Zawngtah tuvu hma daih atanga ke chat tan tawh kha exam pui chawlh a’n nih meuh chuan biang leh ban zawng zawng nen a khakin a khak tlur tawh thin. Chat kha fak lo mah i la kan zak lem lo. Tun hnua ka ngaihtuah let leh hian kha’ng kan chat karah te khan hlimna a bet tel em ni aw, ka ti hial thin, kan hlim thei em mai si a.
Exam zawh tlaiah kan lehkhabu hluiin thlawhder kan siam a, kan thlawhder siam a thlawh bo rualin kan nun hlui pawh chu a thlawkbo ve nghal thin- deuhthaw. Fail loh chuan. Kan fail hlauh erawh chuan thiante lehkhabu hlui lei emaw, dil emaw a ni leh mai. Exam zawh ni kha chuan Rinawma te tengtere kung kha a va han rim thei tehreng tak. A rah leh rah loh lam a ni lo, kan lawn ngei ngei. A hnah pawh ei duh tur khawp khan kan rawp thin tlat.
Tun lai angin(hmmm) intihhlimna changkang tak tak a tam lo; Mahse kan hlim tho. Mahni ina kan tih peih reng reng loh, video (VCR) kan en theihna tur a nih vanga kan tih kha a va tam em. Video en tura kan inhlawhna ve angreng deuh atana lung (boulder) kan zawn tuma pi Chemi lung duh lai kan lo la ngawt erawh kha chu a fuh vak lo. Kan intih tlangval ve fe tawh hnu thleng khan kan hel zak zak thin.
Kan video enna thin Pu Kapa lah khan vawih a haw thei em em mai lehnghal a. Kan vawih miah loh tum pawh khan a hnar a len vut vut a, ‘hmm in vawih leh tawh a ni maw, a’n tia. Thiante beng bulah ‘i vawih em’ kan inti ru sa sa thin. Pu Kapa ke hnuai hiattu a kan tan fuh tum erawh kha chuan kan intithei thin teh e. Kan tui chawi hlawh emaw, kan lung thiar hlawh emaw hmangin shaolin kungfu te, Comando te leh Rambo te kan han hawh a, khatih laia kan hlimna lakah kha chuan tun hnu, ‘engkim’ ka tem tak hnua ka hlimna hi chu tehkhin tham ah pawh ka ruat lo.
Kan intihhlimna leh kan inkawmkhawmna nuam ber pakhat chu buk sak kha a ni bawk tak e. Buk sak chu sual zirna bul, tiin thenkhatin sel thin mahse, a nawmna leh hlimna min thlen nasatzia ka ngaihtuah hian ka sual zir chhuah, iskut kuang zuk kha chu pawi tham vakah ka ngai ta lo.
A khat tawkin bai lem kan chhuang a, buhfai thawh leh chi chauh thawh pawh khan puar takin kan ei ho dial thin. Kan buka kan titi leh kan rorel tam ber kha krismas hman dan tur a nih avangin kan phurin kan va han hlim thei em. Kan thurel pawh a ropui thei narawh e. Urlawk zanah dar 12 thleng tal tlaivar tur, tih te leh cheng hnih theuh thawh a, chow lei tur tih vel te kha a nia. A ai ropui kan hre lo a, kan mamawh lo, kan hlim em mai si a.
Kan rilrua lian leh kan enghelh ber pakhat chu bawng thlah kha a ni. Krismas bawng a lo thleng tawh em, tih kha kan inzawt awl lo a. Kan bawngthlah chak tawh lutuk khan Upate’n krismas bawng an lei har kan dem thu leh lei hma deuh se kan tih thu te kha kan thu lohzia hre miah loin kan sawi ve chiam a. Khatih lai, kan lungawi loh deuh lai pawh khan kan hlim em em si.
Krismas bawng a lo thleng, tih thawm a rik rualin a ki a tha em, tih riin a zui nghal a. Krismas bawng ki tha deuh kan neih kuma kan phur theihzia leh a ki bul emaw, a ki thlep emaw kan neih kuma kan hnual theih zia te, chuti chunga mahni krismas bawng na na na chu tan a nat thin si zia te tak kha aw.
Zingah bawng thlah turin kan han insawm khawm a, ‘ni-no’(magnifying glass) kan theihnghilh ang tih mawlh kan hlau thin. Nawhalh te chu awm bawk mahse bawng thlahna ah chuan ‘ni-no’ hmang ngeia iskut kuang leh thil dang tan kha a krismas boruak bik tlat.
