Subject fahrah Nuclear : Nuclear ralthuam hi a siam a harsa in khawvel in an ngaihhlut teh luh nen hian Academic khawvelah chuan a fahrah ru phian mai. International relation huam chhunga mi a nih avang hian Political Science (IR hi Pol. Sc. Peng a ni a)hi nu leh pa chanchang deuh tiin han bel ve sa teh mah ila, a kil lam dap deuh hlek loh chuan nuclear tih tawngkam hi a vang khawp mai. Nuclear lam ai chuan Grik mi fing, an awm tak tak tih pawh kan hriat loh, Aristotle a te mai mai hi an la tui pui zawk fe mai a. Physics lam hi nuclear ralthuam siam thiam ber an ni na in a hmanrua te hi chu Chemistry lam hian an in ti ta tu hle bawk si. Chubakah keini nuclear zawrh ve lah hi a nuclear ralthuam siam lam pawh a ni lo. Nuclear ralthuam tih bo lam te a that loh zia, a hlauhawm zia, a niha vang hian he lam a kawm tur thian tha hi an vang fe mai. ‘E heu a va pui ve’ an ti hluai a, pui an ti tak tak nge tak tak lo pawh hi kan hre zui lem lo thin lo.
Ka zuar chhuahna hmasa: Nuclear zuar hian in Hyderabad ah kum 2010 khan Indian Social Science Congress ah ka zuk kal tawh a. Chu mi tum pawh chuan ka buai hrep tawh a. A chhan chu ka confi loh vang nilovin ka paper present na tur hmun kha an lo ziak sual a. International relation lamah min dah dawn emaw tih nak alaiin Special Session deuhah paper pe turin min ruat a, phu lo in ti tak leh huphurh takin ka awm a. Ka thiante paper pe tur an lo allot loh te chu nuihsan deuh titih in ka len khaw thawn san daih vel a. Ka leng haw chu ka paper present na tur chu an lo ti danglam a, ka hming reng reng a lang ta lo. Ka mang a ang ta. Special session a nuclear zuar tur kha ka zuar loh mai hlauhin kan phe buai leh tak tak a. International Relation lam kha a ni khat ni in an tih tur an zova, an lo chawl deih mai leh nghal a. Mangang takin Political Science ho hnenah an khawngaihna dil in phuai takin ka zuk zuar chhuah ve tawh kha a ni a.
Confi to Confused : Tun tuma ka zawrhna hi Mizoram University a English Department in an bazaar (Seminar) siamah ‘Narrativising Trauma in North East and Beyond’ tih hmang a pho chhuah tur a ni a. Trauma hi chu ka chiang ve fu a, nuclear ralthuam pawh hian trauma chu a thlen ve ngei tak a lawm mawle, khawnge in ti ve teh ang ka ti ngawt a. Trauma zuar duh te tan a hriattirna an siam chu tlai khawhnuah internet atangin ka hmu a, ka hmuh pawh chu an pawhsei leh tawh a ni leh nghal a. Kum 1998 nuclear test in India ram hlauhna tuarna a thlen dan tiin kan phuah kawi ve a. Ka thil thehluh kha an la hmu tlai leh zel a. Ka thil zawrh tur (abstract)chu ka thawn nawn awn awn a ni ber chu. Khawngaihna nen min lo pawmsak ve a niang chu kan han in puahchah ve ta poh a.
Trauma tih lai kha ka rilruah a lian ber nachung in ka thiannu in ‘Narrative’ lai khi uar tur tih a rawn sawi, ka buai leh ta vek mai. Narrative theory a mik a mak pawh hre lo khan ziah narrative ve kan tum a, mahse, a lo awl i khaw lo mai a. B.A kan nih laiin English kha paper pakhat kan nei ve hram a, chu pawh class vawi hnih emaw chiah kal in pass mark chang chang ka hmu a, ka bye bye kumtluan ta mai bawk si. Chutah chuan narrative lah hi a rik hian a ri eih lo. Patling hi tu-i-khaw hriat loh hian kan vir buai vut vut a ni ta ber mai.
Up and down, low and high: Bazaar ni hmasa zawk chuan chuan ka zuk kal ve. Ka nuclear hralh tur a kal ni lovin mi ningkhawng hre turin leh bazaar fee pe a zuk in ziak lut ve turin ka zuk kal ve a ni ber. Bazaar ka zuk thleng a, thuthleng a lo tlar put a ka zam ta khawp mai a. Mahse, midang in an thil ken an han zuar chhuak a, ka ring ang he hu an lo ni bik lo. A thenin an ziak narrative a, a then in an ziak trauma em em a, a in balance bik lo tawp mai, Hmm… ka zam ta bik love tiin lungphang vak lo chuan ka haw ve ta mai a.
