I thu ang zelin ka chungah thleng rawh se.
Nausen chibai bukna atana pawimawh ber chu “mahni inhlanna/ inpumpekna” hi a ni kan ti thei awm e. Nula thianghlim leh sawisel kai lo, nula fel Mari hian nausen lo piang tur chibai buk nan a thianghlimna, a hmingthatna leh a nulat mawina zawng zawng a hlan a, a pasal hual Josefa pawhin a nupui hual, a thinlung luah khattu, a damchhung kawppui tur atana lungchim taka a thlan, Mari chu hmingchhiatna leh mualphonain khuh dawn mahse a hlan a, an pahnih inkara relationship chu lei leh van inkara relationship a awm theih nan a lo hlan a ni.
Khawchhak mifingte pawhin an in lum leh an chhungkhatte kalsanin vana arsi hruaitu chu enin an thil neih rohlu te hlanin, lawman rangkachakte, beraw te, murra te chu nausen hnenah chuan inngaitlawm taka a hmaa chibai buka bawkkhup chungin an hlan a ni. I in lum nuam tak, I chhung leh khat lainate, I thenrual thate leh I ‘comfort zone’ kalsanin, I neih rohlu ber- I thinlung hlanin nausen Lal Isua hi he hunah hian bawkkhupin chibai I buk ve dawn em le??
Berampute’n phulah an beramho an veng a, Lalpa Vantirhkoh chuan lei leh van tana remna thuthlung, Chhandamtu Krista a pian thu a rawn thlen ta a. Chu veleh beram vengtute chuan, “Tunah Bethlehem khaw thlengin kali la, Lalpan thu min hrilh lo thleng chu I en ang u” an ti ta a. Tichuan, an beramte kalsanin nausen chibai buk turin hmanhmawh takin a zan la la chuan an chhuak ta a. Nausen chu vantirhkoh sawi ang ngei chuan an hmu a, chibai an buk a. TIchuan, Pathian chawimawi leh fak chung zelin an kir leh ta a . I hna, I zirlai, I thiltih leh I hna pawimawh khan nitina nausen chibai I bukna tur a dal fo thin em?? Lalpa thlarauin a sawm laic he hian nangmah zawng zawng inhlipthlain kalsan la, thlarau thusawi en tur chuan han chhuak teh, a ropuizia leh a thusawia a rinawmzia I hmuh avangin Pathian chawimawi leh fak chung zelin I kir lo hauh lovang le..
In engkim hlanin, chhungkimtea, lungrual taka nausen chibai buk chakawm thin mahse I kalchhuahsan a tul thin, lungleng leh khawhar taka midangte chhandama an awm theih nan I nawmna I sacrifice a lo tul ang, nangma lam tul leh pawimawh bettlatte kha thlarau hnathawh en tur chuan I kalsan a tul fo ang, nimahsela hei hi tiam tlat I ni, khawi hmunah pawh awm la Lalpan a awmpui zel ang che.
Similar Posts:
- KHAW CHHAK MIFINGTE LEH NAUSEN ISUA
- Nausen Lal Isua hi engtin nge kan lo lawm ang?
- NU 163
- Ka Lalpa Kraws
- Bethlehem Arsi leh Khawchhak Mifingte.
(Y)
December 3rd, 2012 at 11:48 am
Chhiar ila
Report this comment
December 3rd, 2012 at 3:28 pm
Misual.com hi ava reh ta ve.. keini te pawn kan comment ve ta tluk tluk mai. Tunlai chu Atheist inti ho post atam a, chutih laia he post han chhiar chu a hahdam thlak khawp mai. Ka inhlan e.
Report this comment
December 3rd, 2012 at 8:06 pm
Vantirhkoh leh arsi min hruaitu chu rawn inlar se chu a biling-abalangin ka phet chhuak nghal tur a.
Krismas chu engvang pawh lo ni se, he hun hian special riauna a nei tlat a keimah-ah. Midang tanpui duhna leh mite tana hlimna eng emaw tal tih hi ka chak thin.
As the saying goes, “There is no wrong time to do right things”.
Now I know why I always feel all warm inside at this time. It’s because I fell in love, truly, madly, deeply around Christmas time. No words can describe my happiness that day.
Hope all my readers have something to be happy for this Christmas season.
Report this comment
December 3rd, 2012 at 8:59 pm
Mr.Mister, whatever be the reason, it feels nice to be of some help to humanity..
Report this comment