Veng dang bawng thlah an lo awm ve a, kan inhmuh tawh chuan competition ropui lutuk kha tanin a awm zui tawh mai thin. Veng dang bawng leh kan veng bawng kan han insiktir a, tan a va na duh tehlul em. Engtin tin emaw chaklo tawh tura kan ngaih hnuah a’n chak leh hlauh mai tum te kha aw. Ka aw neih zawng pawh hian au chhuak i la, ka lawmna a la hrilchhuak zo lo hial ang.
Mihring hi chak chang leh chak loh chang nei thin kan ni ang bawk hian kan veng bawng pawhin hneh loh tawn chang a nei ve fo a. Chutiang hunah chuan U Lal-enga kan ngai vawng vawng thin. Kan zingah khan U Lal-enga kid hlui emaw, a bawng huaizia leh ki thatzia emaw sawi tur hria pakhat tal kha kan awm ve ziah tlat. U Lal-enga bawng chuan ngam loh a nei lo, a ki veilam hmawr tlemin a kawi deuh a, a hmangthiam a sin aw, an han tia. Mit tla dawna en chungin kan lo ngaithla kar a. A ke khing hnih vawrin a kheng thiam, an han tih phei chuan amah U Lal-enga chawp chuan insik thiam leh huai turah kan ngai tawh mai a ni. Khatih lai khan keini ang rual mipa naupang kha chuan kan ngaisang vekin ka hria.
Kan bawng a chakloh chang pawha inhnialah tal kan chak thin kha kan vanneihna a ni awm e. Veng dang nen mahni veng bawng ve ve kan infaksiak a, kan veng bawng, kan lo sit ruk deuh pawh chuan chutiang hunah chuan fakna a dawng tam ve thin mawlh mawlh khawp mai. A chang phei chuan keimahni sawi ngei chu kan awih zui a, kan bawng chu kan hmu tha ve leh viau mai thin.
Tlai lamah tlangsam par ngei mai awrhtir hnuang chungin kan han chhawm haw a. A thlunna tura kan thlun laiin upa tu emaw berin ben thak thak pahin in thlah puar tha hle mai, a sa in ei teuh dawn nia, a’n tih phei kha chuan kha aia lawman tha kha a awm ang tih kan ngaihtuah tawh lo. Kan hlim em mai si a.
Tlangthing phurh ni tak te kha a sin nuam thei chu. Kan thlantui luang ngiah ngiah ah khan hlimna a rawn luangliam chhuak ve thin ni hialin ka hria. Lam hnai deuh ami kan phurh tum phei kha chuan, kei chu vawi li ka kalna a ni tawh, te kha kan tia, kan tlan liam leh puat puat mai a, nun kha a nuam thin.
A hun a lo thleng a, masi kawrmawi nen thian zahoin thla kan han la a, thlalak chhuah hun tur beiseina nen kan han thlir leh veng veng mai a, hlu ve tak a ni. Chutah kan bawng thlah sa chu kan thing phurh sa bawkin kan han chum so buah buah mai a, hma lam thui tak kan thlir duh tawh lo- School luh lam a lang hnai tlat!
December 11th, 2011 at 2:22 pm
Kan naupan zual lai min ti hre chhuak. Ka lung i ti leng hle mai.
December 11th, 2011 at 2:23 pm
Ar phil in ching ve lo a ni maw? Sairawkherh nen dai hnaia ar tla kan han veh a, hmun fal remchangah kan han hem hmin ta thin kha a ni a. Engemaw chang phei hmanhmawh luat vangin kan keih thi sawk sawk thin.
Mahni ar ngei kan lo phil chang te pawh a awm thin. 🙂
December 11th, 2011 at 2:26 pm
Hahah kan naupan laia kan thil tih chu a lo inang vek zel a nih hi maw. Thlawhder siam nan khan note bu te chi kha a tha a, a phek kha a tawk chiah. Bu engzat nge kan thlawh ral ang aw. Inchung atang hian kan han thlawh ngei a, kan la intihsiak zui a.
Bawng insik tir chu kan ti ve vak lo a, mahse chaw ka pe e kan tia hnim eng engemaw hi kan pe luk zel. Krismas zingah bawng talh en hman tur kha chuan thawh hma kha a ngai thei ras. Khatih hunlai kha chuan Krismas ni khan ruai kan la theh thin a, tunlaia a tuka theh ang ni lo hian.
