Ka tlai deuh avangin admision ka tihfel meuh chuan ka batchmate ho chu thlakhat dawn tep class an lo kal tawh a. Keipawh ka mamawh turte ka lei fel hnu chuan hostel lamah ka insuanlut ve ta a.
Class ni hmasaber: College kal hmasak ber ni hi chu tupawhin kan theinghlih bik lo ang.. Keipawh ka la hrechiang khawp mai- chawhma lamah theory class kan nei a, teacher in thil min zirtir chu ka hre thiamlo khawp mai..ka thil hriatthiam ve erawh chu ka thiante ho in zawhna chhan tuma ban an phar sek chu ka hrethiam ngei mai.Chawhnuah disection class kan nei a, ka rilru ah chuan ‘chawhma ai kha chuan ka hrethiam tawh ngei ang’.. Class kan tan ta- miss chuan min ko chhuak ta nawlh mai, zam ru deuh chung chuan kan disection hall lian taka kan miss thutna chu ka pan ta a. Thil min zawt tih chu ka hre thei mahse enge a sawi ka hrethiam theilo.. Hrelo satliah mai ka ni lo,.. English nge a hman hindi tih pawh ka hre hrang manglo.. Mizo tawng niawm taka a rawn tawng chhuah changte pawh ka hrethei .. Bo tak ka ni.. Tih ngaihna a hriat loh hnu chuan mi pakhat chu min zirtir turin a ko ta ringawt mai a. Ka hriat chiang hnu chuan ka awmloh laia an lo zir kha min lo zawt ni reng in..
Ragging chu: Ragging la tur hian seniorte ho hi zan lam dar 12 hnu lamah hian an lo kal thin a, dar 2-3 vel chu kan mut theih hun ani thin.. A tuk a class kal chu hahthlak ve thin khawp mai..
Ragging anthem: Senior tuemaw in ‘ragging anthem’ tia a au tawh hi chuan kan partner tur zawngin kan phiruai mai thin ani. Ka partner hi feet 6 chuanga sang ania a bulah chuan ka lang lian lo khawp mai. Anthem kan sak hma hian kut veilam kan phar chuak a kut dinglam chuan mipa thil bik, chu kan in vawn sak a. Chutia kan inpeih fel hnu chuan ‘ya dosti’ tih hla kha ring tawkin kan sa a. Anthem kan sak chhung hian kut dinglam chu a rang thei ang berin tih chet tur ania, theitawp a rang chuan thianpa thil chu ka han sawi nawk nawk thin a. Anthem a zawh chuan ngil taka din tur ania, ngaihtuah na chak deuh, timai ang, chungho chu an ding kawt tha thei khawp mai. A lum sia, thlan tlaphung in ding kawh reng mai ani..
Lam hi ka hua: Ti ringawt ila, lam hi ka haw hranlo a mahse ragging hnu atang hi chuan ka haw takzet ani. Auditoriun ania, hmeichhia hoin lam an zir a. An stage hmaah tak chuan min ko chhuak a,’an lam dan sawn lam ve rawh ‘ senior in an timai chu.. ‘He zirna hi engvanga thlang nge ka nih’ tih hi ka ngaihtuahnaah a lo ri nghal a. Rei ka inngaihtuah hma chuan lam a tul tih ka hrechhuak ta a. Lam ka thiamlo tih theihnghilh thak khawp a ka han lam hnu chuan tumah lampangai thei an awm tawh lo.. Ka te chhem chhem mai hian ka hria..
Kutthlak ka tuar: vawikhat chu kan batchmate pakhat hian seniorte duhloh zawng a lo tih palh aniang.. Kan hostel hall ah chuan min ko khawm a, san dan indawtin kan intlar a. Eng eng emaw an sawi hnu chuan light an dim a, an zavai chuan indawtin kan batch ho chu hmaiah min han beng ta mawlh mawlh mai a.. Min ben zawh hnu chuan khaw hmuh a fiahlo ruih mai.. An duhtawk mai dawn emaw tih lai chuan senior te hostel ah min ko phei a min beng dan ngai bawk chuan min han beng leh ta a.. Ka bula ka thiante pahnih chu min beng lai chuan an rawn tap chhuak hial a, ka khawngaih khawp mai. A tukah chuan bengdar pawp an awm nual a..ka vannei a eng chhiatna mah ka nei ve lo a.
He thu hi a bik takin 1st year zirlaite(hrehawm ti te) tan ka rawn share ani.
