Vawiin January ni 15 khan, Pakistan Supreme Court chuan, Pakistan Prime Minister nilai, Raja Pervez Ashraf chu Corruption chung changah Manna thupek an tichhuak ta ruau mai.
Pu Ashraf hi a hma chiaha Prime Minister bang ta, Yousuf Raja Gilani hunlaia Federal Minister for Water and Power anih laiin, Pakistan pawisaa Cheng tluk leh dingawn 22 zet man Rental Power Project (RPPs) –ah Thamna(bribe) tam tawk tak ala ngei nia puh leh hriat a ni. Amah bakah hian midang pawh 15 zet man tura thupek tih chhuah ani bawk. Imran Khan te ho chuan, Inthlan that an sawi vul viau laiin, Sipai Sawrkar bawkah an tluk luh mai a hlauh thawnawm ta hle.
Hetihlai hian, Kashmir a India leh Pakistan inrina Line of Control (LOC) vela buaina chuan reh lam aiin punlun lam ala pan ta zel a. India sawrkar hruaituten an theihtawpa boruak hmeh mih an tum chungin, Opposition Party BJP ho nawrna avang leh mipui nawrna avangin, Pu Man Mohan Singh-a te pawh an inhampuarin, an invaupung lo thei ta lo a ni. India Army Chief leh Northern Commander te pawh an tawng na sawt ta hle mai.
Amaherawhchu, India hian Pakistan hi a nawr lutuk chuan, Civil Sawrkar aia India tana chhe zawk leh hlauhawm zawk, Sipai sawrkar neih phah nan Pakistan hian an hmang ang tih a hlauhthawn awm ta viau bawk si a ni.
India leh Pakistan dinhmunin that lam aia Indo lam a hnaih tak zel avang hian, Indian Hockey League-a tel tur Pakistan inkhel thiam mi 9 te chu an rama haw vat tura tih fel ani ta a, Women World Cup Hockey Indiaa nghah turah pawh International Hockey Federation (IHF) chuan, Pakistan Women team te chu Security thil avangin an tel a remti ta lo a ni.
Asia Sawrkarpui 2 China leh Japan pawh an lo inngur chher chher mai bawk a, Lawnglian leh Jet Fighter an in sehawr tuau tuau mai bawk a. An buaina chhan hi Thliarkar inchuh vang a ni. He thliarkar an inchuh hian hming pawh 2 a nei a. Japan ho chuan ‘Senkaku’ an ti a, China ho erawh chuan, Diaoyu an ti ve thung a. Tunhma chuan, Japan mihausa ta alo ni thin a, nimahsela, Japan hian a ram zauh nan leh sawhngheh nan nikum(2012) September ni 13 khan a lei ta a, Sipai hmun atan a cheibawl ta a, hei hi China hian a ngaimawh ta em em a ni. Lawng an ngir khup a, Japan hian US Fighter F-15 an thlawh tir fer fer reng laiin, China ho pawhin Israel nen tangduna an siam J-10 Fighter an thlawh tir ve reng bawk a ni.
Kan tunlai thil awmzia, a bikin kan chenna Asia khawmualpui hi a ralmuang ta lo hle mai.
Similar Posts:
- Mizo Player in Indian Women’s Hockey Team
- Quam thliarkar lehlin/khaikhup thawk a hlauhawm em?
- Lian tual tual – China
- Taliban zingah ‘ Israel hnam bo’ an awm em ni?
- India Vs Pakistan
dik khawp mai
January 16th, 2013 at 12:14 pm
Hei chu nimin lama chhuak tur a ni maw!!
A bengvarthlak hle mai.
He leia engvakmah nei ve lo tan chuan indona leh khawvel tawp te pawh hi a hlauhawm nepin lothleng thuai thuai se tih mai te pawh thil awmthei tak tur niin ka hria. Khawvela vawikhat lo piang chhuak theuh theuh hi kan innawmsak hleihin kan nun hman hi a inthlau rem rem em mai.
tren tren
Report this comment
January 16th, 2013 at 12:30 pm
Rup mai a.
