Frederick County a Fire & Rescue Services leh police te training neihna hmun thlalak tlem kan dah ang e. Lak phal chin chin, a pawn lam a ni ber!
Emergency Medical Technician – Paramedic te zirna (MFRI- University of Maryland), main entrance:
Canadian Geese Hotel..hemi chhungah hian kikawi tak mai bawhvak luh kual vakna a awm. In kang nasa tawh tak leh chim ṭhen tawh, chhuahna vak awm lo leh lang tawh lo aṭang a indap chhuah dan zirna:
Hemi in hi a chhung an ti alh/kang chiam ṭhin a. Chu tah chuan training neih a ni ṭhin:
Hemi in hi a chhung chu step (stairway/stairwell) chiah awm a ni. Thil dang tih hah hrep hnuah, pound 20 (Kg 10) bawr vel a rit vest ha chungin tlan lawn tur a ni a, tlan lawn chhuah hnuah a bang a chhuknaah khian chhukin, lei charah khian vawi 20 push up emaw, sit up emaw, instructor tih ang ang tih hnuah tlan lawn leh fo tur a ni ṭhin:
Sawta gas tank leh apiah a hliapzar hnuai a mite saw, gas alh puak mai thei leh inchhung thuk ilo kang vak buaipui dan practical a zirna a ni:
EMT – Paramedic class room pakhat:
Instructor-in, “carotid pulse” dap dan dik a hrilh mek lai ( ka lak ruk) 
:
US sawrkar hian Fire & Rescue Services a thawkte (EMT, Firefighter etc.)hi, an mahni tih tur reng an ti chung pawh a court a hruai duh an awm ṭhin vangin, chutiang lak atanga an him theihna tur, “The Good Samaritan Act” chu a siam a ni. Good Samaritan Act khan an tih tur nilo an tih chuan a hum miah lo thung! Tah hian a chiang thei deuh ang chu: https://www.cprinstructor.com/MD-GS.htm
Bonus: Natna vang emaw, drugs vang emaw, chhan dang dang vang a vein hmuh harsa tawh tak mai, ie.,’clavical bone‘ (khingkhang ruh) an tih bul, ‘carotid vein’ aṭang pawh a hmuh harsa hi an lo awm zel ni tur a ni. Chutiang ho, rang tak a thisen emaw, an taksa tan a pawimawh pekna’n, IV ang deuh tho, IO an tih chu an lo hmang ṭhin alo ni a. In hre ngai emaw, kei chu a hming ngawt pawh ka beng a la ri ngai lo a ni. Chutiang ti tur chuan ruh an drill a, chutah chuan IV ang kha an pe ta ṭhin a ni. A na miah lo, an ti bawk!
Similar Posts:
- Sorkarin city bus leh taxi nuar service turin thu a pe
- Khawvela thlalak lian ber
- Rih-Ar hi sava zingah hian a eng ber nge?
- Taxi / City bus in HORN min pe ve khanglang a…
- Ram kang.
January 13th, 2013 at 6:52 pm
morning vek ule
Report this comment
January 13th, 2013 at 9:20 pm
Bengvarthlak thin e. A bikin intraosseus hmanga thisen lak leh drip khai vel khi a tha turu khawp ang, puitlingah lehnghal. Naupanga io tih hi chu needle pangngai pawhin a theih mai, an ruh a la no a. Puitlingah erawh chuan khitianga verh khi a tul ngei ang.
Report this comment
January 13th, 2013 at 9:39 pm
A bengvarthlak in a hmuhnawm. Rualawh a na duh tiah tiah. An Fire Servicemen te chu an fit ang chu aw, tianga hmanraw tha leh training uluk bawk. Training step khat pawh khi misual thenkhat tan chuan harsa viau ang aa, hmalam kiar tawh tan phei chuan
Report this comment
January 13th, 2013 at 11:49 pm
sheldon #3, an thei lutuk ang. A thep sawt sawt mai dawn a lawm hairehai
Ka’n rawlruk ang che aw:
https://i48.tinypic.com/20uu8ag.jpg
Report this comment
January 14th, 2013 at 2:43 am
Mit a tlai beng a fah rualawh a tizual.
Report this comment
January 14th, 2013 at 7:23 am
IO chu a rapawm reuh e a!
Report this comment
January 14th, 2013 at 9:18 am
TS, ty
ni e, Mizoram hi rilruah a lang vawng vawng zel asin. 
chhangteval #6, han en mai leh ngaihtuah mai chuan a rapawm roh viau tak tak asin hahaha
Report this comment
January 14th, 2013 at 9:52 am
Post BVT
Mi ram te chuan eng kim mai hi an la thutak em em a. A tha ber berin engkim an ti thin. Midangte tan an nung ti ila a sual lutuk lo vang chu maw.