A tuk khua a lo var a, a hma zan lamah KTP group meet ah a tuk lamah nuclear ka ti puak dawn tih ngaituah miah lovin kan hun kan hmang a. Ka lo in enlawk ikhaw lo mai a, ka zam leh ta khawp mai a. Ka thiannu, ka thil zawrhpui tur lah chu kei aia nawi deuh zawk a ka ruat vangin a zam hlauhin kan fuih ru ve melh melh a. A dik tak chuan a fuihtu hi ka zam fe zawk a. A zawrh chhuah hun an thleng ta a, kei English subject kum 10 chuang la tawh lo, saptawng pawh a lam a lam dik hlei thei lo thu ziak leh English department-a an thiam pui nu, an Head of Department leh an zirtirtu nu te, leh hmun danga thawk lai, saptawng eizawnna atan hmang thiau te nen min han dah ho mai chu insit a na duh mai a nilova a zam awm zual tak zet a ni.
Hralh har Dangpuithu chu : Kan session kha a pui ve hrim hrim. Kum 1966 (buai lai) a thil thleng, buai lai chanchin in bul kan tan a, poetry te kan han hrut tel nawk nawk a, kum 1998 (nuclear test) a thil thleng in kan khar ta a nih kha. Kum 32 lai zin kawng kan zawh a nih ber chu. Local event a kan hawn kha international event in kan khar ta a ni. A international ber kha ka nawi ber in ka hria, a local event ber kha ngaihven hlawh ta ber in ka hria. Mualpho lutuk lo chuan kan han chhiar chhuak ve hram a, kan tho huai mai.
Chawngte Bazar velah chuan Dangpuithu zuar ila kan kan hralh theih dawn teh lul nen, Aizawl bazaar velah chuan zuar ila chaw kan nghei zauh zauh fo ang. English Department ho hnen a nuclear zuar pawh hi Aizawl khawpui a Dangpuithu zawrh ang lek niin ka hria. An tui zawng leh bengkhawn zawng poetry te an rawn au chhuahpui a, Mahabarata tih vel te an rawn sawi a. A tam zawkin North East lam hlir an hawi lai a, trauma ah rau rau pawh hmarchhak bial lam hawi miah lo han thut pui ve chu foreigner hmuh te pawh hian min hmu deuh roh in ka hria. Chawngte bazaar a ni ve miau lova. Thiantha te tawngkam thlum zarah hrehawm ti leh inchhir ngawih ngawih chuan kan haw bik loh kha maw….
Similar Posts:
- Nuclear Security Summit
- Bomb neih a mamawh!
- MESLC English Question Leak Out
- Ngaihtuah zui peihte tan
- Burma
November 8th, 2012 at 11:58 pm
va ziak thiam e…..
Report this comment
November 9th, 2012 at 12:04 am
Report this comment
November 9th, 2012 at 12:16 am
Ka va man lo ve le…. i pehhel deuh bawk si, i chem kalna vaivawm lam ziak leh mai teh…
Mahse chhiar a nuam phian…
Report this comment
November 9th, 2012 at 12:40 am
I sawi awm zia ka hre lo, mahse ka tan tho che.
Report this comment
November 9th, 2012 at 1:15 am
OT, tun mai a lo chhuak:Iran chuan US drone a kap!
Little said he thinks the Nov. 1 encounter is the first time an unmanned drone was shot at in international waters over the Gulf. He said the U.S. will continue to run surveillance missions in the region.
Read more: https://www.foxnews.com/politic.....z2Bf6ZJmjf
Report this comment
November 9th, 2012 at 6:45 am
Thu ziak pehhel deuh hi ka ning. Ka’n chhiar zet a, ka duhtawk ta mai. Vaivawm i thiam, nuclear chu zuar lo mai rawh
Report this comment
November 9th, 2012 at 6:57 am
Hmmm.. ka ziah lai pawhin a chhiar tu te an buai ang em aw ka ti reng a. Ka thiam loh a ni e, he tianga peh hel hi cuan rawn ziah tawh loh ka tum ang e….
Report this comment
November 9th, 2012 at 7:05 am
Ngaihnawm hle mai.
Report this comment
November 9th, 2012 at 10:13 am
I ziak ngaihnawm hle mai …
Mahse, i paper an lo pawm tho a hnu!
MZU English dept-ah ‘Dangpuithu’ i zuar hi a fuh lo i tihna ni berin ka hria…haha
I presentation chu ngaihthlak a chakawm khawp mai a..Ti zel teh!
Para 2-na: ‘daih’ tih turah ‘deih’ i rawn ti a; tin, ‘khawngaihna dil in’ ‘in’ hi zawm tur,
a ni khat ni in’ ‘in’ hi i zawm leh lo.. Hlauhawm zia..’zia’ hi zawm bawk la chhiar a nuam leh zual ang..hehe
Good post!
