ENGE

January 10th, 2013 11:55 am by khawnglungpa

Kut hnathawk pa pakhat hian nupui chhe lo deuh mai hi a nei a,an harsat avangin rem leh rem lovin an nu chu nitin hnathawk turin khawpui lama a kal chhuah ve ziah a ngai a;

Zan lamah hian an nu chuan, “Ka chau em mai, zanin chu i ti lo mai ang!” hi a ti ziah a.A mangang beidawng chuan, “Doctor-ah va inentir rawh! Vitamin tlakchham te pawh i nei aniang!” a ti ta thlawt a.

An nu chuan thuawih tak chuan doctor chu a va pan ta a. Doctor chuan, “Engtiang chiahin nge ni hi i hman ṭhin rêng rêng?” tiin a lo zawt a.

Ani chuan, “Zinga hetia khawpui lama ka kal tur hi, kan awmna te a fâlin a hla bawk nen, kan ṭhenawmpa taxi kal remchangah ka kal ve mai ṭhin a, chuan man min han dil a, pawisa pek mai tur ka neih loh hian, “I ba mai dawn nge, enge?” a tih hian, a ‘Enge’ lai chu ka thlang ta mai ṭhin a.

Tin, ka hnathawhna lamah nise sum a tlêm avangin inban ṭhen a ngai a, kan pu hian nitin hian, “I bâng mai dawn nge, enge?” tiin min zawt ziah a. Bân ai chuan tiin a ‘Enge’ lai chu ka thlang leh ta a.

Chhunchawlh-ah lah ka thawhpui pakhat hian a chawfùn min hmuh pah hian, “Rilṭamin i awm tluan dawn nge, enge?” min ti leh a. Ei tur ṭha pai tur nei zo ve ta lo chuan, a ‘Enge’ lai chu ka thlang leh ta mai a.

Chutianga nilênga hun ka hman chuan in ka thlen meuh hi chuan ka chau êm êm a, ka peih tawh ngang lo ṭhin a ni!” a ti a.

A sawi zawh chuan Doctor chu a ngâwi deuh vâng vang a,

“In pa chu ka hrilh mai dawn nge, enge?” tiin a zawt ta a.

 

Hei hi  60% thudik 40 phuah a ni..Mizoram a mi a ni e..

Similar Posts:

Recent Posts:

12 Responses to “ENGE”

  1. 1
    Amah Charice_mizo Says:

    He thu hi ka chhiar tawh. a thalo khawp mai, engtia tih chi nge mawni… :-S

    Report this comment

  2. 2
    Awmtea Leo Khiangte Says:

    A van zia lo ve. Hetiang ema thil a thlen chu ka ring phal lo. Ngaihtuah ngun a va tul ve.

    Report this comment

  3. 3
    Wiskah Says:

    khai aw ..

    Report this comment

  4. 4
    Mx Says:

    :-O

    ‘enge’ dangdai tak ani :-D

    Report this comment

  5. 5
    Borat Says:

    Khawngaih taka ruanga “A thalo khawp mai”, “A va zia lo ve” tih tak vak vak mai. In comment dan chu he nu hi ka hrilh dawn nge, ENGE?”

    Report this comment

  6. 6
    Sangpuiipa Says:

    He post chu a tha nge thalo nge, enge?

    Report this comment

  7. 7
    bucko Says:

    He thu hi ka chhiar tawh a, ka nui nasa, tunah pawh ka chhiar leh a ka nui tho mai…….. (N)

    Report this comment

  8. 8
    TuaiSialA Says:

    Ka nuih a’n zat tlat mai chu a!

    Report this comment

  9. 9
    sheldon Says:

    Nuih tur nge tah tur pawh ka hrelo. 60% thudik, 40% phuah, a va mak ve. Mizo te bawlhhlawh tawhzia a lang a, mi vanduai lak lawh te dinhmun nen. Mahse, heti lo deuh hi kawng a awm ang, hnial ta se chaw an nghei lovang ( tak tak ang a thlir chhin chunga comment)

    Report this comment

  10. 10
    Hotunu_pasal Says:

    Enge? Chu Nu chu ka va ten mai mai e.. Enge?

    Report this comment

  11. 11
    Jacka Pi Says:

    chu nu ai chuan pasal nei a ni tih hre reng chung leh a dinhmun hnuaihnung na belhchhah a beisei nei ho khi ka va ten mai mai ve, enge

    Report this comment

  12. 12
    khawnglungpa Says:

    Taxi driver hian a tir chuan a thlem,a hnu ah a vo ti ti deuh a hlau deuh si sum awmlo nen a ENGE ta mai a ni awm e.
    A hnathawhna pu chuan a thlem nas a ni awm e..
    He nu hi tunhma chuan kan chhung hnai lutuk lo an ni a,mahse a pa hian nupui dang a neih takah chuan kan chhung tawh lo..

    Report this comment

Leave a Reply

You must be logged in to post a comment.