Mizo infiamna hi thluak mamawh a tlém hlawm êm êm mai a. Inkawibah leh inrìnbah ang chi te ngat phei chu thluak lam aiin taksa peng khawi lai lai em maw zei ngai deuh te a ni kan ti mai thei awm e… chûng taksa peng zei leh zei loh te chu thluak thunun vek mah ni sé, tlangchang taka ngaihtuahna leh thluak kan hman vàng a ni hran lem lo.
Inbihrûksiak te ngat phei chu infiamna hnuaihnung tak a ni kan ti thei awm e, inkâwi te ngaihtuah chuan. (Inkawi ka tih hian inkâwi lam chi zawng zawng, entirnan: chess te, draught board te, Go te leh adt adt. ka sawi vekna lo ni ta mai se).
Kan hriat làr loh êm êm, Mizo hnam infiamna ni ve tho si chu, kum 1912-a Pu Tarmita (Maj. J. Shakespeare-a) lehkhabu ziah The Lushei-Kuki clans tiha chuang, “vai lung thlan” tia a sawi hi a ni.
He infiamna erawh hi chu rilru leh thluak ang záwnga ngaihtuah pawhin hniam lo tak a ni. Mizo infiamnaa thluak ngái ber leh awm chhun kan ti thei deuhthaw awm e. Mizo infiamnaah chuan online-a khelh theih awm chhuan a ni hial ang em ka ti… a dang pawh a lo awm leh tho mai thei le.
He infiamna hi a chianchîk leh a chhiarkawp ang záwnga ngaihtuah pawha kan dahsàn theih ber tur infiamna a ni a (Mizo infiamnaah chuan), mitin te’n thiam i tum ṭheuh ang u. (han ti ringawt ila 
)
Miin in hnam infiamnaah eng nge i dahsàn ber? an tih pawhin sawi zahpui awm lo tak tur a ni. Kar khatah vawi nga kan inkhawm tlur tlur a, KṬP huaihawtin Pathian lehkhabu te vantlang tana bengchheng deuh deuh turin kan chhiar bur bur ṭhin tih ai chuan “kan pi leh pute’n he infiamna hi an lo nei ve tlat nia!” tih hi a ropui zâwk. Puithuna âtthlâk chapopui tâwk lek kan la nih avàngin barah kan khawn lehpek chuang chuan ka ring hran law’…
Lo khel hrât fe fe in awm leh nual mai thei a ni… Khelh dan hre duh tan hetah hian emaw, hetah hian a en theih.
Ràwn:
1. R. Gering, Vai lung thlan: A game of considerable skill. Abstract Games Magazine, 2002; 3(12): 15, 29
2. J. Shakespear, The Lushei Kuki Clans. Macmillan and Co., London (England) 1912.
Ka lawm e
Similar Posts:
- Tah hian hnam pasaltha chham ang a zal e!
- Eng Game Ber Nge Kan Khelh Ang?
- Squash
- MZU Sports vawi 11-na tan a ni dawn ta!
- Mizo vrs Vai
September 29th, 2012 at 9:37 pm
Chhiar dawn ang hmiang!
Report this comment
September 29th, 2012 at 9:41 pm
eheeee ka lo hre ngai miah hlei nem, va tha ve.
Report this comment
September 29th, 2012 at 9:58 pm
mancala ti hian ka lohre zawk thin, Mizo infiamna a ni tih erawh ka hre ngai miah lo
Report this comment
September 29th, 2012 at 10:42 pm
ɪ̣uɪ̣pnoɥ, German ten ‘link’ i dah a .. bmw chhiarah i ti deuh em ni?
A hming ka hriat ngai pawh niin ka hre lo. A van bawnra tiar tuar ve… thiam a eng kut kut-ah emaw te tih lar a that hi mawl aw!
Report this comment
September 30th, 2012 at 12:53 am
ka khelh ve ngai awm pwh ka hre lo
Hairehai
Report this comment
September 30th, 2012 at 2:25 am
A va chhuak hmain ka va’n lawm tak êm…
Khel nghâl chur chur ila a ni mai aläwm
Report this comment
September 30th, 2012 at 4:32 am
A khelh dan pawh chu han ziak ta law law la mawle i thurchhuah țhat tehlul nen…link kan luta keini ang duang chu kan “sipai bo ka báng” leh tho asin leeee…
Report this comment
September 30th, 2012 at 5:30 am
Post sawngsawhlawtna neilo tak a ni.
Report this comment
September 30th, 2012 at 7:33 am
hei online a play duh tan
https://www.mathplayground.com/mancala.html
Report this comment
September 30th, 2012 at 11:06 am
E! Ka vawikhat hriatna. BVT
Report this comment
September 30th, 2012 at 11:07 am
Eee!! Ka vawikhat hriatna. BVT
Report this comment
September 30th, 2012 at 1:04 pm
Report this comment