September 27, 1994 a ni a. Aizawl khawpui chu boruak rit takin a uap churh mai a. Enge rawn thleng dawn tih ngaichangin mitin chu an phawk hru vek mai hian a hriat a. Ti ti lengvak a tamin, boruak tha lo tak inmun mek a awm a ni tih chu rin dan a ni. Mahse, he mi zanah hian Mizoram chanchina Mob rule rapthlak tak a thleng dawn a ni, tih chu tumahin an hre thung si lo.
A LO INTAN DAN: Ni 26 September zan khan Lailapur leh Bagha(Cachar dist Assam) inkarah, truck driver Tv. Lalsangzuala S/o Biakdanga, Ramhlun North chu, a truck hmangtu (hire) vai misualin vit hlumin, handyman (handleman) Tv. David Laltanpuia Ramhlun North, truck neitu Pu. P.Thangchhuaka fapa pawh chu nasa takin an sawisa bawk a. A thi emaw tia an kalsawn hnuin Tv. Laltanpuia chuan hliam na tak tuar chungin, truck chu Vairengte thleng a rawn khalh chho thleng thei hram a. Vairengte mipuiin an hriat hnuin, rang takin chu chhiat tawhna chanchin chuan Mizoram pumpui a fan chhuak nghal a ni.
MIPUIIN RUANG AN HMUAK: A tuk 27 September ni chuan fimkhur thuah, Aizawl leh hmun dang danga Vai awmte chu pawn chhuak lo tur leh dawrte pawh khar tura hriattir an ni a. Police lam pawh a theih ang anga fawmkhawm a ni. Tlai lamah chuan Tv. Lalsangzuala ruang hmuak turin mipui chu puandum sinin, Bawngkawn traffic point Durtlang kawngah chuan an pungkhawm ta chiam mai a. Ruang lah chu a rawn thleng mai si lo. Khua a tlai telh telh a. Boruak pawh chu a sosang telh telh ta mai a.
BUAINA A INTAN TA: Mipui pungkhawm ri luih luih vel hmu chak chuan, traffic point bul lawka Nepali thingpui dawr atang chuan mi pakhat hi a rawn dak chhuak a. Chu chu mipuiin an han hmuh chuan ‘Saw le, Vai… Vai’ tia auin, dawr kawngkhar chu an chhir nghal ta thuai thuai mai a. Mipuiin an suasam fe hnuah, a hmasa ber atan chu thingpui dawr chu hal zui a ni ta a ni.
BAWNGKAWNAH DAWR AN SUASAM ZEL: Thingpui dawr an hal zawh chuan Vai/ hnamdang dawr apiang chu an suasam phei zel a. Police te pawh awm tho mahse mipuiin an tam hneh em avangin hnawhdarh theih ni tawh hek lo le. An takam chembo hawi ve ta mai mai a ni ber e.
Mipuiin vai dawr emaw an tipalh anga, an suasamsak ve palh ang tih hlauin, Mizo dawr neitute pawhin an mahni dawr theuh an veng hlawm a. Vai dawr leh Mizo dawr hi inthenawm mai te an ni hlawm si a, hai palh hlauhawm tak a ni reng a ni. Tin, Vai dawr thenkhat pheichu Mizo ta te pawh a ni hlawm. He mi hi ni lo se la chuan suasam mai duhtawk lovin, an hal vek awm e.(He mi tum hian tleirawlte mai mah ni ila, kan thenawm te thawmhnaw dawr ka va venpui ve a. ‘Hei chu Mizo dawr a nia’. kan ti char char mai maw le.. hehe).
Dawr kawngkhar an sawi hawnga, a lut hmasa apiangin pawisa bawm an hawng a, pawisa leh thil hlu dang chu an la zel a, bungraw dang, dal, tel tin buhfai leh dawr chhunga bungraw hlutna nei vak lo te chu kawngpuiah chuan an theh chhuak chuai chuai zel a. Kawngpui chu thil chi tinreng mai hian, a hnawh hian a hnawk nuaih mai a ni.
