Inthlahrung deuh hian kan lo post ve ange kan vei em sia. Hman ni post chhuak ah khan North East Student Federation a Mizoram represent tur khan Delhi Mizoram Chakma Students Union a mi daih Binny Chakma leh Lokesh Chakma annih avang khan comment pawh a tam ngei a (Chakmas representing Mizoram will not resign: NESF), rawn sawi ve kan chak lutuk a, mahse in inhnial na kha Mizo leh Chakma in do ang kha a ni ta daih sia, kan rawn tawng ve ngam ta lo ta a.
Delhi a awm chu kan nilo na a, chhung leh thiante Delhi a cheng kan neih ve nual avanga rawn vei kan ni e. Kan rawn zawh tum ber chu Chakma ho lam sawiselna nilo hian, tinge DMZP hian hmalak a neihloh lam zawk a ni. Chakma ho lo tel ve duhlohna lan tir ai kha chuan Mizo ngei tel ve tirna hma han lakna an nei lo emawni le? Chakma ho kha lo resign ta se, Mizoram ai ding tur chuan Mizo ngei dah an tum em? Nge an tum chuanglo? Chemtatrawta comment pawh kha a ngaihnawm rual rualin, a rawn sawifel zo lo deuh chu a ang in kan hria.
Chuti bawk chuan, Delhi Police For North East web site dpfne.com/index.php ah pawh hian, North East a state tin represent tur hian an Student Union a mi theuh an awm a, thenkhat chu NESF member te pawh an nia, a dang chu an nilo bawka, mahse Mizoram min represent tur hian tinge Binny Chakma leh Lokesh Chakma te tho hi an nih leh tak le? Kan Naga thiannu in min rawn zawt a, han chhang ngaihna kan hrelo lutuk a. Chakma ho kan sawiselna lam a nilo a, kan rawn zawh tum ber chu DMZP hi heng lamah hian an tel ve duhlo nge, an lo hre lo nge, a awmzia hi ka thiannu nen kan hre chak a ni.
Adminten he post hi min lo chhuah sak thei u la kan ti ngawt mai.
- Rozami leh Mami
Similar Posts:
- Chakmas representing Mizoram will not resign: NESF
- DMZP Press Release
- Separate timezone for North East
- Cheraw Lam at ‘Images and Songs of North East’
- 86% of North Easterners Face Racial Discrimination in National Capital
November 23rd, 2012 at 3:22 pm
O ho le, Pu Chemtatrawta rawn chet hun
Report this comment
November 23rd, 2012 at 3:26 pm
NESF hi pawl ding tir ni mah se, DMZP rin ai hian an lian deuh em ni le? Ngaihtuah chian a ngai e… ti-hot ila, ralkhat atangin lo thlir ang..
Report this comment
November 23rd, 2012 at 3:31 pm
In va han sawi ngun ta malh malh em
Report this comment
November 23rd, 2012 at 3:57 pm
An hrelo ani ngei ang, lo ti ve ngawt teh ang. DMZP hi a active viau thin si ani lawm ni? Hre zawk ten han comment teh u. Ka hriat loh lam ani.
Report this comment
November 23rd, 2012 at 3:59 pm
tren tren
Report this comment
November 23rd, 2012 at 4:08 pm
he thil hi chu ka hre chiang ve. DMZP President pawh an hrilh reng alawm, hma engmah an la lo anih kha, member duh zat zat anih theih a, kan ram thenawm state pawh in member 4/5 an nei thluah alawm. DMZP hian member nih tum ve na atan hma ala lo ani mahna
Report this comment
November 23rd, 2012 at 4:27 pm
Hei hi a lawm keipawh hmanni khan ka comment-ah khan ka rawn zawt ve deuh va. Chemtatrawta kha a fel viau a, zawhna awmte a rawn chhang zung zung a, mahse duhthusamin DMZP lam dinhmun kha a rawn sawi thei lo tlatin ka hria. Hei hi chiangkuang taka rawn sawi thei awm se a tha khawp mai.
Chennai lamah pawh hmanni lawk khan Chennai Corporation hruaitu pakhat hmalakna zarah Northeast Forum din a ni a. Hetiang ‘pawl’ din tulna hi hre lutuk lo thin mah ila lehlamah chuan a ‘big picture’ thlir thiam hi a ngai a. Northeast hnam hrang hrangte kan in hriathran ang hian vaiho hian min hrehrang ve tawh si lova. Entirnan, thlahmasa lawka khawpui thenkhat atanga Northeast mi tam tak an tlanchhiat vak ang te kha. Chuvangin a chhe ber ngaihtuahin hetiang platform hi kan la hmang tangkai dawn a ni tih hre reng chungin phur vak lo pawh ni ila, participate hram thin hi a tha.
