Ringlo Atheist kan awm em?

October 31st, 2012 7:00 pm by Patan Star

Hnialna leh inti Pathian thuawih tak tak ho chuan min bei nasa viau ang. Mahse fiahna awm lo, constructive taka discussion ni lo leh rinthu ringawta min beitute chu ka delete zel ang. Kristian Pathian hi a awm emaw ka ti thin a. Ka harsatna leh mangannate Isua hnenah ka lo thlen thin a. Min chhang nge chhang lo pawh ka hre lova. Hriat theih a ni bawk lova.

Pathian tel lo chuan nun hian awmzia a nei dawn lo emaw ka lo ti thin a. Tunah chuan ka rilru ka thlak chiang ta hle ani.
Bible pathian ka zirchian hian, a nunrawn zia, thisen a lawm zia, chibing thliar a hrat zia, a rilru a ngheh loh zia, khawngaihna a neih loh zia, mipui tam tak chunga harsatna thlen a chin zia, hleih a neih zia, inchhir a chin zia leh thil dang dang ka hmu a. Pathian, hmangaihnaa khat, engkim hria leh ti thei ni hian ka hmu thei lo.

Engtiklai pawha min hmutu, ka suangtuahna sual avang pawha min hrem theitu leh ka nunna hial la thei pathian hi chawtak khuka khuk pui chi a lo ni miah lova.

Pathian tel lo hian mihring hi an fel thei thova. Thil tha ti turin Pathian hi a lo ngai miah lova. A chungah engmah beisei nei lovin leh engmah bat ka neih loh zia ka hriat hian ka nun hi a kim zawk daih ani.

Ka khawvel damchhung reilotea ka awmdan leh rilru put hmang avanga chatuana meidila min tuar tir duhtu hi ka fak thei tawh lova, ka ring thei bawk lo. Achhan ber chu Bible Pathian (sakhaw pathian dang zz te nen) hi awm tak tak anih loh ka rin tawh vang ani. Pathian thu kan awihna chhan pakhat chu meidil hlauh vang ani. Meidila tlak ai chuan tiin kan hlauhtlawn deuh roh ni hian ka hria a. Kan hlauh Pathian hi kan faka kan chawimawi a ngai bawk si a. Pathian famkim chu ni se kan fak vak vak hi a phut ka ring lo.

Mimal rinna chu mahniah theuh awm hle hle mai se. Chuti ni lova, kohhran hrang hrangin an duh dana ram pum sawikual vel an tumna ber hi a pawi ka ti ani. Sunday-ah dawr min khar tir a, sumdawnna min tih tawp saka. Kan sawrkar-ah lah khapna hrang hrang an tih tir a. Mike hmangin an duh hun hunah min au khum a. Hawihhawmnate hi a bo zo hian ka hre thin.

Hei hi ka rilru ang pu in lo awm ve mial takin tih thu-ah a khuh hawnna’n ka rawn hmang ani e. Pathian awm ringlo in lo awm ve chuan inhriat tawn a chakawm ka ti a. Kan rinna leh ngaihdan sawi hote ka beisei ani e.

Ringtute hnial turin ka ziak lova, ka rilru ang deuh nei ve ka zawnna mai ani e. Inhnial ka tum lova. I rilrem loh zawng a nih vangin min rawn tibuaiin “chanchin tha” min fah hek suh. Ngaihdan thuhmun/in ang te chauh atangin chhanna ka zawng a, adang zawng chu ka paih nghal ang.

57 Responses to “Ringlo Atheist kan awm em?”

Pages: « 1 [2] Show All

51
Awmtea Khiangte Says:
November 1st, 2012 at 12:31 pm
Phek thar keu ang…

Report this comment
52
kiddo Says:
November 1st, 2012 at 1:04 pm
He post zet chu a rapthlak kan ti dawn nge a huaisen thlak kan ti zawk ang aw.. Mizo te zingah fiamthu pawha sawi chi loh a ka ruat chu i rindan/ngaihdan tak tak nen i rawn au chhuahpui chu a nia.. I siamtu Pathian chuan engtin ngai ang che maw????? “Mi khawngaihthlak tak i ni e” kan ti tawl mai teh ang.. Engkawng emaw tal chuan Pathian in a la inhriat tir che ka beisei, vaivut chu vaivuta a kir leh hma ngeiin.. Pathian in awmpui che rawh se..

Report this comment
53
Saitawk Says:
November 1st, 2012 at 9:48 pm
Pathian awm ringlo a nungchung a ka hmuh chhun, ka thianpa ni pah deuh bawk chu an khawsak ka han ngaihtuah let hian tet te atanga hringnuna harsatna leh retheihna la tawng ve ngai reng reng lo a ni,(a tawi zawng in duh duh nei thei chi!) kan tih ang kha a ni tlat.