SBI (a hlui zawk) piah maia, Nepali dawr (Baje-a dawr) chu suasam leh nghalin, a pahnih nan an hal zui leh ta a. Hetah hi chuan fire department ho pawh rawn thleng tawhin, thelh an han tum ve ngial a. Mahse thenkhatin an pipe te chu lo pawh kawisakin, an lo dang zel bawksi a. Thelh theih chi ziazang pawh a ni lo. Tractor pakhat Chaltlang kawng atanga rawn tlan thla lah chu a driver-in a zuan thlaksan a, kawng vela hnawk chuan lo dang lo pheise la chuan mipui chu a delh thla nual awm e.
Hetih hunlai hian Mizo dawrkai lian tak an la awm lem loh avangin, hnamdang dawrte hi an muk hlawm hle a. Dawr kang hi thelh theih pawh ni se, thelh mai mai har tak tur chu a ni.
Mipui chu an phu nuaih nuaih mai a. Mifing thu aiin, a pawr pawr leh zurui ho thu chu a lal ber zel ringawt tawh mai a ni. Rukru (looter) ho lahin an vanneihnaah an ngai a ni teh chek ang chu, alu, chini buhfai, dal bag a lak theih theih chu an phur zut zut mai a. Nuho, pitar thlengin emin hmanhmawh em emin an phur lawp lawp mai chu, kei ngei pawhin ka hmu a ni.
SBI vengtu CRPF ho chuan beih tawh ve mai an hlauh avangin silai nen an inring nghal rup rup mai a. Chutih lai vek chuan, Zemabawk lam atanga rawn kal CRPF platoon hnih vel tur hi, an silai chung zawnga kengin mipuite chu rawn sut darh phei an tum ve mek bawk a. Sipai intlar dan anga hmalam rawn panin, an boot chuan kawngpui chu an per ri thuai thuai a. Mahse, mipui chu an kian duh chuan si loh avang chuan, rei lo te hnuah chuan an silai chu a vanvawr zawngin an kap ta a. Chutah zet chuan kawngchhakah leh mi inchungah te lawnin, mipui chu an darh nghal chum chum mai a. Lung leh an bul hnaia awm remchang apiang chuan an vawm ve tan ta mai a. Boruak khap daih tumin Mizo Police officer fel tak pakhat chuan banpharin, mipuite chu vawm tawh lo turin a ngen a. Ani pawhin hliam a tawrh phah ve nghe nghe a ni.
BAZAR BUNGKAWN LAMAH: Mipuite chu Zarkawt, Dawrpui lamah tlan phei zelin, Vai dawr an hmuh apiang chu an suasam zui ta zel a. Hetah phei hi chuan rukruk a hluar tawh hle tih a hriatna chu, Zarkawt traffic point thlanga Vai dawrte an han khawih khan, a dawr neitu Bengali (?) chuan a tape recorder lak an han tum chu, “Hei chu phal lo” tiin a rawn chhuh ngam ve tlat. Amah phei kha chu tuman khawih zuk tum hauh lova!
Dawrpui vela Vai dawrte chu hmundanga mi aichuan an thil zawrhte pawh a manto zawkin, dawr kawngkharte pawh steel rolling shutter deuh vek a ni a. Mahse chungte pawh chu chhu hawng zelin an suasam zui zel a. Fridge, tv, khawl leh thil hlu dangte chu, motor lian hnunga lo hlang mawlh mawlh pawl te pawh an awm bawk.
Hetah pawh hian Bazar Bungkawna dawr pakhat an hal avangin, Vai leh Mizo dawr enge maw zat chu meivapah chantir a ni leh ta nghe nghe a ni. Dan pawisa lotute rorelna niah chuan, nunau leh pawisawi lote tan chuan tah tlawk tlawk mai loh chu tihtur dang a awm lo a ni e.
