(Post tlem a zarah kan ti ve leh ngawt mai teh ang)
Lungphurna (Emotion) han tih mai hian a nih phung panngngai ang leh tawng tlanglawn ang chuan lunghnim emaw, lunghnur emaw, tap tihlam a kawk deuh awm e mahse psychological term ang chuan a huam zau thei ang reng khawp mai a. Kan hre theuh chuan a rinawm a, mahse han ziah ve tak ah chuan han sawifiah dawn chhin teh ang. Kan awmdan phung leh rilru pianphung zawng2 a hi mi thiam (psychologist) te chuan Lungphurna hian a kaihruai e an ti thin. Kum zabi liamta engemaw chen atang khan a ruh no2 chhuakah tih hi khawvel in a a hmuhdan thin chu a ni a. Amaherawhchu hemi in a a nghawng thatna tamtak a awm lai hian, a thatlohna a hring hnem zawk ni in an ngai a chumi in a a hrin chhuah a chu, Lungphurna chhungril tak a mi in a a a kaihhruai hi a diktak zawk chu a ni e tih ngaihdan pawh a awm thin fo mai. A lo lar hmasa zawk a nih vang leh ni thei awm ang tak a nih avang hian a lar ta mai emaw ti ta pawh kan tam hle awm e. Mahse mihring chhungril nun a thatna awm reng2 lo ang mai leh ramsa ang mai a duh2 in chuh a in hneh chhuh tur a hi Pathian in ropui bik a min siamna awm miahlo ang mai ti in an sawi fo bawk a.
Eizawng thin nihna dinhmun: Mihring nihphunga thil pawimawh ber a tih theih hial awm e, hemi kan tihna kawngah hian he lungphurna tel lo in a nghawng chhuah tamtak chu, thatchhiatna te, tihtak lohna te, eirukna te, hmasawn theihlohna te adt adt hi a tih theih awm e. He Lungphurna tel lova pawisa dah hmasa ber a mi in hna a thawh chuan a ram tan chhiatna a thlen thin tih hi a thupui ber chu a ni awm e. Keimahni dinhmuna thlir chuan (context) Enghna ah pawh nise a thawktu in a amaha awm, dikna te, phurna te tuina te, thiltha te kha a dah hmasak loh chuan, ama tan chuan hunreilote chhung chu a tha thin maithei, hemi hian a chhungkua a nghawng a, a khawtlang a nghawng a, a ram a nghawng chho thin. Chumi vang chuan mihring nihna nihphunga hi kan eizawnna kan nitin nunah hian ramsa ang(survival of the fittest) mai ni lova kan hman hi a hun ve tawh reng em? Tih hi zawhna lian tak awm chu a ni reng thin. A bak a pawh hi sawi tur a tam thei awm e.
A chunga kan sawi letling chiah hian mi in a eizawnna kawngah Lungphurna leh tuina tak2 a neih chuan thiltha tamtak leh midang tan a tha a hlen chhuak in a siam zawk thin a tih hi a ni. A nihna takah chuan, Pathian in mihring a siam lai a ama anpui nihna lai, positive character a kha a hman chhuah kha thil nihphung awm tak zawk chu a ni awm e. Pawisa hi tute pawhin kan mamawh vek a amaherawhchu khami kan hlawhchhuah danah khan a engkha nge kan hman tih a kha a ni mai awm e. Hemi a hi mimal ngaihdan mai2 ah chuan, mi in a hnaah tuina eng2 emaw vanga Lungphurna(emotional attachment)a neih tawh loh chuan thawhpuite/khawtlang/ram tan a hlawk thei tawh thin lova, hmasawnna tur a awm tawh thin lo an tih a hi a dik ang reng ka ti thin.
Remhriatna (Creativity): Hemi hi khawi atanga lo chhuak nge kan tih chuan Thinlung chhung rilru luahtu thilmawi tak, chumi a taka rawn tih chhuah(materialise)a ni ti ta ila kan tisual tam pui awm love. Hemi a taka rawn ti chhuak tu a hi Lungphurna kan tih a tho hi a ni a tih theih awm e. hetah pawh hian Lungphurna a titu hian nei ta lo seng chuan a tih chhuah theih a rinawm lem loh. Hetah hian mahni chauh a thil thawhtheih a awm lai hian Pahnih/Pathumte, a huhova tih ho ngaihchang a awm thin, a tihdan thiam loh emaw itsikna emaw er bik emaw a awm chuan thawh hona a ti chhe thei thin. Chumi a nih chuan, Mahni indah pawimawh na tamtak a kha dah bo a ngai ta thin, dah bo loh erawh chuan thawh hona a kal tha thei thin lova chumi chuan thil tluantling lo leh fuh kimlo, khing bai a thlen ta thin. Lungphurna a hi a titute ah khan a awm a ngai tihna a ni deuh mai awm e a.
(Hemi lo pawh hi sawi tur kan hre teuh awm e)
Similar Posts:
- HRINGNUN BUNG HNIHNA
- Kristianna leh a Hnamzia..
- Zai leh a kaihhnawih
- Market Rate
- Nunna thing vs a chhia leh a tha hriatna thing
October 12th, 2012 at 12:06 am
Lungphurna baka tangkai ka tih leh chu dilchhutna (curiosity) hi ani. Thil hriat duhna neih tlat hian hriatna a ti zau.
Curiosity does not kill the cat alone, it also kills ignorance.
Report this comment
October 12th, 2012 at 7:27 am
Tukchhuah nuam vek u le
Report this comment
October 12th, 2012 at 8:41 am
A tha viau e. Mahse, ‘Phurna’ ni na na na a, lung-hnìm leh tahna lam anga hrilhfiah daih khi, a intu lo deuh em aw? A hmanna leh tangkaina i han sawi ho pawh khian rilru hnìm leh tahna lam a päwl lo tlatin ka hria.
Report this comment
October 12th, 2012 at 9:37 am
Emotion hi lungzing, tap, lunghnur emaw ringawt a ni awm lo ve ka ti deuh. I hrilhfiahna khi khi aia zau khian han dah la, a fiah lehzual ngeiin ka ring deuh. A tha khawp mai, min fuihtu tha tak a ni e ka ti deuh.
Report this comment
October 12th, 2012 at 11:06 am
i ziak tha khawp mai…titi tawngkama i ziak leh thin hian chhiar a tihar lek lek thin.
Report this comment
October 12th, 2012 at 11:47 am
@James Bond: I nick ang hian hman deuh khan khasi thian pakhat nen inkoh fiam nan kan hmang fo mai……
. Ni e, curiosity han tih mai a hian common sense/conscience in a a hmuh leh hriat ve mai tur awm a ngaih in zawh fo hi chu a ninawm duh thin ang reng a chumi ni lovah pawimawh tak chu ni………
@sheldie: Ni hman nuam le….
@PK& Awmtea: Psychological term nilova,sap thenkhat in a tawng tlang lawna an hman mai thin, ka mittui a tla a tih emaw atan a an hman mai thin avang hian kan sawi tel deuh tin lawm le…………….
@Vakul: Zawi2 in kan zir chho ve zel chu ni e……
Report this comment