Lungphurna
Engvanga mihlim zingah mipa aia hmeichhia tam zawk nge an nih i ngaihtuah ngai em? Hmeichhe rilru hi a no zawk a, lungphurna(emotion) an ngah zawk vang a ni. Mipa, mihlim kan tihte pawh hi lungphurna ngah tak an ni chawk a, a nawlpuia lak dawn chuan hmeichhe zingah an tam zawk fe a ni. Mipate aiin hmeichhiate hian Hmangaihna leh khawngaihna an ngah zawk a, an lungphurna kha a thawhna lam lamah a nat theih em vang a ni. Phutzuk ngah mihringte pawh hi hi lungphurna nei lian an ni fo va, taksa leh rilru kha a thawh kawp tlat avangin thil lo thleng phutah khan an phu hma ta em em bik a ni.
Amaherawhchu lungphurna hi a luan liam huau huau chuan fim rem rawma ngaihtuahna a awm thei lo va, mahni rilrua a thawh dan leh mi dangte thusawia vir vel chiam chiam hi a awl ta em em mai a, an rilruin an chet dan tur kha a thunun a, hriatthiam theih bakin a lo awm theih ta a ni ber mai. Kohhran Upa fip rem rawmin a zungtang a phut zeuh zeuh hian lungphurnain a tuam hma mi thenkhat chu an vir fe tawh thin a, tumah mah an demawm loh ve ve, anmahni mimal ziaa pathian chibai an buk dan a ni mai. Mahse chutih rual chuan mahni lama a thawh dana mi danga thawk ve tura beiseina hi mi fim ker kawr leh mi phul hlut chi zingah khaikhinin mi phul luai chi hi an thahnem zawk a, an thawm pawh a ring fo thin, mahse mi fim chin chuan a chhana lak an la thiam fan thin.
“Pa zai kal rut rut leh luipui tlak dawna pa kuk ruih ruih pa-rawn an awm ngai lo” tih hi mizo thufing pakhat a ni a, a awmzia berah chuan lungphurna ngah tak mihring hian fim taka ngaihtuah a thiam duh lo chawk tihna a ni ber. Mizo mipate hi chu mei a alh pup leh lui luang ri a rin viau tawh hi chuan phul khat chu kan phul tlang vek a, kuk kher kha chu mahni inthunun theih lohna rah pawh ni fa hmiang. Lungphurna hian mahni inthunun theihna piah lamah min hruai a tum ber a, chu chu a chhia tia han sawi ngawt chi pawh a ni chuang lo va, rorelna fel tak erawh a awm hlei thei lo thung.
Khuangpu zingah Kohhran Upaa thlan an tlem chhan?
Thutak deuhva han sawi kual chiam ka tum lo va, tumah han tihlungawi loh ka tum na hek lo; thil ni thei zawnna mai a ni a, lungphurna hi sakhuana lama a thlek chuan chhepchher nena rik deuh bung bung a chakawm thin. Ri hian lungphurna a kaitho hma em em mai a, mihlimte tihlimtu chu mizo zingah…Khuang hi a ni chawk. Khuangpu chu zai lam tui mi a ni a, zai lam tui mi chu music ngaina an lo ni a, zai lam leh music ngaina chu lungphurna ngah mi an lo ni a, lungphurna ngah mi chuan rorelna fel thlep thlawp lam aiin a thawh dana phul kual hi an lo awn deuh tlangpui a, khuang nufa chumchilha mihlim rual an suk nghawng nghawng theihna turin hna an thawh laia heti zat an vai peih miah lo tur an ban khan a reia rei mangkheng khuang an vaw peih tlat… emotion vang chiah a ni, an taksa kha lungphurna chuan a thunun thei tlat. Kohhran kal zel tur ngaihtuahtu atan chuan mi fim kek kawk hi mipuiin an lo duh daih thung thin si a, lungphurna nei tlem deuh hi Upa an ni duh khawp mai. An ni ka ti vek miah lo va, mahni awmna hmunah a fiahna tura ngaihtuah kual mai chi a ni ber.
Hleihluakna
Lungphurnain a ken tel tlat chu hleihluakna hi a ni a; mi thusawia let tawp tawpa nui thin chu lungngaih niah let tawp tawpin a tap leh mai thin a, mi thusawia nui ri huau huau thin chu mi thusawi veka insut ri hruih hruih chi an ni leh chawk. Kohhran huanga mi baka hlim thin, mawi leh mawi lo pawh thlu lo va phu kual chiamte hi an bo vek chuan kohhran sadai pawng zawk khawpin an bo kual leh nge nge thin a. Mi hleihluakte phurna leh thathona ang hian pawl ho hi kal ta se, a nawlpuiin an zo lo vang. A phur lo ber leh a phur ber inkar a lai vel hi thil tha chhuahna a ni ber ang chu.
