[Pu A. Thanglura lehkhabu "Ka u Thlalian, min lo nghak rawh!" atanga lak chhuah a ni e]
Mizo hovin Sangha tui an sawi awl lohte chu, Nghatun, Nghavang, Nghahrah, Lengphar, Nghariliah leh Nghalim te hi an ni deuh ber a ni. Bengali ho hian Sangha hi an ngaisangin tui pawh an ti chungchuang bik niin a lang. An Sangha ngaihsan ber te chu, Rahu-mas te, Chital-mas te, Hilsa-mas te leh Basa-mas te hi an ni.
Mizo zinga mi tam zawkte siam dan leh ei bo bar dan ang hrim a chhum mawl tawp, chaw nena ei hlawih hlawih a, a tuihang hawp hluam hluam chi erawh hi chu an ni ve miah thung lo mai le !
An tih ve dan tlangpui chu an duhthusamin a bawlhlo nen an han cheibawl hmasa te te phawt a, chumi hnuah chuan an han kang hmui ta rum rum mai a; chawtlang ken nana itawm fahran a ni. A bawlhlo chi hrang hrang nena an han kan hmin hnu kha chuan ngaihtha fetin an piah lawkah inbual turin an then phei mawlh thin zu nia.
Vaiho inhrukna puan sin deuh ner nawr (Gamchha) veng a an han insingsak hnu khan, eksukbelin baltina tui kha an zuk thli phawt a; chutah, “Hori Bol ! Hori Bol !” ti chungin an chhipah an han leih pur pur mai a. An chhip atanga lo dir thla leh lo luangthla kha chu an darah an paw liam piat piat mai a ni.
Tuisika an han inleih puat puat hnu khan darthleng dar deuh hlik hlek a an chaw khawrh, la lum vat vat leh a bula dar no kum phit pheta Sangha kan leh dailuah kante an dahna, lo inhung tlar pet mai han hmuh kha chuan, “Hnapkhawn Piring hmu” an sawi ang deuhin an hmui hmel kha a hlimin, an keh vur mai a ni.
Darthlenga an chaw khawrh leh a bula sangha leh dailuah, dakthlarh maia kan, dar-no chhunga lum tha tawk taka an dah, lo inhung tlar pet mai han hmuh phei kha chuan an chil kha a putin an ngaih kha a tha hliah hliah mai bawk a ni. Nimahsela, thil ren thiam mi hi an ni hlawm bawk a; an chaw leh chawhmehah khan an nawm an maka tuan nghal a, han “Phung tlak sawh hlawih hlawih” chi an nih ve ngai loh avang hian an fakawm bik ngawt mai.
An chet dan tlangpui chu hetiang hi a ni deuh ber : A hmasa berin an thlenga chaw leh dal kha an han chawm phawt a, chutah tuiti takin an bar ta hlawih hlawih mai ani. Chumi dawtah chuan dar-no bia kirh kerh atanga an thur chhuah tawh sangha kan leh a tui kha an han chhaih ta poh a lawm le !
A zakham nan chuan an thlenga sangha kan hmui tui tak mai kha an han khawih her hlek a, an kanna tel mawmah khan an chaw kha an han nawp ta a; chumi chu kawp turin an la khek khal, an thlenga sangha kan, la hliam loh, let ngut mai kha an han ru ta hlek a; chumi hnuah chuan chawtani thak hler hlawrah an han tal let tap tap phawt a, chutah nghakhlel deuh maiin an bur ta chat mai a ni.
Tin, el-euha chaw an ei kham hnu khan, an chaweina zungtangte kha la fawp dawk dawk chungin, “Khup bhalo achhe” an han ti zui leh a; anmahniho zingah khan, “Hei lo liama Vanram” tih tluk a Bengali tawnga lo sawimawi tawk te pawh an awm nual mai thei bawk a ni.
Similar Posts:
- Dawhduai (sangha manna)
- Thu ngaihnawm lo thawh chhuahpui ru.
- Sangha in man ve ngai em?
- Rawl sawm tuk lam
- Ngawi dawhnaah ka tel ve a !
Ka fon hi chu charge lai tih...
February 5th, 2013 at 1:39 pm
Heta Bengali-ho a tihte hi Lawng kartu Maji te nge niang vai naran niang aw…….????
Report this comment
February 5th, 2013 at 1:40 pm
Sangha tui taka siam dan hria chuan han kawntri ula..
Report this comment
February 5th, 2013 at 1:56 pm
Chhim lam hawia luang leh hmar lam hawia luang luia nghatun hi inang lo ve tlat.. Hmar luang ami chu a hmui a pawrh a, chhim luang ami chu a hmui a zum thung an tih chu maw le.
Zanriah hmeh atan sangha lei a ngaih phah ta tlat mai
Report this comment
February 5th, 2013 at 2:03 pm
Tawngkam a thiam ngei mai. Mitthlaah Bengali pa dulkiar lang uar uarin ka chhiar chhuah chu le..
