ISUA BIRTHDAY-II

November 30th, 2012 9:39 pm by PKfanai

Krismas alo hnai leh ta hle mai a, Mister-a thuziah kha han chhan ka duh viau laiin, hetia Post hrana chhan lawih law law hi ka thlang zawk deuh thin a(Ka style ani ve mai ang chu). a point te tein I han chip dawn ang hmiang.

1. Thuthlung hlui a Mosia hmanga ‘Dan’ a pek “Ha aiah ha, mit aiah mit” era atangin ‘Khawngaihna(Grace) Period min kai pui a, Jentail-te ni-ah min luhpui hi abik takin keini Jentail te phei hi chu Lawm tur kan ni tak meuh mai.

2. Setana leh a tirhkohte hi Thlarau taksa(Spiritual beings) annih tlat avangin, he mihring tisa pu thisen lum nei leh awlsam taka thi thei te hnenah hian, a ngial anganin an inlar hi a remchang lem lo.(Hei vang hi a nia, thupui tawpkhawk anih loh chuan, Ramhuai hmuh nazawng hi ka awih duh miah loh ni). Mihringte an rawn bia emaw, an pawl duh anih chuan, Tisa nei engemaw mihring emaw, ramsa emaw an hman a ngai a ni. Setana pawh khan, Rulpui a rawn hmang ani ve mai.

3. Pathianin, “TIH LOH TUR” Dan(Law) pelo sela chuan, SUAL pawh a awm lo tur hi a nia. Nimahsela, Pathianin mihringte kha TIH TUR (Purpose) neiin a siam a. Amah nena lengdun thin tur leh He khawvel leh a thilsiam dang zawng zawngte chunga thu neia, enkawl turin a siam a, Eden huanah khan a dah a ni. Tin, TIH LOH TUR Dan 1 a pe tel bawk a, chu a dan siam an bawhchhiat avang khan, Sual an lo ti ta a, Pathian thu aia Setana thu awih zawk na kha, SUAL chu a ni. Tin, Chhia leh tha hriatna thei ei kha, thil sual ani tih an hria a, Evi pawhin rul hnenah a sawi kha.

4. Tunlaiah ngei pawh hian, Setanan min thlemin, ‘Setana thlem ka ni’ tih kan inhre ngai kher lem lo. Hetiang ISUA BIRTHDAY Post siam a, Isua Pathian fapa sawichhiatna thil Post tur pawh hian Setanan a thlem thlu che tih I inhre kher em ni?

5. Eden huana Adama leh Evi thih nghal lohna kha, Pathian Khawngaihna(Grace) lo lan tanna ani reng a ni. Tin, Mihring ten Nunna kan neihna, Nunna hnar Pathian nena an inzawmna chat, Thlarau thihna kha THIHNA hlauhawm zawk, Lal Isua ngei pawhin HLAU tura min zirtir zawk chu a ni.

Tin, Adamate kha, thi tura siam anni lova, bawhchhiatna avang khan an thi ta chauh zawk a ni. Kum 930 chhung zet a dam a, Pathian ngaih chuan, ni 1 hi kum 1000 tluk ani thei a, kum 1000 pawh hi ni 1 ang chauh a ni bawk.

6. Setana thlemna tuar theia min siam hi min hrem a tumna hmanrua nilovin, a HMANGAIHNA ropui leh mak chung chuang lutuk, a fapa Isua Krista kan tuar ai tuar tira a lantirna tur a ni zawk e.

7. Setana Phuara a awm leh, Chatuan Meidila paih la nih hma hi chuan, hringfate hian kan la tuar zel rih dawn.

8. Isua Krista hian Mihringten thlemna kan tawh theih ang chi zawng zawng hi a tawk vek tih bible-in min hrilh a, a hautak em em zia pawh a hria. Thlalera Setanan a thlem te, Gethsemani huana a tawngtai dan te kan hria e. Nimahsela, Sualah erawh a tlu ve lo mai chauh a ni.

Tleirawl thisen lum lai te hnena a zirtir chu, “Mit 2 neia Gehena-a kal ai chuan, mit khing khat chauh neia Vanrama luh a tha zawk…kut 2 neia Gehena(Chatuan meipuia) kal ai chuan, kut 1 chauh nei chunga Vanrama luh a tha zawk” tih a ni tiap mai.