A tha lamah
Isua zirtir zinga ropui bera ngaih Petera kha lungphurna ngah tak mai a ni a, Pathian pawh hian hetiang mi hi a duh riau em ni aw…tiin a ngaihtuah theih. “Min zui rawh” Lal Isuan a tih khan an Len leh an pa kalsanin an zui rup mai a, Bible-in a sawi tel lo na a, an nupui fanaute pawh a nih ngei hmel e. Chutah, hmel danglamna tlangah Isuan a hruai a, a lungphurna a chhuak thut a, Bawkte khawh a rawt chiam mai bawk a. Isuan a zirtirte kal bo an duh ve leh duh ve loh a zawt a, “khawiah nge kan kal chuan ang le nangin chatuana nunna thu chu i nei alawm” a ti chiam a, a hnuah a phat leh tho va. Isuan “nangnin tunge a ni min tih” tia a zawh khan “Krista Pathian nung fapa chu i ni” a ti hluah hluah a, phat thei tawh lo ang hrim khan a chhang chiang a ni. “I kalna apiangah ka kal ang a, i thihnaah ka thi ve ang” titu khan ar khuan hmain a phat zut zut mai a, Isua man tura an rawn kal khan Puithiam bawih beng a lo hlawih thla hmanhmawh bawk a; Bible-ah lang lo mahse an sawi dan phei chuan a thih dawn khan “ka Lalpa chu kraws-ah an khengbet a, kei chu ka Lalpa thih dana thi ve tlak ka ni lo ve, a letlingin min khengbet rawh u” a ti e, an ti bawk….lungphurna ngah hi Pathian pawhin a lo duh hle tih a lang.
Engemaw thil ti tura phur tharna chan hi kan mamawh fo va, Pathian rinnaah pawh min ti phur tur thu kan duh hi a tha em em a ni. Phur taka thawh hi phur lo chunga thawh ai chuan a hlep a tha zawk a, Charismatic movement lo chhuahna pawh mi dangte nun chawh phur hi a ni ber mai a, tunlaia an uar em em “Praise and worship” pawh hi heti ang zia hi a ni; lungphurna ngah mi kan ni emaw ni lo emaw hringnunah hian chintawk a awm fo va…dam chhung ni chhiarpui har khawpa lungphur thinte eraw hi chu mi hleihluak an ni a, zir tur kan nei tlang vek mai….mihringte hian.
Similar Posts:
- Lungphurna (reference Vakul)
- Pasal neih vanga kohhran thlak…?
- Thalai ni si:
- Bangalore Titi
- Ka thawh zel dawn! (Engtin ngai che’u maw?)
September 30th, 2012 at 6:31 pm
Lungphurna/khahliamna ngah chu an ṭha lo nasa… Pathianin a lo duh a nih chuan … a duh bîk tih i lo hre bîk a ni awm a…!
Nghet tlut mi hi an lo ṭha ber… an hlawhtling nge nge bawk, an chêtlâkna engkimah.
I sawi ṭha phian tho ve, nang nge nge
September 30th, 2012 at 6:58 pm
Kei hi rilru no deuh mai ka nia. Hmanni TNT naupang zaipawl hmaichhan ah ka hmu a, a te deuh leh lian deuh an inpawlh a, kan en thin a, ‘bawihte’ ti a duat taka ko tu leh kuahtu an nei lova, nu leh pa ngaia tap rual lek an ni hlawm si. Ka lung an chhe tlat mai a. Mizoram CM ho a function ani a, ka lungchhia ka mualpho tep ani. Ka emotional (lungphur) hle tihna em niang?
September 30th, 2012 at 6:59 pm
Kei ni mizo te ai in sap ho khuan, lungphura phurna chu an ngah zawk daih. Huau huau chi hrang hrang reng, an ngah em mai.
September 30th, 2012 at 7:24 pm
A tir lam khi a dik ka tih reng laiin, “kan inkalh angai ve teh tlat dawn elo maw?” ka ti rilru hman a. Mahse, Petera i rawn sawi kai a, i rawn conclude tha leh viau si e.
September 30th, 2012 at 8:15 pm
sheldy..ni mai lo’m ni? i lungphurna a rawn kai tho va…Rev. Zairema nen en dun ula ani chu a mittui a tla ve lo maithei.
sihte ..mi zo te hian kanngah zawkka tilo aniaaw. sapinanngah lutuk chari smatic mo ve ment pawhan an chinchhuah. donttake me wro ng.
lungphurna hi a hleihluak a tha lem lo…awm miah lo phei chu a tha lo ve tho. a tawk a awm ang chu.
September 30th, 2012 at 8:32 pm
Kei chu Kohhran Upa khuangpu ka hria asin..tak tak a, a khuangvuak vanga Upa a thlan a nilo ang chu, Upa anih hnu in a tul huna khuangpu thei mi ani mai.
Post tha khawp mai. Nia, mihring rilru solid deuh chu an rintlak nge nge ang chu. Mahse iceberg ang em em chu nilo se…hehe
September 30th, 2012 at 9:01 pm
sheldy…upa chungchang ka sawi hi rin bur tur lam aiin thil ni ve thei ka sawi mai chauh a nia…i sawi awmzia pawh ka hrethiam tho na a…mi dangah ka inveng lehzual deuh a nih hi.
September 30th, 2012 at 9:01 pm
Lungphurna ngah mi hi midang chawk phurtu-ah an tha in an pawimawh a.
Cool raih chi lah rorel nikhuaah an pawimawh bawk a.
Kan lo pawimawh vek mai a ni e.