December 11th, 2011 at 2:28 pm
Inbailemchhuan sawi takah chuan mi huanah kan lo inbailemchhuan ve ringawt, a neitunu in min rawn hau. Khatih lai khaw ro lutuk lai khan ram kan ti kang thei tih kha ngaihtuah pha hek lo. Lawmlo zetin kan inpu sawn. Tute inah emawni kan chhum zo ta vel in ka hria.
December 11th, 2011 at 2:29 pm
Ahuma chu mi sawi i hriat a ni lo maw..(NOI)
I u beki kan chhiartir ve ange..
December 11th, 2011 at 2:44 pm
Hetiang lam hi ka chhiar fo tawh na a, thu i thiamin a ngaihnawm hle tho mai. Han ziak zel teh.
December 11th, 2011 at 2:46 pm
Pu PK nia hetiang lam hi chu a tam tawh lutuk, mahse a ziah dan style te hi chhiar a nuam reuh tlat, inti lungleng over lutuk si lo, a taka thleng ngei a ni tih kan hriatpui si.
December 11th, 2011 at 2:55 pm
Hetiang sitail a thuziak hi tam ta malh malh khawp mai. “vawih lovang” hi a tel ziah bawkin ka hria. Lengzem lamah pawh, tun Dec. chhuakah khan; a awmin ka hria. A ngaihnawm e (Y)
December 11th, 2011 at 3:00 pm
@Aduhi, ka fakder lo, a thiam ka ti tak zet. Tin, originality a awm ve tlatin ka hria. A dangdai reuh tlat. (Y)
December 11th, 2011 at 3:11 pm
vur fawng ngei asen ngatah hairep chiah .. lei turin Bazar kan va pan ve vang vang lai, chithak leh thei thur nei thei bik kha min han tlawn rawn ngei a. Kid te ho meizial bung zawntir zawh ah , mei zu ru tura lui kal…. naupan lai ngaih hi kum alo upat tual tual hian, ngaih ana tial tial ten ka hre ve thin … 😛 I post hi ava hlu in vawn that reng tlak a ni tak zet (Y)
December 11th, 2011 at 3:13 pm
vur fawng ngei asen ngatah hairep chiah … lei turin Bazar kan va pan ve vang vang lai, chithak leh thei thur nei thei bik kha min han tlawn rawn ngei a. Kid te ho meizial bung zawntir zawh ah , mei zu ru tura lui kal…. naupan lai ngaih hi kum alo upat tual tual hian, ngaih ana tial tial ten ka hre ve thin … 😛 I post hi ava hlu in vawn that reng tlak a ni tak zet (Y)
December 11th, 2011 at 3:17 pm
A va han ngaihnawm em em! 😀 thra lutuk (K)
December 11th, 2011 at 3:21 pm
Masi chawlh – part 2 emaw ‘kumthar sikul luh’ tih ta poh ron ziak leh roh o ! 🙂
December 11th, 2011 at 3:45 pm
a ngaihnawm dap dap hle mai . . (Y) in nun hlui te hi ngaihnawm deuh leh lung ti leng zet hian in sawi chhuak thiam bik a . ziak zel rawh . .
December 11th, 2011 at 4:25 pm
Panlai nun hian lung zawng ati leng thin a ni.
December 11th, 2011 at 4:40 pm
Ngaihnawm khawp mai.
December 11th, 2011 at 4:45 pm
Naupan laia khak khak leh bal bal hian, thuziak an lo tui a ni ang a. Ngaihnawm lek lek, han uar deuh teh.
Ziak tam la, a ngaihnawm ka ring.
December 11th, 2011 at 4:48 pm
E, lehlawk. Misual ho in vaiin Masi Chibai ka buk ve a che u.
December 11th, 2011 at 4:50 pm
I sawi kim thiam…Buk sak kha a nuam, behbawm angah bawk si.
December 11th, 2011 at 4:55 pm
Panlai nun aw hlimlai ni, lungrual te a zaitin kan vawr lai ni,
Suihlungruala lengza thin kha, khawi an tuan che u maw… Te han ti ve vel ila…
Masi rim a nam ta ruih mai…
December 11th, 2011 at 5:11 pm
Ngaihnawm hle mai (Y)
December 11th, 2011 at 5:23 pm
I ziakthiam thlawt e, ngaihnawm lutuk
December 11th, 2011 at 5:41 pm
Bûka lo êk chîng an awm thin hi a buaithlak duh khawp mai!
