Mizorama kan sangha neih len ber leh kan pi leh pu te thawnthu pawha lang Thaichhawninu chanchin hi a ngaihnawm a. Sangha tui tak ni lem lo mah se man ve hrim hrim hi kan chak tlang chu a ni awm e. A chanchin hi chu a hrechiang zawkte sawi turah dah ta ila. Engtin nge an man thin tih lam hi ka lo hriat ve dan kan phawrh ve ange.
Kum enge maw zat liam ta khan Mizoram leh Manipur inrina, Tuivai lui bulah khian hnathawkin kum khat zet ka han awm ve a. Thaichhawninu hi an man nasa thin khawp mai. Tumkhata an man hnem ber ka hriat chu 45 zet a ni. An man zinga lian ber phei chu sum 6 a lian, kg 60 chuang lai mai zuk ni a.
A man dan hi chi hrang hrang a awm a. Sangha tlangvuaka man hi kan hriat lar pawl a nih hmel. Tlawng velah chuan tuithal(cossbow) hmawr, a zum lo lamah hruifei tak an thlunga, chu chuan tuichhungah an zuk kap a, an hnuk chhuak mai thin.
TUIVAIA AN MAN DAN: Thaichhawninu man tur chuan mi 20 dawnte hi an thawk chhuak thin a. Jelatine (bomb), Parachute hrui, lenpui etc te hi a manna hmanrua an ken thinte chu a ni.
Thaichhawninu hi li thuk takah lo chuan an awm ngai meuh loh avangin tui thiam tak hruai tel ngei angai. Li-ah chuan tui tarmit vuah chungin tuithiam chu a’n lut a. Thaichhawninu a zuk hmuh hlauh chuan, a lo chhuah hnuah a lenzawng milin jelatine an han tel khawm a. Sum 2 vela lian anih chuan Jelatine tlawn hnih vel a tawk viau, Sum li vela lianah chuan tlawn thum/tlawn li vel an hmang tlangpui.
Tichuan, Jelatine telkhawm chu a fuse sei tawk an vuah hnuah, pumah mi pathum velin an han chuanpui ta a. Thaichhawninu awmna chung zawn velah pum chu tidingin jelatine chu an han dep kai ta a, Jelatine deh kaisa chu tuiah chuan a’n luhpui ta vang vang mai a, Thaichhawninu awmna a zuk thlen chuan amah hnaih thei ang ber, a pum hnuaiah emaw a pangparh hnuaiah te jelatine chu a zuk dah a (Thaichhawninu hi sangha zaidam leh huai tak a ni a, mihring a bula an zuk luh pawh hian a lo tlanchhe ngai lem lo) Tichuan, a zawh veleh a rawn chhuak leh vang vang a, pumah lawnin rang takin bomb puah hun nghak turin vaukam lam an pan ta thin.
Jelatine an puah hnu chuan tuiah chuan an hrui kente nen chuan a’n lut leh ta a. Thaichhawninu awmna a zuk thlen chuan chuan a lo chau/luhai tawh ngei a, chu chu a rem lai laiah a hrui ken chuan a zuk hling ta mawlh mawlh mai a. A len dan azirin hmun hnih hmun thum, hmun li laiah te pawh hlin a ni thin. (Thaichhawninu hi an bomb hlum tak ka la hre lova, Sangha tlangvuakah pawh hian a ru tui rui lai kha an vaw hlum mai thin a ni) Tichuan, hrui hmawr chu rawn keng chhuakin vaukama thing dingahte chuan an han tlan vet te te phawt a, chumi hnuah haw haw hluah chungin an pawt ta luai luai mai thin a. He inhruipawh lai tak hi Thaichhawninu mannah chuan a nuam lai ber a ni.
Tui thuk laiah chuan pawh a nuam em em a mahse tuipawnna lai a rawn thlen chuan an tang ta tak tak thin a, chak tak hi a ni ringawt mai. Hrui fei vak lo hman phei chuan tihchhuah leh palh awl tak a ni thin. Chumi vanga parchute hrui kher hi hmang thin an ni. Chutia, tui thuk lo laia a tal vel chu len chuan an han khuh thawk a, talhtumin an vaw hlum zui ta thin a ni.
Aw le, tunah Thaichhawninu sangha hi Mizoramah hian an tlem ta hle mai a. Tuivai vela mite hi chu fur tuilen laia Tuiruang(Barak) atanga rawn lut chho an ni tlangpuia sawi a ni a. Tun hnua Tlawng vela an man thin ka’n hmuh chang hi chuan, a note te nen lam kan rut tawh ni ber hian a lang. Thangthar zelte hmuh ve theih tura kan humhalh tlan hi an ngai ta hlein ka hria. ‘Thaichhawninu Tang fan fan’
Similar Posts:
- Thaichhawninu
- Dawhduai (sangha manna)
- Luia Cheng Nungchate.
- Camera trick a tello.
