Tun hma a kalo sawi ṭhin tawh angin, vun rawng emaw, ram chhawr chhuahna emaw, an hna-chelh vangin emaw tumah ka en sangin ka en hniam phah ngailo tih ka sawi tawh ṭhin a ni a. Tin, chutih karah chuan, mimal zawkin ka ngaihsan tur leh ngainat tur emaw ka thlir zawk ṭhin thu pawh ka lo sawi tawh ṭhin bawk.
Awle, chutiang lam a thlirna ka nei lo tih ka insawi ta bawk a, United States ram miten an thlan tlin nawn leh tak Barak Hussein Obama-in, tun inthlan dawn hnaih a an party, ‘Democrat Party’ hma a a pharh, an party platform (a document stating the aims and principles of a political party) in a pawm tak pahnih lek hi I han sawi ho mai mai teh ang u.
1. Obama leh a pawlte chuan an party platform pawm tur a thu an buatsaih, mipa leh mipa, hmeichhia leh hmeichhia inneih remtihna chu August ni 11, 2012 chuan, The national Democratic Party’s platform committee chuan a vote thlu ta a nih kha. Tun inthlanah hian state pahnih, Maine leh Maryland mipui tam zawkte chuan an duh vangin chutiang chu phal a ni dawn ta a, US state 50 zing a phal hmasa ber pahnih leh awmchhun an la ni.
Hei hi Pathian nung bia (Founding Fathers) ten an biak A inghat tak chung a an ram sual chhuah leh an din chhan zingah a tel thei dawn em ni?
2. Pem lutte chungchangah Obama nawrna vanga phal tak (!), dan lo va naupang US chhung a lo lutte chu kum 30 an la tlin lova, suahsual rawng bawl lo te (an lo luh ruk hnu a sawrkar dan dang bawh chhe lo!), high school zo tawh te chu dan siam thar hmang a, US chhungah awm lailawk phalna pek mai bakah, tax petute pawisa (Sawrkar sum hman hi mipui thawhkhawm anih vangin mipuiin aw (voice) an nei a ni) hmang a lehkha zir phalna te pek a remti ta a. Chu mai ni lovin, awm lailawk a phal hnu chuan, hna te thawkin tax te an pe ve ang a, muang changin citizen an nih theihna tur kawng dap sak a remti dawn a ni. The sweeping proposal affects immigrants without criminal records who are under 30 years old, entered the country as children, have graduated from a U.S. high school, and can prove they’ve lived in the country for five consecutive years.
Khitiang a nih chuan, khawi ami te pawhin an fate emaw, US a seilen tir duhte, hmelhriat neisa ngat phei chuan an fate chu a rukin an rawn thawn lut zut zut thei tawh tihna a ni mai lawm ni? Engpawh chu nise, ram nakim hun (future) tan a ṭhatna tur hi kan hre thei em?
Tlipna:
United States sualchhuaktu te (Founding Fathers) ten, Pathian nung bia an nihna inhria a, “In God We Trust” ti mauh a, Pathian ring chung a an ram sual chhuah hian Pathian hi a hlat ta telh telh a ni thei em? Pu Nehru-an, “Civilizations, like empires, fall – not so much because of the strength of the enemy outside as through the weakness and decay within,” alo tih kha a thleng ve ṭan mek a ni thei ang em?
Min zawh tum in awm takin: Tun US inthlan chungchang a ka mimal ngaihdan chu, Obama kha tling lo zawk sela ka ti khawp mai a, mahse Romney pawh President ṭha tak a nih ka ring chuang hauh lo bawk.
Similar Posts:
- Say no to Bangalore, yes to Buffalo: Obama
- Lal Thanhawla hi kan duh ber?
- “Vote thlak” chungchang a kei leh United States.
- Heti zawng hian hma sawn ta i la…
- YMA tihchhiat mek a ni
November 10th, 2012 at 1:28 am
#50 kawreksawn: mawngkawhur te khi illegal ho nen ka ziak zawm leh vek mai. Khitiang tur a ni lo ve! Chhiar dik ve tawh maiah
Report this comment
November 10th, 2012 at 1:38 am
Isuan “If you want to be perfect, go, sell your possessions and give to the poor, and you will have treasure in heaven. Then come, follow me” (Mathaia 19:21) a tih hi a socialist fu lo maw?
Heti lai a “go” a tih hi imperative case ania, forcible anih loh chuan enge a nih ang le? Tunge Suzette hi aw! Hmm, dunno.
Small government chu kan duh vek in ka hria. Mahse Sandy-in in chheh vel an nuai chiah khan FEMA chet leh chet loh ringawt anih kha a en deuh ber. Big government ai in big business a that bik ka ring lo. 2008 a housing collapse atanga kan la in zir loh chuan too-big-to-fail-banks in rorelna a awp reng mai ang.