Tichuan, thil a nih tur ang a nih zawh vek tawh hnuah chuan, police te chuan tear gas kap chhuakin. Mipuite chu an tin darh zui ve ta a. Zan dar 12:30 atangin Aizawl DC chuan curfew a puang zui ta a ni.
DAWR SUASAM LEH HAL ZAT: Mizoram sorkarin report a siamah chuan hemi zan leh a behbawmah hian Mizoram pumah dawr 5 a kang a; dawr 92 an suasam; motor 15 chhe vek, 21 chhe viau leh 19 chhe bawk (motor chhia avaiin 55) a ni tih a ni.
Mahse, he buaina avang din One Man Commission of Inquiry (Gupta Commission kan tihzui tak) Report-ah chuan mi 168-in dawr suasam leh bungraw bo thu-ah compensation an ‘claim’ a. Mi 28-in dawr kang compensation; mi 30-in motor chhiat thu-ah compensation an dil bawk a ni. Chuta Commission-in a a rawt (recommend) ang chuan dawr suasam, kang leh motor chhiate’n Cheng 14,02,07,892.67 an rawn ‘claim’ laiin a vaiin Cheng 1,55,99,150 pek ni se tiin rawtna a siam ta a ni. (Source: Sabereka Khuangkaih No.6 August-September, 1996, page 17)
MOB RULE HI A THATNA A AWM EM? Hemi zana vai dawr suasam leh hal mai duh tawk lova a ruka ruk; a rawka rawk (looting) zingah hian, an Kohhran biak ina thlarau thianghlim changa mihlim lam dawrh dawrh awm tak tak, nu thenkhat pawh an tel a. Thenkhat phei chuan motor lian rawn keng chhuakin an thil lakte hial an thiar nia sawi a ni. Bazar Bungkawn bula Magistrate duty pakhat phei chuan, ‘hetiang te chuan kan inkhawm leh ngam dawn tawh dawn em ni?’ a ti hial a ni. (Sabereka Khuangkaih, op.cit.)
He mi buaina avanga hnamdang hnathawk, an ram lama tlanchhe haw leh dawr tlansan te chu an rawn kir leh deuh vek hlawm a. Mahse, hnamdang dawr thenkhat chu tihtawp a ni a. An aiah Mizo mimal sumdawngin an dawrte chu an luah chho zui ve ta a ni. Mipui, vantlangin hlawkpuina em em kan neih hriat a ni hran lova. Hnamdang mithmuhah kan hmingchhe hle tih mai loh chu.
Mob rule a lo thlena mimal leh sorkar bungrua tihchhiat a nih hian, Sorkar-in a compensate leh siamthat leh vek a ngai zel a. Sorkar pawisa hi mipuite ta a ni a. Zan khat thil thua at kan so vak hian kan pawisa tam tak kan paih teuh zel a ni tih hi hriat a tha khawp mai.
Mob rule-ah hi chuan ngaihtuahna fim put theih a ni tawh lo. A mawl mawl, a pawr pawr leh a chak chak thu a tlang ber zel. Thalai thisen lum an han innawk tak tak phei chuan, pawikhawih ringawt kha thupui a ni tawh thin. Hetih hun a lo thlen hi chuan a chak lo zawk nunau, pawisawi lo tihthlabarna leh bungrua hlu tak takte hi a tuartute chu an ni.
Keini ang hnam naupangah phei chuan, mi sawm rual vel kan punkhawm tawh chuan kan ngaihtuahna leh thurel hi a tawi tuk tawh zel mai a. Mipui pungkhawm thunun a harzia hriain, pun khawm hmaiin ngaihtuahna fim tak neih thin ni se la, a tha ngawt ang. Dan bawhchhiatna a thlen hian mahni kuta thuneihna lo lek tum mai lova. Thuneitute tanpui hi kan tihtur pawimawh tak a ni zawk lawm ni.