- Kawlkulh leh Hliapui inkarah motor a chesual, mi 2 an thi
January 25th, 2013 at 12:36 pm
A va’n ngaihnawm veee. Post tha hle mai. Mahse a tlangkawmna ang khian kan ram(sangha, sa, thing leh mau) hi kan humhalh a va han ngai nasa tawh tak em! Tan kan lak loh chuan kan la inchhir anga, thangtharte’n min la dem dawn a ni. Jelatine hman dan tak khi a den hle mai. Khap chung pawhin kan hmang lui zel bawk si a
Report this comment
January 25th, 2013 at 12:45 pm
A ngaihnawm hle mai. A tlangkawmna khian lung a kuai raih mai…
Kan venga thaichawninu kan hmuh ve thin chu Ngawia tla a ni thung a. Ruh a neih loh avangin naupang, pitar leh putar tana sangha duh ber leh tui tih ber a ni thin. Kan veng hian De luiah ngawi an dawh thin. Mahse Ngawi hi ka la hmu ve lo..
Report this comment
January 25th, 2013 at 12:54 pm
Thaichhawninu thlalak nei in awm em? Enge a sap hming?
Report this comment
January 25th, 2013 at 1:08 pm
reubo and Dr Mahminga a lawmawm e. Khi lamah chuan jelatine hi thil vang a ni a. Lengphar, kawnghram vel man nan chuan tlawn khat pawh hi bung 5 ah kan chhuah thin. A kep(detonator) pawh hi a powder var leh eng hi kan la chhuak a, kan bung hram thin. Ninawm duh tak a ni.
Ni e, humhalh lam hi tanlak a ngai a ni. Tin, eng family zinga mi nge, an life cycle etc han sawi zawm teh u.Helam chanchin ziahna ka dap thin a, ka hmu mai bawksi lo.
Report this comment
January 25th, 2013 at 1:12 pm
Hetah hian https://misual.life/2011/01/11/thaichhawninu/
K’u Kawltea’n Thaichhawninu thlalak chu a lo post der tawh a nih hi.
Report this comment
January 25th, 2013 at 1:29 pm
A ngaihnawmin a bengvar thlak hle mai. Kei chu a tlangkawmna khian min hneh nghal der mai a. Thaichhawninu mantu zingah chuan ka tello phawt mai ang.
Report this comment
January 25th, 2013 at 3:20 pm
Tlawng velah chuan a note te nen lam an man maw ni a? a van sorry thrin ve aw.Hnam a tak, leilung, thing leh mau, nungcha te humhalh nachang hre lo kan nihna hi a lang leh thin.
Report this comment
January 25th, 2013 at 3:44 pm
Chhimtuipui Darzo kai ah khi chuan sangha man khi an humhalh tha a, hetia marboat a kai lai te hian channa leh engilo ei theih hi thlak ila, an rawn phu sup2 zel nia mawle,,nalh tak anni….an entawn tlak khawp mai…
Report this comment
January 25th, 2013 at 6:19 pm
Thaichhawninu hi humhalh an lo ngai hle tak mai a.
Ziak ngaihnawm dap dap e
Report this comment
January 25th, 2013 at 7:30 pm
Mizo te leh kan chheh vel a tribal ho hian sangha kan beih dan hi a tha lo ka ti ngawt mai. Khasi ho khu entawn tlak tak an ni awm e. Keini ho hi chuan kan ral (enemy) beih chiam mai zel a, suat mang nghal vek pawh (thei ila) kan hreh hauh lovang.
Report this comment
January 25th, 2013 at 8:58 pm
A bengvarthlak hle mai. Ngaihtuah ngai tak thil a nih hi.
Report this comment
January 25th, 2013 at 9:06 pm
Thaichhawninu sa hi changel hnahin funin ila reilo teah changpatah a chang vek thin, kan ti thin kan naupan laiin
Report this comment
January 25th, 2013 at 9:12 pm
Ngaihnawm hle mai sangha tlang vuak te kha nawm hmel fu ni….
Report this comment
January 26th, 2013 at 2:30 pm
A humhalh lamah kan tan a ngai a ni.
Report this comment
January 26th, 2013 at 4:43 pm
A humhalh dan tur lampang han post leh nghal zeuh la
Report this comment
January 26th, 2013 at 7:57 pm
An va han khawngaih thlakawm tak em. Chuti lam chuan a kal tlat nimin vela ka chhiar in. Isua ringtu inti te tih tur ani love.
Report this comment
January 26th, 2013 at 9:11 pm
Ni e, a humhalh duh vanga he post hi siam a ni e. Appy thianhlun,Darzokai ang deuh khian Sairang leh Sihhmui chuan Nikum atang khan Tlawng lui hi humhalh chin an nei tawh e.
Thaichhawninu humhalh tur hian kan tang tlang zel ang chu.
Report this comment
January 26th, 2013 at 9:11 pm
Tum khat a 45 lai an man zel chuan,
an rem vat ang. Hum halh tu an ma mawh tak zet a nih chu. Thaichhawni nu sa hi, chang el kawr leh a hnah in ka fun a, chang el kawr a ka fun na zawk a mi chu,
changpat thiang hlim deuh deuh ah
a chang a, changel hnah a ka fun ve e rawh eng tin mah a awm lo.
Report this comment
January 26th, 2013 at 9:25 pm
Sihtea, keipawn ka tichhin tawh.. Changpatah chuan chang lo chiang ve khawp mai haha
Report this comment