Zalen tak a i chen theih na ram i tan leh i thlahte tan i duh ve lo ami? Gender equality te, same-sex unions te hian diversity a ti nghet zawk alawm. Female emaw gay/lesbian nih kher a ngai lo. Mahse women leh sexual preference dang nei te nena zalen tak a ram tan a thawh chu a tha zawk lawm ni? Empire tlu chhiah chhui dawn chuan Rome thleng thleng chhut a ngai hran lo. Tun hnai a mi British Empire kha en ila, a colony ho ten British ringawt anga awm an duh lo vang ania. Hamara desh pawn a duh loh kha.
Hun tha zawk a i rawn pem lai chu Clinton a tih that, Bush-an a tih chingpen hma lai kha a ni em aw?
Report this comment
November 10th, 2012 at 1:53 am
Mizo pa, rilru a tuh tawh, insawh sawn duh hauh lo, an sawi chiah kha i nih hmel hairehai
“Mi puitling chuan, thil nithei atan an ngaihtuahna thenkhat an zuah thin,” an tih kha
Report this comment
November 10th, 2012 at 2:00 am
Kei chu ka adopted country tan hian ka thinlung thleng ka pe maithei a, chuvangin, ram tan a nakin hun tur ngaihtuahna nen thil ka thlir, ka fate seilenna tur anih hmel tlat vangin.
Mipa leh mipa, a lang a pau a kan fate hmuh an an inkuah tur ngawt pawh hi, chi thlahchhawnna kawng thlengin US future hi ti bright lo tu niin ka hria. Defence lamah pawh ala buai phah theihna tur a nih ka ring tel pha hial. A tam mai, ka sawi peih tawh lo.
A duh tan chuan sawi lo pawhin a ram kal mek dan hi a tlu chhe mek niin hriat theina a tam ang. Mahse, chutiang duh lo va, tu tihdan takah emaw, ‘human right’ tih vel emaw chhuanlam a, ram chhiatna la thlentir thei tur pawh hmu pha duh lo tlatte chuan, he ram ropui, USA hi an la chhiattir mek zel dawn anih ka ring nghet hle.
I’m done hairehai
Report this comment
November 10th, 2012 at 2:01 am
I nihna rawn sawi rawh ka ti miah lo ania
“Mahni nen a inang lo nen a zalen tak a awm dial dial tur” an tih ve tho kha!!!
Report this comment
November 10th, 2012 at 2:16 am
#54 I ram tan i thinlung thleng i pe tih chu kan hai lo. Same-sex issue in engtin nge ram defence a tih buai aw? Dont-ask-dont-tell pawh repeal anih hnu pawn hmun hrang hrang a heterosexual te contri angin homosexual pawn an ram tan an in pe alawm.
Human rights vangin khawvela ram buai leh chep atangin mi tam takin US a refuge a hmu a. Human rights vangin US pawh ram dangah an la intervene zel dawn in a lang. Human rights chu Founding Fathers (i favorite topic!) ten chik deuhvin an lo chhut kha. Human rights chu i tuipui viau ka lo ring ringawt a.
Report this comment
November 10th, 2012 at 2:17 am
Kan ngaihtuahna atangin a lawm politician support kan neih thin le. Chumi chuan kan nihna a siam thin tlat si a ni!
Kristian i nih chuan same sex marriage hi support lo tur i ni, not maybe! Rom 1:26-27 te kha Thuthlung Thar anih kha hairehai.
Tin, Dan lova lut chu, dan angin hnawhchhuah vek mai turah ka ngai. Keini ang, a hmun a pianglo te, kan pem luh dawnin, kan thisen, ha, mit, vun engkim mai natna kaichhawn theih kan neih hlauhin min en sak a. Anni illegalte chu engmah en ngaihna a awm heklo. Natna inkaichhawnah ringawt pawh hlauhawm an niin ka hria.
Dan a awm chuan dan angin kal mai tur. Pem khawm ram a nih vangin dan lova, lutru te dim kher hi a tulna ka hrelo reng reng. Politiciante hian an game-ah hian an vote hmuhna tur a ram mipuite an zahlo fo mai hi politics ka huat fona chhan ani thin. Politics tel lovin ram a kal thei bawk si lo, a pawi a ni.
