27.10.2012: LPS Comedian Search 2012 final first leg chu neih zawh a ni leh ta a! Top 5-a mi 6 tlingte’n mipuite min tihlimin min tinui nasa leh pek hle.
Top 5 intihsiakna an tan hmain top 10 result puan a ni a, kan hriat angin top 10-ah mi 12 an tling kan tih tawh kha. Chu’ng mi 12 atangin final khel tur mi 6-te thlan chhuah an ni leh ta a, chu’ng an thlan chhuahte chu — A. Lalhlimmawia, Thingkah te; Lalhmingmawia, Tuahzawl te, Lalduhawma, Aizawl Dinthar te; H. Malsawmtluanga, Serchhip Sailiam te; Laljoela, West Phaileng leh Lalnunsanga, Ramhlun North, Aizawl te an ni.
Final round lut pha lo zingah hian nikum lam final lut, a chetha em em pahnih PC Laltanpui, Buarpui leh Rochansanga, Tawipui South te hi a langsar ber an ni hial awm e. Anni hian 3rd round intihsiakah beisei an pha lo va, midang an lo tha em em bawk si a, an tawrh phah ta niin a lang. Tin, Vanlalpeka, Sihphir leh Remruatkima (Materuata), Armed Veng, Aizawl te pawh nikum lama top 10 lo thleng tawh an ni a; Lalhmangaihzuala, Kanghmun leh Lalkhawpuimawia, Sialhawk te pawh hi Comedian Search-ah an mikhual lo hle bawk.
He’ng an thlanchhuahte’n fiamthu an rawn thawh hma hian St. Joseph School naupang, Kanan Ramtharnghaki chuan thiam tak maiin hla a rawn sa a, thiam a tih em avangin kan AMC lo tel, Pu Rosiamngheta chuan hemi zana a pawisa ah lai zawng zawng a pe nghe nghe!
Tichuan, contestant-te an lo lang a. Minute 3 theuh fiamthu an insawisiak leh a; bul rawn tantu Lalnunsanga chuan zan hmasa lam a tluk lo niin judge Lalhruaitluanga Chawngte chuan a sawi a, stage sang tawh lama fiamthu punchline thleng zung zung ang chi lo, fiamthu sei sawi chuan hun a heh a, duh ang zat sawi hman loh a awl thu a sawi bawk. Lalhmingmawia pawh hi a rawn chetha pangngai hle a, a tihdan pangngaia fiamthu a sawi mial mial hian endiktute leh entute lawm a hlawh hle. Lalduhawma hi Comedian Search final first leg-a chetha ber a ni ti ila kan sawi sual awm lo ve. Fiamthu a sawi mawlh mawlh a, kan nui mawlh mawlh mai a ni. Tin, H. Malsawmtluanga pawhin fiamthu tha tak tak a rawn theh leh a, a hun tawp dawna sawi tur a haihchham pawh a rawn khuh mawi thiam khawp mai. Laljoela hian round hmasa lamah trick a hmang a! Microphone vuanin a kuta fiamthu ziah sa chu a en zauh zauh thin. Mahse, final zan hmasaah a rawn insiamtha a, a fiamthute hmangin kan nui nasa hle. A. Lalhlimmawia hian a tawp a rawn khar a, a ni hi a leili a tha a, a lehkhathawn rawn sawi chuan entute lawm a hlawh hle. Chief Organiser, H. Rotluanga chuan a tone a awh thu a sawi tel zauh nghe nghe. Ani hi top 5 a tlin avangin an khaw VC chuan in hmun an pe hial mai!
Final second leg hi November ni 2 zan dar 8-ah Ignite Studio-ah neih leh tur a ni a, hetah hian contestant-te’n minute 5 theuh fiamthu an thawh tawh dawn a, first leg leh second leg-a an fiamthu thawh leh SMS vote atangin result hi siam a ni tawh dawn a ni. SMS vote hi October ni 31, chhun dar 12 thleng 56767500-ah a thawn theih dawn a, mobile number pakhat atangin vawi khat chiah a vote theih dawn a; a vote dan tur chu a hnuaia mi ang hi a ni:-
Lalnunsanga, Ramhlun North – ZOHUB CS 5
Lalhmingmawia, Tuahzawl – ZOHUB CS 6
Lalduhawma, Dinthar – ZOHUB CS 3
H. Malsawmtluanga, Serchhip Sailiam – ZOHUB CS 2
Laljoela, West Phaileng – ZOHUB CS 4
A. Lalhlimmawia, Thingkah – ZOHUB CS 1
(An hming zawna awm hi 56767500-ah thawn mai tur a ni. Entirnan, Lalnunsanga vote dawn chuan ZOHUB CS 5 hi 56767500-a thawn tur).
Read more@www.mizofiamthu.com
Similar Posts:
- Comedian Search 2012 Top 10-ah mi 12!
- LPS Comedian Search 2012 Fiamthu
- Post khat manah…
- Comedian Search 2012-ah Lalnunsanga a thiam ta ber e!
- Comedian Search 2012 Fiamthu
October 28th, 2012 at 12:18 pm
Chhiar i1a..
tren tren
Report this comment
October 28th, 2012 at 12:31 pm
Tunge ka vote ve ang aw…youtube-a in rawn upload kha ka nuihpui nasa lutuk, Rochansanga khi ka tan asin le
Report this comment
October 28th, 2012 at 12:48 pm
Nizan khan fb lam ah chuan Vanlalpeka sihphir tla chu an sawi sel nasa hle a nih kha maw……
Dinthar veng lam chu an tla hlei thei lo ang hial in an sawi kha le….
Report this comment
October 28th, 2012 at 1:32 pm
Lalnunsanga Ramhlun khi ka tan e. A nu kawr a hak thu a sawi zan khan ka nui nasa tawp.
Report this comment
October 28th, 2012 at 3:01 pm
Report this comment
October 28th, 2012 at 4:53 pm
en ve tawh tur ani…
Report this comment
October 28th, 2012 at 6:49 pm
Laljoela ka tan ber mai, kan khuaah hian amah aia ang zawk an awm asin, hman zan KTP sport neihnaa item pakhatah look alike huangah a tel ve a, a van ang tehlul em. Chuan, Vanlalpeka kha ka nuphal pa a nih kha.
Report this comment
October 28th, 2012 at 7:59 pm
Tuahzawl, Dinthar leh Thingkah hi tling chho turah kan mawhpuh teh ang
Report this comment
October 28th, 2012 at 10:41 pm
Rochansanga, Tawipui South… ka va ui em!!!!!!!!!!
Report this comment
October 29th, 2012 at 7:59 am
Bonusah nuih tur pakhat tal dah awm Tsa chu…
Report this comment
October 29th, 2012 at 8:36 am
A ni ngawt mai tiraw Eve.
Report this comment
October 29th, 2012 at 2:55 pm
TS-a hi tel leh se, pakhatna ni ta se, Misualho hian lawm ila, kal ve duh lo ila
Report this comment
October 29th, 2012 at 4:10 pm
Top 4 ah 5 an tling leh ngem?
Report this comment
October 29th, 2012 at 4:19 pm
1st na pa2 an awm leh mai a ngem 2nd na pa2 an awm leh mai angem 3rd na pa2 nen 4th leh 5th kan neilo mai angem
Report this comment
October 29th, 2012 at 5:41 pm
Ka en leh hman ta miah lo va, ka van en leh chak tawh tak em!
Report this comment