Report this comment
January 14th, 2013 at 4:32 pm
Awmtea Leo Khiangte #8 tih takzetin an ti a ni ber e. Hlawh nei lova thawk (volunteer) hi a tam ber an ni lehnghal. An hunawl neih apiangin an kal mai a, station, member nihna an neihah khan kalin, puih ngaihna chi hrang hrang ie., truck silfai, chhuat nawh fai, medical emergency a kal, in kang leh buaipui ngaite pui a kal turin an inpe em em mai a ni.
Station tinah hian memberte riah luh theihna (Zawlbuk ang deuh), pindan a awm vek a, tah chuan volunteer-te chuan an hman zanin riak lutin, khawtlang (community) a tanpui ngaite an awm a tanpui nghal thei tura inpeih rengin an awm thin a ni.
Hlawh an beisei lova, an theih ang ang an chhunglut zawk nghe nghe a ni. Khawtlangah te intihhlimna chi hrang hrangte leh skul-ah te kangmei lak a fimkhur dan etc. te zirtirna neiin chutiang chuan khawtlang tan hian pawimawh tawpkhawk an ni tawp mai. Train theih chi hrang hrang a tam a, chutiang train tawh-te tan chuan fire truck leh ambulance ah te chuangin accident emaw, inkang emaw, dam lo awmte pui turin an chhuak thei tawh thin a ni.
Report this comment
January 14th, 2013 at 4:38 pm
Chuti ang tak chu alawm kan ram tana ka awh em em chu. Tuna kan ram dinhmun en hi chuan mahni tana chakai khawrh chauh hi kan thiam tawk em mawn le ka ti hial thin.
Report this comment
January 14th, 2013 at 4:45 pm
Awmtea #10, sawrkar puih aiin, sawiseltu leh rel hrep-tu hi kan ni tlat mai a, a pawi anih hi. Tawiawmtu nih aiin ram development pawisa eiruk hreh lo tamna, chapo tak a an la hawi pir ngamna ram a ni miau mai si a. Sawrkar hnathawkte hi mipui hna thawk tur a hire an ni a, politiciante hi mipuite aiawh a hire an ni bawk. An nihna hre lovin min intihtheih khum a, lal (king) emaw an inti tlat zel mai a, vantlang lah chuan chutiang deuh chuan kan thlir chho ta zel a (vaingalsin zia), a pawi a nih hi.
Mipui vantlang hian, “sawrkar chu kan ta a ni,” ti ngamin, a that lohnate chu phunchiar mai lovin, a chhawmdawltu, chawimawitu, siamthat tumtu nih tum ilang chuan, Mizo te hi inhretlang tak, inkawmkhawm ching kan ni bawk nen, khawtlang tan mahni chakai khawrh lovin a awm theih mahna!
“Leh chuang lovang/ti awm lo em mai” tia sawi sawi lovin, a sawina hmun turah ngei vantlang hian thu thlen thin ila, YMA in zu in leh zu hmun kal haw an vil peih ang hian sawrkar pawh nawr peih ila, kan tha maiin ka ring.
Report this comment
January 14th, 2013 at 4:50 pm
@Pu HV, a dik khawp mai. Ram siam that nan thuneitu sang te aiin mipui (mass) atanga a tha (possitive) leh dik (right) zawnga hma lak hian nghawng a nei lian zawk fo thin.
Report this comment
January 15th, 2013 at 5:23 am
Awmtea Leo Khiangte #12 phak ang tawkin tan han le ve thin mah ila, rual awh chu ala na tho mai tiraw?
Report this comment
January 15th, 2013 at 7:51 am
Dik khawp mai. Mahse, hma chu kan sawn ve hret hret chuan ka hria.
Report this comment
January 15th, 2013 at 9:21 am
Report this comment
January 15th, 2013 at 10:39 am
Awmte#14, ngaihsam loh ching chho zel ila, kan ia chh ove zel mai turah ka ngai.
Report this comment
June 9th, 2013 at 1:07 pm
Hna ngaihsanawm leh ropui thawk thei Mizo pa kan nei hi ava nuam em! Midang tana sum leh pai hlan hi chu a tih nawk nawk, midang tana nun hman/hlan erawh mi bik nih a ngai fo. Dawizep tan a theih loh va, huaisen nazawng tan a theih hek loh.
Report this comment