Ngaihnawm taka, Mizo tawnga min lehsaktu Pu Lalsangliana (LSL) avangin:- A kawnga a pistol pai, amah a, kuta lo zuangchhuak zawk ang mai a, ‘Pistol phawi rang lutuk’, a nih avanga Sudden ti a hriatlar leh hmingthang tak khan, a hunlai kha chuan, khawvel ram kilkhawr ber te zinga mi, Mizoram dung leh vang meuh pawh a fan chhuak hneh hle a nih kha. High School zirlai tamtak te khan an zirlai aiin an tuipui a, Schoolah te an ak a, chawlhlawk lai te-in, pakhat in a chhiar a, midangin an ngaithla thap thin. A ngaihnawm em avangin, Pu Lalthianghlima (cowboy lukhumparh khum deuh chawt thin) khan a then chu a chhuahchhawn bakah, Pu LSL lehlin bak, lehlin zui te pawh a nei awm e.
Kan mi(sual).com mi tu-ru, Coolsoul09 te, Kawlhawkte ang bawk a, suangtuahna khawl vel a tak ram ang mai a rawn chantir thiam, Oliver Strange khan, American ‘Wild West’ an tih, mitin in, silai an chelek mai ni lovin, ‘roreltu’ bera an hman hunlai tlawhchhanin,….Misual pahnihin, pa anga alo en, amah enkawl sei liantu, rawk da vek a – rilru na tak a an siam, thi lek lek hnena, Jim Green, rawn tlangval chhuak hlim awrh-in, chu misual pahnih zawngchhuaka that ngei tura in tiamin (Sudden- outlawed) kum tam a zawng a….. chu a mi zawn pakhat zawk chu – a ma Pa diktak zawk lo niin, Pa fa an han in chhar chhuak a, (The Range Robbers tawp ah) a pa-in, fanu anga alo enkawl Noreen-i nen an nei zui ta bawk… a ma hming diktak Donald Severn a rawn pu zui leh ta (The Law o’ the Lariat) bawk a. Outlaw hmingthang tak mah nise, misual a nilo tih hria-in, Arizona Governor, Bleke a’n a ngaidam a, Arizona tawp lutuk, thianfai turin Deputy Sheriff ah a dah tak (Sudden Rides Again )……chanchin chu, khawvelin ngaihnawm a tih em em turin, suangtuahna khawvel atangin, alo pian chhuah tir ta a ni.
Thomas Oliver Strange hi, kum 1871 khan Worcester ah alo piang a, a naupan lai leh a School zirna vel record a awm lemlo. Sudden a nupui hming atan a a hmeh bel tak ‘Noreen’ (Nora) hming kha, a mah (Oliver Strange) a nupui Noreen (Nora), a mah ai a kum 20 lai a naupang, school teacher ni thin hming a ni. Kum 1948 khan, Nora Strange chu St Johns Hospital, Twickenham ah, amah hmangaih em em tu a pasal Oliver Strange chu, chatuan atan a hah chawlh san ta a.
A thih atang a kum 4 hnuah, a thawnthu phuah ngaihnawm em em avanga khawvelin an theihnghilh tawh loh tur, a pasal Oliver Strange pawh chu, kum 82 mi niin, kum 1952 Krismas urlawk ni khan chatuan atan alo muhil ve ta a ni. Fate, khawvela hnutchhiah tur an nei ve lo na a, Donald Severn, James Green leh, Sudden ti a kan lo hriat lar ve em em te hi, an thih atanga kum tamtak hnu-ah pawh…a chhiar tawh tawh te thinlung khawvelah an nung reng dawn ta a ni hi………………..Misual ho khan, in chhiar tawh te, a ngaihnawm in tih thu te khan han belh chhah ula, State kan nih hnu a piangten, an pian ve hma a kan lo hlep nasat zia te an hre ve dawn nia….