Report this comment
November 9th, 2012 at 10:22 am
Hnarliana ka lawm e, chhiar puat chuan a ngaihnawm phak la ring vak lo.Evergreen, ka lawm e, Mizo ziah hi a lo har em a ni,a bikin a ziah zwm ngat phei hi chu. Lo in zir zel ka tum ang e.
Report this comment
November 9th, 2012 at 10:30 am
Chhingte i thuziak dan hi a va han nalh dangdai thin tak em aw…
Awlsamte-a hriatthiam theih turin analogy i hmang thiam hi a turu a ni… Ti hi chuan keipawn Conference leh symposium zawng zawng chu ka hmu BAZAR ta vek mai dawn a ni.. KA ZUAR i tih pawh khi a awmzia hle mai a! Dangpuithu bazar leh Chawngte phei chu kei tluka mithla chiang thei an awm chuang lo ang. A awmzia mang e aw…
Pi Maragaret, Pi Cherrie te ho chuan an lo uksak pui vak lo che a ni deuh a ni maw… Nuclear avanga khawvel buaina hi POEM ang zawngin han phuah la…chu chu han sawi zawk ta la, an tuipui zawk hmel i tihna a ang hle mai. Ka lo tel ve chak lutuk e!
Nang chu i la ziaawm deuh alawm le… Internationla BAZAR pakhat hi tlai tawh takah an buatsaih dawn tih ka hmu a. Darkar 4 chiah deadline thlen nan hun a awm tawh si a. Isua tihloha ka chunga thuneitu pakhat zawk hi rawn lovin ka abstract kan ziak sawk sawk a, ka thawn ta a lawm le. An lo pawm ngei a…
Mi rethei, nungtlak lo – Lazara’n mi hausa chaw kilna bula a beisei ang khan inthlahrung takin bazar kal theihna lehkha chu ka pe a, a lawm ru viau tho nangin ‘min rawn loh avangin kal lo MAI TEH’ a ti tlat pek a nih chu mawle. A hnen atanga malsawmna danglam tak dawng leh turin a room kha ka chhuahsan ta a a nih kha, khami ni khan…
Fu her nen kha chuan a inang lo deuh a ni ngei ang maw… Tuivamit chho velah khan ar-la talh tur tha tak hawn tur a awm lo a ni chawk ang le tun tum chu. Mahse lungngai suh ropui takin kan la hawn em em ang.
A ngaihnawm ka ti lutuk!
Report this comment
November 9th, 2012 at 10:32 am
Thui ve comment phawt teh ang
Report this comment
November 9th, 2012 at 10:35 am
Ot hi e nge a awmzia Pu Hv?
Report this comment
November 9th, 2012 at 10:41 am
Nuclear atanga dangpuithu, Aizawl bazaar atanga Chawngte bazaar, International atanga Mizoaram.., thil hlu tak chu i ti ngei e. Thu lah i thiam…
Ka;n sawi hram te’ng…
Lunglei nu pakhat paw’n, Dangpuithu hi tui a ti lutuk a, a hmingpuma koh phal lovin Henry a ti daih! 
Cricket tuipui viau e ti lovin, vaivawm i tih ber kher hian a tipamhmai tlatin ka hria…
Report this comment
November 9th, 2012 at 10:43 am
@Ignatia, I rawn lang har ka lo ti reng a, i thuziak hi ka tuipui pha lo thin a, comment sei tur pawh ka nei ngai lova. Mahse, Ka thuziak i rawn comment hi chuan Pu A Thanglura’n chauh lai taka Beer a in a sawi ang khan ka harh thar leh sawng sawng thin a ni. Mi i fuih phur thiam a, ziah zel chakna min pe thin.
Pi Maggie a awm lova, Pi Charrie te ho nen kan pe ho teh reng a nih kha. A dik tak chuan a chhia tih an sawi lem lo na in Dangpuithu zawrh ang vel niin ka in hria a lawm le.
I Pu chu a va ti khirh ve mawle, Pu te ber in KAL MAI TEH ti lo vin KAL LO MAI TEH a ti khauh chuan sawi leh chuang tur a vang khawp ang le. FULLSTOP a ni tawp mai zel si a ti raw…Engpawh nise i comment in min i hrarh leh ta sawng sawng mai. Ka lawm lutuk e.