Tunlaia, Khawtlangina sual kan do dan te pawh hi fimkhur a ngai khawpin a lang ta. Midangin an tih ngam ve loh nan tia ruihhlo zuar kan um hlum tak te, pawngsual tu kan tlangchil hlum tak te hi kawngro a su vak lo nge, an hlauh phah em em lem lo zawk? Vawiin thlengin khawtlang duh loh zawng ti, ruihhlo leh pawngsual hi a la reh tak tak thei lo a nih hi maw le!
Khawtlang hian sual kan do zel ang, mahse ram dan mil zelin ni se. Kan dikna leh chanvo te pawh kan puang chhuak zel ang, mahse tharum tel lovin ni rawh se. ‘A tih ngam tawh loh nan’ tia invau, inrikrap leh tharum hmanga sual hneh tum hian, khawtlang tana mi hnawksak a hring chhuak thei tih hria ila. Hmangaihna nena thinlung inhneh hmasak phawt hi kan tum tur a ni dawn lawm ni?
Kan ram kristian ramah phei hi chuan, sual hi sual veka thungrul tur kan ni lo. ‘Mit aiah mit, ha aiah ha’ tih aia, biang lehlama min bengtu pawh lehlam dawh tur, Hmelmate hmangaiha, Min hawtute tana tawngtaisaktu ni tura, kan Bible-in min hrilh kan ni a sin.
Kan ramah hian mob rule dang hi chu i thlentir tawh lul lovang u
Similar Posts:
- Mizo vs Vai Sumdawng
- Sawrkar thuchhuah rapthlak hi
- Motor Registration tih that ngai
- Thluak thawl tukhum pawng!
- Horror stories
(Y)
February 18th, 2013 at 11:49 pm
First phawt ang.
Report this comment
February 18th, 2013 at 11:50 pm
century child chu comment ka hawng chiah a, va che rang ve
Post bengvarthlak tak a ni 
Report this comment
February 19th, 2013 at 2:19 am
^—-Phone atangin page 2 a nia, log in sa lo zui, kha2 nimai.
Report this comment
February 19th, 2013 at 2:26 am
^—-Phone atangin page 2 a nia, log in sa lo zui, kha2 nimai.
Hnam naupang kan ni hi kan ti teh fo a, history ka hre lem lo a, mahse China vel atang pem thla zel kan nih chuan anni khi hnam naupang kan ti chuang si lo a
Tin, Israel hnam bo te kan lo nih phei chuan hnam upa tak kan ni dawn tihna a nih hmel a.. Hnam naupang ni loin hnam mawl rei kan ni zawk lo maw te ka tia.
Sawi tawh angin history ka hre thui lo ka tih kha aw
Report this comment
February 19th, 2013 at 2:28 am
Awww #3 khi alo lut hman hram, emoticons dah ka tumna lamah comment ka lo click palh a loading ka X sin maw le
Report this comment
February 19th, 2013 at 7:41 am
Kan BA zirlai a nia(ti ve khang lang). He mi zan hian Aizawl atangin Ahimsa night bus khan Champhai panin tlai dar 5:30 velah Zarkawt atangin kan chhuak a, buaina kha a inmung tan tawh a, vai nih kha chu a hlauhawm hmel khawp mai.
Bus dang kha chu an check uluk khawp mai a, Champhai bus kan tih kha chuan ‘Champhai bus chu check vak a ngai lo’ an ti leh lauh lauh thin. Zan dar 9:30 velah Tawngtaina kan thleng tawk a ni.
A hnu ni hnih velah Aizawl ka zu let leh chu khawlai chu dal leh tela bual hnum hlurh hi a ni ber e.
A tisual lo tuin an tuar vak mai kha chu a zia lo khawp mai, mahse, a khua leh khua tih vel, a veng leh veng tih vela a innghirngho aichuan a la zia e.
