Archive for January, 2013
Bra maksak + dangdai zual te
Thursday, January 17th, 2013Saizahawla-7
Thursday, January 17th, 2013Saizahawla-6 chhunzawmna…
16. Saizahawla’n a chakzia a tihlan chianna ber chu Zawlnghak in sangkhat (1000) khaw tlangvalin an buan rawn tumin a ni. Amah chu mi chak hmingthang a lo ni tawh si a, a mal a mala buana buan hah hnép hnua Zawlnghak inbuan chak te sawptir hrep an tum hi a lo ni a. A thlen in atang chuan an zu ko chhuak ta ngei a. Mahse, Saizahawla chuan an tum rûk dante chu a lo hre lawk diam si a, han innâwk vel chu a châk lehzual phah sauh va. Saizahawla chuan inbuan cho hla chu faifukin a han sa ta hlarh hlarh mai a. Chu inbuan cho hla Zawlnghak tlangvalte’n an han hriat chuan an haw rilru ta hle mai a. Faifuk vein Saizahawla chu an han cho lêt ve a. Ani lah chuan a hma aia ringin a han cho lêt a. Zawlbuk-ah chuan an hruai lut ta a.
Zawlnghak tlangvalte’na an lo rêl lawk ang ngei chuan buan chak pawh ni hran lem lo ho chu an han buantir hmasa ta hlawm a. Mahse, an lo rin loh dan ang tak maiin Saizahawla chuan a hneh hram chauh ta hlawm mai an han hmuh chuan lawmin an haw haw ta hluah hluah mai a. Chak dan indawtin an kai chhuak zel a, a chak apiang mai chu a hneh chiang chho ta tawlh tawlh mai a. A tawpah phei chuan an khaw tlangval buan chak bera an neih leh an chhuanvawr phei chu a tan hian a tang hman ta reng reng lo mai a! A tawpah phei chuan, “Saizahawla hi mihring pawh va ni nek suh,” an ti ta thlawt mai a ni.
Beatles’ Come Together cover by “Blue Hands”
Thursday, January 17th, 2013A nalh khupsss 
2012 chhunga Internet khawvel
Thursday, January 17th, 2013Kan hnathawh ve na lam a ni bawka, heihi kan rawn share ve teh ang, in hriat duh takin. Hei hi kum 2012 chhunga khawvel Internet statistics a ni e.
- 2.2 billion – Number of email users worldwide.
- 144 billion – Total email traffic per day worldwide.
- 61% – Share of emails that were considered non-essential.
- 4.3 billion – Number of email clients worldwide in 2012.
- 35.6% – Usage share of the most popular email client, which was Mail for iOS.
- 425 million – Number of active Gmail users globally, making it the leading email provider worldwide.
- 68.8% – Percentage of all email traffic that was spam.
- 50.76% – Percentage of all spam that was about pharmaceuticals, the top category of all spam.
- 0.22% – Share of worldwide emails that comprised some form of phishing attack.
Video
- 14 million – Number of Vimeo users.
- 200 petabytes – Amount of video played on Vimeo during 2012.
- 150,648,303 – Number of unique visitors for video to Google Sites, the number one video property (September).
- 1 billion – PSY’s Gangnam Style video became the first online video to reach 1 billion views (currently just over 1.1 billion) and it achieved it in just 5 months.
- 2.7 billion – Number of views of videos uploaded to YouTube tagged Obama or Romney during the 2012 U.S. election cycle
- 2.5 million – Number of hours of news-related video that was uploaded to YouTube.
- 8 million – The number of concurrent viewers of the lifestream of Felix Baumgartner’s jump from the edge of space, the most ever on YouTube.
- 4 billion – Number of hours of video we watched on YouTube per month.
- 60 million – Number of global viewers monthly on Ustream.
- 16.8 million – Number of total viewers in a 24 hour period for a video on Ustream, the most ever.
- 181,717 million – Number of total unique viewers of online video in the U.S. during December.
Zirna Lam leh Bawk
Wednesday, January 16th, 2013Zirna lam ka rawn sawi ngun tawh bawk a. Thu vak ka ziak lo ang. Mi siamsa mah nise, tangkai pui te in lo awm tak in…lo en ve teh u.
Infographic hi a tawk viau in ka hria (Mizo thu leh hla thiam ve vak loh tan chuan…ziah tum kan ziak chhuak zo lo thin a…..! Ka website lamah te pawh ka lo post tawh thin a…..)