Report this comment
November 9th, 2012 at 10:47 am
@Dr Mahminga (PANLAI NUN specialist) Vaivawm chu ka la rawn ri leh hluai dawn. Kumpiunu an lo zin a, kan khawtualah kan lo nuai leh dawn a lawm. Dangpuithu chu kei tui ka ti over lo……
Report this comment
November 9th, 2012 at 11:13 am
I just read finished,it is really long post in misual.com
Report this comment
November 9th, 2012 at 11:16 am
Thangpasaisir, A thui vak emaw ni le, i chhiar chhuah chuan a lawmawm hrim hrim chu maw…
Report this comment
November 9th, 2012 at 11:21 am
Q.Do you have nuclear weapons?
Ans:What was the question?
Q.Do you have nuclear weapons?
Ans:Sorry,I can’t hear you.
Q.Are you developing nuclear weapons?
Ans:No,I literally can’t hear you.
Q.I’m going to another question.
Ans:Oh,I can hear you now.
Are yaar
Report this comment
November 9th, 2012 at 11:42 am
Ekhai a,Bal thakerey chuan nuclear test hlim khan tuna chuan khawvwl in mipa thei lo(eunuch ) kan ni lo tih an hre tawh ang a ti a sin…CIA pawh bakhaih tu kan nih kha mawle
Report this comment
November 9th, 2012 at 11:57 am
A ngaihnawm ngei mai. I lo ropui reng reng e
Report this comment
November 9th, 2012 at 12:27 pm
Chhingtea chu thuziah i thiam hle mai, a ngaihnawm hle a ni. Kei pawh hei Rama thuihruaite zingah Krista ka zuar ve a, hralh a kal mawh ve khawp mai. Mahse leitu zawng an awm ve zeuh zeuh
Report this comment
November 9th, 2012 at 12:32 pm
@awmte ,ka lawm e.@rawihte ,krista chanchin i zawrh Dan chu ngaihnawm deuh in lo ziak teh…a ngaihnawm dawn a sin
Report this comment
November 9th, 2012 at 12:36 pm
Chhingdailova’n bung thar kaiin chang dang a kan dawn elaw??
Report this comment
November 9th, 2012 at 12:41 pm
Chemtatrawt ,chang dang kan dawn lo e,vaivawm leh zin chanchin chu ka kalsan dawn lo rengs
Report this comment
November 9th, 2012 at 1:06 pm
Hetiang hi ngaihnawm ka tih zawng tak. A khamawm loh khawp mai.
Report this comment
November 9th, 2012 at 1:19 pm
Post changkang tak chu a nih dawn hi
Report this comment
November 9th, 2012 at 1:37 pm
@ahoma , ka lawm e,@chhana Pa,post changkang hi post a har ania
Report this comment
November 9th, 2012 at 4:34 pm
Poetry i ziak emo ka ti deuh mah mah chuan, Nuclear lam aimah pohin literature lam a kawk zawk mahin ka hria. (bo ve si aw.. keimah hi)
Report this comment
November 9th, 2012 at 4:42 pm
Hltau, a lawmawm e.
Report this comment
November 9th, 2012 at 7:55 pm
Report this comment
November 9th, 2012 at 8:57 pm
Dr John, ka lawm e,Pathian zarah bu hnih ka tuk pum ve tawh asin. LAL SALAAM tih leh KEIMAH CHHINGA tiin, in tawngkam tha avang hian ziak leh zel min ti chak thin.
Report this comment
November 9th, 2012 at 9:09 pm
#32 Post-tupa, Zoram chhuah chhoh hunah lei tur a awm chuan lei ka va duh em! Chhunzawm zel teh khai… “Hriat bakah Thiam” nen-a inkawp nei hi an tam lo. Mi Special tak i ni. Nangma tan mai bakah, Zofate tan Lungphun min hnutchhiah sak zel tihna a ni a, Lehkhabu ziak chhunzawm zel turin duhsakna sang ber ka hlan a che.
Report this comment
November 9th, 2012 at 9:26 pm
Dr john ,ekhai a va lawmawm em, i mifakna ka phu lo hle mai,i lo haw hunah lo sawi la ,ka mood fuh lai i nan fu h chuan ka lo rawlhruk dawn che nia…..
Report this comment
November 9th, 2012 at 9:36 pm
#34, Post-tupa ka lawm lutuk e. Ka rawn in report lutuk ang. I Mood fuh lai ngeiin ka lo kal ang
Report this comment
November 10th, 2012 at 10:10 am
@ Chhingdailova
LAL SALAAM kha i kutchhuak a lo ni reng a ni maw? Mahse ka la chhiar lo, ka en thuak ringawt..Good job!
Remchangah ka la chhiar ve ang..
Report this comment
March 23rd, 2015 at 10:52 am
Pro Garcinia
Nuclear ka zuar ve a. | mi(sual).com
Report this comment
September 8th, 2015 at 7:54 am
halong bay tours
Nuclear ka zuar ve a. | mi(sual).com
Report this comment