An thil lak ruk kha a tha e ka ti miah lo, mahse, kha ti zozai mihring zingah chuan nu emaw pa emaw pawh nise vengtu an awm loh takh chuan bungraw lo chheprelh duh kha chu an tam hle ang. Mirinawm ngiang ngiang pawh an tam hle ang, chu chu Mizo kan nih vang nilovin khawvel zawng zawnga mihringte mizia a ni.
Motor-a chuang kan ni bawk a, engmah ka chheprelh ve lo.
tren tren
Report this comment
February 19th, 2013 at 7:58 am
kan dawr te pawh kan va ven ve tat tat kha, kan dawr hnuai vai ho dawr pawh an khawih lo hlauh
Kan veng pitar hi ka hmu a, steel wool leh sahbawn, biscuit leh adt. a lo phur ve nasa mai 
Report this comment
February 19th, 2013 at 8:10 am
Post BVT
Report this comment
February 19th, 2013 at 9:07 am
A lo rei ve leh ta hle mai a…
Kan veng thlanmual aṭang Bawngkawn buai hi kan thlir ṭhap a, chutah kan kawm thalngpa hi buara bag pu in a rawn chho pur pur a, enge i lak ve kan lo en chhin kan tih chuan, kawng a an paih darh vel alu,chana, dal, chini,adt.. pack that pawh ni tawh lo, in chawhpawlh nuaih, vawkchaw tlak vel lek chi rawn pu chho ve a nih chu…ṭhenkhat an len phah awlh tia an sai laiin tiang teh hrep lak ve kha a..ka nuih a la za tlat
Report this comment
February 19th, 2013 at 9:16 am
Ka zah em em zan ..”Kristhian ram” ???!!
Report this comment
February 19th, 2013 at 9:22 am
#10 kawreksawn: Kristian ram*
Report this comment
February 19th, 2013 at 9:27 am
A bengvarthlak hle mai..
Mahse, chhiar pahin ka mur sung sung nia… 
Ka la tawnhriat loh vang te pawh a ni mai thei, Mob rule tangkaina awm hi ka le hre lova, engti kawng mahin ka thlawp thei lo… 
September, 1994 khi chuan board exam (pawl zat thup a ni..
) bei turin kan inbuatsaih a. Khitianga an lo buai chiam khi kan lo hre ve miah lo va. Tin, Aizawl hi a awm tih chu ka hre ve thin.. 
Report this comment
February 19th, 2013 at 9:48 am
Hemi zan hian kan kal ve a, zing lampang tawh hian kan thianpa pakht hi thaw hlawp hlawp hian a rawn haw a, a kekawr kawngah chbuan engemawni hi a zep deuh tut bawk a, keini chuan :enge ni ta” kan lo ti a, ani chuan hlauthawng tak mai a hawi kual hurk hruk pah hian “Vai thil ka rawn le ve tawp a” a ti a. enge a rawn lak kan han phawrh tir chuan Vai Cassette 3 hi a rawn hawn ve tat mawle..wehehehe
Report this comment
February 19th, 2013 at 11:39 am
Fimkhur deuh la ka va duh em.!!!
“an Kohhran biak ina thlarau thianghlim changa mihlim lam dawrh dawrh awm tak tak”… I hriatchian loh chuan thlarau thianghlim hi sawi hnawm lo hram ang che. Lalpan i chungah zahngai hram rawh se. Amen
Report this comment
February 19th, 2013 at 11:56 am
#14:
Report this comment
February 19th, 2013 at 1:07 pm
14
Ni e
Report this comment
February 19th, 2013 at 1:25 pm
Ka hirat sual loh chuan “Mob rule” kan la bansan teuh lo mai. Sorkar policy YMA leh Synod ten lo zam phet an tum thul. Sorkar lah chu a muthlu ala hnar hlurh hlurh si.
Report this comment
February 19th, 2013 at 1:43 pm
Khami zan kha thleng lo ta se dawr lian ho hi vai ho control na hnuaiah la awm vek se mi dazat kan tam tawh fu lo vang maw? Kristianna hmai kawra kan hman chhung hian kan mizo mizona hi a bo ang tih ka hlau thin.
