Chhiar tur : Mat. 2: 1-12
“Khawiah nge Judate lal lo piang chu? Khawchhak lamah a arsi kan hmu a, chibai buk turin kan lo kal a ni” tiin khaw chhak lam atangin mifingte Jerusalem khua an thleng rup mai a. Judate lal pian thu reng reng an hriat loh avangin Jerusalem khua a buai zo ta, lal Heroda pawh a mangang hle. Judai rama Bethlehem khua zawkah Judate lal chu a pian tur thu an hriat fiah hnu chuan mifingte chu Bethlehem lam panin an chhuak leh ta a, chu mi hmun pan chu an hreh lo a, an tlawmngai lo a ni.
Bethlehem an panna kawngah hian khaw chhak lama arsi an hmuh ngei mai kha an hmu leh ta a, naute awmna chung zawn a thlena a din hma loh zawng an hmaah a kal ta zel a. Arsi an hmuh chuan mifingte chu an hlim nasa em em a, in chhungah an lut a, a nu Mari hnena naute chu an hmu a, an bawkkhup a, chibai an buk a, an ro bawmte an hawng a, a hnenah chuan lawmna – rangkachak te, beraw te, murra te an pe a.
Khawpui Jerusalem ah lal thar lo piang chu hmu lo ta la, lal pian thu pawh tuman lo hre lo se, beidawngin i kir leh mai angem? Mifingte chu an ni hauh lo, beidawng lovin thingtlang khua Bethlehem lam panin an kal leh ta. Chu mi kawngah ngei chuan ani arsi an hmuh kha van sang taka ding mai lovin a rawn inlan leh ta a, an hma a hruai ta a nih kha, a va han hlimawm dawn em! Jerusalem a tawp mai lovin nausen chibai buk tur hian hmun khawhar lam i pan ve ang u, chutah chuan hruaitu arsi kan hmu ang.
Milian in ni lo, lal in ni lo, ran inah nu tlawm tak malchunga nausen chu sit hauh loin bawkkhupin chibai an buk a, an ro hlu tak te chu an pe ta a ni. Khawiah nge nausen chibai kan buk ve dawn le? Hmun changkang lo leh hmun tlawm tak, beisei lohna deuhah nausen Isua chu hmu ta ila, kan ringhlel ang em? Chibai kan buk ang em? present kan pe tho ang em? Nge kan kal san anga, Isua dang kan zawng zawk ang? Mifingte hi chuan ringhlel hauh loin, sit hauh loin lung si takin chibai an buk ta anih kha.
Similar Posts:
- Christmas hlathu diklo ka tih thenkhat
- Wise Men from the East to Jerusalem
- Bethlehem Arsi
- KHAW CHHAK MIFINGTE LEH NAUSEN ISUA
- Tihtakzeta Lal Isua Chibai Bûktu – Mifingte {Sunday Pual}
December 25th, 2009 at 4:53 am
A tlip na chu a tha hle mai…
Report this comment
December 25th, 2009 at 4:54 am
Urlawk zan kan tan ve mek e, hairehai
Report this comment
December 25th, 2009 at 5:25 am
Khawchhak-mifing hi khawi lai khawchhak nge a chiang lo hle. Babulon lam pawh a ni mai thei.
Daniela 9-ah hian Messia rawn kalna hmasa hun tur kha chiang taka ziak a ni a.
Daniela 9 thuziak hrethiam an nih thu erawh chu an rawn sawi lo khawp mai a —mahse, chunglam arsi che vel erawh chu zui thiam an ni thung. Mika Bung 5 an chhiar lo tih pawh a hriat hle —chhiar bik chuang lo Lal Heroda hnena Lal thar pianna hmun tur khua an rawn zawh dan atangin chhiar lo an ni tih a chiang!
Grik Kohhran chuan khawchhak mifingte kha 12 lai ni turah an ngai; traditionah mi 6 an nih an ring, Khawthlang Kohhran Catholic-ten mi 3 an nih an ring a, thilpek chi thum avangin —chu chu prove chuang lovin khawvel hian E, a nih dawn tak chu tiin an pawmpui ta a nih hi.