Similar Posts:
- Harsatna tuar turin ka tling ve a
- Hai RE Hai!!
- The Last Party with Kim Jong Il
- Naupang School luh tir na tha?
- Roll number…..
October 31st, 2012 at 10:02 am
Lung i ti leng reuh!
Seniorte’n, Tui far khat lekah “Hleuh rawh le..” an ti kha chu ka thiam ve zawng tak
Report this comment
October 31st, 2012 at 10:08 am
Kal tharte lo sawizawi deuh hi chu a awm ka ti tho a, mahse Serh in sawisak sak leh kut inthlak kher kher chu a tul lo mang e aw. Ka huat zawng tak mai a ni. Mahse, chhel taka tuar chhuak thin te in fakawm e.
Report this comment
October 31st, 2012 at 10:15 am
Hetiang tuar lo a ka awm hi ka lawm.. Tiang tuar hi phai lama zir in ni tlangpui a. Ka thinchhe bawk a, tiang tuar ai chuan college chhuahsan ka duh zawk ka ring..
. mahse hetiang tuar chhuak ho hi chu in chhel ka ti, ka fak che u..
Report this comment
October 31st, 2012 at 10:42 am
kei hi ka thin chhe bawk a thim zing ah chuan min rawn beng ngat se chu kut ka thlak let ve hrim2 ang
Report this comment
October 31st, 2012 at 11:45 am
Ragging tawrh hun laiin hrehawm viau mah se, theihnghilh erawh a har a. Ragging kan tawrhpuite nena titi tawh hi chuan ragging lai kha kan sawi tam ber a la ni tlat si…
Nia, uchuak lutuk leh kut inthlaka, rilru inhliam zawnga ragging kalpui hi ka thlawp lem lo, mahse inthunun leh nunphung inzirtir chu tha ka ti..
Phunchiar hram te’ng..
Ka te chhem chhem tih khi, chem chem tih tur zawk a ni em? Senior-te, Hall-ah, ldt.. tia ziak ni ta se..
Post tha tak a ni. Sawi tur ka ngah teh e, i post zarah hian..
Report this comment
October 31st, 2012 at 11:54 am
mahminga hi a lam thiam a sin.
Report this comment
October 31st, 2012 at 12:00 pm
@ evergreen… Ka official name kha i sawi vaih chuan, FIR a ni mai, a nih loh paw’n FIRE tal kan chhem ang…
Report this comment
October 31st, 2012 at 12:08 pm
haha…@Dr.Mahming, ka theihnghilh tawh, eng nge ni kha? a rukin in min lo hrilh
Report this comment
October 31st, 2012 at 12:27 pm
@ evergreen… kawnfidensial, sial tak a nih kha.
Zanriah kan ei mai dawn emaw tiha, kan chawthleng lirthei steering atana hmanga hmui tuvu hluah hlauah dining hall kan tlan hual lai te kha…
Eeeh, post dang ka la siam ang, insum rih te’ng.. 
Report this comment
October 31st, 2012 at 12:52 pm
Very good
Report this comment
October 31st, 2012 at 12:54 pm
Ragging hi kei chu a mawl thlak ka ti e,changkan loh thlak hmun tamtak ah in thahna hial pawh a thlen phah a,India rama kan zirna chhuanvawr IIT ah poh in tualthahna hial a thleng a,hnam changkang zia chu a ni lem lo
Report this comment
October 31st, 2012 at 1:15 pm
Engkim hi a hmangtu a zir a nih ber awm hi. Ragging pawh hi saptawng a ni awm a (?), chuti a nih chuan sap-ho paw’n an ti ve ngei turah ngai ang.
Mizo leh hnam tam takin Zu in kan ngaihuain, sual tingreng bul ti hiala sawi tawk an awm. Mi thenkhat, in tur chintawk hria te’n intihhlim nana hmang an awm bawk a..
Ragging (tha chi
) ka tawrh avanga thian tha tak tak ka neih te, nidanga ka hmuh ngai reng reng loh tur, ka hnampui leh hnamdang thiante avanga ka nuih nasat em em te, thian an hlutzia te hriat phah te, sawi tur a awm nual. Tin, senior-te zah nachang min hriattir te hi tha ka ti tlat. Chutih rualin, ka sawilan tawh, rilru inhliam zawng emaw, zahmawh rawngkaia ragging kalpui erawh tha ka ti miah lo. 