Report this comment
November 23rd, 2012 at 4:43 pm
Le, han in chhang teh u le.. Hrechiang deuh ho khan
Report this comment
November 23rd, 2012 at 5:00 pm
MZP te pawh inrawlh hial sela a tha lawm ni? MZP hotute khan tawngkam chhuah thei sela aw!
Report this comment
November 23rd, 2012 at 5:29 pm
# 7…
I sawi ang khi ka rin avangin kei paw’n, post hmasaah khan ka sawilang zauh tawh…
Mahni mawnghlimna pawh ni mah se ka’n sawilang hram te’ng. North East Exodus (an tih mai kha) lai khan ka hna tula ka zin avangin duh angin ka thawhpui te (Bangalore Mizo Association) ka tawiawm hman lo hle a; tin a tir atanga inhnamhnawih lem loh chuan phur a har phian. Mahse, ka thawhpuite’n thahnemngai taka NE unaute nena thawhhona an siam kha a inchhirawm lem lo khawp mai..
DMZP hian sawmna an dawnga, an uksak lova, tun boruak hi an thleng leh si a nih chuan insiamthat a ngai ang em? NE hminga pawl a din tawh si chuan… (ralkhat atanga hriat a ni bawk a, huai taka sawi erawh a har..
)
Report this comment
November 23rd, 2012 at 5:32 pm
#7
Report this comment
November 23rd, 2012 at 6:02 pm
Thudang alai chuan in ngaihdan ani lo mai thei a, NE nih vanga inkhawrbin vak vak hi tul ka ti lo. Kan NE state thenawmte an selfish hlawm si a, kan tluk lo fo nen.
NW, SW leh SE pawh an in hawr khawm bik lo. Mahni state promote hlur ila, Goa pawn SW dang nen an tang kher hlei nem.
Report this comment
November 23rd, 2012 at 7:36 pm
Kei chu DMZP member hlui ka nia, mahse in tawng vak vak ang a, enge mah in in ngaihsak leh dawn lo tih ka hre reng a. DMZP lam in awm an chhuah hunah pawh ngaihsaklo, an beih dan an sawi pawh beng khawn duh lo in va tam leh dawn em….. Comment a sei leh ngawt ang chu hehhehe
Report this comment
November 23rd, 2012 at 7:39 pm
Keichu DMZP hlui ka ni velo na in, “A Hot leh dawn e.” Tih hi ka ngaihdan chu ani e.
Report this comment
November 23rd, 2012 at 7:40 pm
DMZP hian theihtawp in hma a la a, tunah hian NESF hruiatu te nen pawh inbiakna neih mek a ni a, kan duh ang leh tum ang in thil a kal ngei pawh kan ring, Tin thil hriat fiah loh tam tak a awm a, heng hi chu kan dinhmun kan sawh ngheh a, hotute nen a kan inbiakna result a chhuah hunah kan puangzar ve dawn nia..Tin NESF meeting a DMZP Representative an kalloh na chhan kha chu Delhi a Mizo awm te chhiat tawk an awm vang a ni a, DMZP hian Delhi a chhiat tawk an awm chuan engtik hunag pawh zanlai pawh nise buaipui tur in kan chhuak khawm thin a.. chuvang chuan ngaihthah lam a ni lo tih kha min lo hriat sak dawn nia..leh thil hi bawh rum rum ai chuan thluak fim taka hmalak hi a tlo fo ngai a nia
Report this comment
November 23rd, 2012 at 7:44 pm
chhingdailova #13 pawimawh leh tul chu, a ti theite kiang a Mizo te thlavang hauh ngam leh hamthatna tur bawhzui ngam nih . Sawi sawi mah ula/ila, thu thlenna tur hmunah tak kan thlen chuan si loh chuan kan sawi zawng zawng kha engmah lo mai a chang thin. Hnamdangte chuan thu thlenna tur hmunah tak an thlen chat zel a, an tan a tha zel fo. Mizo te erawh chuan kan sawi sep sep a, thu thlenna turah tak kan thlen leh ngai meuh lo…kan zuzi leh fo thin.
