Kum 10-na atan…
Kum lama upa ni awm tak hian, kum chuti zat chu.. ti deuh chhen mai te’ng. Ka zirna leh hnathawh avangin kumin hi hmun danga Krismas ka hman vawi 10-na tur a ni ta reng mai. Nunhlui liam tawh hnu te dawnin lung a leng a; chutih rualin kan vengah Krismas hmang ve ta ngat ila, mahni’n ka tei ruk ruk mai thei a ni. Chuvangin mahni awmna apianga a hlim leh hlawk thei ang bera hun hman zel hi a that a ber a nih hi. 
Urlawk zanah exam urlawkin
Ngai teh, College kan kal tan kum atangin, bawng, vawk, kel, ui, ar, zawhte ladt., chanchin zir tak avanga Krismas apianga exam kan neih thin kha tun thleng hian lunglai a dam thei lo, thu erawh ka nei der si lo. Vairamah chuan awm ila, Krismas boruak a awm lem lo; mahse Mizoramah kan zir si.
Urlawk zana bawng ruhkawl, a khuar lai te, a pawng lai deuh te, a hmawr bawk te, a kawrawng te leh eng eng emaw tu emaw te’n hming an lo vuahsak thlap te chu hriat tumin beng sa hut hut khawpin kan han chhiar a. DNA leh RNA, Dal-N-Alu, Rice-N-Dal ni ngat se chhumkawi leh ei ka thiam dawn teh reng nen; ran chungchang a nih tawh chuan DNA siam dan te leh chu, a bawlhhlo hming reng reng te kha, chi, hmarcha, purun tih anga hming hriat awlsam an ni der bawk si lo.
Kawmchhakah
Kan zirna run kawmchhaka kawngpuiah lah chuan min rawn awhfik/awhthik ta emaw tih hial turin lirthei tlan apiang chuan Krismas hla ring taka play chungin engthawl takin an tlan a. Kawmchhak lawka Biak In awm lah chu, Krismas thleng tih takah reh hun lai reng a awm lo.
Engkim mai hian e, ka lung min len
Han hawi vel ila, Krismas boruak tih takin khua a engemaw ti ruih a, ralkhat tlang bawka pangpar eng vul chuk mai te, romei zam paw chi chiai te chuan engemaw ti tak hian thinlung a fan a. Lengi biangno tai tik tek mitthla dawn apianga a tuk lawka exam tur ngaihnobei lo zet leh, zir that loh a, exam hall-a hawi vual vual tur mitthla lawkin a ngai te bawkin phur lo tawkin kan zir thin a nih kha.
Hnamdang zirpui te lahin thahnemngai taka lehkha zirin room an bel a, a reh ruih mai si. Lehkha zir peih lo mah ila, hostel chhuahsan meuha hirha kha chu, a huaisenthlak ve riau a sin. Chutiang boruak kara chhun chaw fak zawha thiante nen college canteen-a thingpui va in zauh thin erawh nuam tak a ni. Exam loh laia canteen kal peih mang lo, keini ang te kha, exam lai chuan canteen nghaktu emaw tih hial tur kan ni thin a nih kha maw le. Tin a tuka exam tur, tlaia note ka han Xerox chawp thin te khan, Krismas lunglen chu a hnawttiau tha duh teh e.
Englekhawle, eng pawh zirin, hna thawkin, khawi hmunah pawh awm ila. Kan awmna hmun theuhah hian Krismas hian awmzia nei zel se la. Remna Lal fapa lo piang hian, kan thinlungah hmun lo luahin, lalna ram rawn chang ngei teh se.
Mi(sual) zawng zawng te, Krismas hlim tak hmang theuh turin, duhsakna sang ber ka hlan a che u. Krismas Chibai…
”
Source: Inhuman.org
December 24th, 2012 at 4:54 pm
Picture chu ka duh reuh lutuk.
Report this comment
December 24th, 2012 at 4:56 pm
zanin chu kum 5 vel urlawk zan hmang ho ngai tawhlo kan thianho in hmanho kan tum a, a nuam dawn khawp mai.