Oliver Strange khan Sudden thawnthu ngaihnawm tak tak thah bu 10 lai a ziak hman a :-
- Sudden—Outlawed (1935)
- Sudden (1933)
- Sudden—Gold Seeker (1937)
- Sudden Rides Again (1938)
- Sudden Makes War (1942)
- Sudden Takes the Trail (1940)
- Sudden Plays a Hand (1950)
- The Marshal of Lawless (1933)
- The Range Robbers (1930)
- The Law o’ the Lariat (1931)
A thihhnu-in, Frederick H. Christian khan chhunzawmin, ngaihnawm tak tak tho bu 5 a ziah belh ve leh bawk:-
- Sudden Strikes Back (1966)
- Sudden—Troubleshooter (1967)
- Sudden at Bay (1968)
- Sudden—Apache Fighter (1969)
- Sudden—Dead or Alive! (1970)
Frederick H. Christian hi English editor leh writer a ni a, 7 March 1931 khan, Beatles ho lo chawr chhuahna khua, Liverpool a lo piang a ni a. Frederick Nolan ti a hriat lar a ni zawk mah a. Liverpool and Aberaeron, Walesa zir chhuak a ni.
Similar Posts:
- Sudden Muanga
- Salt Lake Stadium- ah Oliver Kahn
- Pu Lalsangliana kan chan ta (Cowboy Bu Sudden-a Mizo tawng a letlingtu)
- Class of 1994 (Mary Mount School)
- Teen girls reportedly make pregnancy pact
July 5th, 2010 at 7:00 am
Sudden kha a pawirang thei berin ka hria
July 5th, 2010 at 7:02 am
Hmanah Suddena a phawirang ber. Tunah Zephanath a phawi rang ber.
July 5th, 2010 at 7:12 am
@caribou:
Ka phawirang pawh ni lo.. post chhuah atangin 30 minutes hnu-a comment anih khi. (in comment hma-in ka lo comment ve mai chauh a ni.)
Sudden ‘Cafe of Thug’ tih pawh a awm kha.. Range pakhat venghim tura an rawihna thawnthu kha.. ka chiang tawh lo.
Khing ho list ah khian 2/1 bak chu chhiarloh ka neihawm ka hre lo..
Cowboy thawnthu dangah chuan Dusty Fox, Billy the Kid, John Walden te hi ka chhiar lar pawl chu a ni e.. Sudden kha ka ngaisang ber a, ka chhiar tam ber. A sakawr fing tak, lian dum tha tak hming pawh kha ‘Nigger’ tih ni lawm ni..
July 5th, 2010 at 7:13 am
“Kanpu chuan thihna a chova, a ngam ta lo”. Suddena chu “kawlphe ah pawh a rang pawl a nia.”
Suddena thawnthu hi a ngaihnawm ka ti a, ka chhiar hnem bawk. Web-a (Spidera) nena an inbeihna phei kha chu ngaihnawm tak ani. Sudden in the City tih kha chu a ho ka ti.
A tlangpuiin an khaihlum lek lek ziah. Nula lakah a tlatlum tlangpui.
July 5th, 2010 at 7:25 am
Ka lung a va tileng mai mai em. Pu Lalsangliana lehlin ngei mai kha lei thar leh tak ani ka nap ni. St Paul’s HS kan kal lai ani a inbul thingpui dawr Pi Hrangi (fam) ah khan cyclostyle a her chhiat te kha kan lo chhiar ka nghakhlel lutuk khan.
Sudden Muanga tih comics te pawh kan neihna bul chu he thawnthu hi ani.Heng keini (Sudden-a era) ho in kan hlut em em hi kan fate lah hian han tuipui hi an awm mang awm si lova. A chhuak thar kha a ri ngei maiin kan han inchhiar chhawk thrin kha ania mi 5 ten kan ngaithla thrap thrin.
@mrDuhlova heng hunlai a kan nula rim te khan Suddena bu thar hi an neih ziah vang leh kan lo **** bawk vang khan an in ngeiah kan han chhiar thrin nuam ka tih zia te a lo lang pup pup mai a. khanglai khan khang thawnthu khan khawvel zauzawk min hawitir chin pawh a tam reng ani a bak awm chuang hek lo le.
Pu Lalsangliana khan Suddena- bu en chung khan ama type writer ngei ah khan Stencil ah a cut nghal thei – thu a thiam mai a ni lo english a thiam bakah translator mi chung chuang chu ani ka ti ve ngat ngam kei misual hian.