9. Pathian hian, a thianghlimna leh Dikna kalh khawpin a hmangaihna leh Ngaihdamna hi a pawtfan ngai lo tlat. Pathian dik (Just God) ani tlat a. Ama thupek kalha chet ai chuan, amahin a hremna tuar mai pawh a thlang zawk.

10. Thuthlung hlui hunah kha chuan, Mihringte(a bikin a hnam thlan Israel fate) kha Pathian thianghlimin Mihringte min phut(Criteria) ang chiahin a teh(Judge) a, an bawhchhiat chuan, hrem nghal tur anni mai a ni. Mahse Khawngaihna hlimthla(shadow of Grace) chu lo langin, a fapa Isua Krista thianghlim famkim aiawh turin Beram no sawisel bo chu an sual thawi nan, an sual aiawha tawrh tirin, Puithiam ten Pathian hnenah an hlan thin a, Pa Pathian chuan, a fapa Isua aiawha ngaiin an sualte a lo ngaidam thin a ni.

Thuthlung thar hunah erawh chuan, a hlimthla mai kha ni tawh lovin,amah tak tak Isua Krista chu a Pathianna hlip thlain, mihring rethei ber leh tlawm ber anga Hmeichhe thianghlim lak atanga lo piangin a lo sei lian a, vawi tam tak maichama inhlan nawn ngai tawh lovin, Kalvari tlang Maichamah chuan vawikhat inhlanah a lo tlak fel ta a, “A KIN TA”(It is finished) tiin HNEHNA HLADO a lo chham ta a ni.

Tin, “Thuthlung hlui hunah ‘HREMHMUN’ sawina a awm lo” tih hi in sawi leh thin a, bible zir chian loh vang mai mai a ni e. Thuthlung thara hremhmun sawina ho kha Thuthlung hlui hun ami atanga lakchhuah annih thin bakah, Deuteronomy 32:22 te, Daniala 7:10- te bakah Juda ho lehkhabu dang Rosh Hashanah 16-17 te, Baba Mezia 58 te, Misnah Eduyath 2:10 te, Judith 16:17 te leh Solomona Sam 3:13 ah te pawh chiang takin hmuh theihin a awm.
Pathian fapa mal Isua Kristain, a Pathianna hlip thla a, mihring rethei ber leh tlawm ber anga Hmeichhe thianghlim lak atanga lo piang a, lo sei lian a, vawi tam tak maichama inhlan nawn ngai tawh lovin, Kalvari tlang Maichamah chuan vawikhat inhlanah a lo tlak fel a, “A KIN TA”(It is finished) tiin HNEHNA HLADO a lo chham na tura a lo pianna Krismas, Pathian leh Mihringte inkara inzawmna chat tawh Suihzawm lehna leh, Chatuan nunna Kraun hlu Eden huana kan hloh tawh min rawn pek let leh na tura Van Lal fapa he leia mihringte anga alo pianna hi LAWM TUR KAN NI E.

Similar Posts:

Recent Posts:

21 Responses to “ISUA BIRTHDAY-II”

  1. 1
    Awmtea Leo Khiangte Says:

    1st ve hlauh em aw…….

    Report this comment

  2. 2
    Chhuaklinga Says:

    Setana leh a thuihhruaite tan chuan REMNA LAL lo piang chu a lawmawm hauh lovang le. :-)

    Report this comment

  3. 3
    Vetehmial Says:

    Chhandama kan awm theihnana tuartu,Pathian fapa mal neihchhun Isua Krista chu tu fa in nge sawichhia le..ava zak theilo ham ham ve.

    Report this comment

  4. 4
    caribou Says:

    Thuziak tha tak chu a va ni chiang tak em.

    Report this comment

  5. 5
    Joyce dady Says:

    Mr.mister a post kha ka chhiar chhuak vek a.. Ka hriat theih zong chu,Pathian lak a hel na ani.coment pawh ka tum duh ting lo,Pu,Pk. a fiah khawp mai,.MR.Mistera Pathian hi a la sapji nasa dawn sia aw..a mah chawp hian..lolz

    Report this comment

  6. 6
    Patan Star Says:

    Sawichhiat pawh theih loh, vetehmial te leh a ringtute chhan ngai, fak phut tlat, chawimawina leh thisena inthawina duh mi hi chu Pathian a ni lovang. Pathian suak anih ka ring.
    Ka Pathian chuan he leia a thu ka awih loh vang hian hremhmunah chatuanin min kaltir dawn lova. Ka fak a phut ve lo. A lakah ba ka nei lova, min phut hek lo bawk. Ka Pathian chu ka nunah a rawn inrawlh chhen lova, ka tawngtai pawh a ngai lo.
    Kan Pathian hi an inang lo a nih hmel.