Chakma te pawh hi thawm dim thiam takin an awm a, a hunah chuan thu thlenna tur hmunah ngei an zualko vin emaw, thu an duh ang an thlen hmak zel mai a (dan chhungah ngei), India sawrkar pawh hian Mizo te lakah a thlavang a hauhta fo mai niin ka hria. Kum tam a liam hmain, mihring tam em em pawh an awm hmain, Mizoram chhungah minister pakhat aia tam kan nih tir a, nakin lawk, kum tam lote ah chuan kan CM pawh an la ni mai tur asin. “Takam, Takam” kan ti a, an hnuaiah kan la kun reng mai tur ania. Fimkhur leh fing thiam takin Mizo te hian an fin kan chelh a pawimawh ka ti tak zet.
Report this comment
November 23rd, 2012 at 7:45 pm
Sandman, Chemtatrawta te inkhawm zan a nia, an tan hun chu a la ni lo na in a hman rih o a niang…DMZP lam an tawng bak hi chu ngaihdan sawi vak loh hi a him ber a nia… Khi kan hruaitu te an tawng tawh khi aw….
Report this comment
November 23rd, 2012 at 7:46 pm
#15 han tang tang tang teh se
Report this comment
November 23rd, 2012 at 7:47 pm
Delhi ah hian ka awm tawha, DMZP hi a che sual ngailo khawpmai ka awm lai kha chuan an hruaitute pawh an tha hlawmin an puitling hlawm bawka. Tuna hruaitute erawh ka hre hlawm lo.
Report this comment
November 23rd, 2012 at 7:49 pm
Mizo tan kan ding a, theihtawp kan chhuah zel ang mase thil in hriatchian loh vang a DMZP lam beih vak hi chu a tuar tu te ngaihdan hi hriatsak ve hram thin ila,,,kan hmalakna hi la sawi chhuah chi a la ni lo,,,mase Mizo te tana lawmna leh hlimna thlen turin tunah hian inbiakna khunkhan taka neih mek a ni…. kan thupui Tanrual hi chakna tih anih ang in Delhi Mizo te hian Mizo rem leh hnam humhalh na theihtawp kan chhuah thin a, kan la chhuah zel bok ang
Report this comment
November 23rd, 2012 at 7:49 pm
funny #19 Delhi i awmlai kha a nuam ka ti. Chaw pawh min kilai tui khawp.
Report this comment
November 23rd, 2012 at 8:01 pm
Engnge thil awmzia dik tak hi le
Report this comment
November 23rd, 2012 at 9:30 pm
Mizote kan chaklohna lai tilang chiangtu ni hmiang ka ti mai. Keimahni leh keimahni kan inkawm let let a, hnam dang zinga han tel ve leh hnam dangte nen thawhhonaa hma han lak te hi kan chak lem lo a ni awm e. DMZP ten Mizo societya tangkaina an ngahzia leh an hruaitute an hah tur zia pawh hi a hriat reng mai; mahse hnam dang zingah chuan Chakma thenkhat ai pawhin an tal na thei lo a nih hmel e. Tan kan lak a va ngai em!
Report this comment
November 23rd, 2012 at 9:56 pm
Diplomatic war anih hmel a, tan han la sauh sauh teh u.
Report this comment
November 23rd, 2012 at 10:18 pm
Ka hre thui ve vak lo hle mai
Eng pawh ni se #7
Report this comment
November 23rd, 2012 at 10:18 pm
Lehkha ka zir ve laiin DMZP President ka ni ve mial tawh a, a hnua hnathawka ka awm lehin DMZP Adviser-ah min ruat leh bawk a, chuvangin DMZP hi hrechiang ve thawkhat tur ka ni awm e. Mizo leh a bikin Mizo zirlaite hamthatna tur leh an tana pawimawhah chuan DMZP hi a tlanchhe mai lo ang tih leh, chutiang thil chu a ngaihthah mai ngai hek lo ang tih ka ring nghet tlat.
Tunah pawh, a chunglama Faith Hnamte-in a sawi ang khian, hmun danga awmte’n kan hriat ve lohin hma an lo la zel a nih hi. DMZP hruaitute leh memberte kha tangrualin kal zel ang che u!