Post
September 30th, 2012 at 9:07 pm
post tha leh pek tak ani
September 30th, 2012 at 9:13 pm
‘Lungphurna’ tih thumal hi ka hmuh vawi khatna a ni. Thumal thar nge, hman lar tawh sa, ka lo hriat ve loh mai mai tih ka hre lo. Vun tithak thei rannung thlawk thei (moth) chanchin kan khel dawn emaw ka lo ti hman deuh a.
‘Lungphurna’ chu ’emotion’ tihna a nih chuan Pathian hian emotion chu chuti takin a duh em ni tih zawhna ka rilruah a awm. Phur thut chang nei thenkhat hi chu kohhran tichichawm zotu an nih chang a awm thin a nia.
September 30th, 2012 at 9:22 pm
OT – Target 129 chauh na na chu kan vaw chhuak em ang chu maw! Tan a na ru riau mai aaa..
September 30th, 2012 at 9:25 pm
Sheldie,va en tui awm ve
September 30th, 2012 at 9:28 pm
pu hlate khua…thumal thar a ni chiah lo vang a…ka chiang bik lo a lo chhuah dan. ..lung…tih laia lung hi thinlung tiha lung thluk niin ka hre deuh bawk.
nia…ka postah hian emotion hi ka sawisel em a…tha lo viau bawk mahse Pathian pawhin chutiang mi chu a lo thlang ve tho tih ka sawina a ni a..ka lo sawi emotional mah mah a ni maithei e. emotion ngah an tam chuan kan chhangchhe tlangpui a nih hi.
September 30th, 2012 at 9:31 pm
@Jacka Pi, hei en tui khawp mai, mahse duh aiin hamaradesh hi kan che nawi thin a.
September 30th, 2012 at 9:46 pm
Leh lawk, hlimruih/taksa chetna hi a hranpa a Pathian pek ni lovin emotion san lutuk vang i tihna a ni deuh em? Thenkhat chuan an pawm dawn miah lo ania
NOI
September 30th, 2012 at 10:05 pm
century..fimkhur deuhin ka’n chhang ang che..Pathian hnathawh ni lovin lungphurna a ni e..ka ti miah lo a nia..heng mite erawh hi chu emotion ngah tak an ni vek a…awmzia chu Pathian hnathawh kan dawnna hi emotion vek a ni a kan zavaiin …emotion ngah chuan an la lawk hma khawp ang.
Mi thenkhat khekpui chiam hi an han sawi hian a lo lian em em lo…Thlarau chuan a pawl ngei ang..a dawnsawnna thleng kha a lo ihphul san hleih viau a nih ka ring ber.
lam pawh hi a ni tho …lam ho hian an chang sang bik a ni lo va…an chan kha an tarlang sang a ni zawk..emotionally..in. biblea lamte phei chu a hnua che chhe tak tak an ni …lam erawh ka sawisel lo hulhual..ka thlirna mai a nia.
September 30th, 2012 at 10:14 pm
Hahahha sheldie Ght ah voikhat chu trainning pekna ah ka thil tehkhin nan ka hmanga an lawm dar2 khop mai
….
Bei tha khop mai …mahse lungphurna hi Rimawi khawvelah chuan a awm loh chuan a tih theih miah lo thung…..a khaipa ber a ni leh thung tlat si……
. Hla tamtak leh music tha tak2 a te ho hi Lungphurna luangliam(overflow) atanga kal a ni deuh vek awm e a. 
September 30th, 2012 at 10:22 pm
taksa chetna chang ang chi hi hmuhnawm ka ti lutuk a, zai ve theihnghilh thak khawpin ka lo en char char zel
September 30th, 2012 at 10:27 pm
Malsta, i comment khi a tha khawp mai. Vakul word siamthar ‘lungphur’ hi a pawimawh khawp mai a, music ah chauh pawh ani lo. Hring nunah hian kan neih vek a tul kei chuan ka tia, ‘over’ lutuk chin chu a awm ang a.
Kei hi fing lemlo tak, mi khawngaihthlala or damlo na deuh te hmu a lungchhe mai, neih in a tlin baka mi tanpui mai, harsatna tawh zui phah tum ka nei fo va, chutih laiin Pathiana ka lawm ber lai pawn hlim lam ruihna thlarau hi ka la chang ve miahlo mai.
September 30th, 2012 at 10:40 pm
Jacka pi sawi ang taksa chetna chang hi hmuhnawm ka ti ve lo thung. Pangngai taka lam dep dep ho hi an hmuhnawm ka tia, taksa chetna chang an han zuang vel hian midang lam ve te hi a tibuai, bakah zai zawh hnu te thleng hian an la ri tawk tawk mai a, a thlarau ka chan ve loh vanga hrethiam phaklo ka niang…
September 30th, 2012 at 10:51 pm
@sheldie#19: A dik a lawm lungphurna a tel loh te chuan robot ang mai kan ni dawn asin le
. Rimawi lamah hi chuan ka nau hi a zai ve zeuh2 a phak ang chin2 ah ka hrilh ve fo mai mahse a hrethiam chiah thin lo a chang chuan…..jazz leh soul ang chi ah phei chuan a ngai nasa zual.
Lam ruih tih lampang a hi psychological ang zawnga thluk chi ah ka ngai chiah lo deuh, Pathian hnathawh ni mai ah ka ngai…….
