mi(sual).com

Mizo hi chu thil intihhmuh ching, mite’n an tih chuan tih ve zel tum leh duh hnam kan ni. Dawr chi dang deuh hlek siamin lo hlawk ta viau se, a hnu reilote-ah dawr dang a rawn awm vat mai a ni. Cable Tv pawh a tir kha chuan an tam hle kha. Brand show room kan buaipui leh a, market survey awm lova ti kan ni bawk a, kan rin ang chuan dawrtu kan hmu lo chu a ni. Solomon’s Cave leh Millennium dawr siam te leh Miss chi hrang hrang, Idol leh Icon pawh khawtinin an ti emaw tih tur khawpin an buatsaih a. Chutia hlawehtling sawi tur an awm lem hlei lova. Khawpuia an tih vanga mahni khuaa tih ve ringawt hi thil hautak leh hlawhchhamna a ni fo.

Kan ramah Kristianna a rawn lut a, kan bawh leh hum hum a. Sakhaw dang huatna leh dik lo riaua ngaihdan kan nei ringawt a. An rinna thu kan zir hmasa pawh a ni lo. Sakhaw dang bih chiang hi chu kan tlem viau ang. Mahse hre ber angin tha lo leh dik lovah kan pawngpaw ngaih ringawt a.

Sakhuana hi chu pian leh seilenna thil mai mai a ni a, Kristian ain Hindu ho kha rawn thleng hmasa ta se kan Kristian lo viau ang. Kan sakhuana hi a dik bik leh Pathian kan biak hi a awm tak tak bik vang a ni hauh lo. Kan rinna leh kan lo inzirtir dan mai a ni. Neutral tak hian Kristian zingah sakhuana hi tehkhin thei kan awm pawh ka ring vak lo Mizo zingah hian. Awm pawh ni se an tlem hle ang.

Sakhaw dang ringte chu kan hmusit a, vanram kal ve lo turah kan ngai a. Pathian ringtu tha ang a lan kan chak zek zek a, misual.com ngeiah pawh an awm nual a ni. Kristiante rinna ang tawmpui loh vangin an ni aia sual leh moral hniam bik turah ngaihna an nei a. Huai tak takin an rindan leh ngaihdan an sawi a. Heng kan rinna leh Kristianna hi sakhaw dang emaw ringlote bengah chuan nuihzathlak leh darbenthek ri ang lek a ni.

Kei pawh hian Isua hi ka ring lova, Pathian ngei pawh hi ka la ring lo. A chhan ber chu zeldinthu leh suangtuahna hmanga awmtir chawp mai an nih lohna tuman min hrilh tur an la neih loh vang ani. Pathian thu lam a ni bawka rawn inla Pathian thuawih leh hre tak tak ho khan rawn comment leh sup sup rawh u le. Fiahna tha tak nei in awm chuan min hrilh ve u la rin tlak tak a lo ni mai thei a sin. Mahse mahni ngaihdan leh rindan chu midang tan fiahna a tling lo tih hria i la.
Ka lawm e i lo chhiar ve a. :-0

Similar Posts:

• Sakhuana hi!
• Mang Rama Cheng Mizo-te
• Khawi chinah nge ramri kham tur?
• LPS Muaythai
• Ringlo Atheist kan awm em?

Recent Posts:

• Pathian Kut Dinglam {Sunday Pual}
• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!
• Ka Zirtirtu

This entry was posted on Tuesday, December 18th, 2012 at 5:11 pm and is filed under Mizo Society & Culture, Religion. You can follow any responses to this entry through the RSS 2.0 feed. You can leave a response, or trackback from your own site.