Middle East kan tih ramah te hian Shia muslim leh Sunni muslim te an awm hrang hlawm a. Anni pahnihte hi Prophet Muhammad thih atang khan “tunge Musliam ramte enkawl ang,” tih thu a ngaihdan inpersan ta kha an ni a. Anni, Shia leh Sunni te chung a rorel tur chu, an hlauh zawng tak nih a ngai.
Iraq ram chu alo chak ta thur thur a, US President Reagan chuan 1982 khan Iraq a thlawp tih kan hria ang chu. Iran pawh 1950′s chho velah chuan US hian thianah alo siam tawh thin kha ani a! Rei tak, million chuang Irag leh Iran indonaah an thi a, chumi karah chuan US intelligence te an vir kual zak zak em?
Hman kum lawkah chhuanlam fahrah lutuk hmangin US chuan Iraq a run a, an thian thin Saddama chu an man a, an khaihlum ta a nih kha. Tichuan, Iraq chu US duh danin democracy ang a rorelna hnuai a awm tir an han tum ta a. Shia leh Sunni te hi mahni a inrelbawl duh, tu zawk zwwk mah an chung a lal tur a duh lo an ni ve ve tih an hai ang em? Tunah an buai chho mek a ni a…
Tichuan, “Arab Spring” an ti a, Egypt chuan democracy duhna neiin US thianpa rorelna chu US puihna hmangin paihthlak a ni leh a. Egypt hi Israel dawt a Middle East ram chak ber a ni thin. Tichuan, chu rau (Arab Spring fever) chu an chheh vel ramah a pung chak hle a, an buai ta niai nuai mai a… fuihpawrhtu zingah hian, a ruk a ram inrawlh an awm kan ring em?
Chutia Middle East zawng zawng an buai tak niau nuai karah chuan, Iran-in nuclear neih ve tum chu US leh Israel tan chuan thlir mai mai har tak a ni leh ta. “Iran hian nuclear bomb siam a tum a, Israel hi a ti chhe vek mai ang….” tiin UN thleng a tih tawp tir tum a ni. Iran hian nuclear ralthuam nei ta tak tak sela, Israel hian a duh duh a a inluling theih loh a hlau mai zawk a ni thei ang em? Mizo ten, “Kel leh ui thlunpawlh ang mai,” kan tih thin ai pawh a inhua, Pakistan leh India pawhin nuclear bomb an nei ve ve a, an indo ngam ta miah lo zawk a nih hmel viau lo maw, an neih hma kha chuan, kum 1947 hnu lawkah pawh vawi 3 ngawt ani lawm ni an indo hman kha?!!Tunah hian Middle East ram zawng zawng te belhkhawm aiin, Israel economy leh ralthuam hi a tha daih zawk a, er pha an awm hi US leh Israel hian an hlau mai zawk a ni thei em?
Khawvel politics tak hi chu aw, ‘peace and harmony‘ ti chung hian survival of the fittest policy hi kan la apply reng mai si a le!
Similar Posts:
- Bomb neih a mamawh!
- Tunlai khawvel
- Iran indo zir!
- Israel in Iran a run hnai em ni le ?
- Tunlai Thil Awmzia – Update!
December 3rd, 2012 at 2:27 pm
Report this comment
December 3rd, 2012 at 6:54 pm
“IRAQ”
Thian kumhlun leh hmelma kumhlun hi a awm theih tak tak meuh loh a nih hmel. Pure politics ai mahin economics lam hian hmun a chang pawimawh telh telh rih bawk a.
Report this comment
December 4th, 2012 at 4:53 am
Post hlu lo ve tak a nih hi hairehai
Report this comment
December 4th, 2012 at 10:09 am
Hit loh ve chang te pawh awm tur alawm
Report this comment
December 4th, 2012 at 4:48 pm
Jacka Pi #4 hit lo no. 1 hairehai. Pathian thu emaw, Takam lam emaw a nih loh vang pawh a ni mahna
Report this comment