September 30th, 2012 at 11:10 pm
Sheldy…lungphurna hi lam lamah a thawk vek tiin min laksak lul suh u…lungphurna hnip zual lai chu kan nei vek ang chu..
malsta…lam ruih tih hi i va hmu thuk ve…kei chu lam lo ai hian ka dah sang hlek lo…Pathian hnathawh a ni lo ka ti miah lo a nia…Pathian hnathawh kan lo dawnsawnna hi kan ziaah bawk khan a ni a…ze bo thakin kan dawngsawng lo va..kan ze mil hian a rawn irh chhuak fo thin. an lam avanga pawlna chang bik leh pawlna an chan avanga lam bik ni lovin an pawlna chan kha lamah an tlak a ni zawk em.
lam ruih phei hi chu a fim lo viau va…sual pawh a inphum hma bik a…an lam avang khan an sual erawh a ni lo.
kan nihna kan zia hi ka thlarau mi pui thui khawp mai…kan nihnaah erawh fimkhur theuh chu a ngai a…sawisel ka nei lo ve.
lungphurna leh zairimawi inkawp zia chu postah a awm khi…lungphurna ngah zawng zawngin zai rimawi an ngaina chuang leh der lo…
September 30th, 2012 at 11:16 pm
@Vakul: Ngaih thuk leh thuk loh lam a nih pawh ka hre chiah lo, Pathian hnathoh chi khat ah ka ngai top………..
Report a lut thei der lo mai ngatinge maw ni
September 30th, 2012 at 11:22 pm
#16 pu vakul
I thlirna hi ka tawmpui khawp mai che.
September 30th, 2012 at 11:23 pm
Hre thiamlo tan chuan, engkim mai hi a lo mak thin em a ni.
Post tu pa rawn sawi zawng zawng leh comment hrang hrang ka chhiar hian,
Pathian kohhran ro pui zia a lang chiang hle in ka hrai.
Lung chi hrang hrang leh hman raw chi hrang hrang in rem khawmin,
lal in ro puitak a din ang in, Pathian kohhran ho pawh, lung chi hrang hrang leh hmanraw chi hrang hrang hmanga, Krista Isua ah chuan,
rual rem taka duan leh rem khawm kan ni si a.
A tu a te ta len mah hi, kan hnual suatin kan in sit sak loh hram a tha.
Vanram ah chuan, tu nge ro pui berang tih zawh na Lal Isua
chhan na khan, kan ngaihdan hrang hrang te hi, min chhan sak
chiang viau in ka hria. In ngaih dan zau takin, han sawi zel teh u.
September 30th, 2012 at 11:26 pm
thlarau mi kan tih hi ni deuh ruai…chiau vak vak lam hi an ni chawk a..a concept hi thlak ka duh ngawt mai. sam 15 naah kha thlarau mi Pathian kianga khawsa tur a sawite kha…dik taka ti..fel taka awm…mi rel ngai lo…pamham lote an ni a. tunlaia kan ngaihdan tlanglawn hi chu lungphurna ngah an ni ber.
eiru lote hi thlarau mi ti tha leh ila a tha ang.
Pathian hnathawh chu a ni teh meuh mai…mahse ziaa innghat a ni..Rev. Zairema kha mihlimho hian an hmu tisa deuh ni tur a ni…an zawt alawm le…vanram i kai ang em..an ti a…ani chuan…theihtawpin a rawng ka bawl ve a kan hun lai khan mithiam an la tlem a sawrkar hnate beisei ve ila khawi department head te chu kan ni ve tawh mahna…ka thih hnuah hi chuan Pathianin nang chu hremhmun lam kal rawh pawh ti se thuawih takin ka kal mai ang…a ti e an tia lawm.
September 30th, 2012 at 11:32 pm
@vakul, a dik alawm. Engkim mai, tuarna te, thihna, lawmna leh adt hi kan ze mil in kan tuar in kan dawng tih hi a dik.
Ka mi hriat pakhat chu a inkhawm ngai lova, a piangthar ta a, a lam nasa thin ta khawp mai a, inkhawm prog zawh hnu te hian buaipui zui a la ngai thin. Chutah a fanu mal an boral mai chu a lainatawm em em rualin amah ang a thihna tuarna ti lang nasa ka la hrelo. Ka sawi tum a fiah in ka ring. I post thlawp zawngin ka ziak anih hi, mahse tiang mi, eng kawng pawha nasa ho hi emotional kan ti dawn em niang? Vuah mai tur ka hrelo va, extremist ti ta ila a fuh zawk ang em?
September 30th, 2012 at 11:39 pm
sheldy…ka thlawp thlap che. extreme chu mizotawng chuan hleihluak a nia. hleihluakna hi chhungril atanga inmung a ni bawk a…chhungril emotion..in a vawrh chhuah a niin ka ngai. dawhkan siamtuin dawhkan a siam hmain a dawhkan siam tur chu a rilruah a awm daih tawh a…a ang tak a rawn siam chhuak a ni zawk a..a fa a thih hma hauh pawh khan a maha extreame ziarang chu a mu veng veng ang chu. a rawn kai tho mai a ni zawk.
emotion tel lo nun hi a rapthlak viau ang emotion tam lutuk pawh a hnekhnawk hi a tam ve bawk a ni.