December 11th, 2011 at 5:43 pm
23 haha
December 11th, 2011 at 5:46 pm
Buk lem kha ka mei zuk tanna leh ka zu inna hmasa ber zu ni tlat a…
December 11th, 2011 at 5:51 pm
Helai hmuna vawi khat thil ka post ve na a nia, coment chhiar a nuamin a inchhirawm loh khawp mai. Ka lawm e.
December 11th, 2011 at 5:55 pm
I ziak thaim hle mai, naupan lai mitthlaah min hmuhtir uaih uaih thei a lawm mawle. Buk sak te tak kha aw, a va han nuam thei tak, bailem chhuan nen..
Zingah saphing a inkhelh ngai beiseiin vawk talh kan han chang a, a kawchhung an han zen ngar ngara, a phing an rawn phawrh chhuaka, thingfanghma(nuhnun) kuang ngeiin kan han ham puara, lei charah a ln deuh theuh nan kan han vaw fan a a va han hlimawm thin. An lak bawng palh hlauh erawh kha chuan hrilh chu a hai thei ve khawp mai.
Post tupam han ziak zel teh a ngaihnawm khawp mai (Y)
December 11th, 2011 at 5:58 pm
ka comment chu edit a ngai nual a nih hi, mahse in hrethiam tho, ka edit lo mai ange he he
December 11th, 2011 at 6:01 pm
@triplestar, engtin nge saphing khi ka lo theihnghilh theih o……? Sa talhtu uangthuang deuhin ui pek tum niawm taka an han vawrh vel te khan lo ip chawih chawih a, kan thin a lo phu dep dep thin a nih tak kha..
December 11th, 2011 at 6:06 pm
Khuang tlir (rangva khawr) hi veng dangah an ching ve vak lo amaw ni le. In sawi tel ngai lo hle mai. (pahlira kekawr a zuih tih kan tlir mai tak2 thin te kha aw..)
December 11th, 2011 at 6:11 pm
Edit: thubelh- i u lalenga te ho nen chuan khuang te pawh in tlir ka ring tlats.. i u beki.
December 11th, 2011 at 6:14 pm
U Samu, khuangtlir kha kan hre hman a, kan ti ve hman chiah lo. Kan U te rual ho khan an ti thin a, vengdang nen te pawh khan an inchhawn vak vak thin in ka sia. ‘Pachhunga kekawr a zuih, a zuih lam a inchen lo’ tih hla kha an tlir(tum) thin.
December 11th, 2011 at 6:27 pm
@ahooma: U sate tih ka duh zawk e
December 11th, 2011 at 6:40 pm
@U Sate, naupan lai bûk lem, bai lem chhuan nan leh krismas ruai vawk thau kan khâwl rûk te er-a kan mai maina atana kan hman thin chu ngati nge thil tha lo tih nana i lo hman bik le aw…?!
December 11th, 2011 at 6:41 pm
Tin, bûk-a awm laia chhak lam atanga mi lo vawm chîng an awm hi a ninawmin a hlauhawm tawp.
December 11th, 2011 at 6:50 pm
Chhiar a nuam khawp mai (Y), marbul perh, in nap, phul tawlh, motor acid liah, gari khalh, thirchhe zawn hlimawm ve thin tak ani.
Vawkin hlui te bukah kan hmang vel a 😛
December 11th, 2011 at 7:12 pm
buk sak kha nuam ve thin ngawt mai . .masi chhang tur chhangban krismas tuk ah mipa naupang in paikawng in kan khawn khawm a . zan ami tur kan trick kha buk ah kan dah a . vawk in a lo ei 😀 . a ei loh pawh kha a khel pawr fuap mai a . .a tha lai lai kha chu kan ei ta tho a nih kha .
December 11th, 2011 at 7:13 pm
Ngaihnawm kher mai.
Krismas thing ka phur ve hman a, ruaithehna atana hnah laknaah ka tel ve. Changel hnah hmangin ruai ka theh ve bawk. Mahse thutna thlan fuh ngai thin khawp mai. A hniam lama thut fuh chuan a hrana chaw chawm kher ngai lo in, a chung lama chawmsa tui kha a rawn luangkhawm mai a. 😛
Khang hun lai kha a va han nuam tak em.