Report this comment
February 19th, 2013 at 2:03 pm
He thil thleng hi a tukah ka awmna Tashkent atangin ka lo hre ve a, ka nui var var. Hetiang a thleng zauh zauh hian kawng engemaw takin tangkaina pawh a nei ve bawk a nia.
Post-tu-in “Mob rule a lo thlena mimal leh sorkar bungrua tihchhiat a nih hian, Sorkar-in a compensate leh siamthat leh vek a ngai zel a” a tih khi a dik chiah em? Chutiang chu eng dan nge ni ang le?
Report this comment
February 19th, 2013 at 2:11 pm
September 27, 1994 zan kha chuan Montfort Sikul, Yercaud, Tamilnadu ah Biology homework ka neih avangin tlai dar 5 atangin dar 7 chu ka lehkhabu nen homework ka ti char chara, dar 7:30 ah dinner kan ei a, mess ah fried rice sem zan a lo ni bawka, John a beef pickle kan ei zawh saka, chuan dar 8:17 khan hostel a ka thiante Arjun leh Manoj te nen meizial kan zu ru a, dar 9:47 khan dormitory ah night prayer kan sawi ho va, dar 10:18 khan ka va daikal zuai a, dar 11:02 khan ka muhil ta a. Chuvangin khing zinga tel ve ah min lo ringhlel su aw!
Report this comment
February 19th, 2013 at 2:28 pm
#20…
Report this comment
February 19th, 2013 at 3:03 pm
He thil hi Kolasib atang pawhin kan lo hre ve a, an sawi hrâng fu lehnghal
Report this comment
February 19th, 2013 at 3:34 pm
HEMI zan hian khawnge ka awm aww..?
Report this comment
February 19th, 2013 at 3:42 pm
Kan kawmthlang tlangvalin vai sahriak rim na zet mai a rawn hawn a, min pe ve; a rim pawh ka la hria
Report this comment
February 19th, 2013 at 3:56 pm
Zarkawta Dosa dawr kha ka ui ber!!
Report this comment
February 19th, 2013 at 4:32 pm
ka la hrepha ve hemi hun lai hi. Mi in vai dawr ami tv, fridge etc etc an la an tia, pawn a kal chhuah ve kan chak ltk a. Mahse ka pa in, ‘hetiang hun a mi bungrua ru a mahni in chhek ar bawm ho chu an hlu rei ngai chuan lo’ a ti tlat a..kan kal ve ta lo. Alo va rei ta ve.
Report this comment
February 19th, 2013 at 4:38 pm
#25, kei pawh Dosa leh Singara dawr kha ka ui.
Mahse, khami zan kha awm lo se chuan Aizawl hi chu Shillong/Dimapur ang velin dawr lian zawng zawng Vai ta a nih tawh ka va ring em. Kan pawisa chu a luang chhuak nasa ta ve ang a..
Report this comment
February 19th, 2013 at 5:20 pm
In komen a ngaihthlak nawm hle mai. #14 chemtatrawta, Para tawpa source ka lakna ka tarlan khi khawngaihin min lo hmuhsak ve hram teh khai. Nangpawh Pathian malsawmna dawng zel turin duhsakna ka hlan a che.
He post siam nana phal taka source min petu Sabereka Khuangkaih neitupa Pu Joseph L Ralte chungah lawmthu ka’n sawi law law mai teh ang.Ka lawm e.
Report this comment
February 19th, 2013 at 5:39 pm
Kha buaina avanga Aizawlah Mizo dawrkai an tam phah a nih chuan, ram hmangaihna rilru atang chuan a lawmawm tho ang a.. Mahse, mob rule erawh ka la thlawp chuang lo.
