Hmânlaiah chuan nula leh tlangvâl an inlâwmin nula-in tlangvâl chawfûn, thuamhnaw leh ṭûl dang an phurhsak a, a theih chen chenah mipate an âwl ṭhin. Mipate pawhin tui chawi, lui lam chawhmeh zawn leh hna hrâm thawh thlengin hmeichhiate an âwl ve thung.
In lamah ve thung chuan hmeichhiain eirawngbâwl, insûk, tui chawi, inchhûng sekrek khawih, buh ṭhâp, nau awm, nau êk sûk leh in leh a vêl tihfai kha an hna a ni a. Mipate erawh chu ram lamah ni tla van vuaia hna an thawh avangin in lamah chuan an âwl a; ram hna an thawh pahin chawhmeh tûr an zawng nghâl ṭhin a, in tla bal thawm ṭhat a ṭûl chângin an thawm ṭha bawk ṭhin. Heti ang hian ziak loh dân fel fai tak an neih a, chhûngkhata hmeichhia an dam loh emaw an zin bo emaw chuan mipa-in thil ṭûl an khawih a, tui an chawi pawhin an thâl hmasaktir ṭhin. Chuti ang lova mipa-in a nupui a ngam loh avanga hmeichhe khawih tûra tih (ziak loh dân kan tih tawh kha) chin a khawih a, a nupuiin ti tûra a tih ang apiang a tih dun dun chuan thaibawih an ti ṭhin.
Tûnlaiah erawh khawvêl inher danglam nasa tak avangin hmânlai thaibawih an tehna kha a dik vek tawh lo maithei. A bîkin khawpuia awm leh sawrkar hnathawkte phei chu an hahdam êm êm tawh a. Ina awm, hmeichhiate ai mahin office kai mipa ṭhenkhatte phei chu an hahdam zâwk hial âwm e. Chutia hna hrâm lutuk thawk bawk si lo, hahdam taka chhungkaw mamawh tâwk bâk a chuang a liam thlenga an thawh chhuah theih si chuan inchhûng sekrek ilo leh ṭûl dang chu an khawih ve mai tûr a ni dâwn lo’m ni? Tin, chhûngkaw ṭhenkhatah (a tam zâwk pawh a ni tawh maithei) phei chuan hmeichhiate pawhin office an kai a, nupa-a office kai an nih ngat phei chuan in lamah mipate hian âwl theihna chhan tûr an nei bîk hauh lo vang.
Chhungkuaa mipa zâwk âwl a, hmeichhia zâwkin ei leh bâr, silh leh fên tûr a thawh chhuah chuan mipa chu thaibawih tiin kan ko thei ang. Eng ang mipa pawh ni ila, nupui fanaute laka inlâk hlauhawm leh hrân chîng; pâwn lamah erawh a dawih ber bera ṭang leh si ṭhin kan nih chuan mipa nih kan tling lo. Hmeichhiate thinlungah kan tlâk nat tawh loh chuan eng ang pawhin hmangaih che, dei dei e… pawh ti ila lung bang sut ang vêl a ni. Huam chin zîm lutuka inlâk pâ chîngho hi tûnlai thaibawih an ni! Mipa tihtûr chin an hre lo va, hmeichhe kut thlâk te hi pâ-na emaw an ti a, mi dawihzep hna dik tak a ni. A tâwpah chuan an nupuite lakah an tlâwm leh tho tho ṭhin si a.
Mipa dik takin (dik leh fel taka hna thawk ṭhin, chhungkaw châwm nâna mamawh tâwk thawk chhuak thei) nupui fanaute hmangaih avanga inchhûng sekrek an khawih, nau an pua, nau êk an su, naupang sikul kai tûr an hruai, chhuat an nâwt emaw pawh ni se thaibawih tiin lo ko tawh suh u! Nupui fanaute ei khawp thawk chhuak zo lo-ho, nupui/fate thawh chhuah sa ringa nung ve; mahni thawh chhuah sa pawh ṭûl loa tlak ral ṭhin, nupui fanaute hmêl zah avanga inchhûngah pawh inthlahrung dûka awm ṭhin te u, tûn chinah THAIBAWIH tiin hawrawppui ngatin a nia kan koh tawh dâwn che u ni!
Ka lâwm e.
Similar Posts:
- Game of Love
- Women’s Reservation
- Thudik pangate…(five facts)
- Goa a Mizo hna zawng/thawk turte hriat atan..
- Tu nge tha zawk?
(Y)
November 7th, 2012 at 11:11 am
A tha hle mai. Zing karah chhuat nawh min tichak et et mai.
Thaibawih lo ti che an awm a, phuba i rawn la chu ni em lo maw ??