October 1st, 2012 at 12:08 am
Kei pawh hi Peter-a ang deuh ka nia, lungphurna ngah tak ka ni, mi luhlul tak pawh ka ni lem lo, kohhranah inhmuamup leh cool ruih reng chu a that loh rualin hysteria ang chi hi ka ngaithei vak lo thung, thlarau pawlna vanga taksa chetna an chang hi an awhawm em ema, an nitin nunah a rahchhuah hmuh tur a awm phei chuan an awhawm lehzual. Ziak tha e
October 1st, 2012 at 12:22 am
Post leh comments ril tak ani. A dang lo chang leh teh ang..
October 1st, 2012 at 6:58 am
Tukchhuah nuam vek u le
October 1st, 2012 at 9:19 am
Lungphurna
Ka pawm dan ve tho ani a mahse Pathian/Thlarau thianghlim hnathawh anih ve theih tho avangin pawngpaw sawisel erawh ka ngam hauh lo. Keini kohhran hi kan buaichuar zual a, helamah hian. Pathian hnathawh ni lem lo hi chu an nitin nun phungah hian a hriat zel leh tho mai! Chungte chu endan tawk thiam a ngai ve a.
Tuna ka awmna a kan kohhran hi an rau khawp mai a. Tawnghriatloh hi an chham vak a, pitar pakhat hian mipui hma ah a rawn let leh thin! A danglam ve khawp mai! Ka rau lo em a, mahse an zinga awm chu a nuam phian chu ka ti lawi si a. Thlarau thianghlim chenchilh ni hliah hliah hian ka hmu deuh a
October 1st, 2012 at 9:24 am
A tir lam ka chhiar lai khi chuan ka helh hman tep a. Mahse, post tha leh thulai la tak a niin ka hria…
Nia, Pu Sihtea sawi ang deuh khian, Krista taksa – kohhranah hian mize hrang hrang rual rem taka kan inremkhawm hi a ropui; innghirnghona leh inerna awm leh thin erawh a pawi
Takna leh fel erawh a tha, chutih rualin mi thenkhat erawh, inlak tak leh inlakfekfawn an tum deuh nia ngaih theih pawh an awm tho vin ka hria (ka ngaihdan mai mai). Mahse, keima tan bik hi chuan, Pathian faka zaia lam (ban phar, kut ben, adt.,) erawh theih chinah uar ka duh. Entirna pek tur chu kei aiin in hre zawk ngei ang. Lal Davida hi Pathian fak kawngah chuan a entawntlak ka ti…
Mimal tawnhriat: Nimin chu BMCF thalai Praise & Worship kan hmang a. Pathian Thlarau Thianghlim awmpuina a zarah Pathian ni dang ai chuan inkhawm a nuam kan titlang khawp mai..
October 1st, 2012 at 9:55 am
ka’n tlip leh teng. piantharna hi kan zia leh nihphung (nature) thlakna a ni a…tih dan thlakthleng kualna mai mai ni lo vin..chu nature inthlak chuan kan tih dan chu a rawn thlak lo thei lo thung. chuvang chuan mihring thar or thil siam thar tih a ni thin.
chu mihring thar chu a zawi chang leh chauh chang a awm thin a…chutah chuan nature thlak(pianthar) a mamawh a ni lo…amaha emotion kha chawh nun a tul a ni ber zawk…nun ram chau chu emotion down a ni a…chu chu kaihthawh a tul..emotion ka hnawl loh zia chiang ang chu…a first stepah emotion kan dah erawh chuan emotion bawkin kan bo leh ang.
lrp..i ti dik khawp mai thil hi chu a rah(result) a rawn chiang hi a awm ve mai.
October 1st, 2012 at 10:17 am
Emotion mizotawnga i dah dan hi a fuh lo deuh em aw… Kei, emotion tih sawi tawh hi chuan hmangaihna hi lo lang nghal rup zel mai asin. ZAwlnei Hosea, Malakia, etc etc…hi ka mithla chho ta thin a, emotion tih thupui ka hriatchhuah hian. Kristian THINKER-te hi kan FIMKHUR a ngai khawp a nia. Saptawnga thumal emaw thil nihphung ZO TAWNG-a kan sawi dawn hian rah tha chhuah lovin hma lam pan a hlauhawm thin. Emotion tih lai tak pawh hi SENGLUH thiam a ngai viau ang le.
Ravi Zakariah-a sermon ”Ýou cannot worship God without emotions, without reverence, without sacrifice,…because God is born of love’ tih ka ngaihthlak hnu hian ka hmatheh hi a danglam ta khawp mai.
Khawvela kan awmchhunga hmangaihna turu ber – NUin a fa a hmangaihna pawh hi a RIL ka ti khawp mai. Hmeichhia-in an pasalte an chhuan dan pawh hi mipa aia thuk zawk a ni si a.
Mimal ngaihdan a ni a.Engmah hnualsuat tawp i nei lova a ngaihnawm khawp mai.
October 1st, 2012 at 10:19 am
Lal Davida’n ‘Lalpa hmaah a ni ka lam ni, Lalpa hmaah chuan lam awm reng ka nia lawm..” a tih kha a tawk viau in ka hria.
Tuk chhuah nuam ule.
