Show ropui leh hautak
Kum 1996 atang kum hnih dan zela neih thin, Aero India 2013, Air Show & Aviation Exhibition chu February ni 06-10, hian Yelahanka Air Force Station-ah neih a ni leh dawn ta. He show ropui tak hi Indian Airforce, Defence Research and Development Organization (DRDO) leh Ministry of Defence, Gov’t of India tanghoin huaihawt a ni a. A theuneu lo leh khawp ang.
Aero India 2011 khan, ram 29 atangin company 675 (380 overseas + 295 domestic) zet telin show-na hmun luah zau zawng ngawt pawh hi 75,000 sqm zet a ni. India ramin ei leh bara chak taka hma a sawn avang te, ram venhimna kawng hma a sawn zel vang te’n Aero India 2013 hi show ropui tak a nih rin a ni a. Asia khawmualpuia Air show lian ber a ni a. He show en tur hian nikhatah mi 50,000 te an kal thin a. Kal hnuhnung deuh tan phei chuan an motor dahna atangin kilometer hnih lai kal a ngai hial thin!
Five * Hotel thlen man a to
Kar hmasaa chanchinbu thenkhata ka hmuh chu, Aero India 2013 avang hian Bangalore khawpui lailia hotel changkang thlenna man a to nghal pang mai! Nikhata hotel room thlen man Rs. 9,000 atangin Rs. 20,000-25,000 te a kai chho awlh awlh a ni awm e. Sum kan va inneih hleih thin tak em!
A hautak ngiang a ni.
US Thlawhna pakhat Omega chu, show neihna hmuna Yelahanka air base runway hi kilometer 3-a thui a nih avangin a tanky full-a oil thunin Banglore international airport runway kilometer 4-a thui atangin tan hmun a rawn khawh ve thei chauh. Oil tanky khat nena runway kilometer 3 leka thui atangin a thlawk chhuak zo lo a ni awm e.
Thlawtheihna zinga US transport aircraft Hercules, an tih phei chuan minute 6 chhung lekin litre 700 a hmang zo mai thin a. Hei vang hian, show chhungin minute 7 bak intihtheihna hun a nei lo.
Hetiang taka oil mamawh a nasat avangin nikhata oil mamawh chu 800 Kiloliters (800,000 liters) a ni hem mai. Ni nga chhunga oil mamawh chu 40,00,000 liters a ni dawn tihna a nih chu!
A inanloh theih mang e..
Kan office atangin Aero India show neihna tur hi a hnai ang reng si a. Jet fighter thawm niawm tak tak a rum leh hum hum mai thin a. Uite pakhat kaih tur pawh kan lei ve hmain, anni zawng van thengrengah an leu fua fua mai si. An duh leh an chuanna chu an inbingbilet tir a, a chang leh lei lam panin an bir ang ngut ngut a. 
He show en duh tan nikhatah Rs. 400 man ticket lei a ngai a. EPIC, Drving Licence emaw Indian citizenship proof engemaw tal ken a ngai bawk.
Thulakna: defenceforumindia.com; Aeroindia.in
Similar Posts:
- Ka ron dah ve mai mai e
- Lengpui Airport ah Instrument Landing System (ILS) ?
- Sunday tlai len khawthawn!
- Thlawhna chetsual vangin ILS la hman theih dawn loh
- South India fang lawk ang u!!
(Y)
February 4th, 2013 at 9:41 pm
A hmuna hmuh a chakawm h1e mai.
Report this comment
February 4th, 2013 at 9:49 pm
Sukhoi khi Eu Es ‘Eff Sistin’ in kapthla thei tak maw, DRDO siam Mizil/Mizail hmang selang chuan a thelh duai ang
Report this comment
February 4th, 2013 at 10:02 pm
Naupan laia lehkhachaih aichuan a ropui deuh
Report this comment
February 4th, 2013 at 10:07 pm
Ka hmuhnawm tih chi.™
Report this comment
February 4th, 2013 at 10:18 pm
A va hmuhnawm tak…
Report this comment
February 4th, 2013 at 10:52 pm
En ve chakawm hle mai
Report this comment
February 4th, 2013 at 11:53 pm
Good post
Report this comment
February 5th, 2013 at 12:45 am
An va in show off thei tak
Report this comment
February 5th, 2013 at 7:46 am
Tukchhuah nuam vek u le
Report this comment
February 5th, 2013 at 9:03 am
Ka va’n awm ve chak kher ve le.
tren tren
Report this comment
February 5th, 2013 at 9:07 am
Primary sikula kan kal lai kha ka hre chhuak thin. Chawlhlawk laia Lunglei lam atanga Helicopter ri kan hriat rual rualin, kan veng khelmual (tlangchhipa awm) panin chak thei ang berin kan tlan chho va. Helicopter thlawk kan han thlir thin. A hnuah Helicopter thlawk hniam ber hmutu emaw kan han insawisiak ngei a(h).
Champhai pawh khi, Burma nen an inhnaih bawk a. Thlawhna thlawk lai an hmu hnai thei lutuk, a chang chuan pilot lu pawh hi arbawm tiatin an hmu thei… an tih thin kha..
Report this comment
February 5th, 2013 at 9:16 am
an bengchhen ve viau dawn chu..haha..
Report this comment
February 5th, 2013 at 11:34 am
Sukhoi tih hi a hming hi a nalh ka ti
Report this comment
February 5th, 2013 at 11:39 am
@ saint.. Hei an ri leh tan tawh… Zawitea khalh zir ve thin tur hi a niaaa(h)..
@ Jacka Pi…
Report this comment
February 5th, 2013 at 11:49 am
An va che hautak ve mole, mhse a hmuhnom phian ang.
Report this comment
February 5th, 2013 at 12:19 pm
A hmuhnawm teh a nia.
Report this comment
February 5th, 2013 at 1:16 pm
Kei pawhin kum 2002-2007 inkar khan, Vawi 2 lai ka en ve tawh, Hmuhnawm ve tak chu a ni…
Ring (nghawng) erawh a kham duh deuh
Report this comment
February 5th, 2013 at 3:02 pm
Dog show emaw ka’n tih talh dawn chu
bvt
Report this comment
February 5th, 2013 at 3:15 pm
@ ulawng chu lee(h)..
Kan hnaih bawk a, tlai khat tal chu ticket lei lovin airforce station hnunglam atangin va en ve tur a ni. Thlawhtheihna thlawk hi mipa naupang ka nih ata, hmuhnawm ka la ti reng nia..
Report this comment
February 5th, 2013 at 6:56 pm
Hmuhnawm ka tih chi tak tur ani. A hmun a awm tan chuan en loh phal chi em maw ni dawn le.
Report this comment
February 6th, 2013 at 5:05 pm
Kan pu berin ticket min leisak hlauh dawn a, a tih chi dawn khawp mai..
Report this comment
February 6th, 2013 at 7:17 pm
TV ah a hmuhnawm duhin ka hria. A takah chuan jet fighter ho phei chu an hmuh hman tak tak lova, ring ingelh deuhin, ring herh dawn dawn a eu vak vak angai zel mai. Mahse, a hmun huhang hi a nuam ve thin reng reng, tih hup hup hi chu hairehai
Report this comment