mi(sual).com

Kan hriat angin,MNF leh PC Party te chu an in zawm ta a,MNF party president Pu,Zoramthanga chuan, MNF leh PC party an inchhunfin chuan pawl dangte a barakhaih hle nia sawiin, a party chu atirah ‘a phal’ nen an an rawn lutah, hemi hnu hian ‘a vawnga’ lutin, tunah chuan ‘a hruih’ nen an inlawmlut mek niin a sawi bawk.

Zoramthanga chuan party pahnih infin a, party lian zawk din mai piah lamah an tum ber chu ram leh hnam leh sakhua hum-halh a nih thu a sawi a. Kum 10 chhungin Mizoram sum thawh-chhuah (per capita income) chu a sang bera siam theih anih laiin, economic khawvela Mizoram sa-huat ber retheihna hmanga vote zawn nan mipui te chu beih an ni tih a sawi a, sorkar laipui-ah tualto party ten thil an ti thei tawlh tawlh a, hei hi national party te chuan hria in rethei taka state mipui te siam hnuah sum hmanga thlem leh an ching niin a sawi bawk.

Mizoram chu hnam leh sa-khaw hrang hrangin a hual chung-in ruahtui, sik leh sa, ramngaw leh thlai chikim lo theihna anih bakah tuialhthei leh gas lipui chunga awm a nih thu a sawi. Zoramthanga chuan Party dangte chirthehna chu awmze nei lo ani tih sawiin, “Tunlai khawvel technolgy hunah chuan thangthar ten facebook an tih tawh laia, political ball atan Sertawk rawn ken-chhuah hi thangthar ten an pawm tawh lo,” a ti bawk.

PC Party President, Lalhming-thanga pawhin thu sawiin, MNF party au hla, ‘Pathian leh kan ram tan’ tih chu PC party au hla, ‘Ram, hnam leh sakhua humhalh’ nen a in an reng avanga zawm an nih thu leh chhul khat kual an nih reng thu a sawi a ni.

PC party Sr Vice President, Prof. JV Hluna pawhin thu sawiin, MNF ten an party thil tum ‘Six Basic Needs’ an tih thin chu an policy a an pawm vek avanga lawm-thu sawiin, Arsi symbol hmang ngeia sorkarna siam a beisei thu leh ram puma tualto party te vote neih chu 70 percent vel anih avang -in, hei hi darhsarh lova a luan khawm theih nan tualto party thawhho a tul thu a sawi bawk.

PC party te ngaih dan hi a tha ka ti riau a,nakum election thlir ran in thil chu an ti phawt mai a,tualto party thawhho hi kan ram tan hian a tha a ngem,i han sawi ho ang u hmiang

Source:The zozamtimes

Similar Posts:

• Pu Zoramthanga’n NLUP a hlawthlin a ring lo
• Vote thlak loh hi
• Cong. Minister hluiin MNF a zawm
• Pathian tih mi Zoramthanga
• Zoram tan engnge i tih ve theih?

Recent Posts:

• ZoRO Press Release
• MIZO KRISTIAN MARTAR THENKHAT TE
• BEIDAWNG SUH
• Bawihpuia kha
• L.Kira an tih chu (The man behind Lalzova)!

This entry was posted on Saturday, November 17th, 2012 at 8:00 pm and is filed under Politics. You can follow any responses to this entry through the RSS 2.0 feed. You can leave a response, or trackback from your own site.