July 5th, 2010 at 7:29 am
Sudden in the cave of thugs kha chu awm ve kha. Sappa kutchhuak a ang lo, mìzo ziak a ang ka ti. “Sudden at Bay” pawh kha a ho ka ti.
July 5th, 2010 at 7:40 am
Sudden Rides Again: Where four rogues block the way of a girl in a saloon and Sudden says, “Go ahead, ma’am; if anyone gets in yore way yu’ll only have to step over him”
July 5th, 2010 at 7:47 am
ka chhiar kim ve tlat.
July 5th, 2010 at 7:48 am
In THE CAVE of THUG kha SUDDEN ka chhiar tawhah chuan angaihnawm ka la ti ber mai. Mahse a list ah khian ka hmu hauh lo nia. I ti lunglenthlak ka ti…… min ti bengvar lehzual mange…..
July 5th, 2010 at 7:57 am
@D_auachwgthu: Kei pawh ‘Cafe of thug’ kha ngaihnawm ka ti khawp mai.. Sudden sawilan apiang hi chuan ka rilru ah a lo lang ve ziah.
July 5th, 2010 at 8:00 am
Khamrang rides again, a man rs. 150.00 in jewel book store ah lei theih in a awm e :lol:
July 5th, 2010 at 8:09 am
Zephenath, Khamrang thi chu Vawk ek an hnim tir a, a nung leh mawle :lol:
July 5th, 2010 at 8:39 am
khamrang chu va hnim uih vung2 ve
July 5th, 2010 at 8:41 am
@Mr Duhlova i rawn post thra e…. lung a ti leng hle mai. Oliver Strange leh Frederick H. Christian te chanchin hi ka lo hre tam lo hle mai a, thawnthu ngaihnawm tak min chhiar tir thin avangin ngaihsan awm ka ti thin ani. In rawn tarlan te khi chhiar lohg ka neih awm pawh ka hre love a, Tin, a bu sei a a chhuah lai khan ka lei kim in ka hre bawk. Tunah erawh pakhat pawh hmuh tur ka nei tawh lo, han chhuah thar leh se ka la lei duh vek tho…
July 5th, 2010 at 8:48 am
Cowboy lam aimahin, ka rilrua lo langzawk chu Typewriter a chhut Cyclostyle a her leh mawlh mai khi. A kawma lem nalhve tak tak te kha engtinngemaw an lo tih ve thin le.
Pu Mvision hian a rawnsawi lunglenthlak tlat. Cyclostyle hi ka herve nasa thin khawp mai. Mizopa siam a nawra nawr chite pawh kha an hmang thin a ni lawmni kha.
July 5th, 2010 at 8:51 am
15
bucko # Khawi Library emawte khan lo kawl that ve nachang hria se – han chhuah thar leh se a tha ngawt tur hi a nia le..
A ngaihnawm vanglai….Saloon chhungah, misual ho an rawn lang tiam tiam a, an han indraw dawn hnai…bul hnai a awm te an tawlh hla tan ta maw tihah..Awm zel tur…ti a a han tawp daih mai thin kha a ui awm-in, a chhuak leh tur a nghah hlelh awm duh thin teh e… Pu mzvisiona’n a ti in ka ring.
July 5th, 2010 at 9:26 am
Lung ava han ti leng deuh ve. Cyclostyle a print, bu hlai deuh kan han chhiar ngei a. A bu khan chhiar a hlawh bawk a, a bu inthlehna lai vel an tet ngei mai a, chutah a phek thenkhat, lo thler palh te kha cellotape in emaw kan han charzawm ngei bawk a…
JT Edson han ‘cover’ leh law law teh a. Nang mi taima… :lol:
‘Cafe of Thug’ chu ka hre ve miah lo mai. Frederick H Christian hnu a midang ziak a ni lo maw?
July 5th, 2010 at 9:48 am
Khamrang store ah Texas Longhorn rep lei tur a awm e :lol:
July 5th, 2010 at 9:51 am
A ngaihnawm hlawm khawp mai,ka la chhiar kim lo a nih khi.
