«
»

Tawnmang mawl!

October 13th, 2012 5:00 pm by Dr Mahminga Sailo

Bawng tar paw’n…
Ih ihh.., luang-no apiang an duh tho’ an ti em ni kha? Khaih khaih khaih, tar zawng ka ni lo nasa! Tlangval hnakhat, zawnlai ngat ka ni. Ama’rawhchu, min zawngtu an awm lo nge ni; tun thleng hian zawnlai title erawh ka la vawnghim tluang zel! :-D

E khai, hetia awm ngawt zawng a dik dawn lo tawp mai. Khawnge tleitir-lengi te hi han chhai ve tak tak ang hmiang tiin kumpuan thupui ka’n pass ngawt a. ‘Kumin chu bialnu neih ngei ka tum tawh ang’ tiin.

Kum veiin, kum thar a lo thleng a. Valentine’s day lo thleng tur mawlh chu, helhhawlh takin ka nghak. Rose par mawina leh in-D-te a tangkaina thuziak ka chhiar chamchi a; ziah pawh ka ziak ve hial thin. Mahse, sakhmela dar zam lo, vantlang hmel aia duhawmna nei reng reng lo tan chuan e, thiam ang tawka tleitiri ka’n bem changin; bialpa tur awzawngin min en lo. A thenin, thian tha taka tan ka duh che tiin biathu min hlan a. Thenkhatin, u angin ka en che, ngaihzawng ang chuan ka en thei lo che min ti zel si. Thenkhat phei chu, an nu te’n min * zawk emaw tih mai tur an nia. Hui hamm, nula rim te nu han bem ringawt lah, thil tih chi a ni der si lo.. :-P

Nang ka beisei che hi…
I tan sual rawng ka bawl a nih si chuan, bei i va tidawng em! Nula ka duh leh ka hmangaih avanga misual ka nih tluka tawrh nat tur he khawvelah hian a awm thei dawn em ni? A ni lo, he khawvel hi a letlingin a vir ta em ni zawk?! Ka nula duh leh ka lungdumtu berin a hnen atang kiang tura min duh si chuan. Hei tluka lei anchhedawng, tahna ram hi a awm thei dawn em ni? A, eng dang a ni lo, ka hmangaihna che hi hmangaihna vanduai an tih ang hi a nih ber awm hi.

Hlim te’n leng na’ng che…
Ka cho loh val zuna uaiin, hmangaihna par chu hlim te’n chen dun ta ula. Fanau maltluan chawia, malsawmna chhiarsen loh dawng turin duhsakna ka hlan a che.

Khuanu hian kan tana tha tur hi a hria tih erawh hre ve fo la. Kan duh anga a remruat thleng tura rilru kan pu fo hi kan tidik lo thin a lo ni. Chuvangin, ka tana a ruat lengi chu ka la tawng ve ngei ang a. Ka hmangaihna, a tana sual ni lovin, hmangaihna veka min chhanlet hun a la thleng ve ngei ang. Chutih hunah chuan, nang ka hmangaihna pamhmai tak chu, inchhirna nei lek lovin, he khawvel atanga paih bo a ni tawh ang a. Hmangaihna thar hlak, hmangaihna duhawm taka chhanlet niin, biathu kan inhlan tawh zawk ang. Chu hun chu engtikah nge a thlen dawn ka hre lo, mahse lo ngai reng rawh, a thleng ngei ngei ang.

Beidawng leh ngui taka a riang ka chantawk ka tih chuai raih kha, hmangaihna parmawi chuan a nuaibo tawh ang a. I chhanlet loh ka hmangaihna che aia a let tam takin ka tawn thar D chu hmangaihna par ka hlan tawh zawk ang. Nangin min ngai lo ang chiahin, kei paw’n ka ngai therte lovang che.. :-)

… Tia ka an buan buan lai chuan, ka kawngka chu a ri dawt dawt a. Mumang ngaihbelin thatho takin ka tawnthar tur tleitiri ngei hmuh tumin kawngkhar ka hawng a. Ngai teh, ka inluah neitu putarin inluah man min rawn dil lek lo niin! :-O

Similar Posts:

Recent Posts:

This entry was posted on Saturday, October 13th, 2012 at 5:00 pm and is filed under HAHAHA, Luangliam, Whatever. You can follow any responses to this entry through the RSS 2.0 feed. You can leave a response, or trackback from your own site.

18 Responses to “Tawnmang mawl!”

  1. 1
    ulawng Says:
    October 13th, 2012 at 5:13 pm

    chhiar ang,,,,

    Report this comment

  2. 2
    drake Says:
    October 13th, 2012 at 5:15 pm

    bawngpui englo i zensak thin tih an hria a nula ten, an theekthu chhia lawm Mahming :-D :-P

    Report this comment

  3. 3
    Dr Mahminga Sailo Says:
    October 13th, 2012 at 5:27 pm

    ‘drake awm loh lai’ ka chang ve char char a sin le.. :-D mumang lamah chiah ka luck lo a niaa.. :-P

    Report this comment

  4. 4
    lr hlonchhing Says:
    October 13th, 2012 at 5:41 pm

    Pu Mahming an tih hun che chuan, i misual tha peih tawh lo ang. La Tv Mahming reng mai la, thu tha tak tak hi ziak kur ngei nguai la a tha zawk. Daih mai a, kha daih kha sin :-D

    Report this comment

  5. 5
    evergreen Says:
    October 13th, 2012 at 5:43 pm

    Mahming, sakhmela dar zam i duh mi?.. Ha dar vuah tawp rawh! :-D

    A ngaihnawm, mahse mumang ang ka ti lo, a tak tak niin ka hria ;-);-)

    Report this comment

  6. 6
    sheldon Says:
    October 13th, 2012 at 6:17 pm

    Hahaha…Mumang ani lo tawp ang, a taka a tawn ngei mumang ang in min hrilh vel niin ka hria..