Khawchhak mifingten nausen an rawn hmu hman lo, naute an rawn hmu hman a. Josefa pawh naute hnena thilpek an rawn pek laiin inah a lo awm lo leh nghal. An hawn kawng ngaiah haw ta lovin, kawng dang zawhin an haw ta daih a, heroda thin a rim bawn tawp!
Aigupta ramah naute tlanchhiatpui a ni zui ta a, rangkachakte an lo dawng hman tawh a, an chet theih phah pawh a rinawm. Rangkachak an dawn hma kha chuan nausen ni 40-a upa a nih kha chuan chhungkaw rethei an la ni bawk a, parva tuak keng ve vein Jerusalem Temple-ah Mari inthenfaina leh nau thar Pathian hnena hlanna an va hmang a nih kha!
Beramputen nausen pianghlim kha a zan a zanin an pan thleng nghal vat a; khawchhak mifingte rawn thlen ve hun erawh kha chu a tlai hman tawh viau! Bethlehem Arsi tih ai mah hian “A Arsi (His Star)” tiin Bible-a record a ni.
Khawchhak mifingte khan CHIBAI an rawn buk tih hi handshake a ni lo va; SALAAM a ni lo va, SALUTE a ni lo va, NAMASTE a ni hek lo va … WORSHIP a ni zawk e. Mifingte chuan Krista hi an la WORSHIP ve zel a ni; i worship ve em?
Report this comment
December 25th, 2009 at 5:37 am
Khawchhak mifing (Magi, magic tih tawngkam lo chhuahna) te kha nia Babulonia atanga kal an nih tunlai mithiam te chuan an ring. Astronomers an nih ngei an ring bawk, achhan chu tunlai thiamna in a chhut danin BC6 naah khan planet Jupiter thla (moon) khan Jupiter kha a hnaih lutuk avangin niawklem ang (eclipse)a siam ngei tih an hmu chhuak. Khami kha astromomer tan lo chuan hmuh thiam ve mai chi a ni kher lovang, lal Heroda pawn mifing te kha an hmuh dan cc a zawh ha ha mai kha.
Report this comment
December 25th, 2009 at 5:53 am
“The Fourth Wise Man” tih kha Reader’s Digest-ah, Condensed-ah an rawn tihchhuah tawh kha —chhiar ve in lo awm hial tawh lawm ni? :lol: Thawnthu phuah belh thiam hi an awm ve leh zel a, he mifing palina hian Arsi a lo hmu ve hauh lo … mi pathumte rual khan a kal ve hman loh thu a ni … Bethlehem Titi tih pawh thawnthu a awm lehzel … ngaihnawm deuh ka la khek khal, ka chhiar zinga mi … ka la sawi thiamin ka inring …
Report this comment
December 25th, 2009 at 6:10 am
chawnghilh, an sawi chu ka hre ve tawh asin. Leh bawk maw, Zosefa leh Mari khan Census kha Bethlehem an kal chhan ah ring thei lo bur an tam ngei mai. Tin, Lukan khami hunlai a rorel tu a tih hming Quirinius, Syria governor a nih lai a census hmasa ber angin a ziah kha, Isua pian lai velin governor anilo tih an hmu chhuak bawk tih an puang.
Kaisara (Caesar) khan census a duh chhan kha a ram awp te atanga a tax lak tur vang etc a ni ber a, chuvangin an mahni pianna theuha kal khawm tir kha a tum an ringlo reng reng, a buaithlak dawn lutuk, an ti mauh mai. Mahse, zawlneite hrilh lawkna a lo thlen dik theih nan a va kal an nih erawh an ring zawk thung. Mi fing 3 te thil ken te pawh khan Lal, puithiam leh zawlnei a entir a kha kha Mathaian myth a ziak ah an ngai te pawh an awm ta nawk mai.
Khang hun lai khan Bethlehem kha mi 1000 emaw lek awmna anih vangin mipa naupang Heroda in a thah tir pawh khan an tlem em avangin record ah a awm tello a nih loh vek chuan, Mathaia bawk khan Mosia in Israel fate alo chhan chhuah tawhna thawnthu kha a rawn ti nung thar leh (myth) bawk a nih ring an awm bawk.