July 5th, 2010 at 10:16 am
Cowboy bu kha chu thla thum velh a liam kha chuan a lai ah khan hmun hnih hmun thum a a inthleh tawh chuan a ngaihnawm hle tihna ni mai :roll: :mrgreen:
July 5th, 2010 at 10:24 am
Cowboy Thlan Lung Bawnra (Lengzem).
Two things i love most, good horses and beautiful women (jewel), and when i die i hope they tan this old hide of mine and make it into a ladies riding saddle, so i can rest in peace between the two things i love most
:lol:
July 5th, 2010 at 10:45 am
Lung in va ti leng deuh ve a… ka chhiar veks tawh. (including the cave of thug). Mahse cave of thug kha chu a CK deuh mah2 ka ti.
July 5th, 2010 at 10:57 am
“The cave of thug” hi, Oliver a leh Frederick te ir-awm chhuakah an tel lo tlat – Zo pa, thu leh hla thiam tak rawn vawrh chhuah pawh a ni mahna…..
July 5th, 2010 at 11:12 am
Lung in va’n tileng ve! kei “In the cave of thugs” kha a lem bik riau-in ka hria, 24# sawi ang khian Mizo phuah a nih ka ring.
“Jim Green Vs King Burdette” ka va hmu lo ve, ngaihnawm ka ti teh mai a nia.
July 5th, 2010 at 11:20 am
Sudden aka Jim Green hichu a ngaihnawm chungchuang ani….Mahse Pistol kut atanga ‘zuangchhuak‘ ti a an lehlin ka la chhiar fuh ngai lo, a ‘Perchhuak/Chawrchhuak nawlh a‘ ti a an lehlin erawh ka chhiar hnem tawh fu.
July 5th, 2010 at 11:27 am
Sudden bu intanna ka la hriat thenkhatte:
” Thi tur ringawtin ka tir che pawh a ni mai thei” (Rides Again)
Saitluang pawh tluk lo vawk kawng rau mai mai ni awm……… Sudden a nih ringtu chuan a ring sual kher lo ang (Plays a hand a ni ta em aw?)
“Ding rawh, pen khan pawh i rawn pen leh chuan hremhmun kawngkhar thleng rawkin ka lai phir hian a hnawl ang che” Strikes back?)
Apache Fighter khi ka chhiar hmasak ber a ni. Pawl 3 ka zirlaiin ka chhhir tawh. Shiloh Plat, Manito tih vel kha ka la hre thei veks.
July 5th, 2010 at 11:30 am
Sudden kha chu ngaihnom ka va han ti thrin tak e aw, cyclostye a her hlai pui ngei mai kha a nia, khi mi gunbelt n holster khian lung a tileng thlawt mai, kan en ngawih2 thrin, khan hun lai kha chuan khi mi gunbelt tluka mawi tih khi kan nei chuang lo e. Mahse thil ka hre rei thei lo a, a thawnthu kha hriat ka nei tawh lo.
July 5th, 2010 at 11:30 am
26
chhangte_ll #
….A kawnga a pistol pai, a mah a (pistol), (a pai-tu)kuta lo zuangchhuak zawk ang mai a, ‘Pistol phawi rang lutuk’,… khi Sudden a phawiran zia ka sawi ve dan a nia….’tu-pa tawng a nih thu’ ka sawi ka hrelo.
July 5th, 2010 at 11:36 am
mr.Duhlo, Kan misual.com a mi tu-ru tih a ka hming alang kher khi chu ka va edit chak em! :lol: I post ngaihnawm, hmuhnawmin lung a ti thar reuh hla tak mai ka ti. Cowboy thawnthu-in kan chhungril a han luhchilh tak2 kha chu! Lehkha bu dangte kha chu ‘Ho’ tak kha ani ringawt, ‘Ho’ tak! Suangtuahna mithla nen an zingah kan cheng a, an silai kah laite khan an bulah kan lo thu ve khiau a, Sakawr nena an lim puat2 pawhin an hnungah kan lo lim ve puat2 a… A changtupa phawiran zia te, mifel tak nisi, misual turu lutuk ang maia a tlangthan tak dan te, misual hoin kawng engkima an han khan loh vai vai zia te kha aw…!!!