When Gnat Proposed…
Wednesday, January 16th, 2013(A chanchin ziah tur dang ka hrelo, mahse hei te tal hi…)
Saikuti Hall khat tlata sikul naupang pungkhawm te chuan beisei nei takin Stage lam chu an melh thupa. Thenkhat zauthau leh hawklak zual te chu an te ring hlawm hle. Aizawl lam atangin zaithiam lar intelkhawm ‘Tripwire Entertainment (TE)’ tih hmingpua an lo kal vang a ni. Chhun pachang mah nise Hall chu a thim deuh thuapa, stage erawh a eng tha hle thung. Tunge zai hmasa ber ang tih chu mitin rilru luahtu anih hmel hle.
Ka thiante nen kan thutnaa hlim taka kan lo nuih vel lai chuan kut beng ri a rawn ri ta hluah hluah mai. Kan la hriat than vakloh tleirawl chhelo tak hi nuisangin a rawn pen chhuaka. A zahzum hmel tehlul nen a hawiher chu a confi bakah a chezei riaua. A la zaithiam reuh em em zui. A hnua a hming kan han hriatchian chuan ‘Mimi Renthlei’ alo nia. Mimal rokhawlhna adt avangin TE member te chu an lo kal kim thei lova. Mahse kan lo nghahhlelh em em Gnat leh a nupui (hlui) an rawn penchhuah meuh chuan kan lawm a kim tho mai.
A hleitlin zia an lo sawi thin Gnat chu a takah chuan mit ti tlai tham a ni. Ka hmuh vawikhatna mah nise a huhang nat zia chu ralkhat atang pawh chuan hre theiin ka inhria. A nupui Florence lah chu a hmelthain a duhawm hle maia. A zaithiam ve a ni tih pawh kan lo hriat loh lai chuan aw ngaihnobei leh ngaihla tak mai hian….
Thawnthu ngaihnawm ka tih pakhat!
Wednesday, January 16th, 2013Hmanah a nupui a thi tawh a. A nupui chuan a thih hmain a taksa peng ṭha lai laite chu, midang mamawhte tan a pe lawk (donate) sa thlap a ni. (Hetia taksa donate duhte hian an drivers license ah chuan tirin emaw, ziakin felfai takin an lo dah ṭhin a ni). A thihsan ta mai chu a tuar thiam lo em em mai a, kum tam a vei hnu pawhin, ṭhian ang bakin hmeichhe dang reng reng a en thei lo.
Chutiang chuan kum engemaw zat a liam hnu chuan nu pakhat, kawngpui a rawn kal peltu chuan a mit ala em em mai a, a ngaihna pawh a hre lo. Tunge a nih pawh a hriat loh, biak pawh a biak loh chu a rilruah chuan a awm ta fo mai a ni.
A hnu, ni engemaw zat a liam hnu chuan, police-in (uniform ha lo) taxi hmangin misual an rawn um ta a. Police chuanna ding hrawih aṭang chuan police ho chu rawn zuang chhuakin misual ho chu silai-in an tin ṭhap mai a ni. Taxi driver hmeichhia pawh chuan, “tunge taxi chuan man $10 min pe dawn che u,” tiin, taxi aṭang a lo chhuakin a dil zui bawk a. Hetih lai hian hman a nupui mual liamsan tak kha an kiang hnaiah chuan a awm remchan lai tak a ni hlauh!
William Williams-a Chanchin
Wednesday, January 16th, 2013Rev Dr PL Lianzuala lehkhabu ‘Zofate chanchin tha rawn hlantute’ tih a Wlliam Williams-a chanchin a ziak dan pawimawh zual hi a bu neilote tan thil tangkai a nih beiseiin ka hn tarlang teh ang
William Williamas-a hi kum 1887 tawp lam khan Welsh Methodist Foreign Mission tirhin Khasi ramah Missionary in a lokal a. A rual hian midang 7 tirh an ni bawk. Hetih hun lai hian Mizoram chu British awpna hnuaia awmin Mizo lal tam tak chu Sapho thuhnuaia inpe duh lovin an la sehhel hle a. Kum 1890 Sept. thlaah Mizo lal 6 intiamrualte chuan Aijal leh Changsil kulh an bei vak mai a, changsil kulh phei chu an la thlelh nghe nghe a. Chung lal hote chu manin Syhlet Jailah dah an ni a.
William Williams-a hi a thian Missionary dangte tlawhin Syhletah a va zin a, Jail an tlawh a, mitang thar Mizo lalte chan chin leh mi kawlhsen an nihnate chu a va hre chopchilh a. Hemi atang hian Mizote chu a vei em em a, a rilruah a thi thei lova, Lushai rama awmte tana remna kawng awm chhun chu Isua Chanchin Tha chauh niin a ring nghet tlat a. Zofate a veina hi a reh theih loh avangin kal ngei poh a duh a. Hemi thu hi Mission lama anhotute hnenah pawh lehkha thawnin a hrilh nghe nghe a.
Pakistan Supreme Court-in Pakistan Prime Minister manna thupek an tichhuak.
