Pathian rawngbawla kal te leh ram hruaitute chu an chiang ang tih ka ring a, chutih laiin keimah ang eng lam hawi zawng rawngbawlna mah a thawhhlawk lo ve tak te hian kan sakhua na hi khawi chinah nge ramri kan kham ang tih hi ka rilru ah a lo awm leh thin. A hun leh a hmun a zirin ka kristianna hian tha zawk nia ka hriat min hrilh fo laiin ka zirtirna dawn hian rem a ti leh thin si lo va. KA vah velna a zirin ka thlir dan pawh a danglam zo ta.
Liberalism/ pluralism an tih ang hi Mizo tawngin ka hriatthiam chiah loh avangin tunlai a sakhuana in kan nitin min kaihhruai dan leh khawtlang a nghawng dan hi ka ngaihtuah thin a. A then kan ngaih a zam tawlh tawlh laiin a then kan kulmuk tawlh tawlh bawk a. Political statement dawt huai tak tak kan hmu a kan chhiar thin ang bawkin sakhaw statement thudik famkim lo beh chhan a tam tawlh tawlh bawk a.
Post khaihlak lai a ni bawk a, zawhna ka rawn chhawp chhuak tawp a ni e. Eng chinah hian nge sakhuana hi ramri kan kham ang? Ram leh hnam inkaihhruaina ah hian eng chen chiah hi nge in rawlh se kan tih? Mizoram hi kristian state ah kan pawm em? Kan political parties ten huai tak tak a Indian kan ni ti tho si a, kristian sakhua tih bik ang a an sawi lang fo, ram dan kalh talt si te hi enge kan ngaihdan tih min hrilh thei in awm mial em? Mizo nationalism kan tih sek hi kristianna nen kalkawp thei a ni reng em tih te hi i sawi deuh nuaih nuaih mai teh ang u…
Similar Posts:
- Hmanlai hian…
- Sakhuana hi!
- Cartoon network a kan naupangte thil en hian nghawng thalo a nei thei angem?
- Mizoram ramri kan tlawh a
- MIZO LEH SAKHUA
November 14th, 2012 at 6:12 pm
OT deuh reuh chungin!
Mizoram protestant kohhrante thil thlir dan chu mosiac law la hmang ang vel kan ni awm e. Isua khan Mosia dan khirh lutuk kha ama thuthlung, Thuthlung Thar hmang khan a rawn ti awlsam/danglam ta kha ania. Chutiang deuh chuan Mizoram protestant hruaitute thil thlirdan pawh hi tih danglam angai nual maithei!
Report this comment
November 14th, 2012 at 6:52 pm
Ni e ! Teh nuaih in a….Isua pawh kha lokal leh se… a hawi a hawi ve mahna…a nih loh vek leh..hruihrualin min hlapdarh vek mahna..
Report this comment
November 14th, 2012 at 6:56 pm
Tu emaw dan takah kan dawbawl standard e an tih ang deuh kha ni mai in ka hria, a awmzia erawh ka hre chiah lo va
Report this comment
November 14th, 2012 at 11:28 pm
Kristianna hi liberal taka nun pui chi niin ka hre lo,chutih rualin liberal deuh hlek a tunlai mil a her danglam ngai a awm thin erawh tih a chiang! A awmzia chu, mimal leh Pathian inkar niin ka hria,pawl ni lovin. Mimal tin te Pathian approach dan leh Pathianin mimal tin te a approach dan a inang thin silo.
Report this comment
November 14th, 2012 at 11:46 pm
Lamji #4 a dik ka ti khawp mai. Ania sin, tun hma chuan (sawi leh sawi hnu) biakin chhungah pawh, hmeichhiate chuan hmalam an hawi an remti lova, tunah an remti tawh a. Tumkau chawini pawh a awm ngai lova, tunah a awm tawh a. Chutiang zel chuan kohhran pawh hian thil a thlir dan hi a tih danglam ve zel hi a pawimawh hmel hle. Tin, sawrkar hnaah a inrawlh mah mah emaw, ka ti ṭhin.
Report this comment
November 15th, 2012 at 11:50 am
Ka rilrua awm ve reng thin a ni. Hriatthiam a har ka ti a, mahse mihring kan nihna angin keimahni mamawh leh tul chin hi chu dik taka kan thawh hian a sualna ka hre lo a. Kohhran/sakhua hi chu rinna leh volunteer a nih angin full time tan lo chuan tih vak hi har tak a ni
Report this comment
November 15th, 2012 at 12:33 pm
Kristianna(Sakhuana) leh Politics hi chu a hrang nalhin awm se a thain ka hria a. Chutihlaiin, Sawrkar lamin kan sakhaw thurin kalh tlata hma an lak chuan, kan Sakhaw thurin milin kan dingtlang ngam ngei ngei turah ka ngai a, aw pawh kan chhuah ngam ngei ngei turah ka ngai. Chumi tur chuan party tan bik neih a rem hauh thung lo vang. Tu party leh sawrkar pawh kan kalh rap rap ngam tur ani ang.
Report this comment