July 5th, 2010 at 11:41 am
Dear post tupa/tupi,
‘Darthlalang a a thla a phawikhalh/Puakruk puak sa a pai‘ ti la chuti :lol:
July 5th, 2010 at 11:43 am
31
chhangte_ll # Why?
July 5th, 2010 at 11:51 am
mr.Duhlova chuan ka comments te a ‘Duhlo’ hle ani maw :lol:
July 5th, 2010 at 11:57 am
Sudden in the range robber aia Outlawed a hnuhnung tlat khi a va mak ve? Outlawed khi a hmasa ber emaw ka lo tia. Nge kum kan hmuh khi a ziaktu ziah kum ni loin an publish kum zawk?
July 5th, 2010 at 11:58 am
In va han hre rei thei ve aw: “Go ahead, ma’am; if anyone gets in yore way yu’ll only have to step over him” ka duh thei khawp.
19 khamrang # US khaw tamtakah khuan ‘Texas Steak House’ a awm a – Texas Longhorn Steak ei tur a awm fur, a tui dang lam khawp…a chhung chei dan a cowboy hunlai in an poster vel chu Cowboy hlir , a thawkte an Texan hle
July 5th, 2010 at 11:59 am
A cover kha in va sawi lo ve. LSLa lehlin ho cover kha a tha bik. Artist kha tinge ni ta kha? Stencil paper a draw ngat kha a ni a, a har namailo ngawt ang.
July 5th, 2010 at 12:26 pm
Sudden Muanga bu hi hmanzan ka mumanga Canada ka kal tumin nu pakhatin airport-ah a lo chhiar.
July 5th, 2010 at 1:24 pm
Ka van chhiar leh chak hlawm ve. Sudden hi chu man rim2 elawm.
July 5th, 2010 at 1:37 pm
ka cousin hi cowboy thawnthu atchilh tawp a awm a, Mizo tawnga lehlin ngei chi kha. Sudden pawh hi ka chhiar sak ve nasa khawp mai, a ngaihnawm thei, a MAN thei beu beu lutuk a
July 5th, 2010 at 1:43 pm
Sudden Strikes Back ka chhiar mek nia. Ngaihnawm khawp mai. JT EDSON pawn a ziak lo maw ?
July 5th, 2010 at 1:45 pm
A kawm nalh deuh a ziak thin tu kha Lalthianghlima a ni ta em aw?
July 5th, 2010 at 1:48 pm
Buck Duane Series pawh kha a awm kha maw le!
One Silver Dollar te kha chhiar tur awm leh ta se…!
July 5th, 2010 at 1:52 pm
34
Rcafanai# Keini chauh kan nilo…khawthlang lam, Suddena thawnthu tuipui dangte pawhin, a thawnthu kalhmang atangin a bu indawt dan ni a an ngaihruat chu:
1 Sudden-Outlawed
2 Sudden
3 The Marshal of Lawless
4 Goldseeker
5 Sudden Rides Again
6 Sudden Takes the Trail
7 The Range Robbers
8 Sudden Makes War
9 The Law of The Lariat
10 Sudden Plays a Hand
Mahse, Oliver strange khan,’The range robber’ chiah kha Western thawnthu ziah a tum a ni a, a ziah chhuah hma daih atang tawhin, a thinlung chhungah alo riak rei hle tawh a, a tintuah chhung pawh a rei, chhui chianna (research) pawh a nei viau niin a lang.
A bu dang (series) ziah belh tumna rilru neilo mahse, a first published ‘The range Robber’ alo hlawhtlin tak em avangin, publisher ten ziak leh turin nawrna namenloh vin, an nawr ta a, tichuan, a bu hnihna atan, ‘The Marshall of Lawless’a ziak leh ta a ni. SUDDEN MAKES WAR kha a ziah hnuhnung ber a lo ni ta bawk.