Report this comment
November 7th, 2012 at 11:12 am
Keini pawh nupaa hnathawk kan nia, a thleng hmasa sa in dinner ka lo siam mai thrin, tin weekend ah in lam hna, inchhung tihfai leh insuk etc. tihtur kan insem thrin
Report this comment
November 7th, 2012 at 11:21 am
hehe… hetiang hi chu ka experience ve tawh
Report this comment
November 7th, 2012 at 11:22 am
Kan nu nawmsam loh chang te hian ka fapa hi ka pua in, ka bual fo mai. Ei rawngbawl pawh ka ti tho. Mahse, chhuat nawh leh hmunphiah hi chu ka peih lo. A tul chuan ka in su thin bawk. Ka THAIBAWIH na ka hre lo..
Report this comment
November 7th, 2012 at 11:30 am
@beethugs2, thaibawih tur pawhin ka la nei lo tlat mai! hehe… Ka neih ve hun chuan…
Report this comment
November 7th, 2012 at 11:50 am
Keini ang hmanlai rilru lutuk hi a tha ber tawh lo tih chu ka hre reng mai a, ka inzir ve nasa a, mahse thisena inthlah chhawn leh lo thanhnan nghet tawh lutuk hi chu thlak thut a har ngang mai. Post tha e. Hmanlai Pasaltha ang kha tunlaiah chuan,’illegal poacher” anni tawh a, hmanlaia thaibawih ang kha tunlaiah chuan, ‘Pasal tha’ anni ve thung tawh a, mahse ka lawmna chu ka heti chung chung hian, kan nu hian min hmangaihin min then chu a la hlau ve em em tho.hehe.
Report this comment
November 7th, 2012 at 11:59 am
Hehe…. nangman i then hlau zawk a ni lo maw
Report this comment
November 7th, 2012 at 12:00 pm
Post tha tak leh tunlai tak a ni..
Thaibawih (THAIBAWIH ni lovin..) ni hi hi ka inhuam khawp mai kei chu..
(Insawitheihna pawh ni lovin… 
)
Report this comment
November 7th, 2012 at 12:10 pm
Post chu a van tha em aw!! mi tam zawkin an lo chhiar ve theih nan chanchinbu lamah te chhuah chi a nih hi maw le. Kan pa hian ei rawngbawlah hi chuan min awl hlauh, kei aiin a bawl thiam zawk bawk a, chuan nau ka neihih ka nau neih thawmhnaw bawlhhlawh zawng zawng midang suk a phal lo, aman a su vek
Report this comment
November 7th, 2012 at 12:15 pm
@Jacka Pi, pasal i nei vannei hle mai, chuti ang pasal chu nih ve ngei ka tum a ni
Report this comment
November 7th, 2012 at 12:28 pm
Report this comment
November 7th, 2012 at 1:29 pm
Thai bawih hnapz
Report this comment
November 7th, 2012 at 4:06 pm
thaibawih kan tih ho hi thaibawih an ni vek kher lo, an fel leh that vang a ni zawk in ka hria.
Report this comment
November 7th, 2012 at 4:14 pm
Thaibawih kan tih fo hi an fel vang a ni mai lo’ng maw???
Report this comment
November 7th, 2012 at 4:25 pm
Thaibawih nupui nih chu hmeichhe fel chuan an duh tur a ni lo…ka ti ve daih.
An pasal te an thaibawih tir ngai lo…
Report this comment
November 7th, 2012 at 4:39 pm
thaibawih nih dawn vang pawh nichuanglo in eirawng bawl kerh² a nawm chang a awmve fo…
Report this comment
November 7th, 2012 at 5:48 pm
Thaibawih ni a mi ngaih na zawng an nupuite thuhnuaiah an kun kher lo.
Hmeichhe fingin an pasalte an zahin an chawimawi thiam a. Midang hmuh leh hriatah an pasalte mualphona tur leh zahawm loh phahna turin an awm ngai lo.
Kan nupa hian mipa hna leh hmeichhe hna kan dah hrang lo. Kan hlim zawk mah mai.
Report this comment
November 7th, 2012 at 5:51 pm
Kan in chhungah hian Kei hian thuneihna 5-10% vel ka hauh a, 90% vel chu ka nupui KA PE. Power chu kan in neih tam hlei khawp mai Keini chu. Ka thaibawih ni ang.
Report this comment
November 7th, 2012 at 5:57 pm
Zan lamah mamawh dil nan nau han awi ila, a tawk viau lawm ni…? Tak tak a, ‘Tanrual hi chakna a ni’ tih thufing te pawh a awm kha mawle. A tul a nih chuan kan puibawm ve tur a ni a,mahse, kan tih ve tura ngai a, min phut kher erawh ka tithei thak lo ang.