    Report this comment

  7. 7
    malsta27 Says:
    October 13th, 2012 at 6:27 pm

    Hahaha rawn luangliam leh ta, Mak ka tih deuh chu ngatinge maw Dr. ve meuh si hi hetianga i buai i buai mai le aw :-O :-P ……I hmuh dawn tehlul nen :-D :-D
    A kaiharh tu che chu fuhlo nih khi, min kaitho ve ang tih ka hlauh rual in, inluahtute mumang nei lai kaithotu nih ka hreh riau mai a. Mumang kallai a uihawm duh dawn em mai…..

    Report this comment

  8. 8
    khumchikthei Says:
    October 13th, 2012 at 6:59 pm

    …Khrum

    Report this comment

  9. 9
    Dr John Says:
    October 13th, 2012 at 7:19 pm

    (Y) Ngaihnawm khawp mai. Mumang chu nih ka ring chiah lova, “I Uaina hrui a chat a nih ka ring” :-P

    Report this comment

  10. 10
    phawkars Says:
    October 13th, 2012 at 7:57 pm

    Post tu pa kan va ek-sa-man em…mahse siniar ka la in ti lo MUP Chanchinbu pawh ka la la em bik hlei nem..

    Report this comment

  11. 11
    Dr Mahminga Sailo Says:
    October 13th, 2012 at 9:18 pm

    Post thar a chhuak har lutuk a, ka mumang ka rawn hrilh tawp che u a nih khi. A takah chuan ka luck lutuk… :-D

    @ Evergreen.. Aizawl nu hausa leh thingtlang nu duai bik lo indawr chungchang hi i hre tawh em?

    Aizawl Nu hian a rangkachak zungun chhuang em emin chawhmeh zuara inpho bulah a rawn kal awt awt a. Thingtlang nu pakhat, a ha ui-ngho bal avanga silver (dar) rawng vuah khan a lo hmu fuh a ni awm e.

    Aizawl nu (intithei taka kal awh awh a, a zungbun tilang ngei tura a kutzungchala chawhmeh kawk pahin) : Hei hi engzat man nge?

    Thingtlang nu: (A ha dar rawng vuah chu tihlan ve ngei a duh siin). Kha kha maw? Tel khat Rs. 5 leh SIKIIIII.. tiin. An indawr tawk khawp an ti… :-D

    Report this comment

  12. 12
    Awmtea Khiangte Says:
    October 13th, 2012 at 11:04 pm

    Iau.. kan inang tih te chu sawi buangbar ve lo mai teh ang! Tleirawl te teah tan tha leh theuh teh ang :-P

    Report this comment

  13. 13
    shailendra Says:
    October 13th, 2012 at 11:40 pm

    Nun hlimawm lai ber i chang mek a ni maw… (ka va han thik che em… sshhhhh… :-P )

    Report this comment

  14. 14
    CFL Says:
    October 14th, 2012 at 2:40 am

    Post khawngaihthlak tak a nih mawle. Dr. Mahming, min rawn pun hun hunah chuan i lunglawm a kim tah ang. :-D

    Report this comment

  15. 15
    kiddo Says:
    October 14th, 2012 at 12:19 pm

    Ngaihnawm hle mai.. Tiang khi a tak tak an awm nual tawh a niang, chhiar tur a awm leh zauh thin… :-D

    Report this comment

  16. 16
    Dr Mahminga Sailo Says:
    October 14th, 2012 at 6:57 pm

    @ Awmtea… Tleirawl hi an no zawk fe ti raw.., mah se duat aiin care kher an duh an tiaa… :-P

    @ Shailendra… :-D

    @ CFL… Thawhhona, MoU ziah mai a tul niin a lang, intanpui dial dial hi a tha ngai… (H)

    @ kiddo… Mi(sual) tlangval zingah hian tawng tawh an awm nual ka ring, an inzep mai mai a ni.. :-)

    Report this comment

  17. 17
    mamboihi Says:
    October 15th, 2012 at 7:55 pm

    Mahming ih maw… thiam deuha excuse siama “Kei chuan ka phu lo che” an tih vel chuan, “Pawi lo, keiman ka phu che lawm” ti tlat rawh haha!!

    I mumang a ni lo tih ring tlat tu ka ni haha.. :-P

    Report this comment

  18. 18
    Dr Mahminga Sailo Says:
    October 16th, 2012 at 9:19 am

    @ K’u mamboih, ka to lohzia ka post-a i rawn lang har lutuk hi ka vui hman tep a ni.. :-D Khitianga min chhang an awm vaih chuan, confi tawkin ka lo chhang tawh ang.. (H)

    Mumang leh mang vak lo inchawhpawlh pawh a ni mai thei… (U)

    Report this comment

Leave a Reply

You must be logged in to post a comment.