Nizan ah theology lam zirmi ten fact leh myth a an ngaih an rawn phawrh chhuahna a rawn chhuak a a ngaihnawm khawp mai; theologian denomination hrang2 atangin.
Report this comment
December 25th, 2009 at 6:16 am
Fatir mipa chuti tehchiama suat tur an awm hnem lo vang, chhung tinin fatir mipa kum 2 hnuai lam an kawl vek lo hrim hrim! Bethlehem lah a khua te nasa si … a nihphung ai hian kan han ngai rapthlak hret zel a …
Rakili a fate a tah … tih hla hnuk tiulh Jeremia sawite kha chu Daniela te rawlthar laia saltanga an chhuahna kawn kha Rakili raicheha a thihna leh an phumna thlan awmna an kal pelh a ngaih vang a ni a – Bethlehem dai tho a nih kha … poetic license ngah tawkin Jeremia phuah kha Bethlehem nau suat chungchanga han pawh tlin tumna a lian ve a ni mai bawk!
Report this comment
December 25th, 2009 at 6:24 am
a dik ka ring.
Report this comment
December 25th, 2009 at 6:28 am
@As-Khiangte says Milian in ni lo, lal in ni lo, ran inah nu tlawm tak malchunga nausen chu sit hauh loin bawkkhupin chibai an buk a, an ro hlu tak te chu an pe ta a ni.
Ran inah nufate hi an awm tawh lo —chenna inah an awm hman tawh khawchhak mifingten an rawn hmuh ve meuh hi chuan. Nausen ni 8 a nihin ran awmna hmunah serhtansak a ngai, nausen ni 40 a tlinin Jerusalem Temple-ah Mari thisen chhuak bawlhhlawhna thenfai a ni; chumi rualin Nausen ni 40-a upa kha Puithiam Sumeona’n Pathian hnenah a hlan. Annie pawh witness a ni.
Chumi hnuah khawchhak mifingten arsi thlawk an rawn chhui a, Bethlehem khuaah chenna in tak tak tawhah Mari leh a fapa hi an va tawng ta a ni zawk e. Hei hi hriat chian hret atan a manhla! Josefa phei chu a lo awm lo leh nghal!
Khawchhak mifingte hi Naute birthday lawm tura kal an ni lo va; Lal thar rawn piang WORSHIP tura ram hla tak atanga rawn kal an ni thung.
Report this comment
December 25th, 2009 at 6:32 am
Matthew 2:11 “And they came into the house and saw the Child with Mary His mother”
Nausen (infant)a ni tawhlo, mipa naupang (child) a ni tawh.
Report this comment
December 25th, 2009 at 6:33 am
HV: You are bright and right!
Report this comment
December 25th, 2009 at 6:38 am
Brite bucket masi present ah ka dawng thei hairehai
Report this comment
December 25th, 2009 at 6:42 am
Magi-ten thilpek an rawn pek hnu hian Aigupta lama tlanchhiat a ngai ta, rangkachak an nei va hman tawh a. Khawsak a harsa lo vang. A va remchang em!
Lung tileng ru tak zawk erawh chu, Mosia hova Israel faten Kalhlen hmasa ber an hman zawhin Aigupta an rawn chhuahsanna kawngpui ngai tho kha Josefa-te nupa leh an fapa tlei tawh futen an zawh thla ve ta thung!
An Fapa hi Kalhlen Beram No khawvelin a nghah leh ngaihchan ber kha a ni, chhandamna ropui (so great salvation) chu Nazareth Isua Krista-ah chiah chauh hian a awm!
Report this comment
December 25th, 2009 at 6:53 am
@HV says Nausen (infant)a ni tawh lo; mipa-naupang (child) a ni tawh.
Grik ho hian nausen hi brephos an ti a; mahse, khawchhak mifingten an rawn hmuh ve meuh kha chuan brephos ni tawh lovin, chhaih nuih uar uar rual a ni tawh tih a chiang; nauhrâm a lo ni hman viau tawh —Grik-ho pawhin paidion an ti tawh thung a ni; paidion hi chu child, a ni ve hruau tawh!