Wednesday, January 16th, 2013Vawiin January ni 15 khan, Pakistan Supreme Court chuan, Pakistan Prime Minister nilai, Raja Pervez Ashraf chu Corruption chung changah Manna thupek an tichhuak ta ruau mai.
Pu Ashraf hi a hma chiaha Prime Minister bang ta, Yousuf Raja Gilani hunlaia Federal Minister for Water and Power anih laiin, Pakistan pawisaa Cheng tluk leh dingawn 22 zet man Rental Power Project (RPPs) –ah Thamna(bribe) tam tawk tak ala ngei nia puh leh hriat a ni. Amah bakah hian midang pawh 15 zet man tura thupek tih chhuah ani bawk. Imran Khan te ho chuan, Inthlan that an sawi vul viau laiin, Sipai Sawrkar bawkah an tluk luh mai a hlauh thawnawm ta hle.
Hetihlai hian, Kashmir a India leh Pakistan inrina Line of Control (LOC) vela buaina chuan reh lam aiin punlun lam ala pan ta zel a. India sawrkar hruaituten an theihtawpa boruak hmeh mih an tum chungin, Opposition Party BJP ho nawrna avang leh mipui nawrna avangin, Pu Man Mohan Singh-a te pawh an inhampuarin, an invaupung lo thei ta lo a ni. India Army Chief leh Northern Commander te pawh an tawng na sawt ta hle mai. (more…)
Saizahawla-6
Wednesday, January 16th, 2013Saizahawla-5 chhunzawmna…
A mize pui pathum kan sawi thawi tawh a. A ngaihzawngte a tawh chang apianga a puanven serh lang ngoha inlukhup nana a hmang ta tlat roh thin thu te, Puithiam e ti lovin naupangte chauhvina an koh kal theih Puithiam a nih chungchang leh Thirdeng a han ni pah fawm te chuan sawi a hlawh hle a ni kan tih kha. Heng baka a mak dangdai pahnih khat lek han tarlang leh zawk ila. Tun hma atang tawha Khawruhlian Zawlbuk kawtkaia Chawilung inhung ruau thin, tumahin chawi enah pawh an en ngai loh chu le, zan khat chu a zu nam tha tho ni ngei tur hian mut zan rehah chuan inlungden nan a hmag ta pek a! Chu Chawilung tlakna hnuhma chu kheimit pil pil hian leichar chu a khuar dem dum mai a. Chutiang chuan chu Chawilung chu zan thum ngawt a deng ta mai a. A tuk thum tuk chuan a dengtu chu an hre chhuak ta ngei a. Tlangval upa lam ve tawh tak pakhat chuan, “Saizahawl, inlungden nana i hman kha Chawilung asin maw le,” a tuka a han tih chuan Saizahawla chuan, “E khai, a lo ni maw! Ka lo hre ve reng reng hleinem. Rual u zawkte inlungdensiakna ni awm tak hian…” tiin a han chawi leh dawn a, mahse, lu sai ngar ngar chunga a han chawi leh dawn pawh chuan a zo ta reng reng lo mai a. A den hnuhnun ber tlakna tawpah chuan a inhung ta reng mai a ni. ‘Chawilung’ a ni miau a, pi leh pute danah Chawilung chu an lo inzahsak em em mai thin kha a lo ni si a.
Kum 1876-1888 chhung zawnga an indo chungchang thu-ah chhak leh thlang an lo inrem takah chuan an lo ralmuang ve tan ta deuh va. Hmana Khawruhlian khaw chak Vungtawia nena an intihthangtlawm tuma, “Vungtawia tel lovin,” tia amah chauhva a khaw va rûn Hmawngkawn piah lawk Chawilung-ah amah chauhvin a va zin pek a. Chawilung Zawlbuk kawta lung lian zet mai lo inhung chu a la lawk a, a han deng leh ta fur fur mai pek a! Tlangval thenkhatte chuan hmuhnawm an tih em avangin chuan, “Saizahawl, i va han deng thui em em ve le! Han deng leh teh khai. Keini chuan khup thleng pawhin kan chawi zo hleinem maw! Kha kha kan khaw Chawilung a nih kha le!” an lo ti a. Saizahawla chuan Khawruhlian khaw Chawilung a chawi zawh loh tak ang bawk khan lu sai ngar ngar chunga han chawi kan leh a tum pawh chuan a chawi zo leh ta hauh lo mai pek a nih chu! Duhtawkin a vawrh nek a, Chawilung a ni tih mite’n an hrilh veleh a chawi zo ta ngai si lo. Saizahawla chuan rual u zawkte a lo zah der thiam hle e. Mahse, an Chawilung chu lungden atan a hmansak lawi si a ni.
OT:Lehkhachaih...