Mizoram angah te chuan system a tha lo va, roreltuten, ngam sela chuan system thatna’n dan an thlak angai nual maithei. US immigration law awmsa hi tha lutuk a ni a, dan awmsa kengkawh lo va, hetia vote duhna vanga ram future dawn lek lova, lak leu vel hi ka duh lo ve khirichawm mai a ni. Hairehai
Gorkhali ho tih dan takah, “hokna hoila ho, khukri mardinchho”
Report this comment
November 10th, 2012 at 2:23 am
Same sex marriage an phal takah chuan, an pung tawlh tawlh dawn a, an pung chak tawh reng anih hi. Population lam a nghawng theiin a rinawm a (ka chhiar danin), tin, mi pangai, Pathianin, “Adama leh Evi a siam a,” tih pawmtute, keini ang
fate hriat leh hmuh atan leh entawn tlakah ka ngai hek lo. Mahni mipat pui ngaihzawn hmangte hi rikrum thilah an hman tlak tak tak ngaiin ka hre hek lo. Tin,sawrkar hmasa lam pawh khan an tel an lo phal tawhlo thin khan chhan tha tak a nei tih a duh tan chuan hriat theih a ni.
Eng kohhran emaw, midang doctrine a bur ngur kan ang sawt hle mai
Illegal lamah chuan:
Romney a tih angin, US chhungah an mahni hna hmuh theihna miah loh turin dan chu kengkawh sela, hna a awm loh chuan tunge awm reng peih ang. An duh leh dan angin, mi tam tak tih angin, phalna dilin a vannei te chu lo lut leh ang hmiang, tunge hnar tawh ang? He thilah hi chuan Romney hi a dikin ka hria. Amah hi ka tan fihlim hauh lo thung tih in hre dawn nia. Chutiang deuh chuan, same sex inneih cc-ah leh illegal cc-ah chuan Obama hi ka tan lo, foreign affairs ah pawh. mahse Romney hi a that ka ring chuang lo…foreign dawr lamah chuan.
Report this comment
November 10th, 2012 at 2:32 am
#57 (comment i belh palh tak in)
Rom 1:26-27 ringawt hian Kristian nihna a sawi. John 8:7 te, Mathaia 5:3-12 hi lo chhiar la (K). Bible a chang khat ringawt a in define chu a retheih thlak em mai.
Dan lova lo lut te chu ka hre love…Native American hovin i ngaihdan zawng zawng kha engtin nge an ngaih ve ang aw? Dan te chu vanram atang rawn tla thla ani lova. Mihring in mahni remchan na leh ham thatnana ziah, leh ziah belh theih zel alawm. Collective concensus in dan a pawmpui a ni mai a, mahse collective concensus pawh a in thlak zel si a. Hairehai
Angraji i ti thul, Gorkhali i ti thul…tawng lam a hi chuan i turu mawle!!
Report this comment
November 10th, 2012 at 3:10 am
philo, Vawikhat leh chiah kan ti ve leh ang e. hairehai
Mawngkawhurna lamah:
Leviticus 18:22
Leviticus 20:13
Roreltute 19:16-24
1 Lalte 14:24
1 Lalte 15:12
2 Lalte 23:7
Rom 1:18-32
1 Korinth 6:9-11
1 Timothea 1:8-10
Juda 7
Native American-te hi hmelhriat tha ka nei nual mai. Anni chuan (ka hriat chinte) nen, immigration lamah kan ngaihdan a inhmu fu mai. Arizona lam a an hotute erawh chuan Arizona immigration law kha an mahni jurisdiction chhung a hmanah chuan an duh chiah lo a nih hmel a, tin, illegal ang a hai palh an hlau ve anih hmel awm e. A chhan chu United States sual chhuaktu nilo mahse, lo awm hmasa, ‘Native” an nih vangin, rilru-ah ‘ka ta/ka ram a ni,” tihna an neih tlat vang a ni thei mahna. An National Powwow-ah te pawh kal hova, va su ve tluk tluk tawh ka ni hairehai
Kan Google chhin a, hei te hi kan dah tel ang e:
https://answers.yahoo.com/quest.....717AAUbhUz
Report this comment
November 10th, 2012 at 3:12 am
Obama policy tha lo te kan sawi atangin thil dang dangah kan kai a, ka peih tawh lo. Hun khawhralna awmze awmlo a niin ka hre tlat.
Report this comment
November 10th, 2012 at 3:20 am
Heng video te hi CBS te khan 2nd presidential debate zoh te khan release se…candidates dang interview chu nise an play nawn leh tluts ang chu…kan release alawm ti thei tur ting tang in 48 hrs before the election day ah an release leh lawi si a…. Sawma Fanai
https://www.washingtonpost.com/....._blog.html
https://www.examiner.com/articl.....as-planned
Report this comment
November 10th, 2012 at 3:43 am
Obama-an “and my suspicion is, is that there are folks involved in this who were looking to target Americans from the start” tih kha ni ta se…interpret dan a tam em.
Bullshit express kan sawi tlang emaw ka lo tia…hihi! Mawngkawhur i duh lo. Illegal immigrants hovin an taxpayer pawisa hman i duh lo. Kan chiang e. Ka peih tawh lo. Ka boss in min melh deuh tran tawh
Report this comment