Tun hnai lawka kan buai laih na chhan te, misual an man tawh hmel hmuh duh avanga buaina chhuak hat fo mai te hian rah tha a chhuah ang em aw? ka ti. Thiltha duh avanga thiltih a awm laiin, kan nawr dan erawh a inang lo thei viau awm e. Pawisawilo te’n an tawrh phah thin si a…
Report this comment
February 19th, 2013 at 6:45 pm
Mob rule chu a tha lo viau mai thei a, mahse mizoram a hetiang kan tawngve hian mizo “Kristian” te rilru diktak erawh chu a tilang chiang viau in a lang. Dikna kengkawh duh tu leh rinawm taka ringtu nih duhtu tam tak karah hian , remchang a awm chuan ruk pawh hreh vak lo, mi chhiatna a inchhek hausak hreh vak lo kan tam hle a ni tih a tilang chiang hle.
Hemi tum hian ka unaupa hian a rawn sawi a, bazaar bungkawn phei velah chuan frige te, tv te an pu luk luk mai a rawn ti a. Mahse, mitin ka hmu ve hran lo, “father” an chhuah a phal loh avangin!!
Report this comment
February 19th, 2013 at 6:59 pm
‘ bungraw dang, dal, tel tin buhfai leh dawr chhunga bungraw hlutna nei vak lo te chu kawngpuiah chuan an theh chhuak chuai chuai zel a. ‘
Het! mai mai a..dal leh buhfai vang hian feet 6 dawn ka thang tawh asin.
Kan thenawmpa paw’n Onida TV ngei mai a rawn put haw zan zan kha. Hemi tum leh Hlimen quarry chim tum khan nikhua hre thama tlangval tawh ka chak thin khawp mai.
Mob rule..:)
Report this comment
February 19th, 2013 at 6:59 pm
e…Kudos to Athana Chhangte!! He thu i rawn ziak chhuak hi a tha kawp mai. Ngaihtuahna a kal thui tir a, hun kaltawh a kan thil tih tha vak lo te hian hma lam hun atan duhthlanna fel leh tha zawk min siam tir fo thin…mizo te tan tih fo chi a nih leh nih lo te pawh min zawh tir a a tha ka ti khawp mai…
Report this comment
February 19th, 2013 at 7:01 pm
ka hre chiang phaklo e a.
eng eng emaw nepnawi khalai a an paih darh mai mai tur lo lak techu thilru nen a in ang chiah dawn mi te ka tia, motor a trip em em pheichu a zialo khawpmai
Report this comment
February 19th, 2013 at 7:20 pm
ABC ka thiam kum ani maw
ka rin aiin ala reilo, hmanlai tak tak turah ka lo ngaia, Truck handyman cum a neitupa fapa, hliam na tak tuar chunga Vairengte thlenga Truck khalh thleng thaktu khi ka va ngaisang ve le! Huaisen chawimawina pek tlak anih khi le, ruang nghah rei vanga mipui thinrim sosang inhrithla vak zingah chuan Tv. Lalsangzuala vuinaah mi engzat tak kal ang maw?
Mob rule a thalo, mob rule chanchin erawh a ngaihawm, zeplohah chuan
Report this comment
February 19th, 2013 at 7:24 pm
Vai han rikrap hi chu a tha viau a, mahse mob rule hi chu ka support lo, a lanchhuah dan a nalh lo thei emai. Bakah dawr atanga bungrua lo lak vel te kha…zahthlak. Mizo hmel a tichhia
Report this comment
February 19th, 2013 at 7:47 pm
Hetih hunlai hian, Mizoramah ka awm lo a, ka hre ve riai ruai a, hei hi Record tha tak, zahthlak tak si anih hi. Mihring mizia dik tak a lang chhuak duh ngawt ang le.
Report this comment
February 19th, 2013 at 8:46 pm
ti lunglen thlak e!! kar 2 hnuah calcutta kan zin a, Mizoram House Salk Lake bul dawr a TEL an zawrh chu Aizawl a hawn chhoh atan kan hmu tai rap.