Mas zaikhawmah nu leh pa te an kal a, keiniin puanhlap bat in, zaikhawm thingpui lumna harah mei kan lo ai muthlu lawp lawp a…
December 11th, 2011 at 7:15 pm
Ts, i nih ve tho ka van ring e aw.. te han ti ngawt ila..sea pirate (rum) half botol kha rs. 12 ni ta in ka hria.. Kan in con. a, bukah wine shop bul vai dawra rial no kan trick nen kan han luh pui ta a nih kha..
December 11th, 2011 at 7:20 pm
Tho kep pistol a lo chhuak a, kep hmangin, rangva khawr pistol khan kan han in kap vel a. Chumi hnuah Rs 50/- man pistol, suan chhun, pistol tak tak ang deuh kha a rawn chhuak leh. Khami pistol kha chu naupang ai mah khan rual u deuh, in la cowboy rual vel ho ‘dream’ kha a ni. Kawnghren leh a paina tur hostler kha, reksin ngei khan an han thui a…. vin nuam tak em…. heng thil han ‘recall’ vel hi….. Huaaaaaaaahhhhhhhh….
December 11th, 2011 at 7:26 pm
mas thleng dawh te kha a va han nuam tak emmmmmmmm….. Zingah kan han tho a, thokep pistol leh a kep bawm 2 vel, lehkhakhawng bawm bial ngei kha kan han dawng a. Chutah sweet 2 vel a lo awm zui… Van nuam thin tak em….
December 11th, 2011 at 7:33 pm
Tum khat chu mas laiin, zu in rual kan la ni lo a, mahse Shillong a lehkha zir a awm lai, mas hmang a rawn haw chhoh laiin, rual-u deuh pakhat, zurui hian kawng kan kal lai hi a petek in min rawn bawh a, nalh tawk in, judo throw in kawng thlang a kan theh vaivir thla kha chu, tun thleng hian min la zah… (Y)
December 11th, 2011 at 7:35 pm
#42 pu Shai judo throw lai tak khi ka awih lo. I mangang sapatal vel khan kawngthlangah a ni zurui ding nghet thei lo kha i nek thla vel mai mai a nih ka ring.
December 11th, 2011 at 7:35 pm
A ngaihnawm hle mai. Kan nundan a inan hmel khawp mai.
Khaini bur ruak a tel kan han chhuang a, sawhthing zailep kan han thlak hmui rum rum rimtui thin zia tak te kha aw.. 🙂
tren tren.
December 11th, 2011 at 7:42 pm
‘Nawrlirh’ kan tih mai kha mau hmawra silipar chhe zai bial vuah khan kan siam nasa thin khawp bawk mai. Masi chawlh, a bikin zan lamah phei kha chuan sangha tin bur ruaka bati chhit en khaiin kan nawr kual vak vak thin, nuam thin teh e.
December 11th, 2011 at 7:43 pm
#43, aduhi…. bleeeeeh…. Shillong a kan awm lai khan Enter the Dragon, India a a rawn release lai kha a ni a. Shillongah, Anjalee-ah khan kan en tlat tlat a, an trawng zawng zawng kha kan sawi chhawng thei maw le. Holiday-ah Aizawlah haw chho a, thiante hnenah a film chanchin kan hrilh mai thin chu, Kung Fu master-ah min ngai hmiah…. (Y)
December 11th, 2011 at 7:53 pm
Halpuah silai kha in ching ve em? Tlem in huaisen kha a ngai deuh a, a barrell a tan nihliap kuang kan hmang a, a mu atan kungpuimuthi rah ni ta in ka hria a! Rei ve ta hle mai! A tlangpuiin kan han sawi liam liam khi kum 27 – 35 kalta vel kha anih tlan duh hmel e??
December 11th, 2011 at 7:55 pm
barbie lam sawi ve ang u, mipa lawmzawng hlir kan sawi a, lolz 😀
December 11th, 2011 at 8:08 pm
Halpuah silai kha ka u te’n an keng ngam lo a, min ken puahtir a, a hnu ah kei aia te ka ken puahtir ve leh ta niin ka hria. @tepuia kungpui muthi i tih khi phungpuinu thi kan tih nen hian a inang em aw? A dik zawk phei chu ka hre chuang lo a, kan sawi dan a in ang lo nge, ka ti mai mai.