October 1st, 2012 at 10:34 am
a va tha thin tak em…
October 1st, 2012 at 11:22 am
Lrpa a sawi ang khi keipoh ka dinhmun chu ni deuh, psychological piah lam thil hi Pathian ah chuan a tam thei khawp a……..thlarau thianghlim hnathoh phei chuan engti kawng pawh hian chhut mah ila kan chhut chhuah ka ring chiahlo chuvang chuan a nihna anga pawm mai hi a fuh ber in ka hre thin………….
October 1st, 2012 at 1:02 pm
Ignatia khi ka’n chhang lawk , emotions tih hian mihringa feelings hrang hrang heng, thinurna, lunglenna, hlimna, phurna, thathona, nguaina, huatna, lawmna leh hmangaihna te pawh aniang chu (anihna takah chuan hmangaihna hi emotions aiin a ril zawk), reasoning tel kher lova kan tihlan thinte hi a huam veka, hmangaihna chauh sawina a ni lo. Mi emotional chu Vakulin a rawn sawi ang chi khi an ni tlangpuia, mi hlim phur hma em em, lungngai hma bawk si, engemaw hleka mittui tla zung zung mai, tih thinrim pawh awl tak anni tlangpui. Chutih rualin a tha lam pawh a kawk thei tho, mitin hian emotions kan neih dan a inchen lo veka, emotions neilo lutuk mihring chu cold-herated, machine-like etc tih an hlawh thin, in one word, emotions hi mihringte min ti mihringtu a ni. Pawl 12 kan zir laia Machines and Emotions tih Miss Dinpuii hova kan zir te pawh min ti hrechhuak rum rum mai
Hunrei tak chhung chu emotions tih hi mizo tawng thumal khata (a teuh ber tur ang tala) dah dan ka ngaihtuah nasa thin hlea, Vakulin hriatthiam awlsam taka Lungphurna tia a rawn dah hlauh hi ka lawm takzet, emotions awmzia engemawchen a phawkchhuak phaka, mizo tawnga emotions tlukpuiah ka pawm hmak.
October 1st, 2012 at 1:24 pm
@17: a ka comment chu ngai kawi duh tan chuan a va ngaih kawih theih nasa dawn em, ka lo ngaihtuah miah loh chu a
.
October 1st, 2012 at 1:50 pm
Charice ka hriat hnu tho i sawi a ni. KL Biakchungnunga khan Emotions chu mizotawngin THINLUNG CHEVET tiin a dahin ka hria. Ka buaipuina a rei tawh a, ka chiang ta lo. Tin, hetiang zawnga thil chhut hi ka bansanna a rei tawh hle mai. Thiante, thawhpuite, ldt., mizia ni awm anga chhui emaw sawi ziah hi ka tui ta lem lo. Ka lo zawt chiang ang. Ka sawi tum tak chu a PRESENT dan tak hi mawle… LUNGPHURNA tih ringawt a han dah chu a famkimloh zia nangmah pawhin i lo delhkilh chiah e.
Emotions leh Love hi kan herdanglam tlat a lawm mawle. Ka comment tawhna philosophy thiam lutuk – Ravi Zakarias ngaihdan tan chhanna ka ziak hi lo chhiar dawn nia. Tan chhan nei chunga thusawi leh mimal hmuhdan thusawi hi a danglam thin khawp mai!
As Zakaraih oftently pointed out,somewhere in the world of Philosophy we have made a huge blunder across the century when we lost contact with the reality of emotions and made human being purely cerebral(making brain work)….and in the 1950′s and 60′s the the existentiallist philosopher become so popular focusing on emotions,pasion and experience ,swing the pendulam to the other degree where rationality was not as important as acting with passion…Mind you dear Cahrice God has given us our emotions for a reason just as he has given us ‘SENSITIVITY TO TOUCH’. Supposing you put your hand on something that burn but you pull it away immediately because you know if you keep there for somtime it will burn the rest of your body… emotions are indicator of reality not fabricator or framers of reality…..
October 1st, 2012 at 2:20 pm
Ignatia, tan chhan nei lova nangma thua a awmzia i hriatloh vangin a literal meaning ka rawn hrilh lawk che anih kha. Engpawhnise i ti lawmawm e, i thil rawn quote khian ka point a rawn nemnghet chiah alawm, ka comment khi lo chhiar chiang leh la, emotions kan neih avang hian mihringte hi thilsiam dangte aiin kan chungnung zawk reng a ni.
Pu Vakul khian tumah qoute lovin ama irawm chhuak liau liauin theoretical piece on emotions, pure lutukin a rawn ziaka, eng Zakaria ria emaw lo quote-a lo tih bawrhban sak atan chuan ka ui deuh, an sawi tum lam leh an thuziah kalhmang leh tum lam a in persan em mai. I rawn press lui zel anih erawh chuan political thinkers te atang ka rawn chhang ang che.
October 1st, 2012 at 2:24 pm
#39 ah khian ka lo sawi hmaih, lainatna, khawngaihna leh hriatthiampuina mihringin kan mihringpuite laka kan neih te pawh hi emotions chuan a huam tel. Ngaihtuah thei, vei thei, ngai thei, lungleng thei, hrehawm ti thei etc kan nihna chhan hi emotions vang vek a ni.