Harsatna leh retheihna te pawh hian hlutna thuk tak an lo nei zel zu nia!!

Report this comment
54
ma-a Says:
November 1st, 2012 at 10:21 pm
Pathian awm rin leh rin loh lam ni lo in,kei chu Pathian ka hnenah a inlar tawh a ,ka hmu tawh!Faktea lar vanglai daih khan!beidawnna tawp nei chung a ka tawngtaina hnuah a nia!chhandam ka nih thu min hriattir a ni,tawngka tel miah loin ka hriat thiam vek tur in min hrilh!tuma hnenah ka sawi chuang lem lo a,mahse kan thenawm pa,sipai bang hnenah ka sawi a,a awih lo mai2,vawk hmaa tuikep lung paihin awm zia a awm dawn a ka hriat loh a vangin ka sawi zui ta lo.
mahse zu hi ka la nghei hlei thei lo,ka tum mek!

Report this comment
55
Spider Man Says:
November 2nd, 2012 at 1:32 pm
Englekhawle Ringtu nun hian chauh chang leh hnual chang kan nei thin tih hriat fo atha, i beisei ang khan thil rawn thleng nghal lo mahse nghak hram hram mai rawh, i dam chhungin i nghak chhuak hmanlo anih pawhin i lawmman tur a chhah deuh dawn ani mai.. Joba kha kan entawn fo angai reng a nia..tin, comment zawng zawng khi kan chhiar a, hei erawh ka rilruah alo lang, Keini Kristian in ti kartin Amah be tura Biak buk pan thin te hian Pathian Thu hi a sawia sawi ni lovin, a zawma zawm(nunpui) lamah tan lak kan ngai hle tih hre thar thei ila a duhawm hlemai heng sakhaw dang betu te leh Pathian awm ringlo(atheist) te hnenah kan nun in KRISTIAN(Isua zuitu) kan ni tih kan tihlana, kan hmuh zual tir deuh deuh angai tawh anih hi a

Report this comment
56
Dr John Says:
November 3rd, 2012 at 4:01 pm
Post-tupa chu i khawngaih-thlak hle mai. I thih hma ngeia i harh-chhuah ka beisei. Pathian thu-a inhnial hi ka duh loh ber thil a ni a. Mahse, I thusawi ka rilru-a awm ka rawn sawi ve lawk, i pawm kher erawh ka phut lem lo.

1. “Ka harsatna leh mangannate Isua hnenah ka lo thlen thin a. Min chhang nge chhang lo pawh ka hre lova. Hriat theih a ni bawk lova” – Mifel tawngtaina-in thil nasa tak a ti thin. Lal Isua nena inzawmna i neih chauhvin a chhang ang che. Pathianin misual tawngtaina a chhang ngai lova, misual-sim tawngtaina a chhang thin.

2. “Bible pathian ka zirchian hian..Pathian, hmangaihnaa khat, engkim hria leh ti thei ni hian ka hmu thei lo” – Post-tupa eng chen nge Theological College/Seminary-ah Pathian thu i zir tawh? hriat ka chak khawp mai. Kum 10 chuang Theological College-a zir a, tling lo taka hun-puma rawngbawl pawhin, “he lui kam atang hian a then pawh kan hre lo…” tih hi kan hla leh kan thupui a ni. Pathian hi a ropui a, a ril a, a hnathawh leh thiltih te hi a thilsiam hian “a then bak” hi chu a hre thei lova, a chhui-chhuak zo thei lo. Pathian i zirchianna-a hun i hman dan, Theological College/Seminary emaw, Fianrial-ah meditation & tawngtai & chawngheiin kum engzat teh meuh nge hun i lo hman a, Pathian i lo zawn tawh? tih hi hriat ka chak a ni.

He ka zawhna i chhanna hian “i nihna dik tak” chu a rawn hailang ngeiin ka ring. Sawi thui duah a ngai lova, Pathian zawnga hun i hman dan ka zawh che khi min chhan theih chuan ka lawm hle ang.

3. I duh emaw, duh lo emaw ka lo Tawngtai-pui ang che. I Khawngaihthlak hle mai! Khawvela i nunna a tawp hma ngeia i harh-chhuah a, Lal Isua hi Lal leh Chhandamtu-a i pawm ngei ka duhsak a che.

Report this comment
57
thlanrawkpa Says:
December 3rd, 2012 at 9:18 am
Hei pawh, mawl chi bawkin a awmlo lo ti ve leh ta. Mawl theih haih2 thin ve awwwwwwww

Report this comment