«
»

Vangpui Kut – Cultural Exchange Nite

October 3rd, 2012 2:00 pm by Dr Mahminga Sailo

Tahrikni 2, October 2012, thawhlehni khan Bangalore Mizo Association huaihawt, Vangpui Kut – Cultural Exchange Nite; Lincoln Hall, Baldwins Boys’ High School-ah ropui taka hman a ni.

Vangpui Kut
Bangalore Mizo Association (BMA) chuan kum tinin Bangalore-a Mizo zirlai leh hnathawk te tan Vangpui Kut a huaihawt thin a. He kut denchhen hian Bangalore Mizo te’n infiamna hrang hrang bakah, mizo hnam lam leh zai te’n section hrang hrangin (Lalsangzuali Sailo, P.S. Chawngthu, Vankhama & Rokunga) inelna kan nei thin a. Vangpui Kut ni, October ni 2 –ah kharna hun hman thin a ni.

Cultural Exchange Nite
BMA Executive committee meeting (2012-13) hmasa berin a rel angin, Vangpui Kut kan lawm thin bakah Cultural Nite ropui tak hman ni se tih a rel a. Vanduaithlak tak si, kawng lehlama Cultural Nite atan vanneihthlak ni tho siin; august thlaa hmarchhak mite vau leh rikrap avanga mi sing thum chuangin thlabara Bangalore an chhuahsan avang khan, Vangpui Kut-Cultural Exchange Nite hian ngaihven a hlawh hle.

Vangpui Kut-Cultural Exchange Nite-ah hian Pu PC Ziramsangliana, Art & Culture minister, Gov’t of Mizoram chu Kut Pa niin, Khual zahawm Pu Lalrokhuma Pachuau, DG&IGP, Karnataka a ni a. Chief Guest Mr. Govind M. Karjol, Kannada Culture Minister erawh rokhawlhna dang avangin a lo kal thei lo.

Pu Zoramsangliana hi Mizo cultural troupe, Aizawl veng hrang hrang atanga lam thiam thlanchhuah leh zaithiam lar Ananda Hmingthansangi te’n rawn tawiawmin; Karnataka cultural troupe pathum an rawn tel bawk. Tin, Blue Corn vocalist Nl. Tlingi Jongte pawh BMA member a nih angin hla mawi tak pahnih a rawn sa a. BMA Band leh Boomerang te’n zaia mipui awiin zan dar 11:00-ah Vangpui Kut-2012 chu kham lo takin kan tin.

Thlalak tlem a zawng (Thlalatu: Johnson D Khiangte)

” “Banner”

“Souvenir Tlangzarh: Pu PC Zoramsangliana”


“Grace Home Nula te”

“Chheihlam”

”
“Boomarang”

”
“BMA Band”

Similar Posts:

Recent Posts:

This entry was posted on Wednesday, October 3rd, 2012 at 2:00 pm and is filed under Mizo Society & Culture, News. You can follow any responses to this entry through the RSS 2.0 feed.

35 Responses to “Vangpui Kut – Cultural Exchange Nite”

  1. 1
    Awmtea Khiangte Says:
    October 3rd, 2012 at 2:09 pm

    A van nawm hmel em em (Y)

  2. 2
    evergreen Says:
    October 3rd, 2012 at 2:14 pm

    A nawm hmel hle mai (Y)

    Vangpui Kut hi Mizoramah hian kan eng kut ber hi nge ni le? nge phuahchawp?

  3. 3
    Alejendro Says:
    October 3rd, 2012 at 2:24 pm

    Mr. Govind M. Karjol, Kannada & Culture Minister a nih zawk ka ring. Kannada Culture Minister niloin.

  4. 4
    Dr Mahminga Sailo Says:
    October 3rd, 2012 at 2:29 pm

    Hmanhmawh takin ka post a, a tharlam ngei ka duh ve bawk si nen. A kim lo nuai mai thei.. :-)

    @ Evergreen… Vangpui Kut hi phuahchawp a ni awm e. Bangalore-a Mizo awm hmasa te’n, Mizorama Chapchar Kut kan hman ang teh lua hman ni si lo va, Mizo hminga inhmuhkhawm an duh avanga lo irhchhuak a ni awm e.

    Mahse ka sawi ang khian, Vangpui Kut hian, cultural items mai bakah, football, basketball leh infiamna dang dang inelna hun a ni bawk.

    @ Alejendro… Ka lawm e. Kannada & Culure Minister tih khi a dik zawk e.