October 1st, 2012 at 2:30 pm
ignatia…lungphurna tih khi chu engmah han tan nat em em ka nei lo mahse a dik lo chu i ti thei chuang bik lo ang chu…tin emotion tih hian Ravi zacharias a sawi chu ka lo hre ve lo na a…hmangaihnate hi emotion ni chiang a bak pawh a tam khawp mai. a tha vak lo thlengin…
ka sawi hi i man lo deuha hriatna ka nei thawhpuite zia chhuiah min ngai a ni thei e…ka ni lo…mimal phei chuan mitthla eih ka nei lo…chutiang mi pawhin min hnim hnaih lo re re… thil ni ve thei ka ngaihtuahna a ni a…kohhrana khuangpu te upa ka sawite khi demna emaw diriamna lam emaw min hawipui lo ula ka duh…hringnuna thil thleng leh ni ve thei kan tarlanna ni mai se…ka ti a ni. mihring zia ka ziah reng reng hian ka base ber chu keima ziaa thil tha lo atang ka teh ber thin. mahni inen nasa ve tak niin ka inhre ve a…
thlarau thil anga kan dah a nih avangin lam leh taksa chetnate pawh kan sawi dem dem chauh va…Pathian min pawlna hi kan emotionin kan dawngsawng a..a inang lo mai chauh a ni tih hi kei aia hre turah ka ngai che.
rawngbawlpuite zia a mawi lo zawnga sawi tur ka ni lo reng reng a…thil nihna thlir ngam tur erawh chuan ngaihdan ka han sawi ve mai mai ni se la…misual.com a lo ni bawk nen…ni lo se…ka ziak lo vang.
khati zawnga min laksak chuan ka ziah sa zawng zawng hi khawnge ka post tak ang le.
October 1st, 2012 at 2:39 pm
inhnial bawrh bawrh ru
October 1st, 2012 at 2:46 pm
Isua Krista pawh kha Lazara thina khua a han thlen khan Lazara nutate leh mipui lo pungkhawmte hmaah khan insum zo lovin a tap ve ta a. Midangin chu chu an hmuhin ISUA HIAN A LO VA HMANGAIH EM! an ti ta hial a ni. Isua Krista Kraws-a thina leh helaia tahna hi inzul viau asin.
Nu-in a fa a hmangaihna hi RIL lutuk niin mi thiamte’n an sawi thin. Mizo pa in chhunga ruang a luh pawh hian nu zawk hi baw hawk hawkin an tapchhuak tlang pui thin. CHu chuan hmangaihna chungnung zawk… harsa taka paitu, thisen leh thlan hmanga HRINGCHHUAKTU leh ENKAWLTU hmangaihna chu pa aia a nasat zawk zia a lantir thin a ni reng a ni.
Phurna leh thatho-na daih rei lo tak mai ang zawnga emotions kaltir filawr tum kan awm takin ka’n ti mai mai mawle. Emotions hi indicator, chhan neia Pathian min pek a ni tih hi ka pawm dan leh ka sawizau tum dan pawh a ni e!
Nakinah (la rei deuh mai thei) WESTERN RATIONALISM lamin kan sakhuana leh nunphung min tihbuai zia ka lo la post ang.
October 1st, 2012 at 2:57 pm
ignatia…i rawn sawi hi ka post kamkeunaah khian a awm a ka pawm thlap.hmeichhe zia hi ka zir ru ve nasa a…tlemte ka post tawh kha..
rationalism chu rawn ti thuai rawh aw kei pawh i sawi article chu ka ziak ve e ka ti a…misual.com a postctur chuan a sei lua …phek 12 zu ni mauh a.
October 1st, 2012 at 2:57 pm
inhnial MOOD ah inawm ni maw, emotionally in ka lo bih zel ang e
October 1st, 2012 at 3:09 pm
Lungphurna hi hmeichhia in an lo ngah zawk vang a ni maw an thak sep sep reng a? K’u sheldie
Pa zai kal rut rut tih khi a hrilhfiahna chhiar ka hreh tlat mai min lo hrilhfiah mai teh u… hrat deuh ka hria a
October 1st, 2012 at 3:15 pm
Kei pawh hi, lungphur ngah tak ka ni awm e…
Ngaihdan zau tak pua thuziak a niin ka hria a. A sawi tam zawk khi ka hmuin ka hre tlat. Mah reng reng se, ka sawi tawh angin, kohhran upa leh rawngbawltu thenkhat inla tak lutuk erawh member tam zawk beisei erawh a niin ka hre miah lo.
Mizo thuziaktu lar pakhatin a ziak tawhin ka hria. Mizia chu a ni teh meuh mai, mahse chhungkaw pa thenkhat erawh inhmuam up an tum lutuknaah an puak keh fo.. an tiin ka hria..
October 1st, 2012 at 3:22 pm
Nuin a fa a hmangaihna hi chu a lo ropui deuh aniang, Rajputs ho kha mi huaisen ralhrat khawkheng anni a, indonaah an hmelma ten an khua/in leh lo thleng raka an nawrbeh changin an fate chhuhsaka kalpui daih an tum thina. Rajput pa hoin an en liam tawp tawh laiin nuho ve thung chuan mahni nunna thapin thih huamin an beilet thin an ti zu nia
October 1st, 2012 at 3:27 pm
Post ngaihtuahna tithui thei tak a nih hi mawle. Thildang ang thovin Pathian rilru leh mihring ngaihtuahna atangin a thlir theih ang.