Report this comment
November 23rd, 2012 at 11:28 pm
Pu hlatekhua, In hun lai leh in junior te angin hruaitu thenkhat techu an puitlingin an intellectual velo maithei.Tun thilah hian an react har angrengin ka hria. ka hriat sual loh chuan. Hmun dang ami tena an hriat a an sensitive hnu ah chauh an react ve tan in ka hria. Emergency meeting an neih hma khan he news hi ka hre tawh. MSU ina an rawn tih hnu ah Emergency meeting an ko chauh niin a lang. An che muang deuh anih hmel chet muan thu ah pawh, tin an diklohna an sawi pawh kha a dik hmel hi ka tia. nghe nghe nghe
The most belated emergency meeting. lol
Report this comment
November 24th, 2012 at 2:58 am
Delhi a awm chu ka ni lo nain #27 hi ka rin dan a ni…engtik atang khan nge hma an lak tan? NESF chu mumal taka form a nih hnuah em ni? Heng hi alawm tuna sawi chi chu..a tlai chuan tlai ..bura tui a khah tawh chuan thun belh a har twh thin
Report this comment
November 24th, 2012 at 5:52 am
Mahni hnam bil theuh a in tih let let hi chu a tha tho a. Mahse hnamdang te hi fing taka kan kawm nasat a ngai a ni. A bikin mizo mipa te hian hnamdang te diplomacy that zia leh politics an hman thiam zia hi hriat a tha. Vai ram a awm thei tan chuan hnamdang te kawm a zu in pui leh party a kal pui mai mai lo in an hringnun hi nasa taka zir a tha. Hnamdang hian, a bikin vai ho hian an ei duh loh zawng tak ei ngawt pawh in min then khum sawk sawk duh a. A ruk in kan awmdan ah hian min hrethiam ve fe emaw pawh ti ila, min hmusit ru phian thei a ni tih hriat a tha khawp mai..
Report this comment
November 24th, 2012 at 8:09 am
Hawh u, i din thar leh ang u!
Report this comment
November 24th, 2012 at 2:26 pm
weekend ania a hot vak theilo tlat anih hi a, han tih hot deuh tum pawhin.
Report this comment
November 24th, 2012 at 2:28 pm
Helam hi ka hre thui lo khawp mai a. He pawl tangkaina te, engtiang chiah in nge kan chhawr theih ang tih te pawh ka hre ve lo reng reng a. Han sawi ve vak tur pawhin sawi tur ka hre lemlo a. Kawmen ve ka duh sia, ka rawn kawmen e.
Report this comment
November 26th, 2012 at 6:25 am
Chakma ho pawh Mizoram chhuak annih chuan mizoram ai an awh thei tho a lawm. Vai hovin Mizo te hi foreign ah india ai awh phal talo se in thinrim dan tur zia kha ngaihtuah teh u, vaiho an racist, min thliaar hrang, min en hrang ti in in be leh chel chul mai ang. Chuvang chuan Mizoram chakma ho khan mizo dang te ang bawkin unlimited, full and unbridled rights to represent Mizoram tih kha lo hre ve kir ker ta che u Mimawl rilru te , thinawrh ho!
Report this comment
November 30th, 2012 at 8:58 pm
Internet neih loh zarah mi ak rual lo deuhin lo ak ve ta ila. He group-ah he topic hi an discuss nasa viau a lo ni awm e. Ka lo en lova. Thu tlem azawng han tarlan ve a tulin ka hria.
DMZP hruaitu hi tling lo takin ka lo ni ve tawh a. Hnamdang kan NE pui ho nen hian pawl vawi hnih kan din hman a. Mahse, kan tel pawh an duh vak lohna sumsiam nan NE pawl hi a lo ding nual bawk a. Kan hriat lem loh hian Mizoram hi min represent thin a lo ni a. Tin, Naga ho hi heng pawlah hian an tel tha duh lem lova. Anmahni an inla lian ve bawk nen. Chuvangin NE pawl ka din dawn tih nazawng hi chaw tak khuka khukpui an har hle. Tin, ram buai leh buaina ngah an nih hlawm avang hian tel ve thin hi a hahthlak hle bawk.
NESF ngei pawh hi DMZP leh Arunachal Student Union hmalakna in kum 2007 khan din a lo ni tawh a. Thiat pawh thiat a nih mumal hmain hetianga an din nawn leh hi ngaihtuahna a ti thui ve bawk. A hmuna thil hriat chian hnu hian comment ve thin ta mai mai ila. Ral atang hi chuan thu hi a punlun hma ve a
Report this comment
November 30th, 2012 at 9:13 pm
Raldawna..
an thuthmunah hian thil hi an lo sawisel ve zuah zuah hlawm a.. 
Report this comment