(tui theih rem rem ve aw…)
Pu mzvision ten, nula malchunga muchungin, nula a ri a an han chhiartir vel chu aw…theihnghilh nuaih tawh thil kan hre chhuak leh uar uar dawn a lawm le…
July 5th, 2010 at 1:55 pm
E khai, mr.Duhlova chu lung i va han tileng kher ve le! Sudden series ho khi kei pawh ka chhiar chhuak vek! Ngaihnawm ka ti tawp thei lo. Tunah pawh han chhiar leh ka va chak hlawm em!
Pu Lalsangliana lehlin ngat kha maw!! A Cyclostyle kawma a lem ziak thintu kha tunge kha? C Dailova tih lam a tel em? Biakrema te kha chu a hnu lama lo lang an niin ka hria a…Cowboy bu chhiara kan tlaivar thuak thuak thin laite kha aw.. Chhiar zawm turin lukham hnuaiah kan han dah ran mai a… future kha a bright hliah hliahin kan hre thin a nih kha!!
July 5th, 2010 at 1:56 pm
In DRAW ang u ! Kei Doc Holiday..
July 5th, 2010 at 1:58 pm
@khuluaia #39, JT Edson chuan Dusty Fog te thian za ho thawnthu a ziak deuh berin ka hria.
July 5th, 2010 at 2:00 pm
@Frost, “Tombstone” film kha i en a ni chiang !!
July 5th, 2010 at 2:05 pm
ha ha.. keimah
a topic in a zir bawk a, ka kut pawh ka dah ‘mu ke’ reng mai. 
Val Kilmer kha chang thiam em alawm
July 5th, 2010 at 2:06 pm
45
keimah # Ni e, a dik, Dusty Fog, Mark Counter, Ysabel Kid te thawnthu, Trail Boss kha….Trail crew tur, cowboy chhawr-tlak chin, an thlan dan ‘thuruk’ hriatnan a va han tha tak aw….Cowboy chanchin a phawrh ve khawp mai…
July 5th, 2010 at 2:09 pm
Hnahthel ro chung ah ri miah lovin a kal thei mawle :lol:
https://i50.tinypic.com/2va1hqs.jpg
July 5th, 2010 at 2:14 pm
49
khamrang # Ha..ha..ha..Pa (MAN) tiah tiah ve aw…
July 5th, 2010 at 2:17 pm
Cowboy thlan lunga in ziak:
Hming :Old Monk.
Pian ni :1950.
Thih Chhan : Khamranga a Cho Anih Kha.
July 5th, 2010 at 2:54 pm
‘Sudden’ ka la ngaisang reng mai.. ka pa in a bu chilh tha khap in a nei thin a, ka chhiar nasa lutuk, Rizai hnuaiah ‘hmehdet’ nen pawh ka chhiar ru thin. Thenzawl Cowboy-ho Sakawr chung atanga an bawng khalh khawm pawh kha ka ngaihsan phah a..an hmuhnawm thin lutuk. Ka mitthlaah a la lang reng mai.. A va lunglen thlak e o.. Cowboy Enga te..etc..
July 5th, 2010 at 3:15 pm
#43 @keimah
Sudden-a bu kha chu Pu Lalsangliana lehlin ho kha chu Chhingdailova Dawrpui Vengthar in a kawm kha a ziak deuh vek ani. C.Dailova tih ngeiin hming pawh a sign thrin kha mawle. C.Dailova ziak loh hi pahnih khat chu a lo awm maithei ka chiang lo.
@mrDuhlova lung hlui i ti leng hrilh ngam te han hrilh vek pawh a chakawm khoops mahse …
July 5th, 2010 at 3:18 pm
Sudden lo takin ka lo phhawi ve lawk. High school leh college kal lai pawh a ngaihnawm ti em em a ka chhiar thin Sudden a chanchin sawichhuah a ni hi a lunglehthlak takzet. Pu Lalsangliana lehlin leh a hnua Pu Lalruata (MCS fam ta) te lehlin chang ran thin kha kan ni a.
Cyclostyle a chhut Sudden a bu kawm lemziakte pawh kha a va tha thin em! Saloon chhung bar bula cowboy pakhat meizial pehkawh lai tak Sudden-an kawngbawr vel atanga a’n kahbunsak lai lemte kha mitthlaah a la cham reng.Silai zen rimte pawh a nam ram ramin ka hre thin. mai.Oliver Strange-a leh a hnua Frederick H Christian a ziak Sudden a novel ka theih theih ka leiin ka hawhin ka chhiar thin.
