office leh chenpuite bula “Eng a?” han tihpui tur awm miah lo hi chu a hrehawm ve bawk em a lawm, hlawh zawng zawng Phone bill-ah a kal ral vek dawn a lawm le..
Report this comment
September 29th, 2012 at 3:02 pm
A tuhpui ka en a, lunglen biahthu kan hril dawn emaw tih laiin ka tum loh lamah mi’n keuh dap chu le. Mizote hi khawvel hriat kan nihna a la rei loh nen ti ila, tunah pawh min la hre lo hle nachungin khawvel hi kan dai dar viau tawh e ka lo ti mai a sin.
Engpawhnise, thuziak tha tak a ni e. Khawi hmun leh ramah pawh awmin zir ila, kan theihna leh thiamna te chu Mzoram tan hman i tum tlat zel ang u.
Report this comment
September 29th, 2012 at 3:23 pm
A ni viau mai.
Report this comment
September 29th, 2012 at 6:24 pm
A dik khawp mai. Helamah hian kan tuar hi chu a zuau deuh thin a ni.
Report this comment
September 29th, 2012 at 7:07 pm
Awmze nei tak niin ka hria
♫ ♪ “…ka tuar a’n, vanpui lo chim, tuar zo hian ka inring nem le aw aw…”♫ kan ti vawng vawng mai ania hairehai
https://i45.tinypic.com/25qpr8o.png
https://www.youtube.com/watch?v=CHGrS0LM7V0
Report this comment
September 29th, 2012 at 7:29 pm
Ka rilru sukthlek lam zawng tak a ni.Fa te hmangaih danah pawh tough love hi kan apply hlei thei lo hlawm a nih hi.
Report this comment
September 29th, 2012 at 8:56 pm
Rin loh lamah min kaihhruai daih chu le……..Ti ve khanglang ila, chhungkaw in kaihhruai dan hi a in ang lo thin khawp mai…….
kei ka tawn ve chinah chuan ti ve ngawt teh ang, tun an ngai haw em lovang chu maw. Ka pa hian thil tam takah tlin tawk lohna chu a nei ang tih ka hria amaherawhchu Kan naupan lai a PC an campaign dawn apianga kan motor an rawn pan ziah lai leh Pu Thena kid/driver, Pu Thena thluak tihte ama phu lova an tih fiamthu thin te leh an titi na ka lo hriat ve thin, mizoram tan a thiltha an tih ho khan min hneh ve thin khawp. Khatih hunlai pawh a a thianten duhsakna an hlan dawn pawh a a dawn duh loh ang thinte leh values te avanga a tih tak loh ang chi ho hian mi chu a la kaihruai khawpin ka hria kei. Hei hi ka tan tih a tha a, ka ram tan leh ka thenawm tan hei ka tih chuan a tha lova a tih thin avanga thil tamtak kan neih tak loh ang te avang hian awhna hi ka nei ve ta vak lo emaw ni dawn ni,te ka ti mai2 thin………
Post hi ka thlawp khawp mai…………
Report this comment
September 30th, 2012 at 1:22 pm
Ka va tlar nasa ve
Post tha tak a ni 
Hebrai mite hnena lehkhathawn ziaktu pawh khan, “Chaw rum erawh chu puitlingte tan a ni, chungte chuan an hman fo avangin, chhia leh tha fiah turin an hriat theihnate chu an sawizawi tawh,” (Heb.5:14) a lo ti a. “Tuar chak lam” hi kan in zirtir uar chu a hun tawh khawp a ni. Hei hi Hnampui-zia pawh a ni tel nghe nghe-in ka hria.
Report this comment