  5. 5
    Amah Charice_mizo Says:
    October 3rd, 2012 at 2:42 pm

    In van ti tha ve, nawm hmel khawp mai, keini pawh Mizo Kut tun thla tawp atang kan hmang dawna, chakawm tawh khawp mai :-)

  6. 6
    evergreen Says:
    October 3rd, 2012 at 2:47 pm

    Keini pawh Anthurium Kut kan hmang ve dawn :-P

  7. 7
    Dr Mahminga Sailo Says:
    October 3rd, 2012 at 2:58 pm

    Mizoramah Anthurium kut an hman daih tawh kha. Anthur kut hmang ve rawh u… :-D (W)

  8. 8
    Amah Charice_mizo Says:
    October 3rd, 2012 at 3:12 pm

    Heng kut kan hman te hi state pawna Mizo awmte inpumkhatna, kan hnam nunphung kan chawilarna leh inlungrualna lantirna an ni a, Anthurium kut tih te lek lek ai chuan ka ngaisang fe zawk :-)

  9. 9
    evergreen Says:
    October 3rd, 2012 at 3:29 pm

    Phaiah hian Chapchar kut te hi hman a rem ve lo mi? :-P

  10. 10
    Dr Mahminga Sailo Says:
    October 3rd, 2012 at 3:31 pm

    # 8… (Y)

    Nia, Vangpui Kut hi ka hlawkpui khawpin ka hria. Tawng mawi lo ni lo se, Mizo ni si, kum tluana an hmel kan hmuh ngai loh te hmuhna remchang a ni a.

    @ Evergreen.. Phaiah hian an inchapchar peih lo a niang.. :-D Tak takin, Chapchar Kut pawh Zirlaiin an huaihawt tho.. :-)

  11. 11
    lrpa Says:
    October 3rd, 2012 at 3:35 pm

    Mi ropui deuh deuh te khi an awm remchang nge he mi ni hmang tur hian an rawn kal vang vang…hehe..
    nawm hmel khawp mai! In tihhlim hi kan mamawh ania. :)

  12. 12
    Amah Charice_mizo Says:
    October 3rd, 2012 at 3:37 pm

    Evergreen , Delhi ah chuan Oct thla tawp/Nov thla tir hi kumtina kut hun atana an lo hman thin a ni a remchan zawkna vangin, hetiang hunah hian chapchar kut a awm ngai si lova hehe btw vairama chapchar kut lo hman chu a chapchar awm lo em mai, Mizoramah ngei kan hmang ang chu (H)

  13. 13
    evergreen Says:
    October 3rd, 2012 at 3:41 pm

    hehe, Kut kan ngah dawn khawp e :-D

    Shillong-ah Thal favang kut, Bangalore-ah Vangpui kut, Delhi -ah Delhi Mizo kut, USA-ah Chapchar Kut!

    Chennai, kolkata, Pune, Hyderabad, mumbai, guwahati, bhaga, hailakandi adt.a mizo awmte hian eng kut nge an hman ve le? :-D:-D:-D
    @Mahming ka rawn fiamthu mai mai, ka tel chak vang mai mai (Y) :-D

  14. 14
    James Bond Says:
    October 3rd, 2012 at 3:43 pm

    Bengaluru (spelling dik tak maw) ho chu nuam in va ti ham ham ve.

  15. 15
    Dr Mahminga Sailo Says:
    October 3rd, 2012 at 3:45 pm

    @ lrpa… Pu Sangtea khi kan sawm a ni a. Sawrkar hian minister an nihna angin an zinna tur ruahman lawk a nei a ni awm e. Chu chu kan hmang tangkai thei hlauh… :-) London-Saiha a bantlang hnu ni rei lo te hnuah, kan sawmna leh kan boruak a ngaihpawimawh avanga rawn kal a ni.. tiin a sawi… :-)

    Chuan, zaithiam te khi kan nula chhe lo tak tak te’n, nui seih seih chungin pangpar kan hlan theuh… (F) (W) :-D

    @ Evergreen… Naw prawblem.. :-)

  16. 16
    Chhuaklinga Says:
    October 3rd, 2012 at 3:46 pm

    Kut pa i han sawi khian mimkut-a a thusawi kha ka’n hriat chhuah leh chu le, misual tih takah. :-$

    Phuah chawp vek tho chu a ni nachungin ‘kut hi kan phuah chawp hnem lutuk ta deuh em aw’ te ka lo ti rilru mai mai thin. evergreen sawi ang deuh khian kan kut neih sa te hi khawvel hmun hrang hrang a mizote hian a hun inangah hmang thei ila, mizote min ti pumkhatin a va hlu lehzual dawn em. (H)

    Engpawhnise, a nawm hmel e. (B)

  17. 17
    lrpa Says:
    October 3rd, 2012 at 3:50 pm

    Dr Mahminga Sailo .. :) a hman hlauh chu in nihlawh khawp e..a buai awm awm n’en..
    in khua ka star ve deuh kha pasal a nei ta emaw ni le.. :)

  18. 18
    Dr Mahminga Sailo Says:
    October 3rd, 2012 at 4:01 pm

    @ Chhuaklinga… Evergreen nena in ngaihdan hi a dik ka ti khawp mai… (Y)

    Mahse, thil buaithlak ve deuh mai chu, Bangalore-ah hian March-April hi Mizo hruaitu inthlan hun a ni tlangpui a. Hruaitu hlui leh thar inthlak lai vela hunpui hman hi a khirh ang reng a. Tin, October hi member thar thlenkim hun a lo ni bawk nen. Mizorama Chapchar Kut hman hun ang hi chu hman a har ang reng, sum intuak a ngai ve bawk nen… :-)

    @ lrpa.. Nia, Minister-in khawsik chunga min rawn hmanpui kha kan lawm ve khawp asin. Bangalore-a i * thin chu tunge niang aw? Funny hian a hre ngei ang le.. ;-)

  19. 19
    lushai_er Says:
    October 3rd, 2012 at 4:03 pm

    Chhinlung hi 1990 issue hlui kha in la kawl tha em aw ?