December 11th, 2011 at 8:19 pm
E.. halpuah silai..ka van ngai.. chuan pistol lem ‘zoro’ kha ka la nei..german sipai oficer pistol kan tih mai kha ka la dahtha khiau..ka ‘drawk’ hman thiam synod pres a mi kan trik marble lian pawh ka la dahtha. Sairawkherh, a kak atana bawng khabe ruh ngat, marama pi tarmit kan thuhruk sak(ka kawl hlen tak,a darthlalang lehlam ni-no atana kan hman thin)..kan boss, u famkima(fam) shilong lama hostel awm turin min pek sana chain bung.. Ka’n phawrh leh mai2 te’ng..ka nupui fanau te nuih a za thei a nia aw..
December 11th, 2011 at 8:39 pm
U samu, ka thil coment ka ka chhiar nawn leh hnu khian engati nge ‘U Samu’ ka tih ve ringawt le, U satea a ni reng sia, ka ti rilru vel mai mai. Chuan Zoro khi kan hun lai na na na kha chuan kei aia phawirang an awm lo maithei(khatih laia ka thian te khan heihi an chhiar lo ang chu maw.!)
December 11th, 2011 at 8:43 pm
meihawl kan rawh lai te min ti hrechhuak.
December 11th, 2011 at 8:49 pm
Meihawl rawh paha ka post siam lai te ka hrechhuak.
December 11th, 2011 at 8:51 pm
A ngaihnawmin lung a van tileng tak em. Pistol neih loh ai chuan thawmhnaw neih loh pawh ka thlang thin. Mas ruai thehna tur hnah kan han la a, ruai theh hun hian fatu te hian hnahla -hlui min siam sak thin a, nuam ve thei tak chu a ni, zana chow kan a telh tur sa kan han trick ngei a. Buk lem han sak te kha aw…
December 11th, 2011 at 9:52 pm
A ngaihnawmin ka chhiar kham lo hle mai
Thingfak ruk khawm ngeia meipui kan chhem thin te pawh min rawn ti hre chhuak uarh uarh a lawm le 
Kristmas kekawra Pistol awm ngei mai te kha aw
December 11th, 2011 at 9:53 pm
90% experienced
December 11th, 2011 at 9:54 pm
masi chu kan ti ve chiah lo, mas kan ti tawp
December 11th, 2011 at 9:56 pm
Kan buk kawngah khan ngalhem kan siam thin
December 11th, 2011 at 10:04 pm
avan ngaihnawm em em..aaa kan naupan lai te pawh minti hrechhuak nasa in ngaihtuahna ram ah nunhlui ngaiin min hruailut tu ber chu he article ngei hi alo ni e…
December 11th, 2011 at 10:14 pm
Lung ati leng.. Tiang post hian Nunhlui ngaih atitho leh thin
December 11th, 2011 at 10:17 pm
Ka lung ti lengtu ka hriat si loh kha hei hi a lo nih hi….hehe
December 11th, 2011 at 10:46 pm
Buklem bangah pipe kan phuarbet a, ta tang chuan kan zung chhuk thin. Nuam ve rapthlak!
Thlawhder khi lehkhachaih a ni mai em? Ka vawi1 hriatna.
Gud pos.
December 11th, 2011 at 10:57 pm
@jpaite thlawhder khi chu thlawhtheihna lem, lehkhapuana kan siam thin kha a nih ka ring. LEHKHACHAIH CHU A NI LO.
December 11th, 2011 at 11:04 pm
@62 jpaite Vawmthlawh kan tih thin kha a nih ka ring lehkhachaih chu a nih loh hmel
December 11th, 2011 at 11:14 pm
Lo haw teh.. u laleng hoin kawngtlangah khuang kan tlir leh ang chu maw le..haha.. Pu kapa i tih khi valte(chera)pa a nih duh hmel..
December 12th, 2011 at 12:31 am
Lunghlui a tileng hle mai. Thianzahoa buk sak lai te, krismas hman dan tur sep rawtui paha a chhuat kang ngeia kan sak ho lai te kha hmanlai a chang ta maw! A then ten khiangawiin tuanzai an rel ta si nen.
December 12th, 2011 at 6:42 pm
Ehe.. ka sawichhuah ve thiam si loh i rawn sawi ngaihnawm em em post tupa
Lung a va leng tak em..Panlai hun…..