A reh êm mai; ni lo, ka reh êm mai tih zâwk tûr a ni. Ka buai chu thuhran, ka kawmawn lutuk dâwn e tiin; mi mahin zu leh ruihtheihthil dang an insûm a, khur hlawk hlawk chung pawha huaisenna an neih theih phawt chuan eng vangin nge kei hian thu paws lo ngam khawpa huaisenna ka tlâkchham bîk ang ni ka ti rilru lêm hlei law. Mi thenkhat chu ruihna tûr pawisa nei lovin an meng fîm kur a, thenkhat lahin thawmhnaw huh sâwr mah ninawm nâk a laiin an thawmhnaw te chu ruih nân an han sâwr a! Eng pawh chu lo ni se, chuti ang mi chu an awm nameuh mai, kei ngei pawh hi ‘ka insûm, paws lo ngam khawpin ka huaisen’ ti kûr dupin phatna lehkha ziakin thehlût êm lo mah ila, dâwt sawi lohah chuan ‘ka hul’ a ni.
I han chhiar zêl anga thu tak hla takah ka luhpui tan dâwn chauh che emaw i ti ang a, i inrin hmain holam takin a tâwp daih mai ang. Chu chu misualzia a ni. Entawn tûr i hmu lo vang, zir tûr phei chu ‘ka ha se…’ Mahse, misual hian thatna lai tak a nei ve a; kan sualna lai ber hmuh chhuaha a awm lo hi a ni. Chumi awmzia chu, sual hle mah ila, kan thatna leh felna lai hi miin an hmu duh riau a, kan thawhrimna leh kan hlawhtlinna te hi sawi nuam zuk ti teh tlat zêl a. A mak teh e! Nun hi heti mai mai hi a lo ni. Misual ber pawhin felna lai tlêm tal kan neih zêl si chuan, mi fel ber pawhin sualna lai chu a nei lo thei bîk lo vang. Chuti a nih chuan, misual pawh a fel a, mifel pawh a sual a ni. Sualna phûm bo a, felna pâr chhuahtîr chu mi tin hlen chhuah tûra nghawngkawl bah chu a ni si a.
Ka tlak leh ta duah mai. Hmânni deuh khân Hnam Sakhua-ho kha an rawn hrâng viau a, kawmen pawh a tam thinin debate platform nuam tak a lo chang a. Mahse, ka tawng huatthu suhah, chinlêm nei lovin paws an siam zut a, tûnah zawng an paws pawh rawn chhuak se, tlawmngaih kawmen pêk a ngai titih dêr ta mai! Chu chu misual mizia a ni tlat a, hnial rual loha dik a ni. Tûnah pawh Atheist-ho an rawn inlâr leh tan a, inhnialna lah a sosang, keini thi beh loho chu tu zâwk nge dik ang tiin ka lo hawi tawn chhên mai ni! Hei pawh, chin lêm nei lova an rawn pâwn hlawt hlawt chuan, rei loteah misual hian tukkhum pâwng a chhawn êm loh pawhin tukkhum phêk tal chu a chhawn hrim hrim ang.
Le, ka thuziak hian awmzia tak tak pawh a nei lo ve. Misual thu leh hla a ni a, a nawi ang tih te chu hrilh kher ngai lovin in hre sa vek a. Eng vangin nge min la dem fo ang ni? Hetia min tih fo dâwn chuan thu pawh kan paws ngam tawh hlei ang. A tawp nân, a tawp nân ti ta mawlh mawlh a, chhiar tûr a awm tawh lo. Lu mum, kal la, i hna va thawk tawh.
Similar Posts:
- Misual rethei nickname
- Rawtna Tlêm – II
- Chhiartu duh tak
- ‘Remna’ Palai Bâwngte
- Ngati nge…??? (mobile user chungchang)
a tha khawp mai
November 3rd, 2012 at 1:07 am
Chhiar ang auh!
Report this comment
November 3rd, 2012 at 2:12 am
2nd.ang.
Kal pah leh duhdah deuh a i han paws pawh hi awmzia a neiin tha viau zel mai. Han ti zel teh.
Report this comment
November 3rd, 2012 at 3:49 am
Keini thuziak tur kan haihchham laiin nang thuziak lamah i insum ve thung a. Vai buhfai ring theuh theuh hi a lo va inan loh theih tak em.
Report this comment
November 3rd, 2012 at 4:09 am
He tiang vel hi tawk lek.. sei deuh chu chhiar a nin awm. ti ziah roh
ka la chhiar lo nia,,, 
mmm mahse tuna i post siam hi
Report this comment
November 3rd, 2012 at 6:21 am
Ka submit dawn lai velin ka comp chhe thut a, admn fel tak takten an lo published hi ka lawm khawp mai
Report this comment
November 3rd, 2012 at 8:33 am
A awmna huang khi a fuh chiah lo lo maw.
Mizoram, News.
Kan khuaah chuan November rain a sur a, vawin chu hnathawh zai pawh a rel theih hmel love, buhseng lai a ruah sur hi chu a ngeiawm thin teh e.
Report this comment
November 3rd, 2012 at 9:53 am
@Chhuaklinga, whatever-ah ka dahin ka hria
Report this comment
November 3rd, 2012 at 10:34 am
Bei tha leh lawi ve..
Keinin post tur pakhat pawh ralpui phiar taka kan phiar laiin nang chuan kal pah paw’n ropui takin i rawn pho chhuak thei a nia…Hmm
A chang chuan nhnialna tur awm miah lo post-te hi a inthlahrun awm zawkte’n ka hre thin..(mimal ngaihdan mai mai)
Report this comment
November 3rd, 2012 at 12:23 pm
Post-ah khian sentence pakhat, tha tih fal bik deuh ka nei a, mahse, ka sawi lo vang; i intithei lutuk palh ang.
Report this comment
November 3rd, 2012 at 12:55 pm
Post tha tak a ni
Nizanah ka chhiar a, kan chhiar nawn leh ngat a ni 
Report this comment
November 3rd, 2012 at 2:48 pm
“Hmeltha te pawh hi Hmelchhia an awm avanga hmeltha tih hlawh mai mai alawm an nih” tih thu kha ka hrechhuak
Kan nau 1, zu bansan thei lo pawh, a chhungten an hau reng mai a, a ning ve deuh a ni ang, “Ka zu in ringawt hi in sawi in sawi a, sawi nuam in ti em em a. Ka Bawnghnute in te pawh hi sawi tel ve bawk ula? Ninawm ah…”
Report this comment
November 3rd, 2012 at 4:07 pm
@Tuaisial, sawi teh, ka intithei miah lo ang
Report this comment
November 4th, 2012 at 11:27 am
Report this comment
November 6th, 2012 at 9:29 am
@kiddo, hehe
Report this comment