Kum 2013 atan YMA kumpuan ‘Ram leh Hnam humhalh’

October 25th, 2012 1:03 pm by VaiVa

25 Oct 12, Kawrtethawveng: YMA General Conference neih mekah nimin khan rorel inkhawm neih a ni a; Mizo inpumkhatna tichhe thei zawnga Mizo hnahthlak hnam bil hmalakna tihtawp a nih theih nana hmalak an rêl a, Aizawl khawpuia Assam Rifles chhuahsan tur ram chu mimal hnena pek a nih loh nana hma la tura sorkar ngen a rêl bawk. Rorel inkhawm hi Central YMA President, T Sangkunga’n a kaihruai a. Agenda awmsate an pass vek a ni.

YMA rorel inkhawm chuan, kum 2013 YMA kumpuan atan ‘Ram leh hnam humhalh’ tih a thlang leh a; kum 2012-13 budget atan Rs. 83,66,352 a pawm a; kum 2013 YMA General Conference chu Khawbunga nghah turin a rel bawk.

YMA Generel Conference-a thurelte:
1 Mizo mipuite inpumkhatna tichhe thei zawnga Mizo hnahthlak hnam bil hmalakna reng reng tihtawp a nih theih nan Central YMA-in hma la rawh se.
2 Ram pum huap faina beihpui thlak turin CYMA-in hma la rawh se.
3 Sorkar atanga development work veng/khua atana lo kal thin hi tha leh rorling zawka thawh a nih theih nan YMA-in hma la rawh se.
4 Mizorama piang ni lo foreigner-te birth certificate pek an nih loh nan hmalak ni rawh se.
5 Human trafficking dona kawnga kan chak zawk theih nan YMA-in hma la rawh se.
6 Electoral Roll dik leh felfai kan neih theih nan YMA-in chak lehzualin hma la rawh se.
7 Aizawl khawpui lailia Assam Rifles chhuahsan tur ram hi mimal hnena pe lo tur leh tangkai taka hman a nih theih nan humhalh turin sorkar ngen ni rawh se.
8 Mizoram chhunga quarry awmte hi mihring tan a hlauhawm loh nan YMA-in a tul angin hma la rawh se.
9 Branch YMA tinin mahni area-a motor kawngpui kamah uar zawka thing phun ni se. Kawngpui kam mimalin an neih thin hi sorkar dan dinglai anga researve a nih zel theih nan sorkarah thlen ni rawh se.
10. Tribal certificate pek chhuah chungchangah YMA-te hriatpuina, recommendation/verification a tel theih nan sorkarah thlen ni rawh se.
(Read complete report at Vanglaini)

7 Responses to “Kum 2013 atan YMA kumpuan ‘Ram leh Hnam humhalh’”

1
TuaiSialA Says:
October 25th, 2012 at 1:29 pm
Up

Report this comment
2
TuaiSialA Says:
October 25th, 2012 at 1:30 pm
Gus pws!

Report this comment
3
PKfanai Says:
October 25th, 2012 at 1:35 pm
An rorel a tha hlawm hle mai. Tin, tunlai boruak nen a inmil hmel bawk. Chak takin han bawhzui hlawm teh se.

Report this comment
4
Awmtea Khiangte Says:
October 25th, 2012 at 1:56 pm
Kum puan hi ka thlawp zawng tak a ni. Tunlai khawvelah chuan thil tul ber pawl a ni awm e. A kaida erawh uluk taka duan ni se

Report this comment
5
James Bond Says:
October 25th, 2012 at 2:25 pm
Eng tikah tak “Corruption tih tlem nan leh corrupttion lama inhnaihnawhte na taka hrem theih nan YMA-in chak lehzualin hma la rawh se” tih agenda ah an telh ang le!.

Report this comment
6
evergreen Says:
October 25th, 2012 at 2:37 pm
^

Report this comment
7
Eve Says:
October 26th, 2012 at 1:17 am
BUDGET hi a tam ngei mai…..khawi atanga neih tur nge…..memberte thawhchhuah tur em ni….thawhchhuah a huphurh awm dawn riau mai….

Report this comment