Pu Kawlhawka te fiamthu mai mai emaw tih laiin, Chawke hi an lo buaipui hle alo nih awm hi maw le!. Hmanni lawk khan Manipur-a Thoubal district a Waikhong thingtlang khuaah, Thoubal Police hovin Chawke 30 zet an man a. Hei nimin mai pawh khan Imphal west district Police leh Thoubal district-a People for Animal(PFA) tangrual ten, Thoubal district bawk a, Langol Khua Taxi stand-ah Chawke 4 bawma khung an man leh tlat mai. Buaipui tham Chawke alo ni tak tak emawni dawn le?
Police leh NGO duty te an hmuhin heng chawke neitute(Poachers/Smugglers) hian hlauvin an Chawkete hi a bawm chawpin Taxi Stand-a Taxi bulah an tlanchhiat san a ni awm e.
Thudawn danin, Manipur atang hian Asia chhim-chhak lam ramahte heng Chawkete hi an thawn chhuak thin nia hriat a ni a, Chawke puitling gram 200 a rit leh inches 14 a sei chin alian chu India pawisaa cheng nuai 20 te’n awlsam takin an hralh thei thin ani awm e. Hetia an duh em em chhan hi, Scietific proof a awm chiahlo nain, damdawi atan a tha viau niawm tak a ni. (Eng damdawi atana tha em em nge anih tih chu a hrechiang ten sawi ta u la.)
Nilaini khan, heng Chawke an mante hi, Imphal Police Station-ah lain, Media ho hnenah an tlangzarh phawt a, chumi hnuah ramhnuaiah an chhuah ta a ni.
Manipur-ah hianBrow Antler(Sangai?) hi ramsa humhalh ngai ber chi Scheduled-I ah an dah tawh a, tunah hian, Chawke(Tokay Geckos) hi Ramsa humhalh ngai zual bik, extinct(he lei atanga boral hmiah) thei dinhmunah a din tak avang hian, Sawrkarin humhalh ngei turin an nawr dawn a ni.
Kan Ceilling chunga Chawke nupate hi an lo ru daih ang tih pawh a hlauhawm ta rum rum mai, note an nei nual lehnghal a…
Similar Posts:
- “I chhuah pahin current min lo top up sak teh a!”
- Manipur minister fapa in zirlai kaphlum
- Zika nungcha humhalh leh kan nihdan
- Ruihhlo do pawl SADS ten damdawi hmansual theih manin, Drugs Inspector kutah an hlan
- Ramsa khawngaihthlak hi
October 28th, 2012 at 12:13 am
Chhiar ang hmiang…
Report this comment
October 28th, 2012 at 12:22 am
Kan naupan laiin kan zirlaibuah khan “Chawke” tiin a inziak a. Tun hnuah hian “Awke” tiin a hram alawm kan tih vang nge kan ti “Awke” ka nuai nuai mai a. Keia tan chuan ka hriat dan hmasa ber “Chawke” kha a la ni tho tho mai. Chawke lian tha tawk neih a, vawikhat na reng reng chu han hausak ve a chakawm khawp mai.
Report this comment
October 28th, 2012 at 12:27 am
A lo hlu in hausakna tham lawih ani tlat…
Eng damdawiah tak siam ang maw?? A to em em dan ah heroin tihvel siam nan te hian alo tha phian ange¿
Report this comment
October 28th, 2012 at 12:48 am
Thla 2 kalta khan a fiamthu lo tih kei pawh ka hre chiah
Report this comment
October 28th, 2012 at 1:29 am
ngaihtuah a tithui hle mai. A tir atang khan an fiamthu ka ring lo kei chuan, hmanlai thil hriatchhuah zawk ka neih avangin.
Report this comment
October 28th, 2012 at 5:33 am
Lo O.K. zel u la, Inkhawmpui kal a ngai ta tlat mai. Zan lamah chhunzawm ang.
Report this comment
October 28th, 2012 at 9:03 am
Awke in min tibuai ve lo hi chu ka lawm thin ngawt mai. Chuan, a hming hi chawke a ni tih ka lo hre mang miahlo, kan la nau deuh pawh a ni mahna.
Report this comment
October 28th, 2012 at 11:27 am
NLUP-ah Chawke farm siam thlang ila kan tifuh phian mai awm mang e..
tren tren
Report this comment
October 28th, 2012 at 11:40 am
chhim lamah ”chawke” chhak lamah ”awke” … dik zawk awm lo, kan sawi ber-a kan hriat tlan chuan a tawk! Zirlai bu-a “chawke” tih a ni… tih vang ringawta “Awke” chu dik lo zawkanga ngaih tur pawh a ni lo, zirlai bu siamtu aia kum lam upa tam tak “awke” ti tlt a tam. A hming hi a hram dan atanga phuah a nih hmel a, chu vangin ngun taka ka ngaihthlak hian – kei chuan ka “awke” zel dawn!
Report this comment
October 28th, 2012 at 11:42 am
chhim lamah ”chawke” chhak lamah ”awke” … dik zawk awm lo, kan sawi ber-a kan hriat tlan chuan a tawk! Zirlai bu-a “chawke” tih a ni… tih vang ringawta “Awke” chu dik lo zawkanga ngaih tur pawh a ni lo, zirlai bu siamtu aia kum lam upa tam tak “awke” ti tlt a tam. A hming hi a hram dan atanga phuah a nih hmel a, chu vangin ngun taka ka ngaihthlak hian – mi zawng2in ti “chawke” mah ula, kei leh ka chhungte chuan ka “awke” zel dawn!