Report this comment
October 31st, 2012 at 1:27 pm
@Mahminga hi chu hringnun hi i zir thiam thin teh e..
Report this comment
October 31st, 2012 at 1:29 pm
Ragging hi tha ka ti ve hauh lo. Tha ni se la India dan hian a khapin a hrem thei ikhaw lovang; chu ai chuan institute tinah hian uar leh zual sauh sauh turin a ti ngei ang le! Ragging-a inhnamhnawih chinho hi chu tlemin ka ngaihdan a dang deuh. Kan chunga thleng tura kan duh lohte midang chunga thlentir kan pawi ti miah lo thinte hi a mihring zia lo ka ti ve tlat. Mizo leh Mizo chungchangah ngat phei chuan hetiangah hian kan fihlim turah ka ngai; Mizo tihminghliau zawng leh tihmingchhe zawnga an chet chuan inzilhhauh chu a tur pawh a ni a, chutiang pawh ni lova junior an nih tak avanga an chunga hlei lo len ve chiam chiam hi a tul ber lo, dan bawhchhiatna a la ni zui. An zirlai maha dan kalha an chet duh chuan an zir chhuah hnuah pawh dan kalha chet an pawisak ka ring teh chiam lo bawk. Ragging hi tuar ka duh lova, midang tuartirtu nih pawh ka duh hek lo. Dan kalh leh dan phal loh hi chu a tha lo tihna a ni a, tihchhin tum kher a ngai lo ka ti ve tlat.
Report this comment
October 31st, 2012 at 3:00 pm
Ragging in India is a damaging form of interaction of the seniors in college or school with the juniors or the newcomers or the first years. It is similar to but not same as hazing in the United States, it is not an initiation. It involves insults (simple or suggestive sexual, sarcastic and even physical), running errands for seniors, and many other complex activities. Highly reputed Indian colleges have a wistful history of ragging especially Medical colleges. It has become increasingly unpopular due to several complaints of serious injury to the victims and strict laws regarding ragging. Ragging is now defined as an act that violates or is perceived to violate an individual student’s dignity.
https://en.wikipedia.org/wiki/Ragging_in_India
Ragging..
Report this comment
October 31st, 2012 at 6:05 pm
Ragging tuar ve lo tura ka zirsang ve lo hi ka lawm ngawt mai! Ka chunga thleng tura ka duh miah loh leh midang chung pawh a thleng tura ka duh miah loh anga min tih luih tirtu chu eng anga senior leh palian pawh nise a hnu leh ka ngaihtuah miah lovang! An ni pawn an zirlai an chhunzawm miah lovang, kei paw’n.
Chuvangin ragging tuar tawh hoin an tawrh dan an sawi hian ka thinur hi ka lo insawh nasa thin khawp mai!
Junior vanga ragging tuar tawhte chuan a hrehawmzia, zahthlak zia te leh thinur thlak ziate, nupui fanau neih hnu pawh a an hriat an duh miah loh kha midang chunga thleng tawh lo tura hmalak awm takah ka ngai a. Mahse, hmanlai deuh Mizo nu in a mothar lai a a retheih thin zia sawi sawi a, an mote’n khatiang kha an tuar ve ang tih hlau va duat viau awm tak, duat a hnêk a, ‘kei pawh ka mothar lai chuan….’ ti a in luling tlat ang mai a midangte tawrh chhawn tir ve zel hote hi ka haw tak zet.
Report this comment
October 31st, 2012 at 6:54 pm
Zantin deuhthaw ben leh pet tuar mah ila lunglenna hman vak kha a awmloh phah a tha ve riau.
Report this comment
October 31st, 2012 at 11:24 pm
A thupui i vuah leh i thuziak ka hmetrem thiam chiah lo.
Mihring nuna harsatna hrang hrang – thihna, natna, tlakchhamna, beidawnna, adt. i rawn sawi tawh dawn emaw kalo ti a (part-I ah pawh hetiang lam hawi a tel tawh lo), i harsatna rawn sawi hi chu zirnain a ken tel, hrehawmna peng pakhat a ni maiah a ngaih theih.
1970’s vel khan ‘mei alh en’ an tih ang tak tak hian kan chhungkua kan awm tawh. A tuka ei tur nei miah lova zan kan mut chang a tam mai. Kha hun kha ‘harsatna’ ka lo paltlang ve tawh zing ami a ni. A hrehawm khawp mai.
Report this comment