July 5th, 2010 at 3:49 pm
53
mzvision # “……a rem tawh si lo” e mi..
July 5th, 2010 at 4:25 pm
Sudden-a thawnthu hi 1984 khan IIT Roorkee ah thla thum ngawt mai ka tei hawia. Earthquake Engg Dept library ah khuan ke keng lut trut thrin, library thil ka en peih loh lai khan ka chhiar thrin.
IIT Kanpur atranga lokal Lecturer SK (?) Jain khan a lo chhiar ve thrin chu lo niin, kan ti ti inrual phian mawle, Afro-asian hostel ah kan thleng dun bawk si a. IIT Kanpura zin tur hian min sawm seka tunlai chu a email pawh ka hmu ngai ta meuh lo.
@mrDuhlova nia khang hunlai kha chuan kan hunawl hmanna tam ber kha chu heng thawnthu bu chhiar hi ani nula rim pah phei chuan a nuam ve khoops.
Sas (kan hunlai chuan bialnu kan ti tops) chanchin leh rimlai te han sawi chakawm mahse sawi rem trut lo hi hun a lokal zel chuan a awm keuh zel anih hi mawle. Mahse Sudden-a mai ani lo Dusty Fog te awmzel tur kan nghahlelh thrin zia te kha aw. Tunah zawng TV kan jap kual vak vaka en ber bik pawh hre lo hian kan muthlu bul zel tawh zawng anih hi. mahse ka chhawr em em tunthlengin Mizo trawng chhiar hi chu ka thiam ve fu phah khati zat kha taima takin a RI ngei khan kan chhiar thrin vang ania
July 5th, 2010 at 4:49 pm
ka cowboy bu chhiar tawh tun thlenga ka lung la tileng ber chu High Lonesome tih kha ani. Louis L’amour a ziak ani ta em kha aw.
July 5th, 2010 at 6:19 pm
Louis L’amour sawitaka chuan Sackett unaute Orin, Logante pawh kha Oliver Strange “Sudden” ang bawkin a chhiar theih tho a ni a. How the West Was Won ka chhiar kha ka tui a ni ang ka mittui a tla pur.. Jack Schaefer-a Shane pawh …..
July 5th, 2010 at 6:27 pm
capriconian, awi ‘how the west was won’ te i rawn sawi a, ka lung i ti leng lutuk. Bangladesh TV network ah khan late-afternoon ah a chhuak thrin a, hmuhnawm ka van ti thei tak. A lo rei ve ta hle mai.
July 5th, 2010 at 7:19 pm
Sudden bu i sawiho leh midang ho sawi khi ka chhiar vek tawh. Sudden at Bay phei khi chu cyclostyle a an her lai khan A lei theih tawh em tiin ka han zawt hial mai..an office ah khan. Ka thianpa te hian an la nei kim thapin ka ring..cowboy bu thir thingrem khat an nei..
July 5th, 2010 at 7:32 pm
Melody, cowboy ENGA kha a ang ve thei ngawt mai tiro.. A hunlai kha chuan kan ngaisang thei khop mai, sam leng suau suau a bawng tlatna hmun velah an tlan kual vel thin kha chu mit tla dawn in kan thlir thin.
July 5th, 2010 at 9:19 pm
A chhiar lam hi ka peih vaklo nangin Suden bu hi chu ka chhiar ve nual.Naupanlai exam chawlh lai in kan rualu deuh te chhiar ngaithalin kan awm khawm trhap zel.
Mithla ah cowboy a inchan in kan lo ngaithal thin .Lunglenthlak ngei mai.
August 5th, 2010 at 11:58 pm
Sudden-a bu kan chhiar nasat theih zia kha, ka chhiar kim vek chuan ka hria, Oliver Strange-a ziah ho kha a ngaihnawm zawkin ka hria, Christian-a ziah pawh a ngaihnawm em em tho. Tunlaiah chuan cowboy thawnthu chhiar emaw a film en amaw an ching ta lo hle mai…kan naute ho hian !!