Report this comment
December 25th, 2009 at 7:16 am
Damlo khuma mu zz te, jail tang te, home hrang hranga awm te, natna benvawn tak avanga mahni in lum pawh chhuahsan hlei thei lova awm te leh misualdotcomers zz te thinlung takin Mas chibai ka buk che u a, Lalpan thlamuanin tichak zel che u sela, in natna zz te lo tidam mawlh rawh se.
Report this comment
December 25th, 2009 at 7:52 am
chawnghilh leh HV chu theology ah in ril dun hle mai a. US lam unaute engtin nge in hman ve dawn? Adventist te Presbyterian (an inthen ta em kha!) te, Methodist te…..
Report this comment
December 25th, 2009 at 8:06 am
Nausen leh naute poh ka lo thliarhrang ve ngai hleinem. Mifing ten chibai an buk kha document proof a awm chiang nial thei lo. Hand shake a ni emaw salute a ni emaw namaaste a ni emaw, a enga poh nise worship vek a ni tih nise ka rilru a dam zawkin ka ring.
Mifing te tan khan Lal Heroda ina luh kha thil tihsual awlsam tak tur a ni. jerusalem leh Bethlehem kha a inhlat si lova, van sang taka arsi khualbuk zawn chiahah a ding dôn tih kha an hriatlawk bok si loh avang khan Lal In hnai bera luh mai kha awlsam tak tur a ni.
Keini poh hian hruaitu Thlarau Thianghlim kan en loh zeuh kar hian kawng diklo kan zawh palh zauh thrin, mifing kan nih loh vang a ni lo a, kan pianthar loh vang a ni hek lo. Mihring kan nih vang a ni fo. Kan thil thra tih te hi min hruaitu atan kan hmang thrin, min zuitu tur an ni. Thlarau Thianghlim hi min hruaitu a ni em? Isua hnen min hruai thleng em tih kha kan inennawn fo hi a ngai thrin a ni.
Report this comment
December 25th, 2009 at 8:19 am
Nausen leh naute poh ka lo thliarhrang ve ngai hleinem. Mifing ten chibai an buk kha picture document proof a awm ve toh mang si lova, Mari diary (a rilruin a vawng)tih kha kan document innghahna kha a ni ber mai si a. Hand shake a ni emaw salute a ni emaw namaaste a ni emaw, a enga poh nise worship vek a ni tih nise ka rilru a dam zawkin ka ring.
Mifing te tan khan Lal Heroda ina luh kha thil tihsual awlsam tak tur a ni. jerusalem leh Bethlehem kha a inhlat si lova, van sang taka arsi khualbuk zawn chiahah a ding dôn tih kha an hriatlawk bok si loh avang khan Lal In hnai bera luh mai kha awlsam tak tur a ni.
Keini poh hian hruaitu Thlarau Thianghlim kan en loh zeuh kar hian kawng diklo kan zawh palh zauh thrin, mifing kan nih loh vang a ni lo a, kan pianthar loh vang a ni hek lo. Mihring kan nih vang a ni fo. Kan thil thra tih te hi min hruaitu atan kan hmang thrin, min zuitu tur an ni. Thlarau Thianghlim hi min hruaitu a ni em? Isua hnen min hruai thleng em tih kha kan inennawn fo hi a ngai thrin a ni.
Report this comment
December 25th, 2009 at 8:42 am
In hre hlawm mah mah, kan ina kan tar milem lah nausen puana tuam ranchaw pekna thlenga mu kha mifing 3 leh berampu te’n chibai an buk si.
Heihi khawvel hriatdan ani kan sermon ziaktu hriat dan pawh anih hmel e. Christ the Lord = Lalpa Krista chibai buktu te khawilam atranga kal inhriat siak ai hian Chhandamtu Lalpa lo pian ni hian hawh u “My Lord” tiin chibai i buk ang u A rorelna hi a fair tawk a judgement politiks tuinu in a la kawi ve lo. Ni chu ni nilo chu nilo ani dawn
Report this comment
December 25th, 2009 at 8:44 am
@chawnghilh & HV: ka tho hlawt a ka online nghal a, in comment a ngaihnawmin a bengvar thlak ngei mai, hriatna tih punin a awm leh ta e.