Report this comment
February 5th, 2013 at 2:15 pm
hahah ziak thiam lutuk
Report this comment
February 5th, 2013 at 2:18 pm
In thil ziah chuan ril a ti tam. Khawnge kan office kawt lawka KFC restaurant ah sawn arsa leh alu kanro ve keih teh ang
Report this comment
February 5th, 2013 at 2:20 pm
Report this comment
February 5th, 2013 at 3:00 pm
A. Thanglura hi chu ka star teh ania, a thu leh hla, a chanchin hriat hi a hlimawm
Report this comment
February 5th, 2013 at 3:23 pm
Ei ang aw!
Report this comment
February 5th, 2013 at 3:32 pm
Report this comment
February 5th, 2013 at 3:34 pm
Bengali hoin, an sa tui tih ber mai, hap nghal buan buan lova, an han chhaih kual fe phawt dan a ziak ngaihnawm thiam hle mai. Kc. Lalvunga, R.Vanlawma leh A.Thanglura te hi thuziak lama min influence tu te an ni. An sitail pawh lak ve nachin ka nei mai thei.
Report this comment
February 5th, 2013 at 3:41 pm
I la ei hma tir lutuk… tlang thum an fry a Monday-Friday zan thlengin a sir mawm an tal a Inrinni zingah a tak an hmawm thauh zel an tih kha.
Uisha tih loah chuan sangha hi ka chawhmeh duh ber ani ve tlat.
Report this comment
February 5th, 2013 at 3:47 pm
An thiante kha Elis-mas an hmeh hi chuan, “tumi ki kheyesha,” an zawt ngei ngei an ti
Report this comment
February 5th, 2013 at 4:09 pm
Tui awm thin mange
Report this comment
February 5th, 2013 at 5:25 pm
“Hei lo liama Vanram”
Report this comment
February 5th, 2013 at 5:52 pm
Hahaha, a va ngaihnawm e
Ril a ti tam ngei mai.
Report this comment
February 5th, 2013 at 6:20 pm
Nghate tui kha deuh fak mai, hmarchate a thak hi alawm le tui ber le
Report this comment
February 5th, 2013 at 6:23 pm
Hahaha
Bengali pa sangha hmeh tur mai mai pawh ziak ngaihnawm thiam hle mai maw. 
Zo pain luipui dunga Nghahrah, Lengphar, Nghalim leh adt.. tumthang nena kan han chhum pawlh tui hang paw phat mai, a chung lang siki tiat tiat a bial tle niar niar mai leh hmarchate tai nen…. tui zia han ziak bawk se la aw..
tren tren
Report this comment
February 5th, 2013 at 6:59 pm
Aizawla Hilsa/Ilish Cooker-a an phit tir ngheng hichu ka nuilo theilo
Report this comment
February 5th, 2013 at 8:08 pm
A va han ziak ngaihnawm thiam mai mai tak. Bengali pa in elish an khai ngat hi chu induh takin an kal kawh ar ar thin asin.
Report this comment
February 5th, 2013 at 9:01 pm
Sangha tui (fish eggs or roe/hard roe) hi a tui (tasty) phian mai. Protein a keng hnem hle bawk an ti. Sangha tui ram hrang hranga an siam (cook) dan:
https://en.wikipedia.org/wiki/Fish_eggs
Report this comment
February 5th, 2013 at 10:11 pm
post tui tak a ni…
Report this comment
February 6th, 2013 at 10:33 am
Bengali sangha kan dan, ei dan leh inbual dan mai mai pawh ngaihnom takin a ziak thei a, thuziak hi chu a thiam thlawt a nih hi.
Report this comment
February 6th, 2013 at 7:11 pm
“Hori Bol” tih hla khi kan sa ve nasa thin mai, ♪Hori bol hori bol are hori bol…♫ hairehai
#19 Sangha, cooker a phit tir hi tha tak niin ka hria, a ruh nen a ei theih vek mai a.
Report this comment
February 7th, 2013 at 12:02 am
Mash hi saah an chhiar tel lo. Mash a ni tawp sa chu mangso a ni a, mash ai hian arsa hi an duh zawk mahin ka hria.
Report this comment
February 7th, 2013 at 12:17 am
Ngaihnawm e!
Report this comment
February 7th, 2013 at 10:02 am
Sangha hi chu lian pui pui nise, han chhum hluah mai ila, a Lu (head) hi a tui ber maiin ka hria…
Report this comment
February 7th, 2013 at 4:01 pm
A sawi thiam hle mai. I sawi lehkhabu hi ka la zawng ang
Report this comment
February 8th, 2013 at 3:32 pm
PU A.Thanglura hi chu tawngkam bungrua nei tha ve khawp mai..
Report this comment
February 8th, 2013 at 8:05 pm
hahaha
Report this comment