Vawikhatchu, Missionary pakhat hian, a Lu met turin an khuaa Lumeh thiam tak mai hi a va pan a. Lumet pah chuan an ti ti chho ta a, an titi tui ta phian mai a ni. Thil hrang hrang an sawi dun zel a, Pathian thu lam thlengin an sawi kai chho ta zel a.
Chutia Pathian thu lama an han kai tan chuan, Lumettu chuan, “Ka Pu, Missionary mah ni la, ka han sawi tho ang a, kei chu Pathian hi a awm tak tak ka ring theilo reng reng” a ti ta hlawl mai a. Missionary chuan, “Chutiang chu engtin nge I sawi theih zawk le?” a ti ta ha mai a ni.
Lumettu chuan heti hian a han sawi ta a, “E khai, chutiang ngaihdan nei tur thil dang tih vak a ngai hlei nem, Kawtthlerah han tei vel la, Pathian a awm loh zia chu I mit ngeiin I hmu zut zut mai ang; Pathian hi awm tak tak ta se, heti zat damlo natuar hi an awm thei dawn em ni?, heti zozai naupang Nu leh Pa pawh nei tawh lo emaw, enkawltu neilo kutdawha khawlaia vak rawlai te hi an awm thei dawn em ni? Pathian awm tak tak nita se, hetiang ang harsatna, lungngaihna, retheihna leh tuarna nasa tak te hi an awm thei dawn em ni?, Kei chu Pathian hi a awm tak tak lo anih ka ring ta ber mai a ni”, a han ti ta zung zung mai a.
Missionary chuan a han ngaihtuah vang vang a, chhan nghal mai aiin, ngawih rih a tha zawkin a hre ta a, chutilo chuan, tul vak loah, sawt vak chuang silovin an inhnial chiam thei dawn tlat niin a lang si a. Tichuan, a Lu chu a han meh zawh chuan, a lumeh man pawisa te pein a chhuak ta a ni.
Kawtthlera a han chhuah chuan, Lumettu sawi ang ngei chuan chu Lumehna dawr kawt maiah chuan, mipakhat bal em em mai, a sam leh a hmuihmul te pawh meh ngai reng reng loh tih hriat tak mai, sei leh bal khawn tlat mai hi a han hmu ta a. Tichuan, Lumehna dawrah chuan a han lut leh ta ngat a, chupa sam sei, bal leh hreu bum mai chu Lumettu chu a han kawhhmuh ta a. “Thianpa, tunah chuan Lumettu reng reng an awm lo tih ka hre ta!” a han ti ta tawng mai a.
Lummettu chuan, “Chutiang te engtinnge I sawi theih zawk, I a ta thut em ni? Hei heta hi Lumettu chu ka awm reng a, I Lu pawh ka meh zawh chiah kha!” a ti ta ha mai a ni.
Chutah le, Missionary chuan, “Uhm, ani thei lo, Lumettu hi an awm lo reng reng! Lumettu awm ni se, hetiang ang mihring bal lutuk, lu meh ngai reng reng loh leh bak hmul pawh meh ngai reng reng loh hi an awm lo reng reng ang!” a ti ve ta tlat mai a.
Lumettu chuan, “Pu duh tak, Lumettu te chu kan awm teh meuh tih te chu I hriat reng kha; an Lu meh fai sak turin min rawn pan lo mai zawk ani e. Min rawn pan sela chuan, kan lo meh fai sak zung zung zel ang chu” a ti ta a.
Missionary chuan, “Hmm, I ti dik chiah mai, Chu chiah chu a ani. Pathian hi a awm teh meuh mai, a awm zia hre turin mihring a mamawhtute hian kan zawngin, kan pan lo thin mai zawk a ni e” a ti ta a.
Pathian awm ringhlel that that tute hian, a awm zia hre turin an zawngin, an pan lo thin mai zawk a ni. Amah zawnga pan tute hi chuan, an hmuin a n hre thin a, a thlum zia hi an hre fiah deuh deuh thin a ni.
Mi a chuan, a rilruin, “Pathian reng a awm lo,” a ti a…Hre thiama, Pathian zawng reng reng an awm emaw” tiin, Lalpa chuan van atangin mihring fate hi a zuk en a. (Sam 14:1-2)
Similar Posts:
- A thlawna Chhandamna man to (Sunday Pual)
- Lu meh man ti sang
- Inti senior te tan
- Kum 2012-ah khawvel a tawp dawn an ti a maw?
- Thianghlim Thianghlim
February 17th, 2013 at 1:24 pm
Post thar a lo chhuak ta hram e,
FB group lamah ka lo va chhiar hman tawh. Thu ziak tha tak a nih e, chhiar ve teh u.
tren tren
Report this comment
February 17th, 2013 at 1:25 pm
A chiang kek kawk khawp mai, Pu Pka nge nge.
Report this comment
February 17th, 2013 at 1:39 pm
Taka, FB-ah chuan (Sam 14:1-2) tih khi (Sam Malsawmtluanga 14:1-2) tiin a inziak mawle.
tren tren
Report this comment
February 17th, 2013 at 3:18 pm
He thkhinthu hi ka duh tawp thei lo, tha tak a ni ringawt.