Report this comment
February 19th, 2013 at 8:57 pm
ka nau nen kan kal ve a… kan hawi vak vak ringawt.. dawrpuiah sawn police in tear gas in min kap? hrep… hreawm tak a ni…
Report this comment
February 19th, 2013 at 10:12 pm
Ka hre ve leh pek lau!
Report this comment
February 19th, 2013 at 10:19 pm
A hun lai kha chuan tel ve kha a chakawm a, tun hnu-ah erawh telve lo kha a lawmawm zawk tih tur a ni. Han rik deuh hluai hi chu khawi hmunah pawh a awm ve chawk ania. Mob rul hi a thatloh dan hi a thatna laite pawh a awm ve hlek tho lo maw?
Report this comment
February 19th, 2013 at 10:45 pm
Board exam ka fail kum :-P.
Report this comment
February 19th, 2013 at 11:03 pm
Mmmob rule hi chuan tangkaina a nei tam lo khawp mai
Report this comment
February 20th, 2013 at 12:24 am
Hemi kum, kum tir lam hian Mizoram Gospel Centenary kan lawma kum tawp lamah chuan tiang hi kan ni leh chu ania. Kum 10 bak ka la ni hetih lai hian, Ka in hmanhnawih ve lo ania.
Report this comment
February 20th, 2013 at 12:30 am
A va lo rei tawh ve…..Zarkawt lam te an lo khawih tel a ni maw? Bawngkawn lam chauh emaw an khawih ka lo ti a, naupan lai thil hriat chu a lo chiang lo thei hle mai…
Report this comment
February 20th, 2013 at 8:36 am
^__ Zarkawt kan tlan pelh lai chuan patling puanthan pu a tlan zuai zuai te ka hmu, tin, zarkawt traffic point bula dawr pakhat rolling shutter an chu ri bur bur.
Hmanni lawk emaw tih laiin a lo rei ta hle mai.
tren tren
Report this comment
February 20th, 2013 at 11:19 am
Kha mi zan thilthleng kha chu a zialo khop mai, vai dawrkai erawh an tlem phah.
Report this comment
February 20th, 2013 at 4:23 pm
Ka cousin in TV a lo pu ve ringawta ka pa’n a va put let tir leh ..hahahaha
Report this comment
February 21st, 2013 at 11:41 am
Rei ve tawh hle mai a, venghlui bawlhhlawh paihna a kan kal hrat kum hihi, choka lane atang in thiante chuan mawmbati te tak te te an chhar ve, leiah an phuma a, a hnu ah a bo vek an ti, a haichhuaktu keimah (ek pah in) haha
Report this comment
February 21st, 2013 at 1:04 pm
Delhi-a ka MA zir lai a ni a, ka han haw chhoh chuan chanchin min lo hrilh nasa mai. Aizawl-a ka thlenna Ka nite awmpui tlangval khan petromax a lo khai haw ve a ni awm a, ka ni chuan a lo hau hrepa inchhunga lak luh pawh a lo phalsak lo va, a tiriral ta vel mai mai niawm tak a ni.
Japan rama Tsunami thlen laia Japanese ho rinawmzia leh entawntlakzia ka hre chhuak uai uai mai.
Report this comment
February 22nd, 2013 at 12:47 pm
# 49.. Japan rama Tsunami thlen laia Japanese ho rinawmzia leh entawntlakzia ka hre chhuak uai uai mai..
Ka’n sawilang hram te’ng..
Vai phakar kan tih thlak zen pawh hi a dik ber lo (kan sawi fo reng a). Ka thenawma dawrkai hian, engemaw remchanloh nikhuaa ka cheng khat (Re. 1) a bat te hi a theihnghilh ngai reng reng lo! Mizo dawrkai tam zawk leh bus conductor thenkhat erawh, pawisa nawi dil kher lova ngawihbopui duh an awm lawi si..
Chuvangin, khawi hmunah pawh hian, mi fel leh rinawm an awm ang bawkin, mi sual leh rinduap an awm a lo ni..
Report this comment