In veng chhung ah emaw, in khaw chhung ah emaw, sawrkar hna thawk lo, harsa ve bawk si an awm teuh in a rinawm a, Chung ho tan a hamthatna neih theih dan hrang hrang ka rawn sawi dawn a, a ti duh in awm chuan Directorate of Labour, Employment & Industrial Training Department Office, Upper Republic (Bethesda Building) bul ah lo kal se, kan lo pui dawn nia.
A hnuai a ka rawn tarlan tur hi member an nih theih dan tur leh hamthatna an dawn theih dan tur hrang hrang te a ni a, Mizoram tan bik hi chuan Central Sawrkarin Students admission fee hi member in kum khat an nih tlin hma in claim min phal sak a(Rs. 1500, student pakhat tan),a bak zawng hi chu member kum 1 an nih tlin hnu a claim theih vek a ni. Tun ah hian registration ti tawh hi mi 1000 bawr vel an awm tawh a, students admission rawn claim hi 200 bawr vel an awm tawh bawk. Hre chiang duh tan office ah emaw www.workerswelfareboard.mizoram.gov.in ah ngaihven theih a ni e. Mi dang te tanpui tur in kan in peih reng a, ngaihven duh leh hre chiang duh chuan Office hour chhungin ngaihven theih reng a ni e.
GOVERNMENT OF MIZORAM
MIZORAM BUILDING & OTHER CONSTRUCTION
WORKERS WELFARE BOARD
HNATHAWKTUTE TANA HAMTHATNA
Mizoram Building & Other Construction Workers Welfare Board hi ‘Building & Other Construction Workers’ (Regulation of Employment & Conditions of Service) Act, 1996’ tlawhchhana din a ni a, hemi hnuaiah hian Welfare Fund siam niin, chumi atana member nih dan leh hlawkna awm te hetiang hi a ni.
Member nih dan:- India khua leh tui dik tak kum 18-60 inkar inhlawhfate hi member an ni thei a, chungte chu a hnuaia tarlan ang hi a ni.
Contractor emaw midang hnuaia heng hnathawk te:- Lungrem, Leirawhchan siam, Thirchher, Rawnghnawih, Fitter, Plumber, Thingzaina, Balu leh Lungla, Quarry a Lungla leh hnathawk dang, Electrician, Cement hna leh thir siama inhlawhfa, kawng laia inhlawh, Chinai siamna a inhlawh, Thirchara inhlawh hi a huam a. Amaherawhchu, India ram State danga in register tawhte erawh chu a huam lo.
Member tan kum dik tak hriat nan heng zinga a engemaw ber hi a ngai:
(a) School Certificate emaw; 
Birth Certificate emaw;
Church Baptisma Certificate emaw; 
EPIC.
Membership fee engzat nge:
1) Registration fee Rs.25/- a tirah pek a ngai.
2) Thlatin membership tihnun nan Rs.10/- pek ziah a ngai bawk a; amaherawhcu, thla tin a pe lovin kum khat atan Rs. 120/- a pek lawk theih a ni.
Member kum khat ni tawh tana hlawkna:
1) Member chuan kum 60 a tlin hunah thla tin Rs.10/- a thawh tlingkhawm kha a hlawmin a la let leh vek anga, thla tin pension Rs.200/- pek a ni ang.
2) Member pension la mek chu a boralin a aiah pension chu a nupui hnenah pek a ni anga, thla tin Rs.100/- a ni tawh thung ang.
3) Member chu kum 60 a tlin hmaa hliam emaw avanga inhlawhfa thei thawh lo a nih chuan thla tin pension Rs.150/- pek a ni anga, a hliam a nasat viau chuan Rs.10,000/- a tanpui theih a ni.
Thihna leh vanduaina chungchanga hamthatna awm thei te:
1) Member chu kum 60 a tlin hmaa a boral chuan a chhungte hnenah Rs.15,000/- pek a ni anga, hnathawhna hmuna chetsual avanga boral a nih erawh chuan a chhungte hnenah Rs.50,000/- pek a ni ang.
2) Member chu hnathawhna hmuna chetsual avanga ramtuileilo a nih chuan Rs.25,000/- pek a ni ang.
Member chuan a boral hmaa a chhungte tanpuina dawng tur mumal tak a siamsa loh chuan a hnuaia mi ang hian tanpuina chu pek tur a ni.
a) Nupui/Pasal. b) Kum tlinglo fapa/fanu.
c) An fate nupui pasal la nei lo. d) Member boral ta nu leh pa In khata a chenpuite.
e) Fanu pasal then tawh/Sun tawh. f) A monu pasal sun tawh/then tawh.
Damloh leh chetsual tawh palha hamthatna awmte:
1) Member chu chetsual vang emaw natna khirhtak tawk a, Damdawi-Ina dah a nih chuan dahluh a nih atanga ni 5 chhung nitin Rs.300/- a dawng thei a, ni 5 piah lamah nitin Rs.50/- a dawn chhunzawm ang; amaherawhchu, a dawn zawng zawng hian Rs.10,000/- a pel tur a ni lo.
2) Member chu hnathawhna hmun nikher lovah eng emaw avanga a hna thawk thei ta lo a nih chuan Rs.20,000/- thleng pek theih a ni.