Report this comment
February 17th, 2013 at 3:31 pm
Tunlai chu buaithlak khawp mai, zana sunday pual tur buatsaih han tum lai tak hian, Power supply ahan awmlo ngei thin a, chutah net a han chianglo zui thin nen. Thiannuin, “Mamapa lo mu tawh zawk mai rawh” a rawn tih phei chuan, thlemthluk ka awlsam thin hle. Zingah ka han type zung zung a, misual.com ka han dah pawimawh ber a, chumi hnuah Fb lamah ka han ti ve leh a. Tukkin ami phei chu, misual ami ka paste pawp a, fb ah -more- tihte awm vel. Ka hmanhmawh lutuk a, Sam tih ka han type te kha, Malsawmtluanga tih alo inbelh ve ringawt! Ka hmuh chhuah hnuah, Like leh comment an lo awm nual tawh si a, a edit theih tawh bawk si loh, a awm ta reng mai
Report this comment
February 17th, 2013 at 3:54 pm
A tha leh dap dap hle mai. Keep goin
Report this comment
February 17th, 2013 at 4:19 pm
Tehkhinna tha tak ava ni em, God bless!
Report this comment
February 17th, 2013 at 5:34 pm
Hei chu a va tha em. Tehkhinna dik leh fiah tak ani. Ka chhiarchhuak a, ka hlawkpui bawk.
Missionary chuan, “Hmm, I ti dik chiah mai, Chu chiah chu a ani. Pathian hi a awm teh meuh mai, a awm zia hre turin mihring a mamawhtute hian kan zawngin, kan pan lo thin mai zawk a ni e” a ti ta a.
Report this comment
February 17th, 2013 at 5:37 pm
Pu Pk, i post chiah khi ka chhiar a, i comment @5 khi ka lo chhiar hmaih alawm le
A tha lutuk, i hun neilo hmanhmawh, net speed muang bawk si, mite chhiar tura dah i duh bawk si, i buai dan tur khi…haha Computer lah chuan a duh duh danin a lo ziah zawm thin bawk sia tiraw 
Report this comment
February 17th, 2013 at 5:40 pm
Sheldy, Ka dinhmun min hriatthiampui a, ka thaw huai mai.
Report this comment
February 17th, 2013 at 5:51 pm
A tha hle mai. Lumeh tir tu pa khi,
misual.comer a ni chiang mai.
Report this comment
February 17th, 2013 at 7:16 pm
paws nun khawih danglam thei a nih hi…
Report this comment
February 17th, 2013 at 8:10 pm
a van tha teh lul em.. Post tha tak a ni..save leh hmaks ang aw.
Report this comment
February 17th, 2013 at 8:41 pm
Va inchhang tawk ve
Report this comment
February 17th, 2013 at 11:10 pm
Tha thin hle mai…KZP
Report this comment
February 18th, 2013 at 1:01 am
I tehkhin thu a tha thei hle mai, damreng teh. I hlu tlat.
Report this comment
February 18th, 2013 at 1:14 am
A va tha ve
Report this comment
February 18th, 2013 at 1:18 am
Phone atanga ka luh hian ‘report this comment’ tih khi ka lo click palh thin mawle
Report this comment
February 18th, 2013 at 1:42 am
Tha khawp mai. Kan mizo Atheist ho khan chhiar ngei teh se!
Report this comment
February 18th, 2013 at 9:14 am
Hmanni lawk atang khan Atheist (an inti emaw ni?) zinga thenkhat chuan, ka thuziak thenkhat (misual leh FB atangin) an lo chhiar a. Mihriat lem lohvin min rawn contact a, an harsatna min rawn share a, an rilru buai thu te, an rawn sawi a. Rinaiin Zorama Thalaite zingah bu a lo khuar thuk tawh hle tih an sawi a, rilru an ti-na hle mai! Kohhran hian hma an lak a tul tawh tak zet.
“Atheist” tih hi “Pathian awm ring lo an ni ringawt lova, Eng Sakhua mah pawm lo, awm ring lo an ni nghal a ni” Chuvangin, khawvelah hian mi khawngaihthlak leh mi chuangtlai tak an ni tihna a ni a, ngaihtuahawm tak an ni.
Report this comment
February 18th, 2013 at 10:45 am
Dr.John
hnamdangho tana inhmang full vek bik lova, kan theih dan ang anga kan mizopuite, (abik takin thangthar lo chhuak zel te, ngaihdan leh rindan tharin a hruaibo mek te) ngei tana inhman ve hi kan bat aniin ka hria.
Report this comment
February 18th, 2013 at 3:32 pm
Report this comment
February 27th, 2013 at 12:16 am
a va tha em. ka diary ka ziak chhuak nghal…a chhan chu he thu hi ka lo aupui ve thin “PATHIAN A AWM LO I TI A NIH CHUAN, A AWM A NI TIH HRE TURIN AMAH NEN INZAWMNA(RELATIONSHIP)IN LA NEI LO TIH HRIA LA I NUN KHA CHHUT NGUN HLE ANG CHE” ti in.
Report this comment