Chhuizauna ngaihnawm tak karah hian he topic message hi chu a la leng thovin ka hria. Mifingte inpekna leh inngaihtlawmna te hi. Sawi ang khian Persia ram lam atanga lo kal an nih hmel a, arsi pakhat lo lang atanga hnam tenau Judate lal a piang a ni tih hre thei khop a mifing an ni a, an thilpek atang hian an hausa thawkhat bawk ang tih a rin theih a ni. An va hmuh na hi in pangngai deuh pawh ni se an ni tan chuan ran in tluk lek pawh a ni mai thei. An bawkkhup a, chibai an buk a, thilpek an hlan. An ni hnam ropui leh mifing te hian Judate, hnam tlem leh hnufual takte lal thar lo piang la nausen lehnghal kha chibai buk an ba hran lo hle ang, mahse khatiang tak khan thil an ti tlat a ni. Hnam dang mi daih Isua worship hmasatu an ni hi khawvel hnam tinrengin an la worship dawn tih pawh a entir awm e.
@Teatak2: Kan ngaihsual thrin nia lang chu arsi khaw chhaka an hmuh kha khawchhak atanga an zin kawng tluanin an hmaah a kal zel niin kan ngai thrin a, mahse hei hi bible a kan hmuh dan a ni lo. Khawchhak a arsi an hmuh kha Bethlehem kawngah hian an hmu leh chauh niin a lang.
Mat.2:9,10 – .. khaw chhak lama arsi an hmuh kha naute awmna chung zawn a thlena a din hma loh zawng an hmaah a kal zel a. Tin, arsi chu an hmuhin an hlim nasa em em a.
Ka lawm e.
Report this comment
December 25th, 2009 at 8:51 am
A ropui e, in tilawmawm vek e. Christmas hman liam a tam ve tawh viau va, hre chiang lo hian hun a liam hnem ve duh fu a nia! Kan hlawkpui ka beisei.
A ropui ber chu Israel leh Juda te tan chauh ni tawh lovin, khawchhak mifing pathum JENTAIL-te ngei ngei pawhin Lal Krista Isua hi an lo WORSHIP ve thiang a ni! Jentail hla taka mi thinte khan Pathian kan hnaih lehzual ta tih an lantir chiang khawp mai!
Report this comment
December 25th, 2009 at 9:05 am
Chanchin tha ziak tute zingah Luka hi Doctor awm chhun ani; ani hi chuan Mari pum chhung a naute lo awm theih ngawt dan kha chiang deuhin a hre thawi ani tih alang reng!!”Mari hlau suh Thlarau thianghlim thil tih theihna in a hliah khuh dawn che ani” hliah khuh ngai thil a awm a, chu chu Dr Luka chuan a hmuru kiau a. Mari kha a u pasal Zakaria te bulah khan ava kal a,Zakaria kha Pathian thlarau thianghlimin alo khat a Mari kha a rai ta ani.
Report this comment
December 25th, 2009 at 9:19 am
Kan thlarau chhandam nan ringawt ni lo vin, thih hnu piah vanram atan mai chauh ni bawk hek lo vin, kan taksa leh leilunga natna leh thihna anchhia ata min tlanchhuak turin NAU A LO PIANG TA!
Tlantu tlanna famkim hun ropui pawh a hnai tak zet ta e!
FAPA chu chawimawiin awm rawh se!
Report this comment
December 25th, 2009 at 9:19 am
ZerO, Presbyterian lam chu kan lengkhawm tui thei rura mai mawle. Tunkum chu kan veng piah lawk, Frederick khaw chhungah tho Rev. Zauva te inah kan nghat a, kalna ahnai deuh dawn e.
Zanin hian gift exchange, lengkhawm zaiin a zui anga, naktuk hi inkhawm, chumi zawhah ruai leh lenkhawm in a zui ang.