Member-Hmeichhia bik tana hamthatna awm thei:
Kum khat tal member ni tawh hmeichhia chu nau a neihin tanpuina Rs.2,000/- pek tur a ni a; amaherawhchu, fa pahnih a neih thleng chauh a huam ang.
Member fate tana hamthatna awm theite:
1) Member kum khat ni tawh fa HSSLC (Class-XII) exam a District khata mark hmu sang ber chu Rs.3,000/- pek tur a ni.
2) Member fate 2 chin school admission fee Rs. 300/- ve ve tum sak theih a ni a.
3) Member fate 2 chin school kaina fee thla tinin Rs.100/- ve ve tum sak theih a ni.
Hamthatna awm thei dangte:
1) A chunga hamthatna hrang hrang bakah khian member ni mek chhungkua ami an thihin ruang sawngbawl nan Rs.1,000/- thleng pek tur a ni.
2) Member kum 5 ni tawh kum 60 tlin nana kum 15 la nei tan chenna In sakna tur Rs.50,000/- Loan 2% chauh pungin pek theih a ni.
3) Member kum 3 ni tawh kum 55 la tlinglo te chu an hnathawhna atana tul bungrua lei nan loan 2% chauh pungin Rs.25,000/- thleng pek theih a ni a, installment 60 a rulh tur a ni.
4) Member fate zing ami ‘Professional Course’ i.e. Engineer, Doctor, etc. zir tum an awm chuan tanpui nan Rs.5,000/- thleng pek theih a ni.
A chunga kan sawi sum tam tak hi khawi atanga lo tlingkhawm nge a nih?
1) Member in register te thawhlawm.
2) Contractor lian ten an hnathawhna Project Cost atanga 1% an thawh.
3) Sawrkar tanpuina.
4) Pawl leh mimal tanpuina.
5) Board in thildang atanga sum a lakluh.
6) Loan interest leh Bank Interest.
Issued by the Mizoram Building & Other Construction Workers Welfare Board
Labour Employment & Industrial Training Department
Upper Republic, Aizawl, Mizoram – 796 001
Similar Posts:
- KUT HNATHAWKTU TE TANA HAMTHATNA
- Aizawl Municipal Council-a Councillor-te hamthatna atan kum khatah cheng nuai 43 ruahman a ni
- Architect kal hmang
- Champhai Hospital Building
- Dan phakar
November 7th, 2012 at 7:50 pm
Post tangkai tak ani. Ka mamawh lo na a, mamawh an awm ngei ang.
Report this comment
November 7th, 2012 at 9:37 pm
A va bengvarthlak ve le. Contractor te hnathawh Project cost atang chauhin nge Department ten departmentala project an thawh te a tel ve dawn tih a post tu hian min chhang thei em le?
Report this comment
November 7th, 2012 at 10:19 pm
He thil hi dik taka kalpui chuan thil tha lutuk tak mai niin ka hria. Hei ai hian benefit hi tha deuh ta se(0 pakhat belh ni ta hlawm se). Chhana pa te ho hian Pathian rawngbawlna tih hriain han bei sauh sauh teh u.
Report this comment
November 8th, 2012 at 12:31 am
ChhanaPa, i post hi mirethei/harsa-te etc thleng phak “Chanchin Tha” a ni tlat mai. Tha ka van ti em {kum 4 dawn thuak misual.com ka chhiar hnuin ( a ngawi leh tlawh ringawt pawl atangin) hei hi ka sulhnu(comment) hnutchhiah hmasak ber a ni ve mauh mai}.
Report this comment
November 8th, 2012 at 6:01 am
L&E hi Director thar an tawiawm tha a ni ang, an thawm a tha tan dawn hle a ni… Department dangte pawh hian mipui tangkaipui tur thu tar lan tur an nei fo a. Order / Circular etc. mipui nawlpui hriat tul tak te hi ‘copy to’ hian mipui thlentir dan awm thin se a tha ngawt ang.. A lawmawm e Chhanapa..
Report this comment
November 8th, 2012 at 6:20 am
Have a nice day to all misual.commers…
Report this comment
November 8th, 2012 at 7:33 am
Tha ka ti mahse tlem ka ti bawk, Rs 100-300 vel chuan tunlai thil man ngaihtuah in a tlem tham deuh em aw, hei ai hian tlem in tam thei deuh se la a bak chu sawisel na vak tur awm lo.
Report this comment
November 8th, 2012 at 7:44 am
#2, Departmental project atang pawh in cess 1% -2% an lo chhung lut thin. Clearance certificate kan pek loh chuan Treasury atangin bill an la thei lo a.
#3. Dik taka kal pui chu kan tum ber leh duh dan ber a ni a. Mahse, Mizo te hi construction workers ngawr ngawr hi chu kan tam vak lo a nih hmel. Tupawh nise, an registration form a LC/VC or YMA te’n a an lo sign sak chuan kan pawm vek. Kan tan veng tin a kal a,verify ngaihna a awm lo bawk.
#4. Ka lawm e.
#5. Kan director hi MCS rau rau ah pawh mi bik, project siam thiam a nia, state dangah chuan Labour Department hi an lian viau hlawm a, kan state ah pawh hian tun aia nasa a hmalak kan tum mek e.
#7. An pension leh thil dang dang pawh hi fix a ni lo a, a tul dan ang in revise thin a ni ang.
Report this comment
November 8th, 2012 at 9:47 am
A va tha em! Ka lo la hre ngai miah lo mai. Very informative
Report this comment