    Report this comment

  7. 7
    caribou Says:

    Kan thurin khawih danglam dawrh thei leh kan rinna tinghing thei tur thuziak tam tak, kan chhiar atana chhawp chhuaha awm thin te, thahnemngai taka hetia in chhang a, in rawn hrilhfiah thin hi a lawmawm khawp mai. Good post. Pathian thu lampang ziak hi, comment a tlem thei si a, a ziaktu tan a phurawm loh thin khawpin ka ring thin. Mahse e, posttupa, thuziak hlutna hi comment tam leh tlemah a innghat kher lo a nia, chuvangin thahnemngai takin ziak zel rawh.

    Report this comment

  8. 8
    Awmtea Leo Khiangte Says:

    Pu PK-a hi chu hetiang lamah hi chuan ka ring tawp mai. A chhang thiam berin ka hria, rindan mumal lo lutukho hi dik takin a chhang fithla leh then thin

    Report this comment

  9. 9
    mamboihi Says:

    Pu PKa a rawn Misual ve thin hi chu Pathian hian kei ang tan hian a rawn Misual tir ni te hian ka hre thin. A va tha in a va fiah tak em.

    #7 caribou sawi ang khian thahnem ngai taka hetianga in rawn sawifiah thin hi a hlu em em e.

    Pathian ropui ber zel rawh se AMEN.

    Report this comment

  10. 10
    Chhuaklinga Says:

    Muttui, zing thawh nuam ule. (F)

    Report this comment

  11. 11
    Ignatia (33-115 AD) Says:

    Hats off Pu PK… (Y)

    Report this comment

  12. 12
    H.Vangchhia Says:

    Post tha tak a ni e (Y)

    #11 lukhum i khum em ni? ;)

    Report this comment

  13. 13
    sheldon Says:

    Tukchhuah nuam vek u le (L)

    Report this comment

  14. 14
    lr hlonchhing Says:

    A tha hle mai (Y)

    Report this comment

  15. 15
    Zapper Says:

    Tha lutuk (Y)

    Report this comment

  16. 16
    PKfanai Says:

    Post Pending 15 a awm a, 7 chu Pu Rinzova K.Lalhnam, Patan Star-3 leh Mr.Mister-3 an nia. Hmabak a chhah tha fu mai. A kheuh beuh zawng ni lovin, Thudik hi Ro phumruk angin zawng tak tak ula chuan, in hmu ngei ang. A zawng tak tak tu lakah chuan a inpuang thin si a.

    Report this comment

  17. 17
    Joyce dady Says:

    Pu,Pka post,pending a la awm hi khawgaih in han ti chhuak hmasa teh u..ka lawm ngawt ang..admin fel tak tak te u

    Report this comment

  18. 18
    Sihtea Says:

    Pka ngenge sawifiah thiam khawp mai.

    Report this comment

  19. 19
    VL Hminga Says:

    A tha hle mai. Mahse ka hriat dan chuan ringtute kan nih tawh chuan ei leh in ah kan buai loh hi a pawimawh hle zawk lo maw. Kan ei emaw kan in pawh in Lalpa ropui na tur vek a lo ni tawh a. Piangthar tawh in a taksa chakloh lai emaw, a rilru hah laiin emaw lo in tase la, chu chuan a rinna kawngah khan a tibuai lo chauh ni lovin a chhawk zawk thin.

    Report this comment

  20. 20
    PKfanai Says:

    Vl Hminga chu i comment sual ani lo maw? “Zu in dan thiam” tih post vela comment na tur a ang. Piangtharin a nunah buaina leh harsatna a neihin, Zu in ruih hnepa a buaina sutkian tum chi ani dawn em ni aw?! Bible chhiara tawngtaiin emaw, Pathianmi te amah tanpuitu tur a zawng tur ani zawk dawn lawm ni?

    Report this comment

  21. 21
    VL Hminga Says:

    A ni khawp mai. Zu hi inruih kher a ngaiin ka hre lo. Zu in pangai hian Pathian biakna a dal lo tih hi keimah ah chuan a chiang. Motor ka ruih laiin ka in tawh a, chu chuan Pathian nen a kan inpawlna a dal hauh lo mai.

    Report this comment

Leave a Reply

You must be logged in to post a comment.