Report this comment
December 25th, 2009 at 9:29 am
Nu satliah ve tak in fapa a hring a, ran chaw pekna thleng ah an mut. Sikul leh university pawh a lut eih lo. Mel 200 bial piah lam pawh ala kal heklo. Naupang te a la nih laiin a hmelma ten thing ah khengbet in an ti hlum a, mi thlan hawh chawp ah phum a ni.
Kum 2000 a liam hnu pawh hian khawvel a lal leh mi ropui lo awm tawh zawng zawng te belh khawm pawh khan khawvel mihring rilru he mi tluka khawih tam tu hi an la awm ngailo! sermon a ni lova, ngaihtuahna mai a ni.
Report this comment
December 25th, 2009 at 9:44 am
@chawnghilh ‘the 4th wise man’ khan ka rilru a khawih thei khawp mai. Karvari tlang thleng a zui/zawng kha a ni a…..
Report this comment
December 25th, 2009 at 10:26 am
shailendra https://www.classicreader.com/book/593/1/
Report this comment
December 25th, 2009 at 10:29 am
HV, i link dah chu tha hle mai, muang changin ka lo chhiar ang e.
Report this comment
December 25th, 2009 at 10:47 am
HV. ka va inkhawm ve lawk ang a, inkhawm banah, christmas cake ei pah in kei paw’n kan chhiar ang e…
Report this comment
December 25th, 2009 at 10:55 am
helam pawh Kristmas a ni ve ta, ka chhungte an in khawm kei erawh hna ka thawk
Report this comment
December 25th, 2009 at 10:59 am
Thu chu a awm a, thu chu tisa ah a chang ta, kan Lal Krista chu.
Report this comment
December 25th, 2009 at 11:35 am
Fourth wise men leh Bethlehem titi te Isua khenbeh vel atranga Ben Hur thawnthu leh film ropui te hi ziakmi ten an ziak zel ang Pathian thu erawh a NUNG reng ang.
HV link chu thra khoops mai.
Report this comment
December 25th, 2009 at 12:38 pm
Hei chu Chrismas Sermon tha tak anih hi…
Report this comment
December 25th, 2009 at 12:51 pm
Hmanni ka tablau hnuh ah chuan khawchhak mifing 3 in beram rual an rawn khalh a, shepherd hovin gift anrawn keng. In nuih a tiza ve ngawt ang
Report this comment
December 25th, 2009 at 4:59 pm
Zan in ang ah te hian nun kal sual a vanga lungngai eng zah tak awm ang maw!Mizoram chhung mai ah pawh hian.Beiseina nei phak tawh lo khawp a nun tla hniam engzah tak te hi awm ang maw(Ka lo tawn ve tawh a ni!)ti te in ka ngaihtuah ve mai mai.Mi zawng2,hausa leh rethei,mifing leh finglo,misualleh fel tan lal Isua rawn kal na ni ani si a!Thui tak hrethiam lo mah ila lawmna ni a ni!Nimin ni 24 khan ka nu,ka duh tak leh ngaih em2 mai leh ka unau ka hmangaih te thlan tlawh in an thlan kan chei ve a!ka nghilhduk ringawt.Engtik nge kan kal ve dawn tuman kan hre hauh lo,Lalpa hmel hmu thei tur a Pathian nen kan in pawh a,a hnen a cheng thei tur a kan tawngtai/inrin reng a ngai ani.Misual.commers-te chrismas chibai ka buk a che u.
Report this comment
December 25th, 2009 at 5:01 pm
ma-a Kristmas chibai le
Report this comment
December 25th, 2009 at 9:45 pm
Ngaihnawm hle mai a…
Kritmat Chibai vek u.
Report this comment
December 26th, 2009 at 10:15 am
Ka lung a van leng vele aw
Report this comment
December 26th, 2009 at 9:18 pm
A ngaihnawm hle mai,Khawchhak mifing te hi sheba lam mi ni maw?rangkachak pek tur kha sheba ram rangkachak ni tur a sawi lawk na kha a awm ve tlat a
Mifing ten hmun khawhar lam an pan ang khan keini pawh ‘A mah an hmuhsitna chu phurin daipawnah a hnen lamah i kal chhuak ang u..Heb.13:13
Report this comment