Vakul pawh hian a pahnihna ang zawng hian a rawn thlir deuh niin a hriat. Chuti zawngah chuan a dik viau thei awm e.. a bikin hmeichhe lam dinhmun ngaihtuahin. Ignatia rawn thlir dan erawh hi chu a ril raih thung a nih hi. Christological concept angin a rawn thlir daih thunga Pathian rilru leh emotion Kristaa puanchhuah a nihna atangin a rawn thlir a, in inhnial ta deuh a ni ber e. Mihring thlirdan leh Pathian thlirna hi chu a inkalh deuh lo thei thin lo a ni.
Ignatia example rawn tarlan atang khian heti hian han sawi zau ta ila: Lazara a thih khan Isua a tap a. Midangin chu chu an hmuhin ‘ISUA HIAN A LO VA HMANGAIH EM’ an ti a. Kha kha mihring rilruin a hriatthiam phak zawng chu a ni. Isua’n Lazara a hmangaih em em a, a thih paw’n a tap tih hi. Helaia Isua emotion lo lang chhuak hi Lazara tisa thihnaah hian a tawp hauh lo. A dika dik chuan a kaitho lehnghal dawn tih Amah ngei khan a hre vek zawk a. Pathian emotion/hmangaihna ril lutuk, Isua veltu zawk kha chu sualin mihring a tihchhiat ril zia leh khang taksa thihna thlentu dik tak (thlarau thihna) pawh hrethiam lova, chung laka chhandam theitu Amah Krista ngei pawh hrefuh theiloa sualin a bum mek hringfa-te hmangaihna thinlung kha a ni. Taksa thihna avanga mihringte anga tap hluam hluam emotion a ni ve lo.. hei hi Krista neitu tak takte pawh hian an chang chho mek reng a ni – taksa thihna hi an tuar ve lo nilovin, a phena malsawmna an hmuh thiam tlat avangin lungngaihna chu hlimnaah a chang zawk thin.
Sawi tur a tam khawp mai mahse heti chinah hian rek bung phawtz ang
October 1st, 2012 at 4:09 pm
Thumal kan lo neih belh/nei thar a ni maw?
Kei chuan ziak ila ‘zauthau’ tiin ka ziak mai awm mang e.
A ngaihnawm thin khawp mai. Han chhunzawm zel teh.
October 1st, 2012 at 4:29 pm
# 52…
K’u Chhuaklinga zauthau tih khi ka tawmpui tlat mai a…
October 1st, 2012 at 4:30 pm
donald i sawi tha khawp mai…ignatia hi ka hnial hran lo kan thlirna tukverh a dang deuh tih mai chauh a ni…amah hi tha lam duh mi a ni a…a pawngapui chuan ka hnial lo…khawnge amah pawh hi …
October 1st, 2012 at 4:36 pm
hahaha vakul.. nang ka ti chiah hleinem che.. ka rawn sawi chhan che khi chu i thlirdan cc a nia.. inhnial ka’n tih deuh hi chu kan LLi chhass 2 te hi nia
Ps: an ni 2 ang hi nupa tuak 20 awm sela. Zoram hi hma kan sawn khawpin ka ring
October 1st, 2012 at 4:48 pm
# 56.. PS khi..
In inhnial dan hi ngaihnawm ka tih zawng tak..
October 1st, 2012 at 4:48 pm
Vakul fb lamah mizoatheist group te a lo awm tawh em ni.. nang vengva deuhah eng nge i hmuh dan? inlak chk nana atheist ve mai mai nge an ni ve deuh tak tak ?
October 1st, 2012 at 5:06 pm
donald..ka.hre vak lo fb lam hi..zohoa te groupa atheist ho kha chu sap an tam ber a…i sawi ang khi a nih ka ring…mahse a way to atheism chu a ni tho mai tunah tak chuan atheist ai mahin sceptic an ni ber ka ti…a full a question and doubt…mahse thlah thak chu an la zuam lo…
October 1st, 2012 at 5:31 pm
ok.. vakul thnx. Full fledged atheist tak hi chu kan awm ka la ring chiah lo deuh ngawt a
October 2nd, 2012 at 7:38 pm
Vakul thuziah leh sawihona te ka chhiar a, a ngaihnawm hlawm hle mai..
Vakul chu thulai lain a ziak thiam riau mai..
In lo kalsan hman tawh na a, kam hnih khat lek kan sawi ve teh ang…
Lungphurna han tih tak hi Thumal han phuah chhuah tharah chuan a tha ka ti ve viau na a, ka lung a si chat lo deuh e..
mahse a aia tha ka hre bik chuang lo va… 
Lungnona ka ti mai thin…
Lam chung chang hi chu..Ri hian lungphurna a kaitho hma i ti a, a dik khop mai…mizo lengkhawm zai hla sak hian lam an tam duh nge nge a,solfa zai sak hi chuan lam hi an tlem deuh nge ngein ka hria..
Comcertnaah te hian music tang et awt ngaihthlak hi chuan lam chakna hi a awm vat mai thin a nih hi …
mahse Vakul leh commentuho tam tak hi mipui hmuhah chuan in lam ngai lo ang a?
October 2nd, 2012 at 7:43 pm
puii khaih khaih…khuang nufa a rik tawh hi chuan zokai perhte ang maiin kan ri phat zawk alawm