Report this comment
November 7th, 2012 at 6:36 pm
kan rim lai khan thaibawih huamin kan rim a ni lom ni kha.
nupui ngam loh hi a pawi lo reng reng mi tih dan phung a ni mahse ngam loh rau rau chuan lung si takin a tha…lungawi si lo ngam chuang si lote hi an khawngaihthlak.
post khi a tha e…
chu….ka lo kal ka rawn phiat dawwwwwn.
Report this comment
November 7th, 2012 at 9:56 pm
@Pu vakul comment chu leh
Chu… va tlan rawh…
Report this comment
November 8th, 2012 at 6:25 am
Pu vakul @20 hehehehe!
Report this comment
November 8th, 2012 at 7:00 am
Tuk chhuah nuam ule…
Thaibawih tan eirawngbawl, chhuat nawh, insuk a hun e
Report this comment
November 8th, 2012 at 7:02 am
Thuhlawm tawp ber khi ka sapawt e hairehai
Chhungkua kannih chuan sekrek khawih chungchangah, tih tur bik nei lovin, a hman leh remchang zawk zawkin ti mai zel ila, a fuhin a fair ber mai.
Pa berin inleng a nei a, an nu thildang ti lai (ie., nau buaipui, sekrek khawih etc.) hnenah chuan, “… thingpui han lum ta che,” an tih angte hi ka mit leh beng an ti kham pha ve tlat. Mahni thingpui in tur emaw, mahni inleng chu mahniin entertain mai tur. I nupui thian a ni lo va, introduction tha pawh pe mang lo emaw khan leh, in titina ah pawh telh ve mang lo si khan, “thingpui han lum teh a,” tih te kha sim rawh…a ṭhing bawn tawp tawp. hairehai
Mipa nisa reng tawh a, hmeichhe hma a han intih pa lehchuan tum ṭalhte hi, “an rilru chhungrilah pa chiah lova inhriatna an nei emawni chu aw,” ka ti ṭhin. Mipa ni lo la pasal-ah a nei hauh lovang che
Nupa inpuih tawn zar zar hian, nupa kan hlim zual phah teh asin. Mi hmuhah pawh (tunlai chhanah) kan inchawimawi tawn alo ni reng mai hairehai
Report this comment
November 8th, 2012 at 7:08 am
Thaibawih han tih tlawng hi chu a tlawm thlak ve deuh a, “Pasal tha” tih zel tawh tur a lawm.
Report this comment
November 8th, 2012 at 7:20 am
Pu HV, inleng chungchang i sawi khi a dik hle mai. Heti zawng hian ka lo la ngaihtuah ngai miah lo. A dik ka ti leh lutuk hi ka za huih mai
Pu PK, Pasal tha han tih takah chuan an inhmeh hnup hnup ngawt tak ang chu…
Report this comment
November 8th, 2012 at 7:33 am
Awmte #26 hmuh theih reng te hi hmuh hmaih alo awl khawp mai
Ti daih ila(OT zuai), hmanni mr.Duhlova lo zin, Presbyterian-ah leh Methodist lamah hun an hman tir ve ve a (!). Ka ngaihthlak sak ve thei zawk a a thusawi pakhat kha ka ngaihtuah ngai miah lo a ni ve bawk tak asin!
Isua tih dam tur a damlo an rawn zawn chungchang kha a sawi a lawm mawle. Dam lo zawntute’n Isua-ah rinna an neih nasat tur zia kha ṭawngkam dam thluam hian a sawi roh pek a, ngaihtuah a ti thui hle mai. “An rinna nasat zia chu, mipui kha zozai karah khan Isua tih dam beiseiin, an rawn zawn a,” a tia lawm. Tichuan,” mipui tam lutuk, an lut mai theilo chuan, zah leh in neitu pawh hlauhna chang hre tawh lo khawpin, a in chung an ṭhiat ta a. Mi in chung an ṭhiat mai pawh a ni lo, an mizawn chu thlak thlak theihna tur khawp a lian ala ni zui. Damlo zawntute rinna san zia kha aw…” ti zawngin thu a sawi a… chuti zawng chuan kalo la ngaihtuah ngai der lo tih ka inhrechhuak a lawm. hairehai
Report this comment
November 8th, 2012 at 7:39 am
A ni dawn tak maw… An rinna kha a ropui thlawt a ni. Tun ang hunah ni ta se, mi inchung han thiat ngam an awm ang em le..
Report this comment
November 8th, 2012 at 7:40 am
#28
Thaibawih tan ngat phei chuan, nu ber lakah inthlahrun awm duh ngawt ang (OT emem dal ah)
Report this comment
November 8th, 2012 at 7:50 am
@29
Min melh rum tawh chuan lu thak lo pui kan hiat kan hiat lo vang tih sawi har tak a ni!
Report this comment
November 9th, 2012 at 11:57 pm
tha hle mai….
Report this comment
February 28th, 2014 at 2:36 pm
haha
tha khawp mai..chhiar anuam ee..
Report this comment