  20. 20
    Phivawk Says:
    October 3rd, 2012 at 4:05 pm

    Nawm hmel heps heps ve le….

  21. 21
    Dr Mahminga Sailo Says:
    October 3rd, 2012 at 4:09 pm

    @ lushai_er … Dr Lalrinawmi Ralte hian a la kawl tha mai thei asin. Remchangah ka lo zawt chhin ang e..

  22. 22
    lushai_er Says:
    October 3rd, 2012 at 4:20 pm

    @Dr. Mahming : Article pakhat, “Down Memory Lane” Capt. Muthu-a ziah kha misual.com-ah hian in rawn cut&paste theih chuan a lawmawm ngawt ang.

    Pu Rinawma kha editor a ni tain ka hria, a ni paw’n a copy a lo ti chhe tawh a. Kei zawhte no nei ang deuh pem kual reng hian ka hmu zo tawh lo va. Mahse kha article kha ka rilru-ah a la cham reng thin.

  23. 23
    Dr Mahminga Sailo Says:
    October 3rd, 2012 at 4:29 pm

    @ lushai_er… Pi Nuteii hian thil a vawng tha riauin ka hria. Ka lo zawt ang e. A awm hlauh chuan a hlu dawn em mai… (Y)

  24. 24
    drake Says:
    October 3rd, 2012 at 4:51 pm

    test chhin
    Ngatiwhy nge a chung a, masscom, marykom leh chemcom posted by Baluman ah sawn ka kawment luh theih loh..
    Solli nula Mahming ka lo awti zuais :-D

  25. 25
    Dr John Says:
    October 3rd, 2012 at 4:57 pm

    (Y) :-)

  26. 26
    funny™ Says:
    October 3rd, 2012 at 5:32 pm

    Nizan chu kan misual member ho an che nasa in an tangkai khawpmai. Kei lah sawm bik ang maiin smart tawkin ka va kal theks a. :-P

  27. 27
    Dr Mahminga Sailo Says:
    October 3rd, 2012 at 5:36 pm

    # 24.. Baluman… :-P

    @ drake… OT-ing in this post is strictly probhibited like MLTP Act in Mizoram… :-D :-P

  28. 28
    H.Vangchhia Says:
    October 3rd, 2012 at 6:15 pm

    Intihhlimna hun hi neih fo tur a nia. Nawm hmel mup mup khawp mai (Y) hairehai :-) (Y)

  29. 29
    zualbonez Says:
    October 3rd, 2012 at 6:21 pm

    hairehai,,,intihlim ila

  30. 30
    sheldon Says:
    October 3rd, 2012 at 6:49 pm

    Khawnge Amah Mahminga chu?? :-D

  31. 31
    Aryan Says:
    October 3rd, 2012 at 7:57 pm

    Tiang kut phuahchhawp hi ka hne.

    Minister pui pui sawm ai chuan in awmna chheh vela politician te kha sawm ula, entirnan an VC emaw, mayor tih vel kha, in phu tawk lek a lawm. (&)

  32. 32
    Dr Mahminga Sailo Says:
    October 3rd, 2012 at 8:14 pm

    @ Sheldon.. Tirhkah tih takah min tir kat kat reng a, ka lang ve lo.. :-D
    @ Aryan.. A dik khawp mai. Chutih rualin Indian kan nihna min hriatpui lo lutuk hi kan minister level atang tal hian min hre ve dah lo’ng maw.., tia huaihawt kan ni a. Hlawkna ka tel tho chuan kan inhre ve ngawt a.. (&)

  33. 33
    Puii Says:
    October 3rd, 2012 at 8:28 pm

    E Heu Aryana …!! (*) a comment chhiar a khat ta.. (Y)

    Kut phuahchawpah hian i tel ve tawh a mi i hne ngawt? ;-)

  34. 34
    drake Says:
    October 3rd, 2012 at 10:12 pm

    Mahming lut thei hek lo le :-)
    OT leh tho:- misual member NEHU tang PhD(chemistry) hmu thar a awm tlat, congrats!! source-Vanglaini

  35. 35
    Dr Mahminga Sailo Says:
    October 3rd, 2012 at 11:15 pm

    @ drake.. OT tangkai a ni e. A lawmpuiawm hle mai. Chemistry subject-ah kher chuan DhP (Dawt-hrilh-Paw’n) degree lak ka huphurh a nia.. :-D

Comments are closed

This is an archived copy of mi(sual).com — new comments can no longer be posted.