Report this comment
October 28th, 2012 at 11:46 am
chhut sual ava tam ve
Report this comment
October 28th, 2012 at 12:28 pm
kei chu ka hlau… an lian thei si…
Report this comment
October 28th, 2012 at 12:44 pm
Nia, Awke hi man to takin a lo hralh theih tak tak a, engatan nge an hman ka hrechak ngawt mai. Pu Pka meuhin awke post a siam e, kawlhawka exclusive a sin mawle…hahaha
Report this comment
October 28th, 2012 at 2:07 pm
Pu PKa te chhung chuh, in va hau sa em.
Cheng nuai tam tak in-in chung si ling ah te
in dah mai mai chu ni’a le.
Report this comment
October 28th, 2012 at 5:49 pm
Hman zanah kan thianpa-in tui deuh maiin a rawn sawi chiam mai, gram 300 tling chin nei ila, Nuai 40 nge 400 a ti ta hial nge, a lo lachhawng theitu tur agent thlengin a sawi mawle.
“Burma lam atangin Dubai lamah an hralh leh a, cancer damdawi man to uchuak lutuk siam nan an hmang thin an ti” a ti zui.
Hausak thut hi ka kawng tur a ni lo a ni ang, ka tuipui ve lo mai e.
Report this comment
October 28th, 2012 at 6:11 pm
Ka naupan lai in khuhhip an tih hi ka vei a damdawiin min tidam thei si lo. Tu hrilh nge hre bik lo ka nu in chawke min chhum sak a reh hmiah .. tak2 ..luak chu chhuak tha duh khawp mai.
Report this comment
October 28th, 2012 at 9:54 pm
Chawke hi a hram zat hi a kum kan ti a, kan lo chhinchhiah ve thin…..
Report this comment
October 28th, 2012 at 11:19 pm
Kan Pi leh Pu ten, “In a Chawke a hram thin chuan, hausakna/buh ngahna” an lo tih thin kha, tunlaiah hian a lo thleng dik zawk ta em ni le?
Report this comment
October 29th, 2012 at 6:34 am
a va mak dawn ve, Cancer damdawiah chawke maw!! a nih te chuan vawk te pawh kan vulh a, awmze nei takin vulh ila.. mi tam takin dam nan an hman phah anga a vulhtu ten hausak nan..control dan mumal tak awm bawk se.. Damdawi atan a hman a nih tak tak chuan ngaihtuah zui atan a va tha ve…
Report this comment
October 29th, 2012 at 10:03 am
Awke farm ka siam dawn. Awke
Report this comment
October 29th, 2012 at 11:56 am
tuikuk pa 1 hian Awke lian deuh mai hi aman a chu2 hria in a khar chhawng te pawh an kal khawm ruih2 mai a.. an han dawr nak2 a atawp ah vaipa pakhat hian nuaih 5 in a chhang a a ngam huai ber pawh ani reng a.. chutiang alo nih tak ah chuan pawisa te an han in hlan fel dawn lai mek tih ah chuan tuikuk pa chu a ngawi vung2 a “ummh.. phal lau vaipaden dawn” ati leh daih mai chu a bam chiang teh e.. an tih kha
Report this comment
October 29th, 2012 at 12:08 pm
badboy @21 va han hit rem rem ve, kan nau chawke man tur ringawt buaipui ka chhiar tir ve a, kan nui nasa hle mai
Report this comment
October 29th, 2012 at 12:18 pm
@22: kei chu a awmna ka hre rinran mai ah.. Pi Hauvi lunglen tlang Prayer Mountain ah khian an chapel ah khian lian zet mai a awm.. kan thian te camp anneih in kan han kan a.. kan zai lai in anni anlam a, kei lam ve lo lo ding kha ka thianpa lam kual khan kut beng pah in alu bu nghauh2 hian inchung kil kha mi rawn signal thin a ka han en chu Awke lian deuh hi alo bet trui mai a, ka va han nui nasa mai2
Report this comment
October 29th, 2012 at 8:44 pm
An sawi danin gram 250 tling chin hi nuai 25 velin an lei ngam anti a. An hralh chhawn leh na nuai 30-50 vel pawh lo nise, heroin emaw ruihhlo chutiang zat man a chhuah theih ka ring lo.
Goggle vela ka zawn hian AIDS damdawi-ah an hmang tih a tam ber a, ka awih deuh ber bawk. Khawvelah mihausa tak tak an tam a, AIDS vei pawh an tam a, damna tur anih phawt chuan India rupees nuai 50 = $ 90000 bawr vel a buai lo an tam dawn emai. AIDS damdawi dang awm hma chuan, Cancer damdawi pawh ni se chuti tho. (Tak tak anih chuan thil dang a hmanna tur a man phu han siam tur a vang emai.)
Report this comment
October 29th, 2012 at 9:20 pm
Kar hmasa mai khan ka nau in an camp chhung a mi pali lai a rawn man ve a, hralh tumin kan han buk ve chhin a arit mawh khawp mai. Hralh tham la ni ta lo chu kan chhuah leh ta mai mai a sin.. Khawi/enkawl ve theih a lo ni maw..!?
Mahse pawi love, an len deuh hunah ka man leh mai ang.
Report this comment