Indopui erawh zawng a la thleng lo vang. Fapa tlanbo rawn kal mek hian hian a tih tur tam tak la awmte chu ala ti zo lo tlat.
Report this comment
January 16th, 2013 at 1:17 pm
Heti zawng hian en ila.
Corruption vanga man tura thupek hi kan ramah hian awm ve se ka ti khawp mai. Tukin khan Haryana chief minister hlui Prakash Singh Chautala pawh zirtirtu engemaw zaz dik lo taka a lo lak (recruit) vangin an man daih.
Mizoramah hian zirtirtu dik lo taka an recruit leh recruit loh chu ka hre lo. Mahse zirtirtu thawhna tura an ruat (thingtlang) lama kal duh lo, tih reprot a awm leh zauh thin.
“Corruption dona lamah hi chuan na lua a awm lo”, kan tih ve hun ka nghakhlel.
Report this comment
January 16th, 2013 at 1:23 pm
An indo leh ngawt ange. A hautak em mai. ‘Bakah nunna hlu tak tak kha enge maw zat kha a ral leh dawn asin! Tha te te khan awm tlang teh u.
Report this comment
January 16th, 2013 at 1:45 pm
India hian pakistan kut thlawn hi a tuar zing va ta bawk a tun tum hi chu engemaw tak ti se ka ti khawp mai. Hetia kan sipai te midangin an thaha india in a chhan duh leh si loh chuan india sipai te rilru a hnual phah ang tih a hlauhawm a lawm mawle. Hetiang thil ah hi chuan Isreal te khu an fakawm khawp mai, an mite chhan an ti na a, an huai phah reng bawk.
Report this comment
January 16th, 2013 at 2:24 pm
Hi hii.. ngaihnawm ve
Report this comment
January 16th, 2013 at 2:37 pm
Sawi tur pawh ka nei ve meuh lo, an indo vaih erawh chuan kan awmna lai hi first target anih hmel
China leh Japan chu an indo ka ring lo, tun dinhmunah chuan
Report this comment
January 16th, 2013 at 2:57 pm
Sipai lu ho hi indona field-ah a hmatawnga tang tur ni se indona a thleng khat deuh angem le
Report this comment
January 16th, 2013 at 4:41 pm
Bengvar thlak hle mai
#3 khi
Report this comment
January 16th, 2013 at 5:26 pm
Pakistan hockey player ho hi 2013 chhunga an match fee pek anni dawn a, club neitute leh coach/manager ten pawi an ti hle mai. Indo tak hi chu an hreh talh talh khawp mai a, mahse, nem lutuk anga lan emaw, mahni sipai ral kut tuara thi te ngaihsak lo lutuk nih an hlau bawk si; an lai ve hmel khawp mai.
Report this comment
January 16th, 2013 at 7:03 pm
Lok Sabha eptu hruaitu Sushma Swaraj-i chuan kar hmasaa Pakistan sipaiten India sipai lu an tan sak lu chu India hnena hlan a nih loh chuan India chuan ramri lehlama Pakistan mi 10 lu an la ve mai tur a ni, a ti.
Report this comment
January 16th, 2013 at 9:47 pm
India in akistan senior citizen te awlsam zawka India rama an rawn luh theihna pawh a titawp ta hmak a, mi tam tak beidawngin an haw nghuk nghuk mai le.
Report this comment
January 17th, 2013 at 12:40 am
Pakistan hi mizote hian kan tan ta vak lo a ni maw..?
Report this comment
January 17th, 2013 at 8:44 am
Hmanah chuan –
Pakistan = Kan lam.
India = Vai.
Tunah chuan –
Pakistan = Leh lam
India = Kan lam.
Thenkhat erawh an hmui = leh lam. An rilru erawh = India(Vai).
Report this comment
January 17th, 2013 at 10:44 am
Pakistan hi Taliban an lo nih tak ber hi, ninawm ve reuh khawp mai. Zilh hlak se ka ti teh mai ania… Mahse indo bur bur se chuan zia dawn lo bawk si.
Report this comment