Report this comment
December 24th, 2012 at 5:46 pm
“hmun danga Krismas ka hman vawi 10-na tur” tih ka chhiar ruala ka rilrua lo lang nghal chu khawi hmun hi nge ‘hmun dang lo’ chu ni ber ang tih hi a ni. Kan veng, kan khua, Mizorama Krismas ka hman loh zat hi ka lo la chhiar ve chhin ngai hauh lo tih ka ngaihtuah chhuak bawk.
Mahni chhungte leh ṭhiante nen, mahni veng/khua ngeia Krismas hman hi chu a nuam bik em lah tak a. Mahse hei kan awmna lamah te hi chuan Krismas ni te hi ‘nidang ang bawk’ a ni mai ṭhin zawng a nih si hi le!
Report this comment
December 24th, 2012 at 6:14 pm
Masi bai bai.
Report this comment
December 24th, 2012 at 6:31 pm
Krismas chibai vek u le
Report this comment
December 24th, 2012 at 6:40 pm
Report this comment
December 24th, 2012 at 6:52 pm
Mahming, khawi hmunah pawh hmang la, i taksa a dam a Biak inah hun i hmang thei anih chuan a tluk a hlu a awmlo ania.
Misual thiante zawng zawng Urlawk hun nuam tak hmang theuh ang che u.
Report this comment
December 24th, 2012 at 7:53 pm
Report this comment
December 24th, 2012 at 8:26 pm
Zanin chu hmanpui tur ka va’n duh ve e aww
Ka thu khur chur chur ringawt mai.
Report this comment
December 24th, 2012 at 9:07 pm
Ui- kei chu ka Lung a leng em a nih hi..Mu daih teng, tawngtai a tha berin ka hria.
CHRISTMAS CHINAI VEK U LE.
Report this comment
December 24th, 2012 at 10:42 pm
Masi chibai vek ule.
Kumin Masi chu kan inpui, Kulikawnah, M.Laldailova (ka pu) thlahte inhmuhkhawm an rawt a. Kan naupan laia kan ruaithehna hmun ber pakhat a nih thin bakah, chhungte hmuh khat tak tak hlir mai an ni hlawm. Tel ve theih ka va’n chak tak em… kan chhungkaw tel lovin mi 118 + lai an tling dawn tho mai. Chhungkua inpawh leh inthurual tak kan la ni zel thei hi Pathian malsawmna niin ka hria.
Report this comment
December 25th, 2012 at 1:56 am
Urlawk zanah rin aia tam in lo titi tlat mai, in hmang tha a niang maw?
Nizan chu Rock-N-Roll Christmas tiin urlawk zan kan hmang pek a. A nuam teh e. Aizawl coffee nite (2006?) dawna kan chuanna taxi nuar kan nawr nen chuan zanin boruak chu a dang ve khawp mai..
Krismas chibai vek u…
Report this comment
December 25th, 2012 at 7:54 am
Masi chibai le.
Hreawm deuh takah pawh hian nuam tih hmel deuh hian awm luih tlat tur, nuam kan ti tak tak emaw ti a min awt tawk hi chu an lo awm ve zel a nia.
Report this comment
December 25th, 2012 at 11:18 am
Nizan chu Bangalore Mizo Kohhran (Presbyterian) pawh kan zai tui hle mai. In ka thlen meuh chuan Zinglam Dar 1 am a ri va va tawh a. Ka mut dawn a, Sana ka en chuan Dar 2am a ri tawh!!!
Report this comment
December 25th, 2012 at 1:40 pm
Urlawk zan ka hman ve dan chu, Ka pum a nawm mang loh avangin 7pm velah ka mu daih a, ka harh leh meuh chuan zing dar 7am a lo ni vung tawh!! Ha ha…a hman hoh theih ngei mai..
Report this comment
December 25th, 2012 at 1:42 pm
chhiar a nuam hle mai(Y)
masi chibai le
Report this comment